Library Restaurant and Bar

营业中

休息中

黎到Library，有Spray可以消毒，好貼心。有個好正既吧台，當然叫左d賣相吸引既飲品，我點左呢杯係有熱情果加茶，挺身既杯令到成杯野既賣相非常之好，飲落清新，甜甜酸酸咁，好中意果個隻熱情果，可以當裝飾，又有咬口。中式乳鴿就食得多，用西式既煮法烹調既乳鴿就未食過。呢隻乳鴿肉滑、骨嫩、多汁，加埋秘製既醬汁，配埋新鮮既BＢ ＣＡＲＲＯＴ，蘆筍、蕃茄，互相平衡得好好，好享受今餐既美食。臨走仲可以係打卡位影下相添。中意呢度既環境氣氛。

喺社交平台已出現過好多次嘅打卡餐廳室外座位可以影到尖沙咀夜景同埋清真寺今日終於book位嚟試到😇門口大大個LED招牌 勁搶眼😆仲有靚靚梳化位可以坐住等位以圖書館做主題，成個環境勁grand栱門造型嘅窗口 別有一番心思💚Drinks menu 入面排版、圖案好有藝術感每杯特飲都有哂介紹😮千尋$160🥃雖然係有vodka 但都易入口幾清爽On top啲泡泡係甜嘅可以中和返烈酒嘅濃女仔都完全carry到Book Mark $100 🍹唔飲酒嘅朋友揀咗呢杯荔枝糖漿、蜜桃糖漿和菊花茶調製少少甜 偏茶味多啲 幾清新加埋有銀色珍珠點綴 幾靚火炙糖醋醃帶子$208😍糖醋汁酸酸地夠開胃估唔到同帶子都夾到表面有少少燒焦 香口作頭盤十分唔錯茴香豬肉腸貓耳朵$168口感好厚實 有𡁻口食落幾新鮮 🤪個肉醬汁整得好入味香烤豬鞍 $268肉微粉紅, 好幼嫩 又多汁肥瘦岩岩好😛份量可以夠兩個女仔share都飽On side +炸薯波 $68呢個大推！！好好食！🤩炸到外脆內軟糯薯仔口感十分綿！食到停唔到🥰店員會每道菜式都介紹下又會問好無食/有咩改善態度親切有禮👍🏻

慶祝拍拖週年紀念，去了尖沙咀的 Iibrary restaurant and bar 最值得+10% Service charge 最高です👍🏻Library 有個單身靚仔侍應好細心😂 忍唔住要肯定下佢同間餐廳。本身安排給我們的枱比較近露台，容易聞到煙味，他見到我太太懷孕就主動提出重新安排位置，以免聞到有煙味🚬 掉位之後會問是否需要披肩和毛氈，因為冷氣凍🥶 食物質素都一流Menu 寫烤豬鞍扒，但其實就先慢煮過，所以即使外表脆但裡面高度保濕、好juicy ~ 配菜有crispy potatoes chips 、仲薄身過薯片、口感得意。btw, 本身有慢煮烏頭魚、將中菜西煮 fusion style… 但賣哂（應該好食嘅？下次可試）奶茶味意式奶凍奶味香濃和足夠，加上少少煉奶、有飲茶走的口感肉醬芝士千層麵味道幾好、唔會食到好膩、肉醬都夠多配搭三層千層面飲品方面Between the PAGES (signature cocktail)所謂叫 PAGES、中文叫藏頭詩、因為英文的字頭加起來就是PAGES。Pisco infused with Basil and Lime + Amaro + E

今日去左朋友推介呢間好Chill既餐廳午餐，地點好方便，尖沙咀地鐵站一出就到上到去發現個環境十分靚，有室內同室外既座位我地呢左兩個lunch同兩杯咖啡試下Beef Cheek $138Served with mashed potatoes, baby carrots, Demi glace呢個牛面頰肉應該你slow cooked, 整得好林身同好重牛味，配埋d薯蓉食都幾matchMushroom Risotto $128Mix forest dry mushrooms, Parsley, Parmigiana, Ricotta呢個Rissoto有好香濃既雜菌味同埋芝士香味，口感唔錯Dirty $55Cappuccino $55兩杯咖啡都好高質，chill下傾下計都好適合

餐廳以圖書館為主題，裝修好型格，以綠色為主調顏色無論係走廊定梳化位都係打卡位不過最吸引嘅係戶外座位對住清真寺，好似去咗外國咁，不過去嗰日落雨所以開咗帳篷遮住咗個景假日中午食會有lunch menu叫左Homemade smoked salmon pinksauce farfalle 煙燻三文魚蝴蝶粉配上濃厚嘅奶油，舊舊蝴蝶粉都好濃味又creamy食到停唔到口😋 推薦👍Beef Cheek 牛頰肉牛頰肉用多蜜酱汁煮成，長時間慢煮令肉質好軟淋淋，薯蓉配個汁食好夾Avocado & cherry tomatoes 牛油果多士 除咗牛油果，仲有芝麻葉、核桃 夾埋一齊食好有口感😋訂枱嘅時候寫低係慶祝生日，嗌甜品就會幫你寫埋碟 環境幾好，又坐得舒服😌 係慶祝嘅好地方

論價錢來講， 120幾蚊嘅椰菜花，連一個椰菜都冇，我覺得有啲Over price。味道一般般。個黃油雞有啲驚喜，味道出眾，不過雞肉比較嚡身帶子味道幾好食，主要係份量不足。

尖沙咀有朋友之前食過話好食，今次就嚟試吓。餐廳名同埋裝修都好有設計嘅感覺。$98 meatball見到隔籬枱嗌咗，我哋都唔輸蝕，肉丸整得啱啱好，唔會過熟，茄汁配埋芝士碎好正，仲有配咗兩塊麵包。$288 海膽意粉份量好精緻，海膽味嘅意粉，每條意粉都掛滿醬汁，打卡好靚。$318 慢煮牛配薯蓉叫咗五成熟，煮得啱啱好，唔會太生，又唔會太熟，薯蓉好香滑，用咗紅酒黑松露汁。仲可以加錢加埋其他配菜Tiramisu布甸叫咗兩個甜品， Tiramisu係即刻整，同平時嗰啲一杯杯唔同，賣相都好靚。布甸上邊有即燒嘅焦糖脆脆，上熱下凍，好有口感，好香雲呢拿味。house red winehigh ball雖然有好多好精緻嘅Cocktail，但都係想試吓啲普通嘢。朋友話紅酒都好好飲。

今日終於放工約左朋友傾下即將去日本的行程順便吹下水。我在新界工作， 朋友在港島返工就約在大家都方便既尖沙咀食。因為不想食日本野， 預定左一間西餐廳。去到職員見未有位就叫我們在梳化位置等候， 梳化位置都裝飾得好靚， 門口又有一條用花裝飾的走廊， 同朋友都影左不少靚相，之後等左一陣就入坐。選擇左室外的位置， 比較空曠及後面又有花花幾靚。坐底睇下個menu 都好特別， 我不飲酒叫左個mocktail 叫book mark， 朋友飲就叫左杯cocktail 叫四大美人。來到杯四大美人好特別， 用中式茶壺裝住可以自己倒出來， 酒不烈， 偏重果味， 女仔都容易入口。book mark 就有淡淡的果味同茶香味。之後叫左個茴香豬肉腸貓耳朵粉， 意粉口感獨特， 煙煙韌韌， 味道較濃。最後， 叫左個封門牛柳配薯蓉作為主菜， 封門牛柳好食，牛味濃郁， 質地也不會韌。總括來說，食物質素不錯，環境又很優美及relax, 適合打卡👍👍

'今日同朋友慶祝生日，秉承住deadline fighter嘅精神，我地當日先黎討論食咩😀最後揀左呢間收得比較夜又好似幾好feel & view嘅餐廳~*黑松露醬炸薯條 - 中等size嘅薯條，面頭加咗芝士碎，脆到用叉係咭唔到的😂😂有少少太乾身*香烤豬鞍 – 粉紅色的肉肉，軟淋淋的肉肉，不過不失。*香烤和牛內裙邊 - 熟得岩岩好，肉質仲係粉紅色，薯蓉creamy夠滑。再加上酸酸甜甜嘅pickles white radish同奇異果，反而好清新唔會腬！*香乾菇意大利飯 - Creamy，配上芝士脆脆好食，不過份量都真係幾少，一人２啖就冇曬……*Cream Brulee – 因為朋友生日Book枱時有mark想寫生日快樂，餐廳幫手加上蠟燭。焦糖脆配上雲尼拿底，少少焦香味加埋嫩滑嘅口感，可以再綿密D就會更好~*Bloody Mary – 店員話呢個係佢地嘅招牌，朋友話幾好飲。*Book Mark – 清清地帶點花香同茶味。📍Library Restaurant and Bar尖沙咀彌敦道74-78號文遜大廈3樓

拍拖間中都要有d儀式感👩🏻‍❤️‍👨🏻同男朋友特登搵左呢間氣氛好又有格調嘅餐廳，撐枱腳食好嘢🍴餐廳係清真寺對面，位置非常方便！環境音樂一流，有indoor同outdoor, 裝潢精緻又帶點神秘。🔸無無明餐前點咗一杯signature cocktail🍹每杯都係根據一本經典做inspiration，貼合library restaurant 嘅主題，幾欣賞呢個設計，幾特別。揀咗杯 無無明🥃。無明，引用佛經入面嘅煩惱，其實係玩食字，用無名（明）氏嘅gin 加上忘憂草，侍應哥哥仲好細心咁介紹添。濃濃嘅草本泡沫，加上清新嘅本土gin，真正一杯解千愁。🔸豆腐火腩前菜揀咗豆腐火腩，冇諗過佬味十足嘅材料，都可以變成fine dining。香烤豬五花，配上薄薄一片玉子豆腐，加埋焦糖洋蔥，衝擊每一寸味蕾。豆腐係邊呢？用左法式puree，變成濃香豆腐醬，必試！🔸 燒黃雞（Half）🔸肉醬芝士千層麵主菜叫左 燒黃雞🍗 同 千層麵🍝。本地三黃雞嫩滑爆汁，外皮微焦，每一啖都有淡淡雞油香，配上精選嘅烤洋蔥，香蒜，同番茄，一試難忘。千層麵表淋上鮮甜嘅茄醬，同埋鋪滿薄薄一層芝士，咬入口唔會太淋，少少煙韌，層次分明，每啖都

由朋友安排到這餐廳晚飯，點了以下食物：香烤椰菜花（$118）侍應送來時，簡直嚇了一跳，份量只有這麼少，就是那三顆白色的椰菜花，及底下的醬汁，味道亦普通，醬汁偏鹹，這就$118！慢煮烏頭魚（$248）份量同樣少，只有三件魚，雖然有特別的醬汁，但蓋不了魚的腥味，這道菜二百多元不值得。香乾菇意大利飯（$148）只有三片菇，口感一般，米飯粒味道及質感尚可，份量同樣偏細。環境相當黑暗及嘈吵，服務方面不過不失。

今日本身係約咗朋友食飯，都知道依一間餐廳好多人食，所以都提前訂咗位。點知朋友臨時竟然要OT嚟唔到，變咗自己一個人享受。餐廳裝修幾有格調，無論坐邊張枱望落都似係打卡位。就算坐出邊，都可以望住個寺，夜晚景色一流。因為係一丁友食，所以我都唔敢叫太多驚食唔晒。最尾，我叫咗半隻黃油雞，隻雞睇落就知道好後生😆雞皮卜卜脆，入面嘅雞肉好滑嫩。而且成隻雞髀因為我自己一個人食可以食晒佢，真係好正。佢嘅雞胸肉都仲係好Juicy，唔會好乾。另外佢仲有啲蔬菜做配菜我叫咗一壺士多啤梨荔枝綠茶，茶嘅份量比我預期嘅多我覺得兩個人飲都夠，可惜我得一個人，就唯有自己慢慢嘆茶。佢嘅士多啤梨同荔枝味都勢均力敵，香得黎唔會話邊個冚咗邊個隻味，都幾唔錯。另外我仲叫咗個Tiramisu， cream嗰part做得好細膩，我自己食晒成個都唔會太濟。中間嘅餅浸咗好濃郁嘅咖啡，兩者溝埋一齊食就更加平衡返、中和到個味。

這間融合西式料理與創新烹飪手法的餐館,令人驚喜的是,每一道菜品都有著讓人難忘的特色。春雞將雞肉烤至金黃色,皮脆肉嫩,而搭配的紅蔥、羽衣甘藍和綠莎莎醬,更是加分不少。紅蔥的脆爽,羽衣甘藍的清爽可口,再加上綠莎莎醬的層次感,使整道菜品層次分明,口感豐富多樣。餐館選用優質的羊架和羊肩,經過精心烹調,肉質鮮嫩多汁,帶有溫和的羶香，令人回味無窮。最後要提雞尾酒。他們不僅選用了精品酒類,還巧妙地融入了文化元素。像是"杜康.醴"、"白蘭樹記"等,酒名就像是文人雅士的題詞,展現了餐館對於文化的尊重和傳承。而那款以荔枝糖漿、蜜桃糖漿和菊花茶調製的無酒精雞尾酒,更是將甜美與清新巧妙結合,加上銀色珍珠的點綴,令人在品味佳餚的同時,也能享受愉悅的視覺體驗。

前一日放工同同事喺清真寺站等巴士，望到對面有間餐廳有，上網search之後發現好靚，就即刻約咗第二日一齊去😝去到發現餐廳嘅設計同埋佈置非常用心😍而由餐廳露台望返出去清真寺，真係超級靚！打卡真係一流👍🏻連等待嘅位都超靚❤️打開Menu ，發現佢哋嘅飲品同食物都好特別，選擇困難症嘅我搞咗好耐先落到單😅1.四大美人入面有白酒、荔枝利口酒、葡萄利口酒、Pear Syrup 、Lime同 Fernet Branca外貌超靚，完全係打卡首選，而且非常容易入口，清新帶果香，好適合搭配唔同嘅菜式✨👍🏻2.Bookcase入面有西瓜汁、綠茶、Ginger Ale同Pandan Syrup朋友唔飲酒，所以揀咗Mocktail☺️ 綠茶味好出，後面會透出淡淡嘅西瓜味，好清新嘅飲品，飲落好舒服！3.立鱗馬頭魚面頭嘅魚鱗非常脆口😍魚肉鮮嫩多汁，搭配下面嘅醬汁，真係冇得輸！4.意式蜆肉意大利粉擺碟超靚，蜆肉圍住中間嘅意粉🍝好靚！醬汁濃郁，完美地包裹住每一條嘅意大利粉👍🏻配上蜆肉嘅鮮甜，喺正嘅！5.牛油炒雜菌好香牛油香，個菇炒得啱啱好，菇味好濃郁！除咗打卡之外，我覺得放工想搵個地方chill下，呢度都係一個好唔錯嘅選擇

近排大熱的ꜰᴜꜱɪᴏɴ西餐廳，餐廳設有室外座位，最大賣點是露台正向的清真寺，無論日頭還是晚上也很適合打卡！餐廳室內環境較暗黑，有不少霓虹燈招牌點綴💫⤫ ⤫ ⤫ ⤫ ⤫ ⤫ ⤫ ⤫ ⤫ ⤫<豆腐火腩> $128跟平時的港式豆腐火腩完全不同，加入ꜰᴜꜱɪᴏɴ概念煥然一新！先將焦糖茴香洋蔥炒淋，玉子豆腐墊在底部，再放上香脆的半肥瘦豬腩肉，店員建議要一口吃掉整件，才品嘗到最佳口感！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<肉醬芝士千層麵> $148主食意粉及意大利飯的口味挺多，有接近差不多十款，本來以為是平平無奇的千層麵，上枱一刻竟然有驚喜！焗千層麵的表面會再淋上一層芝士醬，用了多款芝士令鹹香味大增！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<燒半隻黃雞> $198燒黃雞可以點半隻或全隻，二人分享的話半隻也足夠！由於即焗的關係，大概需時二十分鐘，燒雞外皮呈金黃色，切下去油汁馬上溢出，肉質入口很嫩滑😍