Little Prince

营业中

休息中

KCC一放 lunch就周圍都超多人，呢間 little prince喺地舖位置易搵，方便唔同大廈嘅打工仔搵食，lunch set $60起包飲品，堂食坐得舒服免加一 ，好過買外賣拎返去食攤凍晒我哋叫咗兩個意粉，份量多得來仲要全部都有汁炒過唔會一大Pat白意粉俾你，連餸嘅份量都好多，良心價好抵食魷魚明太子意粉 $72 係六月份期間限定新口味！明太子醬辣辣地，配上爽彈鮮甜嘅魷魚、蟹柳同飛魚子口感好豐富煙三文魚煙肉忌廉白汁意粉 $65 忌廉汁好濃厚，煙三文魚除咗面頭嘅花花，入面都炒咗好多三文魚碎，加上洋蔥蒜片好香口是日餐湯係雜菜湯，加$7就有得飲，滿足纖維同營養需要，熱辣辣不出嚟酸酸甜甜好開胃餐飲upgrade 熱咖啡$9凍咖啡$14 ，揀咗一杯Rose Latte一杯Caramel Latte，熱飲簡單心形拉花再灑上玫瑰花瓣已經好有儀式感，凍咖啡個奶泡都好香滑

本來happy Friday 諗住簡簡單單食個lunch 入到去呢 又話要齊人又盛 都算啦 生意難做但係收銀啊姐個態度好似欠咗佢咁 話‘’未齊人就拎飛啦 出去等 齊人先好入嚟啊 ‘’個語氣勁差勁冇禮貌 當你係狗咁 去澳牛都冇咁差問佢有冇奶茶又話冇奶 要咩冇咩個朋友一飲完杯嘢就收走咗佢 個意粉冇汁又難食 快啲執柒佢唔好害人 個啊姐咁想趕客直接門口趕人走啦 人都唔使serve 啊 唔明間嘢點解可以生存到宜家 想受氣食感受香港文化可以入去試下

依間開喺葵涌工廠區嘅小店，日日lunch time hour 都好多人，今次經開葵興做嘢，見到餐牌好吸引，就入去試試。餐廳好似cafe，家庭式經營，開係KCC 商場。專賣高質素嘅意粉，亦有早餐同下午茶餐（牛角包），可以比打工仔同附近居民嘆反個餐！1）香辣蒜片蜆肉意粉-一片片黃金色嘅蒜片，配上鮮甜嘅蜆肉，意粉煙煙靭靭，香香辣辣，非常惹味。2）魷魚明太子意粉-六月份限定，明太子迷最愛。一上枱，見到魷魚特別多，好有咬口，明太子咸鮮味十足，意粉用經過調制嘅忌廉汁，香濃順滑。味道同賣相都好讚！3）香芋鮮奶- 套餐加$9，飲品拉咗花，好靚，飲落去好順滑，芋頭同鮮奶嘅比例啱啱好，飲完好舒服！4）熱情果梳打- 套餐加$14，解暑一流，飲品食到一粒粒嘅熱情果，配上蜜糖同梳打水，甜而不膩，清爽寫意！

星期六難得老公收早，可以一齊 lunch，今次搵到呢間位於 Life@KCC 嘅 Little Prince 意粉小店覓食。餐廳地方唔算大，裝修以簡約木系為主。但意粉選擇極多，餐牌上有14款可供選擇，而且係即叫即整。煙三文魚、煙肉、忌廉白汁意粉    $65煙三文魚份量都幾多，意粉內有煙三文魚、煙肉，意粉面仲將煙三文魚砌成一朵花，擺盤靚望落都開胃啲。意粉彈牙，忌廉白汁做得出色，好creamy。黑松露雜菌忌廉汁意粉    $65黑松露好香，味道唔太濃，所以無遮蓋雜菌味道。雜菌炒得幾香，唔同菇有唔同口感。忌廉做到好掛汁，令每條意粉都掛到忌廉汁。焦糖鮮奶咖啡  +$14榛子鮮奶咖啡  +$14咖啡跟餐落單好抵，就咁嗌杯凍飲要 $35/杯，套餐只需 +$14。 咖啡同奶比例剛好，焦糖咖啡亦唔會太甜。

🍝香辣蒜片蜆肉意粉 $60因為今日唔想食咁滯所以決定食一啲冇乜忌廉嘅意粉呢一個意粉唔算辣但係有少少辣椒嘅香味佢嘅蒜油同香草夾埋其實好似港式蒜蓉包味最正係佢擺咗一陣都仲熱辣辣食到底仲會有好香嘅蒜油喺意粉度掛住碟底又唔會好油個喎但係好神奇本身冇乜expectation純粹想揀個冇咁滯嘅點知呢個都好一試難忘如果佢開呢一區一定會再返嚟食呢一個意粉.🇹🇭冬蔭功鳳尾蝦意粉 $66超級推薦！！！雖然而家越來越多Cafe都會有冬陰功意粉但我覺得呢一間嘅冬陰功味係我食過最出嘅蝦嘅數量又唔少 啲肉都實淨一啲都唔梅唔想食忌廉咁Heavy嘅人一定要試吓呢一個🍹熱情果梳打 +$14熱情果漿味唔假 甜度啱啱好如果一個唔太好甜 可以試溝埋Americano飲自製新飲品都好夾😏估唔到喺葵涌都會有一間質素高嘅Cafe本來以為佢同一般街坊Cafe一樣點知原來唔係啲意粉全部都好好食又大份 上餐速度超快喺葵涌人返工既一個好選擇🥰

琴日同朋友約咗喺呢間葵涌意粉專門店食lunch!而家出街食嘢都會選擇小朋友啱食嘅餐廳🙈入到去環境好似咖啡店咁好chill好舒服😍座位好闊落～裝修以日式木系風格，外牆有落地玻璃望住街景好chill呀！意粉性價比好高👍🏻又好食🤤推薦俾大家！美食⭐️⭐️⭐️⭐️⭐️🩵煙鴨胸茄汁意粉意粉的彈牙，麵條吸附醬汁，麥香與茄汁融合。鴨胸的軟嫩與脆皮，切片後的鴨胸鋪在麵上，入口時脆皮、嫩肉與滑順醬汁形成多重口感！整體濃郁開胃，星朗食晒成碗啊😍🩵煙三文魚煙肉忌廉白汁意粉忌廉白汁奶香絲滑，超重芝士味🤤以牛油、麵粉炒製的Roux為基底，煮成濃稠白汁，質地柔滑細膩～超Creamy！煙三文魚成朵玫瑰花咁超打卡啊！🩵凍檸檬茶🩵凍檸檬水

琴日同朋友約咗喺呢間葵涌意粉專門店食lunch!而家出街食嘢都會選擇小朋友啱食嘅餐廳🙈入到去環境好似咖啡店咁好chill好舒服😍座位好闊落～裝修以日式木系風格，外牆有落地玻璃望住街景好chill呀！意粉性價比好高👍🏻又好食🤤推薦俾大家！美食⭐️⭐️⭐️⭐️⭐️🩵煙鴨胸茄汁意粉意粉的彈牙，麵條吸附醬汁，麥香與茄汁融合。鴨胸的軟嫩與脆皮，切片後的鴨胸鋪在麵上，入口時脆皮、嫩肉與滑順醬汁形成多重口感！整體濃郁開胃，星朗食晒成碗啊😍🩵煙三文魚煙肉忌廉白汁意粉忌廉白汁奶香絲滑，超重芝士味🤤以牛油、麵粉炒製的Roux為基底，煮成濃稠白汁，質地柔滑細膩～超Creamy！煙三文魚成朵玫瑰花咁超打卡啊！🩵凍檸檬茶🩵凍檸檬水

➲ 葵涌 Little Prince【葵涌工廈區高質西餐｜創意意粉x親民價錢｜必試香辣蒜片蜆肉意粉】工廈廠區寶藏西餐廳，親民價錢，人均$70+歎高質意粉！正餐選擇多達十款意粉，用料絕不馬虎。木系空間，位置寬敞舒適，從學生時代食到宜家，水準一直保持到，高質西餐，百吃不膩，私藏食堂推薦！➳ 香辣蒜片蜆肉意粉𝚂𝚙𝚒𝚌𝚢 𝚂𝚙𝚊𝚐𝚑𝚎𝚝𝚝𝚒 𝚠𝚒𝚝𝚑 𝙲𝚕𝚊𝚖𝚜 𝚊𝚗𝚍 𝙶𝚊𝚛𝚕𝚒𝚌蒜香爆炒夠鑊氣，新鮮蜆肉鋪面，每粒飽滿無沙，意粉掛滿橄欖油同紅辣椒碎，微辣中帶蒜片焦香，麵條al dente彈牙，蒜辣控必點！➳ 冬蔭公鳳尾蝦意粉𝙿𝚛𝚊𝚠𝚗 𝚒𝚗 𝚃𝚘𝚖 𝚈𝚞𝚖 𝙶𝚘𝚘𝚗𝚐 𝚂𝚊𝚞𝚌𝚎 𝚠𝚒𝚝𝚑 𝚂𝚙𝚊𝚐𝚑𝚎𝚝𝚝𝚒泰西fusion神作，酸辣平衡度滿分，驚艷！冬蔭功醬濃稠，椰奶香柔和不搶戲，酸辣尾韻超開胃。虎蝦大隻彈牙，居然吃出蝦頭膏香！撒上炸金不換碎，層次秒昇華。➳ 綠茶鮮奶 𝙶𝚛𝚎𝚎𝚗 𝚃𝚎𝚊 𝙻𝚊𝚝𝚝𝚎甘甜黃金比例，茶韻濃而不澀，奶泡綿密如雲朵。➳ 荔枝玫瑰梳打 𝙻𝚢𝚌𝚑𝚎𝚎 𝚊𝚗𝚍 𝚁𝚘𝚜𝚎 𝚂𝚘𝚍𝚊仙女系特飲，夢幻粉紅泡泡，玫瑰糖漿+原粒荔枝肉。氣泡感清爽，花香輕盈不人工，夏日解膩首選。⤵

我是一個較少寫食評的人，但是呢間餐廳啲侍應的態度真係好差，入到去裏面後，叫我哋調來調去坐，毫無禮貌，西口西面。最後我哋都冇食到離開咗，好似唔優做咁。以後唔再幫襯。

《親民意粉Cafe 🍝 》———————————————-#LittlePrince 👑 -早排去咗呢葵興學瑜伽，經過kcc發現裡面嘅cafe 絕對係打工仔恩物😝 menu 超級多意粉揀，水準好高得嚟重點係一啲都唔貴，性價比十足💰 -🍝 墨魚仔明太子意粉呢個係限定嘅月份意粉，墨魚仔爽口彈牙🦑明太子忌廉汁濃厚，奶油味重，意粉嘅份量亦都唔少，口感不錯又飽肚😌-🍝 檳城叻沙蝦意粉叻沙同意粉呢個組合意外地夾，而且仲有好多配料，包括蝦、蟹柳、蜆肉，平靚正高質之選！鳳尾蝦新鮮爽口，冬陰功味突出😘-熱焦糖鮮奶咖啡香濃幼滑，奶同咖嘅比比例很好balance，拉花亦好靚☕️ 另一杯荔枝玫瑰梳打亦好清爽，相當唔錯👍🏻-⭐ 參考價錢︰墨魚仔明太子意粉：$72.0檳城叻沙蝦意粉：$66熱焦糖鮮奶咖啡：$9荔枝玫瑰梳打：$14🍌 抵deal 指數：7/10

葵興返工人士嘅飯堂～小王子餐廳有好多創新口味嘅意粉揀 ～仲好抵食添檳城叻沙蝦意粉 $66冬蔭公鳳尾蝦意粉 $66點左兩個有東南亞風味意粉，同樣都好出色，大隻蝦每碟都有4-5隻，叻沙個醬十分香濃唔會太鹹，個意粉醬汁濃稠好掛汁，基本上每一條意粉都會食到醬汁嘅味道。中意冬蔭公味嘅都推薦叫呢個冬蔭公鳳尾蝦意粉芋頭鮮奶 Taro Latte口感綿密，有啖啖芋頭香焦糖鮮奶咖啡 Caramel Latte小店來講沖得幾好，焦糖味唔會太甜Little Prince地址: 葵涌葵昌路72-76號Life@KCC地下G05號

葵興親民意大利麵在KCC。Little Prince。健康好食，價錢適中。 韓式泡菜海鮮意粉（ $68 ）：有仿蟹柳，蜆，蝦，車厘茄，白洋蔥，泡菜同埋蒜蓉。新鮮滾熱辣，醬係用鑊兜熱嘅。也有辣椒碎。一啲油都食唔到。奶油感。麻辣牛肉忌廉汁意粉（ $68 ）：同伴嘅take：意粉aldente（煙韌）。牛肉厚度剛好；有牛肉味之餘容易咬。麻辣程度有麻感之餘唔算太辣，食唔開辣嘅人都適合。汁濃，奶油感濃。熱芋頭鮮奶（加$9 ）：芋頭味唔算多，唔甜。奶帶出甜味。熱朱古力鮮奶（加$9 ） ：典型的朱古力奶。總括：葵興打工人士食飯好去處。飯時間會比較繁忙。佢哋亦都有咖啡機可沖拿鐵。

講真呢頭得茶記，西餐選擇唔多，所以呢間餐廳意粉lunch time 長期都好多人，今次我特登等到2點先過黎就唔駛等位 。Lunch 有14種意粉選擇，我點左最普通嘅香辣蒜片蜆肉意粉，跟一杯餐飲 $60，無加一。賣相唔差，食落偏咸左少少，份量正常，未去到好好食，係無乜選擇情況下呢間算過得去 。下午茶3點先開始，但無意粉選擇。所以想食意粉就一定要叫lunch set，呢個價錢係呢到黎講都多選擇，而呢邊無乜西餐意粉食，所以係呢頭想食意粉就只有呢間

由入門口果下已經好似渴狗咁叫野食比錢又西口西面叫左兩個意粉我個黎先 自然食得快d食左一半 朋友果個先黎咁就慘啦 朋友一食完放低支叉即刻收走隻碟 野飲都未飲完又係到渴狗模式叫我朋友坐過d成張枱3組客人都係到比佢渴 叫人坐過d 又要人調位 隔離果兩位女士問佢係想佢點調位呀姐大大聲話 你鐘意點調咪點調囉 搞咁多小動作都係想趕人走 其實大家都好合作食完即走啦 如果真係未食完就係咁趕人走不如唔好做堂食淨係做外賣啦食緊果陣都已經勁煩 不停聽到佢當d客係狗 個個問佢野都粗聲粗氣 話我黑心都要咁講 祝福佢快d執粒☺️

Little Prince 📍葵涌葵昌路72-76號Life@KCC地下G05號舖打開Menu會見到有超級多意粉揀，成日都會有限定嘅月份意粉，鍾意食意粉嘅就一定要嚟試吓！⭐️檳城叻沙蝦意粉 $65本身幾鍾意食叻沙，但係睇出邊都冇見過配意粉呢一個組合，估唔到係意想不到地好好食🤣啲醬好香濃叻沙味又唔會太鹹，而且仲有好多配料，包括蝦、蟹柳、蜆肉，平靚正高質之選！😎⭐️ 煙燻三文魚、培根、奶油白汁意粉 $64將煙三文魚切到成朵花咁樣幾靚，個醬汁嘅濃稠程度啱啱好，令到個意粉都好好掛汁，每一啖都會食到醬汁嘅味道！✨加 $9升級 咖啡系列/鮮奶系列我哋加咗朱古力鮮奶同埋芋頭鮮奶。個拉花好靚仔，同埋最重要係奶味好濃，口感好綿密，冬天飲好舒服😂