Lilium

营业中

休息中

鰂魚涌都係商業區 所以假期基本上都冇咩餐廳會開 今日紅日去鰂魚涌見到呢一間餐廳好勤力咁樣開舖咁我就入去試下佢個早餐啦 入到去啲員工我親自咁同我哋打招呼個裝修都幾新潮 都坐得幾舒服喎 呢度用櫃桶式嘅餐具平時用呢種餐具最怕入面好多昆蟲好污濁點知呢一間呢餐廳係超級乾淨仲會有提供呢個膠匙羹同鐵匙羹 等我哋容易啲去揀餐具去食唔同嘅菜式沙爹牛肉新竹米粉煎雙蛋多士一間收埋咗喺角落嘅餐廳度竟然會有新竹米粉食 新竹米粉出名幼身或如果唔即叫即整嘅話一定會勁快林 而呢度淨係即叫即整好味 仲要唔使加錢 沙爹牛肉嘅份量非常之多呀西式早餐有煙肉雞扒蛋茄汁豆沙律菜多士 份量非常之大 隻蛋厚到又係即叫即醒又熱又好食 雞扒又香又脆身食完令人樂而忘返 試完呢間 如果我喺鰂魚涌返工 我應該會成日過嚟食真係幾好食㗎

Lilium 台灣店舖鰂魚涌海光街 13至15號海光苑地下3至4號舖 坐港鐵鰂魚涌站A出口步行約三分鐘 門面大方精緻，店舖氣氛非常之柔和，空間感足夠， 同朋友食下午茶選這店舖也很不錯😊 麻辣皮蛋： 黃金皮蛋配秘製麻辣醬油，芫茜放在面上，皮蛋加上麻辣醬非常之香甜，有小辣美味。 牛四寶麵: 爽滑湯麵配上牛腩/牛健/牛肚/牛丸等， 香濃牛肉清甜湯底。 以上4種都超級軟綿，咬入口好有質感😋 牛展入口咬爽，牛丸真係好有彈性同埋多汁，牛健質地非常之好軟唸，牛腩醃得好入味， 整體成碗湯麵非常配入得好👍 府城蝦卷配炸雙色地瓜條: 城府蝦卷有兩條餡料超足蝦肉，咬入口有蝦肉味😋 配上黃番薯 紫番薯炸得非常之有功夫，入口香甜👍 還有中間清爽沙律，食得非常之滿足👍 迷人生煎包三隻: 韭菜肉餡食落唔太油膩加上包內有汁感👍 咸檸漆沙冰和熱齋啡，完滿下午茶👏

每一次嚟到鰂魚涌內街嘅呢一間餐廳都覺得份外寧靜，位於內街嘅一間台式餐廳，主打台式料理，提供高性價比嘅豐富餐點，店內嘅環境非常舒適，冷氣亦都好足夠，配合柔和嘅音樂，以及木系青草色作為店內的主要色彩。今天我與朋友來品嚐他們的午市套餐，我們點了兩份不同的飯餐，每份餐點也跟一杯飲品，我們分別點了一杯凍檸檬茶及凍檸檬水。台灣香腸滷肉飯非常大盤的香腸滷肉飯，台灣香腸聞名於世，但係有一定的甜度和非常好咬口，爽脆的香腸配合滷肉飯多汁，上面散滿了香蔥，配合肥瘦均勻的滷肉，真的可以吃完一整碗飯。鯛魚鹽酥雞飯有兩塊軟滑的鯛魚，感覺有一點日式魚塊的味道，配合傳統的鹽酥雞，鹹香椒鹽的味道，真的有去了台灣的感覺。

到鰂魚涌探朋友，朋友帶路，去一間於鰂魚涌海光街附近的台式餐廳＜Lilium＞。餐廳📍 鰂魚涌海光街13-15號海光苑地下3-4號舖，由港鐵鰂魚涌站A出口，過對面太古坊向海光街方向，大約1-2分鍾就到。餐廳以賣台灣牛肉麵、台式 滷肉飯、 鹽酥雞及台式小食等。🥢麻辣皮蛋芫茜香味加上麻辣醬汁， 掩蓋皮蛋的獨特味道，令這款小食更惹味。🥢生煎包以韭菜豬肉作餡料，外皮煎至香脆，中間餡料仍然多汁。🥢牛四寶麵（牛腩、牛腱、牛肚及牛丸）牛腩屬半筋半肉，筋部軟腍膠原豐富，肉部份結實大，有嚼口，蛋白的牛筋，牛腱入口軟腍，湯底濃郁。🥢府城蝦卷配雙色地瓜蝦卷軟腍有彈性，地瓜入口甜甜，炸至金黃脆口，再加上清爽沙律菜，非常好食的下午茶餐。🥤咸柑桔七喜咸柑桔的咸咸酸酸，中和左汽水的甜，非常好的配搭。

講真呢間餐廳嘅食物質素真係冇乜問題, 我每次都會叫滷肉飯, 熱咖啡, 所以可以肯定佢嘅食物質素係保持到的.因為時間就唔啱, 應該最少有幾個月冇幫襯喇, 今日終於有時間, 特登由灣仔落到嚟鰂魚涌, 講真呢一區都有其他餐廳不過我就都掛住佢個滷肉飯, 所以完全唔考慮食其他餐廳, 點知真係畀佢個服務激氣到我好有機會以後唔會再幫襯！！！我到餐廳嘅時候大約兩點半, 餐廳大概八成滿座, 但係仲有吉枱的. 仲有一張大枱, 好似係坐到六至八個人, 放滿曬“留座”嘅牌響枱面.我入到去我話一位, 收銀機有個阿姐指我去一張, 已經坐咗三個人嘅枱同人搭枱. 由於我都幫襯咗好多次所以熟悉佢啲座位係點, 我望到一張四人吉枱, 我就冇出聲自己行去坐, QR code落單, 本來都相安無事...滷肉飯嚟咗, 咖啡嚟咗, 咁我就開始進食啦.過咗五分鐘, 我仍然專心食緊我嘅late lunch, 突然聽到拍枱聲, 嗰下真係嚇咗我一跳！原來有個婆婆侍應想叫個客過嚟坐我呢張枱, 搭枱. 畀佢嚇完之後真係堅係有少少嬲嬲哋！！ 果位男士都見到餐廳最後有張二人枱, 佢就坐咗過去.之後我真係越諗越嬲, 拍枱呢個動作勁騎呢！！講真仲要拍

weekend同老公行咗去鰂魚涌食行過見到間鋪面裝修得好靚又坐得好舒服 冇乜人 ❤️😍仲要啱啱好2:00有下午茶添👍試咗佢個紅燒牛肉牛丸麵 同埋紫薯西多士紫薯西多士真係冇乜驚喜 。普普通通西多 。不過不失紅燒牛肉牛丸麵就唔同啦 。牛肉超級腍😍😍輕輕帶點胡椒味 牛丸好好好味 彈牙得來又Juicy 。仲有啲油脂 好味美中不足嘅係冇得加錢轉台式飲品 。剩係得普通奶茶咖啡美綠Weekend都有下午茶2:00開始👍👍

Lilium 位於距離鰂魚涌地鐵站只係5分鐘路程嘅海光苑地下，店內裝潢簡潔中帶點小清新，仲有一排整高枱打卡一流📸📸Lilium 主打台式菜，早餐、午餐、下午餐都有唔少選擇，而且價錢十分相宜，下午茶餐都只係由$30 起，仲包餐飲，真心超級抵食😆😆紅燒牛肉牛丸米粉麵底可選新竹米粉、冬粉、台灣麵🤗🤗我就揀咗新竹米粉，幼身嘅米粉掛湯力都唔錯。湯底淨係睇顏色已經知道相當足料正宗，飲完亦唔會覺得涸喉。紅燒牛肉超級腍，輕輕用筷子一夾已經可以分成細細舊，另外唔好睇牛丸賣相普通，佢咬落去完全係爆汁，超級Juicy🤤🤤飲品就加咗$10升級蘋果西打，原來係一樽樽而唔係調製出嚟。整體而言真係好似去咗台灣咁🤭🤭

週末，去到位於鰂魚涌的瑜伽館上課，上課之前當然要醫肚，去Lilium用膳。餐廳使用手機二維碼落單，可以透過手機選擇不同配搭，也可以按個人口味調節配菜，非常方便。店員也很熱心，當日所見，也很樂意為食客親自落單。點了一碗紅燒牛肉牛丸麵，麵底改為新竹米粉，因為喜歡清爽的口感，而且當日早餐吃得比較飽，新竹米粉較為適合。牛肉和牛丸的份量頗多，牛肉口感細嫩，牛丸彈牙可口，兩者均香氣四溢，非常滋味。配合甜度恰到好處的凍咖啡，是美味的一餐的終結。

Placed an order around 12:30 and the estimated pickup time is 12:51. I arrived at restaurant at 1:00 and I saw my order receipt posted on the wall. However, there were more than 10 orders posted later than my order but they were all served before mine. I asked restaurant but they just said my order should wait for those later orders for no reason. For those who have limited lunch break time, think carefully before placing an order at this restaurant.

其實一入店鋪，就覺得裝潢幾好，也有一種台灣漫活的感覺，服務也不錯，侍應姐姐有禮，食物方面也尚可，是有點台式與港式的結合，整體而言，這價格的食物質素是可以的。但最大問題係太嘈，本來店內的輕音樂很配合環境，但廚房卻傳來頗大聲的播歌聲，兩種混合一起就更嘈，這樣的環境，再好的食物也很受影響..

喺鰂魚涌返工一段時間，梗係識得捐窿捐罅搵好嘢食，今次分享俾大家我啲同事食過個個都讚好，隱身喺海光街後巷一間薄荷綠色店面嘅台灣嘢💚𝑊𝑎𝑛𝑑𝑒𝑟 𝑡ℎ𝑟𝑜𝑢𝑔ℎ 𝑎𝑛 𝑎𝑙𝑙𝑒𝑦 𝑖𝑛 𝑄𝑢𝑎𝑟𝑟𝑦 𝐵𝑎𝑦 𝑎𝑛𝑑 𝑡𝑢𝑐𝑘 𝑖𝑛𝑡𝑜 𝑝𝑙𝑎𝑡𝑒𝑠 𝑜𝑓 ℎ𝑒𝑎𝑟𝑡𝑦 𝑇𝑎𝑖𝑤𝑎𝑛𝑒𝑠𝑒 𝑓𝑎𝑟𝑒. 𝑇ℎ𝑒 𝑏𝑒𝑒𝑓 𝑛𝑜𝑜𝑑𝑙𝑒 𝑠𝑜𝑢𝑝, 𝑏𝑟𝑎𝑖𝑠𝑒𝑑 𝑝𝑜𝑟𝑘 𝑟𝑖𝑐𝑒 𝑎𝑛𝑑 𝑠𝑎𝑙𝑡𝑦 𝘤𝘳𝘪𝘴𝘱 𝑐ℎ𝑖𝑐𝑘𝑒𝑛 𝑎𝑟𝑒 𝑡ℎ𝑒 𝑠𝑡𝑎𝑟𝑠 𝑜𝑓 𝑡ℎ𝑒 𝑠ℎ𝑜𝑤 ℎ𝑒𝑟𝑒. 牛四寶麵(牛腩/牛𦟌/牛丸/牛肚) 🐄ʙᴇᴇғ ɴᴏᴏᴅʟᴇs sᴏᴜᴘ (ʙᴇᴇғ ʙʀɪsᴋᴇᴛ/sʜᴀɴᴋ/ʙᴀʟʟs/ᴛʀɪᴘᴇ) $92 (🌟9/10)𝘠𝘰𝘶 𝘤𝘢𝘯 𝘴𝘢𝘮𝘱𝘭𝘦 𝘵𝘩𝘦 𝘣𝘦𝘦𝘧 𝘯𝘰𝘰𝘥𝘭𝘦 𝘴𝘰𝘶𝘱 𝘪𝘯 𝘧𝘰𝘶𝘳: 𝘣𝘳𝘪𝘴𝘬𝘦𝘵, 𝘴𝘩𝘢𝘯𝘬, 𝘵𝘳𝘪𝘱𝘦, 𝘢𝘯𝘥 𝘣𝘢𝘭𝘭𝘴. 𝘛𝘩𝘦𝘺 𝘢𝘳𝘦 𝘱𝘢𝘤𝘬𝘦𝘥 𝘸𝘪𝘵𝘩 𝘧𝘭𝘢𝘷𝘰𝘶𝘳𝘴 𝘰𝘧 “𝘓𝘰 𝘴𝘩𝘶𝘪”. 睇啲料色澤咁深都知道夠晒入味，湯底係滷水加少少香料味，牛腩超級軟稔，牛𦟌有咬口得黎唔係難咀嚼，手打牛丸

呢間台式餐廳位於鰂魚涌位置唔太顯眼假日人流唔算多環境比較清幽好啱同朋友嚟食飯傾偈呀！-🍜貴妃雞卷豬骨湯麵（$70，美祿+$2）麵底揀咗台灣麵麵質滑溜有咬口主角貴妃雞卷外層煎得香口彈牙有口感跟餐免費有指定餐飲或者可升級其他飲品喔！🥣鹽酥雞擔擔飯（$75，包飲品）肉碎同飯份量都幾多唔會飯多過肉碎撈勻嚟食好滋味呀👍🏻鹽酥雞香脆有肉汁啖啖肉，好滿足呢😋跟餐包埋茶飲揀咗港式奶茶不過不失呀👌🏻🍠炸花枝丸配炸雙色地瓜條（$38，包飲品）下午茶餐2:30開始幾抵食呀！一次過食到兩款台灣人氣小食❤️‍🔥花枝丸大粒金黃賣相唔錯🤩咬落仲好彈口添呀！雙色地瓜條新鮮熱辣炸起脆口唔油膩💯

小店主打台式粉麵類，以滷肉同紅燒牛肉為主，配搭台式麵或者新竹米粉🍜，仲可以用優惠價加購多款台式小食，款式配搭幾多下！餐廳喺內巷位置，比較隱蔽，裏面嘅裝修係行小清新風格，環境好似Cafe咁，幾闊落坐得舒服！有提供早、午、下午茶餐，價錢好抵食，喺呢頭返工嘅外賣拎走都唔錯！-----------------------------🐂◖牛四寶麵◗ $92有牛腩、牛腱、牛肚同牛丸，都幾足料，湯底真係自家熬製，濃濃嘅牛肉香味！佢啲牛配料肉質都比較實，會偏硬少少，滷得好入味，個人最鍾意佢個牛肚，硬硬地夠晒爽脆，正！麻辣皮蛋 （+$19）：用上黃金皮蛋，再淋上秘製辣油，應該仲加入咗少少肉燥，食落更添風味，但就略嫌皮蛋唔夠糖心～生煎包 （+$19）：有三粒三煎包，啱晒過一過口癮！包住韭菜肉餡，外皮夠脆口，食落唔會太油膩，整體都算OK🥞◖紫薯醬西多士◗ $30呢個係下午茶先有，西多士裏面搽咗厚厚一層紫薯醬，好慳紫薯味又唔會太甜！西多士充滿蛋香，邊位仲有少少脆口，加上少少煉奶，好邪惡但好好食！滷水雞翼 （+$19）：有三大隻，雞肉肉質緊實，滷得幾入味！肉燥A菜 （+$19）：油麥菜在淋上肉燥，清清淡淡，🍧◖

大家都知香港地寸金尺土，但係第一次嘢未食完就俾人趕。呢間嘢未入去之前就喺門口好鬼客氣咁話入嚟試吓啦點知我哋12:10坐低，12:15畢咗兜飯出嚟，到咗12:30呀姐就已經開始喺後面徘徊。太太碗飯未食完就一嘢收咗，見到我杯嘢一飲完未放低就即收。老婆杯嘢未飲完，佢就企喺隔離話「我幫你收埋佢吖」，話佢聽未飲完，佢就繼續企喺隔離望住你等你飲。係，雖然係淨返兩啖，但係唔使咁高壓呀嘛。到咗呢個時候間嘢都仲係大把位，太太杯嘢一收佢竟然就埋嚟講，「唔該有人想坐你個位」跟住就望q住你。呢個時候只不過係12:35，即係入咗嚟半個鐘就俾人兜走，一句唔好意思都冇。只能夠講，未入嚟當你係寶，食完就當你係草。食隔離茶餐廳好過，起碼唔會坐廿分鐘就俾人趕。

得到好友兩肋插刀，所以今日請她食下午茶。店子環境整齊企理，單人座前有一行大窗，望住出面嘅綠葉，好舒服。我跟朋友坐在長梳化座，都好舒適。有早餐、全日午餐、下午茶、小食和飲品選擇，價格經濟實惠。點咗全日午餐嘅鯛魚滷肉轉新竹米粉（$78），幾有份量！新竹米粉好爽滑，伴半肥瘦嘅滷肉食，味道鹹香。鯛魚都幾入味，啖啖肉，不錯！另有兩條清爽嘅棠生菜和半隻靚仔嘅溏心蛋，足料！套餐可追加小食，肉燥伴A菜（+$19）係翠綠嘅油麥菜配鹹香少辣嘅肉燥，好夾！肉燥好好味，夠入味！朋友好想食邪惡嘅西多士，要咗份紫薯醬西多士（$30）。全件金金黃黃，加埋糖醬和牛油，好香。多士有蛋香，外微脆內軟熟，一切開就見到滿滿紫薯醬，香甜幼滑，得！再點份小食，兩條貴妃雞卷($48) 以香酥嘅薄皮捲住嫩滑雞肉，啖啖肉，滋味！所有特飲都售罄，嗚….只好要杯濃郁嘅檸檬茶（$0/跟餐），解下膩！朋友就要杯冬瓜茶（$0/跟餐），微甜順喉。