Lilium

营业中

休息中

今日收半日，下午正好可以約朋友去港島行山😄出發前就在鰂魚涌呢間開咗冇幾耐的店內醫肚🤣呢度比較隱蔽，係在巷仔內的。店內裝修簡潔舒服,帶點文青風😄鹽酥雞豬骨湯麵～鹽酥雞炸粉唔厚，雞肉嫩，香脆大粒，好有口感😋紅燒牛肉牛丸麵～份量十足而且呢隻麵係我喜歡的那種😋紅燒牛肉超入味和鬆軟，牛丸彈牙有汁，湯底非常濃郁👍生煎包（三3隻）～同平時食開的有啲唔同，呢度的比較細粒和應該係炸的，外皮非常脆口，內𥚃多汁，好特別👍滷水大腸～大腸洗得好乾淨，滷到軟林入味😋😋

星期日放假去teatime。餐廳叫lilium，好近港鐵站，都幾方便。係裝潢比較似西餐廳同cafe嘅台灣菜。其中幾特別嘅位係有d近門口半露天嘅高枱，望落都幾舒服。野食叫左迷你生煎餅同貴妃雞卷配雙色地瓜條迷你生煎餅，有8件，兩三啖就食得哂一件，皮都算薄，而且餡咬開仲有肉汁，餡嘅調味唔太重，煎起外脆，保留到一定嘅溫度，食落唔會太油，係幾出色嘅生煎包。貴妃雞卷配雙色地瓜條，貴妃雞卷有五至六件，外面超薄脆，裏面雞肉好香嫰，食落仲充滿住油香，幾有驚喜，雙色地瓜條有黃肉蕃薯同紫肉蕃薯，兩隻都好好食好香蕃薯味，食落有淡香嘅甜味，炸得唔會軟，而且仲有d沙律菜，可一解油膩感。而飲品凍蝶豆花茶好清新，叫左少甜有飲到蝶豆花嘅清香，適合同d比較油膩嘅食物解膩，係唔錯嘅飲品選擇。係呢到食野望住出面都幾舒服，見到有食客帶住寵物坐半露天嘅高枱，亦有人帶埋書一路食一路睇，望落都特別舍意。

今日去左位於側漁涌嘅餐廳，雖然距離地鐵調好短，但位置就有少少難搵，要大街再轉入嘅小巷裏面先搵到。而餐廳位置都幾多多，坐得都舒服。望落整潔乾淨，餐具冇水漬，每張枱櫃桶都有，亦方便拎。下午茶2點開始，都算有幾多選擇。食物方面，我叫左而五香牛肉麵，滷水大腸，鹽酥雞。五香牛肉麵，麵底較薄同窄身，係扁身嘅麵，食落幾滑，不過要趁機食，唔係就會有d痴埋左。配菜有一大棵小棠菜，而主角牛肉有四大片，牛肉味都算香，食落就比較有咬口，整體味道都唔錯。滷水大腸，炆得夠腍，咬起上嚟唔覺韌，滷水炆完都唔算太重味，份量正常，整得都幾乾淨，幾好食。鹽酥雞，份量超大份，兩三個人share叫一份比較適合，鹽酥雞新鮮炸起，炸到香脆，調味上比較重五香粉，食落香口，配酸梅醬都好夾。飲品就叫左蝶豆花茶小冰少甜，幾大杯，清澈嘅紫色，飲落味道清甜～

難得公司附近有新開嘅餐廳，第一時間同同事衝去試食，今次係一間台灣嘅小店，店舖裝修都幾特別，感覺好似去咗台灣咁樣可能真係太耐冇去旅行，有少少特別就覺得好似去咗旅行咁紅燒牛肉牛丸麵有牛丸同埋牛肉，牛丸好彈牙，係粗麵既質地，口感較佳，朋友話湯底都有啲似台灣風味，唔錯台式滷肉飯其實我唔係太鍾意有啲腩肉嘅飯，因為腩肉往往伴隨儲肥膏，不過啲汁係幾好味嘅，最驚喜係有2塊蓮藕，脆脆地爽口又配啲酸酸地嘅味道，幾醒神開胃佢嘅飲品都係港式嘅奶茶，檸茶，咖啡唯一可惜嘅係冇台灣飲品，例如珍珠奶茶問咗職員佢話老闆遲啲會加返台灣飲品喎，又再期待下先

晨早起身去做運動，跑完步，成個人都鬆晒，吖醒老公一齊去食早餐。好耐無嚟過海光街呢頭，四圍逛下，喺海光苑地下搵到間新開嘅台式餐廳，原來呢度有早餐供應，而且價錢非常親民，三四十蚊就已經有交易，一於試下。餐廳位於小巷內，位置雖然有點隱蔽，但其實入面地方都幾闊落，座位亦算多，近門口位置更設有一排高腳凳，環境清幽雅靜，感覺舒服自在。我哋點左個西式早餐 ($45) 同 櫻花蝦台灣擔擔新竹米粉 ($36)，另外再加左份台式厚多士 ($30)，打算 Share 嚟食。個西式早餐材料很豐富，有香草雞扒、煙肉、茄汁豆、炒蛋、沙律菜同多士。雞扒煎得好香口，食落無雪味，而且肉汁都幾豐盈。雞蛋炒得很滑溜，中間仲夾住蛋汁，入口蛋香撲鼻，很討人歡心。好耐無食過台灣擔仔麵，今次配左新竹米粉，湯底嘅味道幾鮮甜，米粉幼細雪白，吃起嚟煙韌爽口，加上甘香肉燥同酥脆櫻花蝦，別具滋味。套餐配有腸蛋同牛油包，+$2 可轉多士或生煎包。兩個生煎包都很好吃，外形小巧的骰，底面都煎得乾脆金黃，但又不致焦燶，食落非常香口，而且肉餡鬆化無雪味，咬下仲有肉汁。台式厚多士配煎雙蛋，多士可以揀配紫薯醬、花生醬或果醬。多士烘得好香脆，面頭塗滿紫薯醬

We go to a Taiwan restaurant nearby for our early dinner for a lazy Sunday. We order Gui Fi Chicken Roll Noodles Soup, Taiwanese Fried Chicken and Braised Pork Bento, add the extra snacks, Romaine with Braised Pork, together with the Hot Milo. The food portion is large, the chicken roll is special, and we didn’t try it before. The fried chicken is super juicy. This is made per order, therefore the chicken is hot. The bread size is small but still contains meat soup inside. Overall, you can have

星期六返完工去咗鰂魚涌食下午茶。揀咗呢間座位寬敞，裝修得好雅緻嘅台灣餐廳。 餐廳側邊有一排座位向住路邊坐，有半室外嘅感覺。餐廳用心地將呢啲座位對住嘅位置裝飾到好綠化嘅感覺。 喺度食嘢感覺都幾chill。食物表現幾出色，有驚喜😎😎鹽酥雞滷肉飯58蚊（包咖啡）鹽酥雞炸得香脆，非常惹味。滷肉位置靚，每嚿都係一齊肥膏隔住一層肉，豉油味非常之惹味。下午茶分量一啲都唔細，加加埋埋好多嚿肉。飯底好食，唔會太乾。👍生煎包及滷肉米粉 （＋$15 凍嘅蘋果蘆薈蜜）性價比好高，一次過可以滿足到你又想食生煎包又想食米粉嘅願望。米粉曲新嘅，掛湯力強。質地幾好唔會太林亦都唔會太硬。💞生煎包包皮有咬口，同平時食開嘅有啲唔同。

中午放飯，行咗去鰂魚涌食。入咗去一條巷仔，見到幾有特色既台灣餐廳。成個門口油咗Tiffany Blue既顏色，好靚呀，見唔到任何招牌，有個bar枱，方便自己一個去食既朋友。入面環境幾靜，同埋都幾暗，啱晒想靜靜食飯嘅朋友。因為仲有幾分鐘先到兩點下午茶，服務員會比定餐牌你睇，等你諗定食乜，夠鐘佢哋就行過黎同你落單。叫咗個五香牛肉麵，跟餐有美祿。五香牛肉麵 $60份量適中，不過有好多塊牛肉牛肉有啲好多筋好韌，有啲就好淋整體而言，都係食個環境。

鹽酥雞滷肉飯鹽酥雞係台式菜中必定要試的野，呢度鹽酥雞肉嫩，炸粉唔厚，鹽酥雞滷肉圍住晒個飯，份量超足!滷肉係用半肥瘦豬腩肉。肥而不膩，D汁好香肉味。幾驚喜伴飯仲有椰菜沙律，同半隻糖心蛋，貴妃雞卷豬骨湯麵雞卷係其他台式菜餐廳比較少，雞卷表面有烤過所以好香。台式麵，正常發揮。小食加配：肉燥伴A菜:肉燥就真係肉碎，同個滷肉飯的滷肉係唔同。質素唔差!麻辣皮蛋:麻辣醬配埋皮蛋好開胃！生煎包:內餡多汁滷水雞翼: 雞翼好入味 飲品:益力多爆珠綠茶及蘋果蘆薈蜜

鹽酥雞滷肉飯鹽酥雞岩岩炸起，炸粉唔厚，雞肉嫩，鹽酥雞量多。滷肉唔係肉碎，係用半肥瘦豬腩肉。滷肉汁唔油膩少少黏口，好香肉味，配飯一流！伴飯仲有椰菜沙律，可以中和一下！仲有半隻糖心蛋，呢碟鹽酥雞滷肉飯值回票價！貴妃雞卷豬骨湯麵雞卷比較少見，外面有少少烤過，少少焦香。湯麵都正常發揮，相比下，鹽酥雞滷肉飯出色好多！小食加配：麻辣皮蛋比較結身既特製麻辣醬好特別，唔係非常刺激性既辣，配埋皮蛋食好開胃！生煎包偏向似炸，細細粒，但內餡唔少又多汁飲品益力多爆珠綠茶蘋果蘆薈蜜

Lunch dine in: we go there around 12 so we can be seated right away. Line up will start around 12:40. I love how they serve the rice with some pickled veggies to balance with the meats. 🍗🥒Tea take away: I got a 10% off from using an app to order the take away. It’s such a great deal for the quality of food they provided. 🍠 🍗 Will go back for sure 5/5Service 5/5

鋪頭唔算易搵，埋藏o係d 橫街窄巷。佢與太古坊商業區毗鄰，單叫Lilium 無中文名，sound like會係間decent o既西餐廳；而內裡格局尤其係陽台bar 檯座o既設計，直覺都係好西餐廳，不過佢其實係食台式食物的！下午茶餐最平$28 已經有6 個生煎包，唔使加一連o野飲，消費唔高。我地試o左客貴妃(雞) 卷配雙色地瓜條($38)，頗大o既一份，附上沙律菜，紫薯同蕃薯都甜甜的。主角貴妃雞卷超好食呀……呈長條狀有d 似台式腸，外層燒至薄脆而且富有少少層次感，裡面o既雞柳啖啖肉又juicy，簡直wonderful！食得台灣o野點都要試下佢o既台灣牛肉麵，紅燒牛肉牛丸麵($58) o既牛腩札實入味，牛肉彈牙而帶有脂肪粒，味道濃郁。湯底也係好重牛酥香，令到每一口麵線都有豐厚o既口感。以上o既餐都可以特價追加小食，加埋當然更覺完滿。分別叫o左滷水雞翼3 隻同滷水大腸(都係加$19)，雞翼大隻飽滿夠晒抵食，豬腸不嬲都係我私心之選，佢又特別多面積吸汁，索滿惹味滷水汁，愈食愈好食~餐飲朋友叫美祿，都比較少見，通常茶餐廳得阿華田，不過佢就話比較淡。我則加$15 升級o左做蘋果蘆薈蜜，正~ 少少酸

週末早晨過來公司附近吃早餐，跟平時大不一樣超級少人。找了好一會才發現這個隱市咖啡，早餐超級便宜，兩個人吃了不到90，東西大份又優質。 環境很寬敞舒適，一早進來放的是周傑倫的歌曲，好像坐着時光機，回到從前。聲音和氣味都是有記憶的。一不小心，就打開時空隧道，體驗也只有自己知道。 西式早餐 香草雞扒 醃肉 茄汁豆 沙律菜 多士超級大份，值回票價，又有菜菜，又有肉還有炒蛋，一整天的營養都補充完整。 五香肉丁 新竹米粉米粉還配了包，和煎蛋，也是超級大份。喜歡這樣的口味。Lilium鰂魚涌海光街13-15號海光苑地下3-4號舖

今朝返工前去嘆個靚早餐先呢間台灣鋪頭係新開的，咁岩開係公司附近，無理由唔黎試下架早餐有多款既選擇，麵類既都有配飽同埋炒蛋，似平時常餐咁樣我就試左個all day breakfastAll day breakfast價錢只係$45，比起出面既平左成一半但性價比都幾高有香草雞扒、煙肉、茄汁豆、炒滑蛋、多士同埋沙律菜，都有幾多款式，香草雞扒好大件，而且好綆，掩得都好入味煙似煎得金黃但唔會過燶，多士上面鋪滿牛油，好多脂肪哈哈炒蛋都好滑，仲會見到有蛋汁，幾高質既all day櫻花蝦台灣擔擔新竹米粉$36好有台灣既風味，櫻花蝦同肉燥配米粉係最無敵的，好香，湯底令到米粉都好入味，呢個餐有配多士配炒蛋兩個餐都有配飲品有美碌/豆漿等選擇

鰂魚涌新開左一間台式餐廳，因為係附近路過個陣比鋪頭既音樂同裝修吸引住🤩，所以就入左去食午餐😙。店內播放住抒情既台灣歌，餐廳係半開放式，好有特色😍，好似台灣啲餐廳風格咁，而坐bar台仲可以感受住新鮮既空氣☺️☺️餐廳有早餐、午餐同下午茶餐，價錢方面係鰂魚涌黎講都算係相當便宜😝而且份量十足，cp值都好高👍🏻👍🏻🥢紅燒牛肉牛丸麵 $78麵既份量都幾多，面都幾寬身好有咬口，牛肉爽口彈牙😌咬個陣仲噴啲汁出黎🥰湯底味道好香好濃郁😽😽跟餐配左凍奶茶+$3，奶茶夠凍，配埋牛肉麵真係好夾😊👍🏻🥢鹽酥雞飯 $68除左有鹽酥雞之外，仲有大量既滷肉🥰🥰，啲材料同飯真係有載滿成個碗，滷肉拎黎撈飯，味道真係好飽肚😙😙。鹽酥雞真係炸得好香脆，大大粒，好有口感😝😝跟餐配左凍豆漿，好味😃