Library Restaurant and Bar

营业中

休息中

成日見朋友中午來食飯打卡，反而我就有興趣晚上來試試，位置有戶外&內，我想影境就坐戶外，座位比較鬆所以就算附近有人食煙味道都不太勁，有啲風幾舒服，整體食物&飲品都滿意而服務態度都好好 @ 尖沙咀 Library 港式 孜然茄子 日本米茄子幾多肉，而且上面仲有炸蔥，生蔥混一齊食意外幾惹味。底部椰菜花打成口感幾滑身 芝士肉醬闊條麵，麵是自家制即時有興趣叫嚟食，這嗰真心推介，芝士味濃之餘麵條口感偏厚身岩我，肉醬味濃又多肉碎 布朗尼馬卡龍雪糕，布朗尼微溫朱古力味濃但我就覺得甜咗少少。馬卡龍茶味特別，甜度都可接受，雪糕幾滑仲有雪尼拿籽好味道 待應話每日都有特別推介，今晩就有春雞，雞幾滑身幾香，周邊有自家整的綠醬夾一齊食不錯幾特別。底部有薯蓉幾滑好味道，仲有烤蘿蔔條加分 本來朋友想飲咖啡點知原來晚上冇就唯有飲啤酒。我就選了杯無酒精待應推介的Book Mark來到打卡一流十分漂亮，入面有 荔枝，桃，薄荷茶又帶點梳打感和生果茶感覺

Instagram上見到啲人打卡時已經想黎！夜晚望住清真寺嘅建築食飯飲酒，個景色先攞20分。作為一間打卡餐廳，店員出奇地熱情同有禮貌。見到我地揀唔到飲咩酒時有專登上前介紹，每道菜上店前都會介紹食材同烹調概念，唔知係咪切合返餐廳名Library嘅感覺。🍸白蘭樹記呢杯用左本地出嘅gin「白蘭樹下」做基調，好特別地有陣檀香。整體易入口得黎又有特色。🍸四大美人店員有特別介紹係用古代四大美人喜歡嘅水果做材料。呢款重果香同甜口，聞落去好香荔枝味，飲落反而葡萄更突出，好岩女仔飲。🍆孜然茄子呢道用左日本嘅米茄子，欣賞佢孜然味唔會太濃，仲食到茄子嘅味道。專登問左店員碟底白色係咩，原來係椰菜花蓉，夾住燒茄子食，減少油膩感。🍖圖書館羊肉二重奏二重奏係指慢煮羊架同羊肩，醬汁係腐乳汁，連配菜都係羅馬生菜，食落好有羊腩煲嘅影子！羊架肉嫩，羊肩味濃，男朋友最鐘意呢碟。🍝茴香豬肉腸貓耳朵粉帶辣嘅醬汁，令意粉味道幾惹味，貓耳朵粉嘅texture有咬口，我自己相當鐘意。本身抱住打卡嘅心態去食，點知水準係預期之上，酒同食物都相當出色，推薦！

今日又嚟到呢到食飯啦👯‍♀️🔖魷魚雞肝醬甜奶油多士💰128呢個配搭之前冇見過，效果係意想不到嘅驚艷🤭多士烘到香脆又帶有少少甜甜哋🤓雞肝醬好香，而魷魚都幾彈牙☺️成個配搭真係好好食🤤嚟到可以試下喎！💫推薦指數: 10/10🔖經典卡邦尼意大利粉💰148呢個卡邦尼意大利粉同平時喺出邊餐廳食到嘅有啲唔同，佢嘅忌廉味同芝士味相對冇咁重，所以食落去都唔會好滯🤗但係醬汁都幾濃稠㗎，意大利粉完美地掛汁😚煙肉帶有鹹鹹香香嘅味道，好味🤩💫推薦指數: 8/10🔖立魚鱗馬頭魚.小炒皇💰228又係一個好特別嘅菜式！唔好以為同埋啲魚鱗一齊食會覺得好奇怪， 事實係比想像中好食好多添🥰馬頭魚煮熟咗之後，廚師將熟油淋上面，令到所有魚鱗即刻豎起晒😂好特別🤤食落去脆卜卜😋而魚肉依舊嫩滑🐟💫推薦指數: 8.5/10🔖四大美人💰140呢杯飲品賣相好特別😍不過真係好靚，好啱女仔嗌啊😌入面有White Wine, Mistia, Lychee Liqueur, Fernet Branca, Lime同Pear Syrup🍸飲落去都幾fruity，甜甜哋，非常容易入口啊🤗💫推薦指數: 9/10🔖春秋💰150呢杯酒入面有LuZhou La

🥗圖書館沙律沙律同平日我哋會食嘅有啲分別，通常其他餐廳都係用醋或者沙律醬調味，而呢度就用咗橄欖油同埋鹽😗雖然調味較輕，但係配搭埋鹹香嘅parma ham😌調味恰到好處🍚意大利煙豬腩粟米意大利飯煙豬腩食落有啲似厚身嘅煙肉，入口比較硬但係有好重嘅油香🫣配搭埋用忌廉煮嘅意大利飯，加上表面有少少帶有檸檬香嘅酸忌廉😆整體好有層次～🐮牛頰肉配香滑薯蓉紅酒汁牛頰肉經過餐廳燉煮之後非常之軟嫩，而且帶有少少膠質嘅感覺🥰配搭埋底層充滿着牛油香嘅薯蓉，每一啖好有滿足感！🥑新蟹肉牛油果醬多士作為食肉獸嘅我平日比較少接觸素肉，估唔到食落去同一般蟹肉冇咩分別🤭加上蟹肉裏面亦都配搭左一啲芒果粒，整體好清新好fresh😋令人忍唔住一啖接一啖咁食之前見到唔少評論話餐廳定位較貴，但係以佢嘅質素嚟講絕對有一定性價比🥰想搵個靜靜地嘅地方同朋友影吓相食嘢，相信呢度係個唔錯嘅選擇～

位於尖沙咀彌敦道文遜大廈三樓，內部裝潢別具特色，門面散發一種較神秘嘅色彩，直至走入特色拱門設計嘅走廊，內裡卻係時尚酒吧餐廳嘅設計，另設室外餐區，擁九龍公園及清真寺景色。杜康 ($150): 以中國米酒、蜜桃味伏特加、荔枝甜酒、紅豆甜酒、青檸及啤酒調製，為一款具中國風嘅雞尾酒，非常玩味。米香突出，部份米酒嘅味道被甜酒中和，所以唔會過於濃烈，反而幾香甜清新。芝士肉醬闊條麵 ($168): 醬料夠濃郁稠密，蕃茄香足夠，芝士份量頗多。而闊條麵採用生麵製作，唔係現成嘅包裝麵，麵質較具彈性，口感較佳。港式孜然茄子 ($88): 燒茄子灑上適量孜然粉，惹味得黎，孜然味唔會太濃烈，茄子軟硬適中，唔會散開。另外，茄子皮唔油。香烤加拿大豬鞍，香菇忌廉汁 ($248): 採用加拿大豬鞍，約Medium Well嘅熟度，肉質帶微粉紅，肉質細嫩，富肉汁。

.📍 𝑳𝒊𝒃𝒓𝒂𝒓𝒚 𝑹𝒆𝒔𝒕𝒂𝒖𝒓𝒂𝒏𝒕 𝒂𝒏𝒅 𝑩𝒂𝒓 | 𝑻𝒔𝒊𝒎 𝑺𝒉𝒂 𝑻𝒔𝒖𝒊呢間對住清真寺嘅酒吧餐廳一直都見到好多人黎打卡，早左好幾個星期訂位，今次終於黎到朝聖🕍。當日下午四點半左右到達，一坐低員工就告知下午茶set同Menu上嘅小食五點就會Last Order，之後要等到六點先會Dinner Menu。Menu上嘅小食得幾款炸物，仲有幾款甜品嘅不過都係單點😂。唔想呆等到六點先有得叫野食，所以拿拿臨嗌左個Tea Set。.兩人Tea Set $468 價錢其實還好，不過Menu上話就話包Two Coffee or Tea，但其實限左係齋啡同熱情果茶。Tea Set 有鹹點同甜點，個人覺得佢鹹點嘅吞拿魚/ 蟹肉多士做得幾出色，細細份但係夠足料。反而甜品例如Macaroon同Scone就普普通通。兩個女仔平時唔算大食，但食完成個set都唔夠飽😂，以人均二百幾蚊黎講份量真係有啲少。.整體黎講呢間餐廳打過卡就夠，食物質素ok但完全唔夠飽😂。

去過呢間餐廳已經兩次，不過都係晚餐。今日就帶朋友去試lunch。我倆坐戶外，今日天氣又好好，正👍🏻 中午有預設咗lunch menu。沙律，多士類，主菜，及甜品。每樣計錢，好處係可以單獨點，唔需要食一整set。我倆叫了一個沙律及兩個主菜，主菜有三文魚及牛面頰。三文魚煎得夠金香，牛面頰好有牛味及嫩滑。

人氣打卡餐廳🍴今日就去嗰度拍拖hea下👫🏻12-3pm有Lunch Menu，我地一人叫左一個Set，Set跟左沙律/湯，亦都包普通飲品一杯1️⃣餐湯：椰菜花忌廉湯混入左菇菌，椰菜花打碎晒，個湯打得好滑，淡淡嘅菇菌同椰菜花味2️⃣烤西冷牛扒配蕃茄莎莎$298原本諗住打卡餐廳，食物質素無咩大期望，不過呢一道有d驚喜！牛扒烤出黎好嫩，有種似係慢煮完再烤香表面嘅感覺！牛扒下係墊底嘅薯蓉，夠creamy。而莎莎醬亦為牛扒帶黎清新感🌿3️⃣慢煮雞胸配蜜糖粟米汁$188雞胸唔嚡，但未夠軟嫩，粟米汁應該係地們粟米湯加蜜糖😂份量唔少，食完都幾飽。雞胸面有青蘋果片、炸羽衣金藍，清新又健康！4️⃣Matcha Latte $68諗住坐耐d，所以額外加叫左2杯嘢飲。Matcha Latte嘅奶味較重，少少甜5️⃣Affogato $78咖啡味濃，帶甘，雪糕嘅雲呢拿味好重，同咖啡夾埋一齊，咖啡同雲呢拿嘅香氣相得益彰👍🏻我地係度食下Hea下過左兩個鐘，keep住有其他食客，但唔會好嘈，環境舒服，以打卡餐廳嚟講，食品有中上質素，好適合用作拍拖/姐妹聚會嘅地方！📍地址：尖沙咀彌敦道74-78號文遜大廈3樓💰人均消費：$350❤️回頭指數

適逢清假時候Friday lunch 約了幾個朋友聚舊他們都是煙民大家又住在東南地北所以通常約在尖沙咀和一間可以坐露天吸煙的餐廳這間餐廳是打卡勝地因為對面是清真寺老實講其實室內裝修靚好多不過室外也坐得舒服餐湯-蕃茄忌廉湯餐沙律-煙三文魚沙律夠涷,食材也新鮮三芝士忌廉意大利粉好cream,芝士味好濃,芝士包住條條意粉好滑烤西冷牛扒配紅酒汁季節性蔬菜牛扒有7片,韌+無肉味,不推薦慢煮豬腩配芒果莎莎比起牛扒,豬腩好得多,有8片,肉不硬,配芒果莎莎幾夾,不過都是普普通通海鮮香蒜茄汁燴意大利飯當天沒有意大利飯,轉了小粒意粉意粉煙韌,但調味較咸也很小海鮮只得兩隻蜆和小量蝦粒惠顧午餐可半價享用甜點主廚椰汁西米露(半價$84)完全connect唔到名字和實物好細一件椰子做型的雪糕+芒果西米sources心型布朗尼配雪糕(半價$69)，味道也是平平，個心型不完整意大利奶凍(半價$44)甜度適中，但冇咩特別甜點認真好普通，性比價低餐茶passion fruit tea，可選熱或凍，杯茶冇咩味，好清淡餐啡+$28轉Latte由於限制相片數量,仍有Coke$60,Handpicked Sauvignon bl

餐廳位於尖沙咀，正正係清真寺對面，所以坐喺餐廳入邊都可以遙遠望到清真寺，餐廳有室內同埋室外坐喺室外可以望到尖沙咀嘅街景又唔會好嘈而室內嘅光線較為暗非常有情調又有復古嘅味道，感覺好高級，所以嚟到一定要打卡香烤加拿大豬胺香菇忌廉汁$248這個加拿大厚切豬胺，表面煎到金黃色帶一點微焦，吃一口肉質爽嫩有口感，切開粉紅色的肉帶有肉汁，濺到剛剛好，味道一流立鱗燒馬頭魚小炒皇$228炸到魚嘅皮非常脆，顏色依然雪白，入口夠滑，完全冇雪嘅氣味，每一啖咬落重卜卜脆，廚師有非常高嘅水準，呢款主菜雖然食完唔算好飽肚，但係每一啖都非常惹味旁邊仲有香菇同埋青豆作為配菜💕香辣蜆肉扁意粉$188意粉口感剛剛好軟硬度適中，證明師傅煮意粉的時間拿捏得剛剛好，一碟好味的意粉，除了意粉還有醬汁，意粉入口有忌廉香味，而且食落有非常香濃嘅蜆肉味道，入口帶有少少辣，蜆肉入口鮮甜， 十分新鮮，入口又冇沙，清潔得非常乾淨，這個意粉我很喜歡。食西餐我通常都會加杯紅酒令到食物嘅味道再提升，下次嚟到我會試埋Cocktail，見到唔同種類嘅酒到齊晒，應有盡有鍾意飲酒嘅朋友就一定要到此一遊

日頭&夜晚嚟各有特色今次我就影夜晚，好多人嚟飲嘢，夜景別有一番味道，環境好似去咗旅行⭐️記住想影清真寺一定要book位😂😂🥳 烤豬鞍配忌廉汁炒香菇呢碟有驚喜，肉質超嫩滑💯薯蓉都好細滑🥳 忌廉白酒煮藍青口麻麻地，有d腥味，可能批次問題🥳 松露醬炸薯條薯條脆口，配埋黑松露醬& 芝士十分之perfect👍🏼👍🏼

這家 Library Restaurant and Bar 以風景美麗和特色美食聞名，一直是我想去的餐廳。之前經常看到人們在這家餐廳打卡，今晚終於有機會來了。餐廳的室內設計非常用心，加上餐廳的室外位置對正清真寺，感覺很像去了中東。餐廳的菜單也有自己的風格。我們嘗試了圖書館皮蛋意大利飯 ，侍應介紹說這是取材於中式的皮蛋瘦肉粥，醬汁煮得很好，有點芝士味，再上火腿粒很好吃。第二道是自家製薯仔波，味道鹹鹹脆脆，而且份量也不少，用來送酒非常完美。第三道是香烤加拿大豬鞍配牛油薯蓉，豬鞍烤得剛剛好，脂肪比例很好，肉質非常柔軟，味道也非常入味。你甚至可以看到它裡面帶點粉紅紅的，應該是用慢煮方法，烹煮的時間拿捏得很好。最後是這裡別具心思的cocktail, 單看名字也覺得有趣。五餅二魚，是用威士忌做底再加上姜味，然後再蓋上木魚片，侍應會即場用火烤木魚片來製造煙煄，濃烈有趣。白蘭樹記是用本地釀造的白蘭樹下做base，造型真的是一棵樹，味道也帶着芬芳，適合女生。餐廳的服務也非常優秀，侍應生對每種菜式都會詳細介紹，安排上菜的時間也非常適當，overall是舒服滿足的一餐。

從來都無係呢個角度欣賞過尖沙咀原來清真寺係咁靚, 係餐廳BALCONY到睇.一下子好似去左伊斯坦堡咁係出邊呼吸下飲下酒同朋友傾下計都幾正不過今日天氣潮濕我都係選擇番係室內嘆冷氣HAM & CHEESE PLATTER少少一碟但已經有2款芝士, Parma ham 都唔少加埋果乾同蜜糖, 作為前菜非常滿足芝士肉醬闊條麵意粉既款式無好特別既款式但係意粉係al dente. 調味都係合格以上既圖書館羊肉二重奏二重奏係指兩個羊架係慢煮慢煮部份做到羊肉係又嫩又淋然後下面烤既羊肩, 手撕左放係羊架下面既係香港口味腐乳&南乳口味既羊腩煲因為餐廳除左做西餐仲想帶到香港既本地食物係menu真係非常有心思二重奏係有harmonized, 唔會格格不入飲品叫左BookMarkmocktail但都好靚~~又好飲四大美人用左古代四大美人做主題, 例如楊貴妃鍾意荔枝就選用左荔枝酒咁上菜時侍應會好親切咁同你玩下問答. 順便介紹一下飲品既用料用左茶壺同茶杯上, 格外入戲

一走入廳餐，有一個等待區，這裡是黑色牆身，配上幼線條壁畫，加上白色梳化，感覺好chill , 最難是，店內侍應親切有禮，佢哋會有禮快速回應客戶，不用提示，自動會加添開水🙌🏻是現時香港餐廳少有👍🏻💕今晚點了松露薯條、忌廉青口、經典卡邦尼意粉及糖醋帶子。其中松露薯條及青口我比較喜歡💖薯條外脆內軟👍🏻青口夠大隻👍🏻喜歡打咭就非常好，我今晚選擇坐室外，黃昏景，在繁華鬧市中望到清真寺景觀加埋背後ICC 的LED 燈💕💕會再來👍🏻

呢間餐廳簡直好似入左另一個國度咁 門口好神秘 唔睇介紹真係唔似餐廳門口步入餐廳嘅一段路都好有氣氛 枱面上更有燭光 好有情調另外更設有室外露天座位❤️menu好有特色 飲品選擇都幾多 叫完就可以望住bartender沖野飲😋Librarian(左)- 蘋果汁底 加咗奶 香蕉 唔錯Book Mark(右)-菊花茶底 加咗荔枝同埋桃糖漿 有啲星星糖喺入面 成杯嘢飲望落閃閃地好似星河咁靚帶子燒得好香 醬汁甜甜酸酸好開胃 連埋啲菜苗一齊食超好食好吸引 未見過紅卜卜嘅飯😂呢個risotto主要用紅菜頭製作 雖然冇肉 但面頭嘅芝士相當吸引 芝士脆片超香濃~飯粒熟度亦啱啱好 帶啲鮮甜嘅味道呢道菜用左羊肩同羊架兩個部位所以叫二重奏 醬汁方面用左腐乳做 食落會好似食緊羊腩煲嘅感覺😂除左羅文生菜 仲有沙葛增加成道菜嘅口感我地食落感覺都覺得幾中西合璧 但唔錯👍🏻羊一啲都唔騷下層羊肩肉好多汁 份量都幾多 連埋羅文生菜食好正👍🏻呢度除咗氣氛好 服務都唔錯而且侍應們都好靚仔靚女😂食得好舒服