LeTAO (已結業)

一個芝士蛋糕＄220，感覺好似有啲貴。但食過後就覺得真心值得俾。芝士蛋糕有分原味同朱古力味，芝士味非常濃郁。買嘅時候，店員會好細心咁同你講點樣食法。佢有啲似雪糕蛋糕嘅感覺。食之前要喺雪櫃攞出黎解凍兩三個鐘先食，如果唔係會太硬。但我個人鍾意硬身嘅感覺，所以我等佢解凍左一個鐘，我就會切出嚟食，感覺就似食緊雪糕蛋糕。今次買咗個原味，芝士味道超級濃郁，下次一定會試埋朱古力味！原來圓方都有一間，咁係九龍區來講都幾方便！

來自北海道小樽的 No.1 人氣伴手禮 LeTAO被選為「日本必吃甜點」冠軍，上年已經登陸中環 ifc mall，於開設第一家專門店！朋友籍著生日賣左個新口味綠茶雙層芝士蛋糕。有木製盒包裝內𥚃用牛油紙包裝好，唔怕撞散綠茶雙層芝士蛋糕 面層用意大利軟芝士及北海道產鮮奶油製成半熟芝士蛋糕，面層半熟芝士輕輕質感如棉花糖，底層係綠茶芝士蛋糕，一軟一硬雙層口感入口即融，綠茶芝士平均帶奶香味**Double Fromage芝士蛋糕更用冷凍技術，令蛋糕解凍後，味道口感不變質，更方便帶回家與人分享

呢間既蛋糕係由日本北海道空運到港~ 因緣際遇能夠品嚐到 謝謝朋友既推介! 一食真係愛上左!今次食既係Fromage Double $220蛋糕上層係半熟芝士蛋糕 下層係濃厚芝士蛋糕 依個係佢地既hot item 仲係大熱既日本手信 所以貴少少都值既 另外係雪櫃拎出嚟後解凍既時間可以自己決定口感 解凍時間短啲上層就會似雪糕口感 攤耐啲就creamy啲 都係甘正 好濃既芝士味 好回味半熟芝士蛋糕同平時食硬身既芝士蛋糕好吾一樣 口感同層次豐富啲~ 但早食早享受 因為奶類製品吾可以擺耐~

好有層次既蛋糕呀真係係我係香港食過最香最滑最綿既芝士蛋糕呀～～～～～佢有2種味： 原味同朱古力我今次買左原味😆😆😆好彩有買到黎試 因為佢咁出名係有原因咖見到佢有3層其實底係蛋糕質地 好鬆軟🍰🍰中間係芝士蛋糕 超級香奶味🥛🥛🥛而且仲超級creamy 好幼滑呀OMG😍😍😍面頭果層可能要食先知 好難睇得出因為佢面頭有一層薄薄的芝士蛋糕碎碎 增添左個蛋糕的layer😝😝😝另外佢有分2種口感：如果你想滑身綿一點 即刻食 佢可以比個解凍左既你如果你想要雪糕咁既質感 佢又可以比個未解凍既加多點冰比你拎番屋企再慢慢食真心想試埋個朱古力味呀好讓人回味💕💕💕💕

今日頗為夜先收工，攰到隻積咁打開雪櫃諗住攞支啤酒啤啤佢，就比我見到呢個芝士蛋糕原來老公靜雞雞買咗個甜品奬勵我（同佢自己）。咁細個蛋糕要$220都唔太平呀！不過北海道直送wo，既然冇時間去旅行，咁就唯有食個貴啲嘅蛋糕補返數啦蛋糕面係烏卒卒咁樣嘅，好似鋪左好多磨得好柔細嘅oreo碎碎。切開之後見到顏色分明嘅兩層蛋糕，上層係原味半熟芝士蛋糕，下層就係濃郁香醇嘅朱古力芝士蛋糕，一個蛋糕試晒兩種口味，啱晒貪心嘅朋友兩層嘅芝士蛋糕口感都好軟滑，而且奶味比較重，同美式嗰啲New York cheesecake感覺好唔一樣。兩個人食三扒兩撥就清左一半，留番一半聽晚做飯後甜品，因為買返嚟之後兩日內就要食晒架啦

諗住再過幾個月就可以去北海道食到LeTAO啦，點知LeTAO已經登陸咗香港，唔駛等到去北海道啦。急不及待就殺去IFC啦。 - Fromage Double（$220）店員好細心講解咗個cake要喺兩個鐘內擺翻入雪櫃，同埋用冰袋裝住個cake。雖然有啲貴，不過有好大預感$220 席係值得嘅，對得住個價嘅，因為之前睇過好多評價都對 LeTAO 哩個 Fromage Double Cake 有讚無彈嘅。拆開咗個冰袋之後，有啲唔捨得食𠻹 ：P食咗第一啖，雖然話係芝士蛋糕，但係無乜芝士味，反而成個口腔係勁重嘅奶味，就好似飲緊幾支勁新鮮嘅鮮奶咁嘅味，正到痹！個cake層次好分明，上層係軟綿綿嘅半熟Cheese Cake，而下層就係經烘培過嘅Cheese Cake，口感豐富。有樣嘢要彈下嘅係個包裝盒，有陣油漆嘅味，如果係用紙盒嘅話，可能會好啲。

早前試過LeTao嘅芝士蛋糕，念念不忘。今日經過，心思思再幫襯下先！今次試新野-----Royale Montagne-----紅茶味朱古力。好矜貴嘅包裝，細細盒，一盒只得九粒，盛惠$88。茶味幾香，朱古力偏甜，質地軟滑，似食矜貴版 metly kiss。值得一讚嘅係，店員服務細心有禮，主動邀請試食產品。

第一次食Letao芝士蛋糕係幾年前喺北海道品嚐，當時真係一試難忘，第二次係約莫一兩年前Sogo地庫擺counter，再次買到確係回味，但其間呢一兩年多幫襯食Luka cake，所以今次第三次驚喜已經...其實兩者睇價錢同牌子，個人覺得兩個都好食😅

黎自日本北海道小樽嘅LeTAO，喺香港插旗，於中環IFC開左實體店。佢出名嘅係Fromage Double，意大利軟芝士 x 北海道鮮奶油嘅雙層芝士蛋糕～試食店內嘅芝士餅好重芝士味，所以開頭以為個蛋糕芝士味都會好重，但個蛋糕嘅芝士味反而比我想像中冇咁濃。個蛋糕買左番去之後要解凍兩三個鐘先食，如果解唔夠會食落有冰沙感覺。解凍之後，成個口感係輕身軟綿綿，奶油味較芝士味重，整體亦唔算好甜。如果係芝士控嘅fans可能會對佢個芝士味唔滿足，我自己喜歡creamy味多D所以就ok～不過$220一個，size細細，個蛋糕未至於好味到要encore，始終定價貴左D，食過一次便足夠。

想試好耐 個Formage Double Cheese Cake係咪真係咁好食!! 同事生日就買左番黎慶祝 佢地話唔洗排隊 一開始期望都幾高 始終好多人講同價錢$220個size不太大! 切嘅時候可能要用d力 偏硬少少 食落個感覺唔似食緊平時芝士蛋糕似食雪糕蛋糕咁 奶味重都反而芝士味唔太濃 生日嘅同事好鍾意 因為佢唔太甜而且唔算膩 輕鬆食完1/6 蛋糕上面鋪滿左芝士碎加埋個芝士個配搭係唔錯 但可能我唔太喜歡芝士蛋糕同鍾意芝士味重 所以我覺得一般般 太高期望了！

今日咁啱有事要到中環IFC做，所以順道來這裡買個芝士蛋糕。這個雙層芝士蛋糕好像是這個品牌的Signature Product，但一直未有機會試過它，反而試過其他品牌的同類蛋糕，例如Luna Cake，Tokyo Milk Cheese Factory，半熟工房。先講LeTAO這款，外觀是挺不錯的，切開都是分成上下兩層，上層是口感像雪糕的半熟乳酪蛋糕，味道只吃到是牛乳味，缺乏芝士香味。當我期待下層的烘焙芝士蛋糕會有濃郁一點的芝士香時，怎料下層的口感味道就跟普通蛋糕無什麼分別。。說實話我會懷疑這款蛋糕其實會不會只是牛乳蛋糕而已吃不出芝士味來啊。。雖然整體口感尚可接受，不過我有點後悔買了它。。＄220應有更好選擇啊。。如果要跟其他三間品牌的同類蛋糕比較，我覺得最合我口味是半熟工房，其次是Luna Cake，再到LeTAO，最低分則是最甜膩的Tokyo Milk Cheese Factory。。

芝士控又點可以唔試Letao，原個買唔算大個，一家4口加工人，一晚ko一整個。放左入雪櫃即食會覺得太硬，食到後期就食到好軟滑，芝士唔太濃但口感好滑好香第一次食芝士味，老實講我覺得好味，但又未至於好特別，一個月後家姐送一個朱古力味，我地今次等返十分鐘先食，嘩，朱古力味好味好多，有少少餅碎增加口感，入面有朱古力及芝士味，所以口感同味覺都比純芝士豐富，好香好滑，唔太甜唔太溜，好好味，強烈建議朱古力味更正。

好野！今年終於可以陪屈小姐參加母校既Annual Gathering啦！今年賴生決定準備埋個蛋糕做飯後甜品同屈小姐既朋友仔開心share啦 (名義上就係話要同屈小姐補祝生日既~~)！賴生一早知道屈小姐想試呢個Fromage Double Cheese Cake好耐嫁啦！所以早係個半月前賴生已經plan定準備呢個驚喜比屈小姐 ！賴生仲好古惑咁用左聖X娜蛋糕盒載住所以屈小姐一打開個盒，見到係LeTAO Fromage Double Cheese Cake ，即時超驚喜勁開心！賴生仲插埋生日牌，點蠟燭，等屈小姐許願同唱生日歌之後⋯大家就開餐啦Fromage Double Cheese Cake (5星）價錢：$220 個，係眾多同類蛋糕中最貴既，不過物有所值，一分錢一分貨！外型：外面平均地鋪滿芝士碎，圓餅形，望落好整齊，仲有個好靚既木盒裝住 果然係日本人出品，連外型都好有要求口感： 有2重口感！上面果層係似雪糕咁好smooth 好柔滑既芝士蛋糕口感，而下面果層係平滑既輕盈芝士蛋糕，整體食落好鬆軟輕盈，食多幾啖都唔漏！唔錯喎味道： 2層既芝士蛋糕都係比較重奶味既，但唔算太甜喎！幾好！奶味中仲夾

今日經過IFC就來這間聽說在北海道很出名的洋菓子店行個圈,  因為聽過同事說這間芝士蛋糕不太香芝士味..因此沒太大興趣試他們的芝士蛋糕系列, 反而買了全場最平的一盒Premier maalu朱古力脆片試下, $88有4片....嗯...每片都珍而重之咁慢慢食.. 我買的是白朱古力莓果味, 吃落口有少少士多啤梨味和莓味, 由於這塊脆片都有一點厚度, 所以都幾結實, 口感也幾脆口的, 有點脆米的感覺吧... 可惜這款脆片真的過甜了...店員給我試吃一小塊的時候都未覺得太甜, 但原來會愈吃愈甜的, 吃一塊已覺太甜膩, 幸好我只是買了細盒裝...

香港首間北海道小樽No.1 洋菓子店❗️LeTAO除左芝士蛋糕之外🍰茶味朱古力都係名物之一！🍫加上高貴的包裝真係非常吸引呀👀皇家山峰紅茶朱古力 ($88/9粒)朱古力呈立體三角形🗻外形精緻迷你😍一啖一粒就啱啱好😋朱古力的口感幼滑醇厚👏🏼在囗中慢慢溶化😌充滿濃郁的可可味🍫隨即陣陣紅茶香氣湧至！☕原來選用矜貴的大吉嶺紅茶製作👍🏼紅茶味與朱古力互相輝影🙆🏻真係好好味呀❗