Life Toast (海之戀) (已結業)

諗住新開，試下啦，畢竟賣相幾好。落單既時候原本叫左幾個包先發現原來有套餐叫，跟住個cashier 阿姐話要一個一個套餐叫(重覆左一次)，又惡勁無耐性，問多幾句好似要佢命咁款，跟住拎左張一千蚊紙話唔收，勁差語氣講，我地唔收一千蚊，加句唔好意思都得掛，買野變成買氣受咁，可能多客啦，唔憂做掛。拎左返屋企，試左幾款，包括牛油果雞，軟殼蟹蛋同埋個牛同埋啲炸雞。 啲包一般般，無咩特別，特別係配合溫泉蛋個啲，個面包會浸到淋左。 啲炸雞粒都幾好，調味比較重，啲雞搥啲雪雞味比啲調味吊出黎，好難食。Overall, 我都唔要求佢笑面迎人，但唔駛西面，啲態度好差，成個觀感唔好。更何況啲味道又唔係出色到令我可以忘記佢既態度，更何況佢難食，都唔會再去食。

上一次食銅鑼灣嗰間食完覺得好好食就算住大西北都想山長水遠再去咁啱喺荃灣開咗分店就滿心歡喜去點知覺得佢冇銅鑼灣個間咁好食🥲環境嚟講 佢係優勝嘅望海 又大好多坐得舒服嘅今次叫左軟殼蟹多士同黑松露啡菇多士軟殼蟹個款 個蟹炸到好脆但感覺成個多士都冇乜味個蟹冇乜咸味 個蛋又好淡味 個多士又冇乜味 又冇乜醬汁（可能我走咗芝士啦）朋友食嘅啡菇多士食到有黑松露味但舊菇勁出水搞到成塊多士濕晒🥲仲有朋友叫咗嘅荔枝烏龍都幾伏冇荔枝味🙈茶味亦唔重🤭

海之戀最近又有新餐廳喇，今次介紹既係韓風系的爆餡吐司👉🏻生命有限公司Life Toast，裝修簡潔又帶點可愛，望住個海景都幾chill~荃灣友must try❣️/🍞軟殼蟹親子滑蛋吐司 $68 +海苔薯條$18 + 黑松露醬 $10 + 凍桂花烏龍 + $24新鮮製作的吐司熱辣辣，外脆內軟；配上嫩滑炒蛋和粒粒蟹籽真係冇得輸🙌🏻原隻脆炸軟殼蟹炸粉厚薄適中，香脆又多汁，蟹膏滿滿充滿鹹香🤤細心地送上一顆小青檸提鮮，酸酸的更開胃！至於海苔薯條是粗身薯條，香脆可口，但唔算好特別👌🏻黑松露醬也相對失色，大家可以慳番$10/🍞椒麻脆辣雞滑蛋吐司(小辣) $65 + 牛油粟米 + 泰柑桔鮮檸檬七汽 $10椒麻脆辣雞好有台灣大大雞排的影子，同樣香脆多汁，肉質嫩滑，椒麻粉也很香😋不過老公話啲配料各自都很好吃，但夾埋一齊就唔算話好夾，覺得軟殼蟹會完美一點😌/另外，牛油粟米都比較普通。建議大家黎專吃吐司就夠☺️都值得一試的，而且是日晚上六點也無需等位，相比大圍的蛋吐司更可取呢☺️/附上環境照兩張：

生命有限工司（荃灣店）食物質素：👍🏻👍🏻👍🏻👍🏻職員服務：👍🏻👍🏻👍🏻👍🏻👍🏻景觀： 👍🏻👍🏻👍🏻👍🏻👍🏻（望住汀九橋海景）價錢：中等1）慢煮牛肩胛骨洋蔥溫泉蛋🥚$632）慢煮雞胸牛油果🥑溫泉蛋🍳$60+3）+$18 套餐 紫菜薯條🍟4） +$15補差價 黑牛（朱古力雪糕🍦可樂）Total: $156打卡位：1）圖三 海景吐司🍞門框（全店最靚位）2）圖六、圖七 不規則背景牆3）圖九 蛋蛋🥚LED燈牆Life Toast (海之戀)地址: 荃灣大河道100號海之戀商場1樓1005號舖電話: 92797638

Korean Toast Box has arrived Hong Kong for some time but some of their locations haven't been convenient enough for me to try. When I found out this store was opened here, I definitely came to give it a try.All their choices looked attractive and I tried their Soft Crab with Scrambled Eggs.The toast box was really amazing. There was a lot of fillings to it yet it didn't spill all over, nailing it just right. The small piece of lime on top also helped to make the toast more appetizing. The scramb

荃灣海之戀新開食麵包嘅餐廳😍 可愛清新嘅環境，堂食座位唔多，見到好多客都係外賣，即叫即整，吸引好多人嚟幫襯 👍🏻香草腸脆薯餅芝士滑蛋 $58第一啖咬多士好脆口！好香好驚喜！絕對唔係得外邊有料！食到入面都仲係好多料！超讚！！ 滑蛋炒得幾靚，唔老，連腸仔同麵包食好配；香草腸仔一片片連滑蛋同薯餅夾入麵包嘅，因為太多料嘅關係，個包都脹卜卜😂😂😂 食法其實都有啲困難😅 好驚一路食一路跌啲料。唔好以為一個包唔會飽😅 實情係飽到暈低😂😂連套餐，揀咗：海苔薯條 以為係暖/凍嘅，一攞即辣親手！原來熱辣辣炸起 😯 紫菜味都算有嘅，但唔太濃味! 飲品+$6 揀咗：桂花烏龍係一個茶包用冷泡方式沖，一個樽咁，都幾特色；但桂花味無乜，可接受。

今天試了這家在荃灣西站新開的分店，叫了一個炸脆雞多士外賣，加炸薯條和零可樂，多士裏面的生菜可能因為炸雞已經太熱的關係，吃的時候發覺那片生菜已經焗熟了，雞的味道幾好，夠脆和份量足夠，多士只煎了外層沒有煎內層，蛋的份量亦控制得幾好。整體上因為吹雞的質素3號，所以把評分可以拉高，但係整體的質素可以再好點點，例如生菜應該要是生的，和多士吃上去好似有一點太軟身(soggy)的感覺，當中薯條亦都可能炸得太熟了，太硬身… 套餐$85 ，可能有點兒太貴，但也不妨一試。