Let’s Burger (已結業)

在晚上五六點時間回到大圍，時間唔上唔落，想坐低食已經無可能，買個外賣係公園食最好。Let’s Burger就mark 咗好耐，今次係第一次，即管睇吓點。餐牌都幾簡單，有啲小食，有個羊堡比較少見。落完order 現場等，大概十分鐘可取。等等吓有蚊滋咬。現場有隻黑貓，相當好奇地望住我，都幾可愛。攞到就係出面食。個盒有設計有諗法，唔會整爛整濕個包又方便拎出，都幾好。個包正常樣子。望落都新鮮靚仔，應該唔差得去邊。失望之一包烘都無烘過，微溫帶乾身。汁醬似係沙律醬加辣椒茄汁，一般。酸瓜兩片。煙肉係奧運牌一類稍微煎過。肉餅大概4安士，稍細，點解咁多食評話大份？整體有肉汁係正常發揮嘅，只可惜肉餅無調味，又無乜肉味，對比麥當當安格斯贏唔到幾多。蕃茄新鮮，沙律菜用綠橡菜都幫到手，個汁醬真係爭啲，個包發揮唔到偏乾身救唔到。肉餅頗多筋。用筋唔係唔得，但要碎得細啲。整體而言，好就唔算得上，性價比都比較弱，最得歡心的是黑貓和外賣盒。…查看更多

今日和友人行完山到大圍，第一次試這間店！我們外賣招牌芝士漢堡、脆雞漢堡和肉醬薯條。芝士漢堡的芝士好好味，味道好夾！而脆雞漢堡的脆雞都頗大塊，大過漢堡包很多，味道亦不錯！肉醬薯條始終因為外賣，都預左會冇堂食咁脆。我們買完外賣之後用了20分鐘回家，回到家後薯條都尚可！如果堂食又熱又脆，應該會好好味！總括來說，我和友人都好滿意！店裡的貓貓好可愛，因為和店裡的牆一樣色，初時都冇發現佢！haha😂店舖門口倒瀉了雪糕，我仲以為係真！個裝飾好搞笑！…查看更多

新搬入大圍，星期日中午到這間Let’s burger 買外賣，中午12:24分落單，居然等到1:20分還未有，催促外賣單時，裡面大廚態度非常惡劣，說：「送多2個小食咪得咯唔好咁多聲氣！」。一開始只說等20-25分鐘，居然接近一小時還沒有，態度如此差劣，絕對不能接受！絕對沒有下次！各位想試的請自行考慮！…查看更多

大圍的隱世Burger小店，位置不容易找，不過水準一流，即使外賣到家，食物依然是熱辣辣的。包裝盒。右上角的千島醬是神來之筆，點薯格非常匹配，會多加100分。主角漢堡，是雙層芝士漢堡，HKD 108。配料有：煙肉(兩塊)、煎蛋、漢堡(兩塊)、蘑菇、已溶化的芝士、菜、蕃茄。超級厚身，一口絕對是咬不下的。雖然醬不多(下次可以remark多醬)，但有那麼多材料，口感絕對不會覺得寡，每一口都很豐富。買了漢堡，加HKD 25可以有薯條/薯格 + 飲品。我叫了薯格和烏龍茶。薯格好入味，有些香草在上面，其實不需點醬都很夠味，有少少硬身。不過千島醬實在太好味，所以一定要點。另外加了小食蒜香雞翼，HKD 45有6隻，價錢合理。味道正常水準，可以一試。…查看更多

昨日的午餐叫咗網上外賣平台喺沙田新城市廣場送曾經瘋魔中環IFC國際金融中心商場的美國漢堡包連鎖店Shake Shack的漢堡包及飲品送來我屋企午餐的時候食，味道唔錯，今日決定試吓區內另一間麵包店就是這間Let’s Burger。我哋三個成人叫咗一個美式漢堡包套餐包括美式漢堡包一個加大蘑菇一份（原來係成大塊）+最新無糖可樂+一份四隻的水牛城雞翼，$155一個美式漢堡包加大野菇$118一個菠蘿炸雞漢堡$82，阿爸話好食！首先包裝好靚，兩個高身的紙盒裝晒，有一支好長嘅扁身牙籤喺盒上面穿過漢堡包等漢堡包唔會周身郁。兩個美式漢堡都加了一份大野菇，漢堡包的漢堡牛肉很厚，味道唔錯，還有蕃茄和有啲紫色嘅生菜、有惹味嘅醬汁，有芝士及煙肉，每個漢堡包有一塊大野菇，麵包嘅質素好過Shake Shack。呢間嘅漢堡包值90幾分，Shake Shack的漢堡包值60幾分，罐裝的最新無糖可樂都夠凍，不過呢度冇自製飲品，Shake Shack的自製飲品很出色。水牛城雞翼一份有四隻雞中翼，超大隻，好揼本！最緊要雖然唔係最正宗嘅做法，但係超好味！連阿爸唔食雞翼嘅都食咗一隻全隻，連啲皮都食埋（不嬲我哋食雞翼係唔食皮嘅！）…查看更多

連續兩個周末晚餐試咗佢地嘅美式經典漢堡鐘意呢個漢堡厚身口感比較粗狙，牛肉都唔差，配埋芝士煙肉洋蔥芝士少少heavy 和evil ，真係非常満足的comfort food😋第二次另外加$6 要多片菠蘿（打開發現菠蘿原來燒過下👍🏻，真係有心機）不過其實本身個包已經配埋不少生菜和番茄，加埋成個包今次真係超級巨大😅，一口咬唔哂😆，同埋返到屋企一陣先食就搞到下層個包有啲濕得滯。整體來說真係價錢合理質素幾好…查看更多

放工經過見到新開了一間小食店，行過去睇發現是一間漢堡包店。買了一個和牛漢堡和鵝肝和牛漢堡，價錢稍高但很好食，會再幫襯。是一間有誠意的特色小店，店員親切有禮貌。有扭蛋優惠券，有心思。…查看更多

同事介紹一間開張冇耐嘅小店叫咗個外賣菠蘿炸雞漢堡加蛋,配薯格連飲品$99炸雞香口得黎又非常juicy, 同芝士和醬非常夾.薯格配上自家醬,很開胃,總括嚟講,冇值得挑剔嘅地方外賣盒用竹籤固定漢堡包,打開嘅時候個包仲係好完整,呢個心思值得加分…查看更多

大圍新開驚喜漢堡包店，輕輕鬆鬆喺屋企等食。個外賣盒好有心思，送到上黎個包仲係齊齊整整冇塌。材料新鮮，麵包軟熟，醬汁好味，唯一建議係個包內切面可以煎/烘耐D，等唔好咁容易索水。…查看更多

美式經典漢堡，成個包味道夾得幾好，麵包香脆鬆軟，黑松露薯條全靠個好味醬，係鮮炸嘅，個包都係新鮮整嘅，要等15分鐘。整體來講係好味嘅。個包$78薯條加汽水38，首次惠顧join Instagram有九折#大圍#Let‘s burger…查看更多