Lilium

這家 「Lilium Restaurant」 主打道地台灣風味料理，整體餐廳氛圍舒適放鬆，很適合朋友聚餐或小酌小聚…….滷味溏心蛋，外層帶著滷汁的香氣，咬下去蛋黃半凝固，滑順細膩，鹹香剛剛好。再來是招牌牛肉牛丸台灣麵，湯底清澈卻味道醇厚，牛肉塊筋肉分明，燉得軟嫩又不失嚼勁，入口時牛味十分濃郁。小食滷水豬耳 切成薄片，帶有Q彈口感，麻辣皮蛋也不錯！最後不得不提的是 酥炸鹽酥雞，外皮炸得酥脆卻不油膩，雞肉鮮嫩多汁！…Read More

公司附近嘅早餐裝修簡潔 乾淨食物質素好今日喺英式早餐同茶餐廳式早餐之間選擇咗雞扒出前一丁 + 煎雙蛋我係每個朝早都要食蛋嘅人嚟所以呢度嘅早餐符合晒我嘅需要價錢公道難怪嚟咗幾次都坐滿人…Read More

前排係鰂魚涌做完運動 梗係要搵下啲美食啦咁岩搵到間特色餐廳係係橫行入面今次要介紹既係 - LiliumLilium 係位於鰂魚涌海光街13-15號海光苑地下3-4號舖餐廳主打食台灣菜為主食物個方面 今次分別點左:-貴妃雞卷魯肉飯-紅燒牛肉牛丸麵個人大愛貴妃雞卷魯肉飯佢個雞卷無得輸佢係炸到個皮好香脆而且仲可以揀要多飯定少飯 勁user friendly@lilium_quarrybay Location: Quarry BayPrice : $100-$200/p.pEnvironment (10 is chill): 6/10Yummy (10 is delicious): 7/10…Read More

一杯吾凍嘅凍飲，一碗油得嚟普通到吾普通嘅滷肉飯，價錢算ok,服務奇差，星期六下午去餐廳冇乜人，侍應見我有朋友坐低後行出餐廳即刻凝重咁話坐低吾點餐收10.00，痴線程度爆燈，食物普通都冇乜野，服務真係差！…Read More

返工前食個早餐 精神爽呢度嘅款式都幾多係經典嘅港式選擇叫左個西式早餐香草雞扒/多士/ 茄汁豆 /蛋/沙律菜/煙肉個雞扒幾大塊，雞皮夠脆 啲肉就多汁炒蛋幾大份 有少少牛奶味 唔會話太漏個多士脆 同埋啲雞蛋食就啱最重要係啲沙律菜勁多 大概好似有兩層高而且係新鮮嘅有埋啲芝麻醬汁，所以就幾開胃幾醒神另外仲有茄汁豆同埋煎得少少燶少少脆嘅煙肉跟住我嗌咗杯凍鴛鴦咖啡味同奶味啱啱好其實呢度仲有其他港式嘅早餐，例如粉麵晏晝就係買台式嘅嘢食…Read More

QR code叫嘢食一開頭跳出嚟係六人餐四人餐二人餐。————————————————————————二人餐=兩個飯兩個小食兩杯熱檸茶=HKD 263貴過散嗌差唔多成倍。———————————————————————-收銀處唔會同意重新入單。態度很惡劣。———————————————————————-希望大家留意。不要煩同一個錯誤。唔推薦。——————————————————————————————…Read More

星期六去聽講座之前，同老公係屋企附近食個早餐先。香煎農場雞扒新竹米粉配煎熟蛋同火腿，+$4轉奶醬多雞扒都幾大塊，煎得幾香口，肉質嫩滑，新竹米粉軟硬適中。熟蛋同火腿正常發揮，早餐可以食到奶醬多好開心。五香肉丁出前一丁配雙太陽蛋，+$2轉迷你生煎包呢間用既係出前一丁，而唔係公仔麵或福麵，開心好多，五香肉丁唔硬，個麵仲落左麻油，香好多。太陽蛋煎得幾靚，可以加錢轉生煎包，包住豬肉同蔥。飲品叫左熱美祿同熱奶茶。…Read More

去到鰂魚湧太古坊附近, 想搵間 坐得舒服 食嘢好味的台灣嘢 推介呢到。如果 你想 望下風景 可以坐窗台位，坐高椅。我就首先叫做一客， 鹽酥雞 台灣 米粉， 點解叫米粉呢因為食米粉會比較健康。呢度啲正宗台灣 入口爽口 米粉的質感好咬口。 鹽酥雞炸得恰當好處 炸皮唔會太厚。仲有半隻流心蛋， 惹味醒 胃。之後我就叫咗一客 細的小食拼盤 細的小食拼盤份量已經好多 有兩邊 流心蛋 也有 鹵水大腸， 以及兩隻鹵水雞 鹵水雞 的鹵水汁好高水準。還有少少沙律菜清新可口。…Read More

鰂魚涌海光街巷內有好多較簡陋小店，部分剩係做外賣，但原來行前幾步別有洞天，有呢間容納到大約50人嘅台灣餐廳，裝修都好別緻，店舖外圍嘅窗戶打開就可以搖身一變成為bar 枱位，天氣好嘅時候坐係半戶外都幾舒適。午市我地叫左鯛魚鹽酥雞飯餐同埋紅燒牛肉牛丸麵。鯛魚鹽酥雞飯餐好開心有魚肉嘅選擇，吸收優質蛋白質又可以配搭鹽酥雞，過過口癮。飯餐仲配有糖心蛋同埋少量配菜，整體都好滿意👍🏻👍🏻。紅燒牛肉牛丸麵麵底可以簡台灣麵或者冬粉，我地簡左台灣麵，但有點同預期唔同，似金邊粉咁。但牛丸彈牙多汁，牛肉都好軟腍，仲有棵小唐菜，整體都算滿意👍🏻。…Read More

Lilium係太古坊附近嘅巷仔裏面，好多附近返工嘅一team一team人係入面食，睇嚟有質量保證。叫咗個下午茶紅燒牛肉牛丸麵做當做late lunch，份量都好大，有三大舊牛肉同兩粒牛丸，仲有小棠菜，我就揀咗走莞茜。牛丸彈牙多汁，牛肉非常軟腍，帶有膠質，口感豐富，而且煮得好入味，牛肉同湯底都係濃而不咸，食完唔會好口渴! 加上面頭炸蒜同蝦米調味，非常惹味。麵底可以揀台灣麵、冬粉等等， 台灣麵麵質滑腍，同我係台灣食到嘅一樣~ 下午茶仲包一杯飲品，凍檸茶入面有巨量檸檬，茶底仲可以係手機落單嘅時候揀濃啲/ 淡啲，非常抵讚呀。雖然餐廳係巷仔入面，但係室內環境都幾雅致，有啲台灣文青feel，窗邊仲有一排好似pici咁嘅窗口位置。價錢合理又好味，之後都會想再嚟試埋鹽酥雞滷肉飯。…Read More

最初被這位於鰂魚涌餐廳嘅淡綠色門面吸引。每次到太古坊工作都很喜歡嚟這商業鬧市中的悠閑寫意綠洲食飯。今次同同事嚟食個豐富嘅late lunch…鯛魚鹽酥雞飯鯛魚配照燒醬汁肥美嫩滑、鹽酥雞酥脆香口.有雙重享受！紅燒牛肉牛丸新竹米粉湯底香濃，紅燒牛肉又腍又入味，配新竹米粉特別爽口。迷你生煎包這個小小生煎包煎得脆身，咬落充滿肉汁⋯.係我每次嚟都會點嘅小食！炸地瓜條雙色地瓜條外觀顏色靚。微甜香脆炸得剛剛好唔油膩肉燥A菜清嫩爽脆嘅油麥菜配搭鹹香肉燥，清清地美味又健康。…Read More

經過鰂魚湧想食台灣嘢 上網搵到呢間餐廳 就想嚟試下 ， 點知搵下搵下原來要穿過巷仔 先見到呢間裝修得咁靚嘅餐廳 🐿️🐿️🐿️👉🏻 紅燒牛肉牛丸麵•冬粉麵條爽口，湯底鮮甜， 紅燒牛肉都好大件同埋煮得好淋 🐿️ 揀咗標準大細面底都唔少 細食嘅朋友可以喺點餐嘅時候叫扣底 ：）👉🏻 生煎包：生煎包外脆內軟， 係韭菜餡料 ， 餡料都好多 同埋多汁🐿️🐿️🐿️👉🏻 凍檸樂👉🏻 鹽酥雞擔擔飯, 轉新竹米粉：擔擔風味嘅鹽酥雞搭配新竹米粉， 鹽酥雞調味都唔會好鹹 ，非常香脆，雞肉都好嫩滑， 唔係好辣，配上香濃奶茶，絕對是一個讓人回味的組合。👉🏻 麻辣皮蛋：麻辣皮蛋 麻而不太辣，非常之香氣撲鼻， 以小食嚟講份量都唔少，好抵食🐿️🐿️🐿️👉🏻 滷水雞翼3隻：滷水雞翼滑嫩多汁，滷汁入味，正🐿️🐿️🐿️LILIUM整體環境好舒適， 綠色嘅主題 同埋植物擺設 都令客人覺得都好舒服， 適合與朋友聚餐， 而且食物都味道都好好 性價比好高🐿️🐿️🐿️🐿️…Read More

今日突然好想吃牛肉面，閨蜜說她有好介紹。跟著她來到鰂魚涌海光街商場，轉到最後的位置有間餐廳，個名好特別，LILIUM，不知是甚麼意思，只知道牛肉面好好食。😋餐廳簡潔寬闊，中午人很多，生意很好，我們肚子餓了，每人點一個套餐，認真試一下正宗台灣牛肉面。牛四寶面＄92（牛腩，牛腱，牛肚，牛丸）轉冬粉配熱奶茶五香牛肉面＄80 配熱檸檬水兩碗面用青花大碗盛滿，好大一碗，配料滿滿，面香粉滑，原來冬粉即是粗粉絲，特別韌性爽滑，粗面很香，牛腩牛腱煮得很軟，入口即化，牛丸很香，爽口彈牙，面湯裡有炸蒜香菜，味道倍感吸引，大大一碗粉面，我們十分鐘就解決了，食得滿足又過癮，奶茶香濃，檸檬水清新，中午有這樣麵食，真是能量滿滿，💪💪下午繼續行街shopping 。😘😘…Read More

星期日約左朋友係太古城睇戲, 下午係鰂魚涌一間餐廳食飯。餐廳主打台灣菜, 係海光商場一條小巷內, 入面位置幾寛落, 半開放式設計, 有一排bar檯可以望坐戶外環境, 用餐時聽住台灣音樂, 環境都幾舒適。我哋叫左牛四寶麵, 入面有牛腩, 牛, 牛丸, 牛肚。湯底鮮甜香濃, 牛腩炆得好夠火侯, 腍身入味, 牛𦟌爽口有嚼勁, 牛肚爽口, 滷得幾入味。麵條有幾款選擇, 我哋揀左台灣面條, Q彈軟滑。另外揀左牛筋牛丸麵, 牛筋炆得軟淋入味, 牛丸彈牙多汁有牛肉鮮味。…Read More

今次食咗間位於鰂魚涌嘅台式料理小店。呢個小店嘅位置相對比較偏僻，嗰日去店裏面唔算好多人，去到啱啱好有下午茶，一望覺得幾抵就入咗去試吓。裏面嘅裝修都有少少文青Cafe feel，幾舒服。同朋友每人嗌咗一個set，嗌咗滷肉飯同花枝丸配地瓜薯條。雖然係下午茶，但份量其實一啲都唔細。味道方面唔差，滷肉飯更加係用珍珠米，幾有誠意。地瓜條同花枝丸食落熱辣辣，應該係即叫即炸。另外有個沙律仔，幾加分。見幾平所以都嗌咗兩份小食，生煎包同台灣腸。台灣腸就普普通通，同食開嘅台灣腸差唔多，不過都算幾大條；生煎包真係幾特別，扁扁地有少少似煎餅咁，但食落都會爆汁。而下午茶set係跟嘢飲嘅，我哋就嗌咗杯冬瓜茶同埋凍咖啡。冬瓜茶唔會太甜，唔錯；凍咖啡都可以飲到咖啡豆嘅酸味，幾好。總括嚟講，個下午茶真係幾抵食，而且靜靜地慢慢食冇人趕，如果喺鰂魚涌想靜靜地食個tea，依度都算係個唔錯嘅選擇。…Read More