Lemongrass (已結業)

約了友人去奧海城睇星球大戰 行來行去 覺得Lemongrass最合眼緣 即管入去試下吧。午市都好多人 差不多坐滿 環境不錯 枱與枱之間空間感幾好 侍應咁忙都很友善 難得。泰式鑊仔炒飯 粒粒炒飯乾爽分明 炒得幾靚 配上豐滿清甜的蕃茄和青瓜 爽甜的蝦 賣相已經加了分。炒飯帶點橙紅色 淡淡蕃茄香味 感覺是先用油爆香車厘茄再落飯 炒飯煙煙韌 配料有芥蘭 雞蛋 蝦 整個配搭好match!!小食-泰式雞卷 炸得好香脆 明顯食到雞肉而唔係面粉 裡面的香葉味道好惹味 配上泰式甜酸醬一齊食 好！青檸梳打 我好鐘意 因為冇加糖水 真的原汁原味的清新青檸味。小小的甜品 椰香慕絲香滑配上軟綿綿的班蘭蛋糕 為午餐帶來了甜甜的驚喜。滿足 下次再經過奧海城 可以再去。

某日娘子在奧海城shopping，旁晚致電Step到奧海城食飯。行來行去，娘子最後決定想在一間日式火煱店打邊爐，但因為Step最近食得太多煎炸食物上火，被小弟否決了。但回身在轉了一個彎，發現了一間泰國餐廳 – Lemongrass。隨即說服娘子入去試一試。全店裝修簡潔，有點新式西餐廳的感覺。二話不話看看menu，當中有限時優惠套餐可供選擇，價格很挺實惠：迎接秋冬滋味套餐 ($184)但Step只是晚上的家常便飯，想食得較為清啖一點。結果order了幾個相對平凡的小菜。青檸梳打 & 龍眼特飲 ($48) (3.5♥/5♥)這個是2杯特飲優惠，2杯只要是$48。Step點了青檸梳打，而娘子點了龍眼特飲。青檸梳打青檸味適中，不會太酸，合大部份人口味包括小弟娘子。(Step則覺得多一點青檸酸味會更好。)龍眼特飲用料足，有4-5粒龍眼肉在裡面，甜味亦合娘子口味，正!! (小弟覺得略為甜了一點)馬拉盞炒疏菜 ($78) (4♥/5♥)Waitor說當日芥蘭新鮮，小弟和娘子就決定要芥蘭。芥籣入口新鮮，爽口而不硬，難得；加上馬拉盞醬汁味道香濃但不算太咸，辣味亦適中，好食!!泰式一口牛 ($78) (4

又到聖誕，諗過吃聖誕大餐，但是自助餐又吃得不多，今年一於食個泰國菜反傳統，唔食火雞，食蒜蓉炒菜，金邊粉，泰式一口牛肉，生蝦，好豐富呀，人客坐滿全場，環境幽雅，炒雜菜雖然簡單貨色，又多茨汁，心理上吃下菜冇咁肥，金邊粉不夠熱，有網狀既蛋皮包住，仲有隻大蝦在上，味道偏甜味，碟上仲有砂糖，花生比你沾着金遑粉食，不錯，至於牛肉，夠熱又有入味既黑胡椒味，牛肉又軟腍腍，讚！生虾醬汁酸酸辣辣，又大隻，又甜，最緊要新鮮！叫埋個班蘭味脆雪山做甜品應節，成棵聖誕樹咁，本來不太期望好味，誰不知呢個雪山不能睇小，薄薄的，脆卜卜，好有班蘭椰子味，好香，又有花生粒加糖漿，配合得天衣無縫！推介！聖誕節快樂！

作為一位攝影愛好者, 經常會在旺角區出入, 就如這一個聖誕前幾天的晚上, 便聯同好友到旺角買部新相機, 之後便要吃晚飯，好友較喜愛吃泰菜, 記得之前看過有間評價不錯的泰國餐廳在大角咀，就往這邊走。這家Lemongrass在奧海城二期的一樓, 一進來已見室內環境很不錯，地方大而且亦夠寬廣, 裝飾和佈置都充滿聖誕節日氣氛。因為預早訂了位，在周一的晚上，一行二人，被安排坐在餐廳一旁的位置，是頗舒適的。其實事前已經做了功課, 看過了食評和餐牌，心目中已有印象知道吃什麼菜色,再問問好友的意見，就決定要了前菜及幾款主菜。飲品方面, 點了青擰梳打, 幾大杯而份量也算多, 青擰的天然酸味再配上梳打水, 是喝得夠爽。好友則選了咸擰七。這一味炭燒豬頸肉, 豬頸肉的外層燒得略焦香，吃起上來, 肉質是爽口而豐腴，味道是微甜的，而附上的醬汁又酸又香，令胃口大開。海鮮類的有咖哩大肉蟹, 肉蟹的份量十足, 大隻好肉，肉蟹被金黃色的咖哩汁埋沒了，看起來是頗吸引，食落啖啖肉，肉質鮮甜嫩滑之餘, 咖哩汁味道甜甜的有辣香，跟鮮甜的蟹肉配合得不錯。最後再要了咸魚炒椰菜苗, 一上檯已聞到香味四溢的, 椰菜苗也算新鮮，而且唔會炒

星期六同朋友起ELEMENTS睇完戲就搭左的士去奧海城搵食因為去到已經三點 咁岩見到lemongrass有下午茶就入左去食啦~入到去最令我驚喜係竟然有兒童既corner咁媽媽們想同朋友傾耐啲又驚啲小朋友悶可以叫佢地去果度玩~下午茶價錢都唔算貴而且包飲品~我點了海鮮喇沙 朋友點了肉骨茶首先來的是奶茶這不是普通的奶茶而是泰式奶茶不錯不錯再來是朋友的肉骨茶 $72我偷吃了一口覺得麻麻肉骨茶唔夠濃味 普普通通我既喇沙終於黎啦原本試完肉骨茶都對喇沙冇乜期望但食落又出其地好食!!海鮮喇沙 $68 首先勁多海鮮有蜆 有魷魚 有蝦睇下幾大隻蝦仲要有2隻其他料例如豆卜果啲都好多~我最欣賞係個湯 我飲左大半碗非常香 但又唔會過辣 又唔會話落太多梛奶啲麵係有米線同米粉 撈埋更加有口感雖然是下午茶價 但都唔會話細細碗下次想食喇沙我經開都會再食~

在奧海城等睇戲, 來到這間食泰式餐廳食晚飯見佢飲品買一送一, 我就叫了杯龍眼特飲, 相公就叫青檸梳打(HKD48), 味道ok叫了幾個餸, 這味泰式一口牛肉 (HKD78), 上桌時熱騰騰, 鐵板燒式一口牛, 加上少少泰式楜椒, 一口牛一咬鬆化, 非常野味之作 (不過如果可以再辣多點更好啦~)馬拉盞抄菜 (HKD78), 味不會太鹹, 不過可能要就香港人的口味, 不太放辣 (sorry, 我是一名辣妹~~Hahahaa…)叫了個例牌海南雞飯 (HKD98), 雞飯好入味, 雞雖知是冰鮮的了, 但不會有雪藏味, 還是很滑, 有雞味的啊~菠蘿炒飯 (HKD98), 用料足, 蝦大大隻黃金蝦, 加上好多不同的香料, 甜酸辣味都剛好, 好快我地就清哂啦~滿足的一餐後就可以去睇戲啦~

放工相約朋友到奧海城吃晚飯，這間不用等位便選擇一試。可能因為星期五的關係，人比較多，餐廳亦比較忙亂。餐牌： 椰林飄香：即是Virgin colada，比較簡單的Mocktail，主角是菠蘿跟椰奶混成沙冰，其椰香味夠重，又不會太甜，不錯。 青木瓜沙律：用上青木瓜絲、辣椒、番茄、青豆角等，混入魚露及檸檬汁，吃過一口辣味由從喉嚨滲出來，不過感覺挺refreshing的。 泰北農家炸蔬菜：選了通菜，炸得太過火、蔬不夠新鮮，很難咬斷，所以吃了兩條就放棄了。 泰式鑊仔炒飯：用肉碎、蝦乾、青蔥炒，並以蛋絲、臘腸、豬肉鬆及青檸伴碟，炒飯味道似平日吃到的生炒糯米飯，炒飯的調味不錯，有陣陣的海鮮香味。 班蘭味脆雪山：賣相很精緻的甜品，餐廳把此甜品裝飾到好像一棵聖誕樹，單非看名子以為是雪糕類甜品，但原來是用一塊如紙般薄的薄餅塗上花生、砂糖及煉奶再捲起而成，不過味道方面一般，完全吃不出班蘭葉的味道，甜度亦不夠。內裡的餡料：埋單平均一人二百元，不過不失：

U牌時裝店大特價, 左抽右袋去找吃是幾麻煩的事, 所以找附近的食店是明智之舉。店名叫Lemongrass, 一看便知是賣泰菜, 裝修屬小清新再加上聖誕裝飾又是幾好氣氛。雪山荔枝  $29荔枝沙冰非常甜, 要靠溶雪來沖淡, 極耐飲。大蝦炒金邊粉  $88賣相精緻的炒金邊粉, 那個用蛋織成的網很有質感, 金邊粉炒得很乾身, 混入旁邊的砂糖、炒花生碎等等可豐富口感。泰式明爐烏頭  $198吃時淋上酸湯, 半熟的魚肉吸收了湯精華, 酸香惹味, 如果不喜歡過熟的魚肉質就要快手吃掉, 酸魚湯可留待一陣才喝。

食物的味道很適我，因為我是愛食泰國的菜式及甜品，椰子的喝品就十分適合我，就如食到一個新鮮的椰子，而且餸菜方式十分好味，由其是炒飯，粒粒都可以有汁及有味道的，令到我每一口及口感都一樣，不會太差的。而黃金大蝦就會比較有口感，但又不似日式的天婦羅，有泰式特別的口味.最後甜品就好像糖不甩的味道，但是一圈圈的，很特別及可愛，而且新算之前食得很飽，也能食下這個甜品，因為很好味，還有花生等有咬口的食材

​​奧海城二期Lemongrass 環境好寬闊，容納人數都幾多。​裝飾和佈置都充滿​​聖誔​節日氣氛，是與朋友一同共聚歡樂時刻的好機會。六點多入餐廳，已經有差不多10枱的客人。七點後的人愈來愈多，而且預約的人陸續到了。收工後是happy hour，點了杯雞尾酒LG Pina colada ​​$52​飲得出有好香的椰汁和菠蘿汁，​微微的rum酒​易入口，也挺適合女生飲呢! ​碎冰讓酒精飲料長期都可以保持冷冰, 好味~​酸辣肉碎生菜$98辣味肉碎包住鮮嫩又脆的生菜好創新，小小辣多多脆~​​泰式​黃金大蝦$148炸得金黃酥脆，而且蝦身都好大隻，好滋味。​底下鋪了一堆​沙律菜​中和油膩感。點了一個蔬菜馬拉盞炒$78，蒜蓉和馬拉盞炒​到好香​口, 送飯一流~​​​印尼炒飯​​ $96炒飯炒得好香，有​煎蛋​、沙嗲雞串​、兩粒紅蕃茄仔​​、​海鮮方面有蝦和魷魚圈，仲落了數塊印尼蝦片，正宗泰式風味！​​甜品點了特制馬來脆雪山，外型夠曬搶眼，又夠高，臨近聖誕，特別整了個​聖誔樹look, 襯到好絕！小小甜多多脆， 一邊撕一邊往口裏塞內有花生碎​和椰絲​，充滿甜密和滋味的感覺～​

來到奧海城睇戲，晚餐就決定在奧海城選—間餐廳。逛了一圈後，最終選了這間Lemongrass。Lemongrass 餐廳環境又四正，吊著五彩繽紛的吊飾摩登,黑板上寫著各式各樣的飲品,裝潢都幾有特色。泰式豬肉碎生菜包,大塊生菜吃得健康，作前菜準備。碎豬肉香料味濃,  肉汁水豐富，材料混合了檸檬葉丶香茅丶芫茜、乾蔥及青檸，吃一口香味濃。以生菜包著吃口感爽香，椰皇$44好正，好大！椰汁好濃椰子味，冰凍清爽泰式無骨海南雞飯,無骨雞油香十足 個汁甜甜酸酸好味。d飯都有雞油雞惹味

If you ask me which is the best restaurant in Olympic City for you to have dinner  with your friends, then I would recommend the restaurant Lemon Grass. It has a nice atmosphere and the service is really friendly that you can make friends with them.  It makes you have a feel of home. It is a lovely and comfortable place to be and have lunch. Whenever I visit Lemon Grass, it makes me want to come back here for more due to the service and the food they provide. If you ever visit this restaurant, y

一直都覺得自己很幸運，每當遇上什麼題，身邊總有一班好朋友幫忙及支持，前陣子家裏的電腦無原無故壞了，幸好朋友表示可以來我家維修，為了好好慰勞他，我決定請他到就近商場的Lemongrass吃飯。由於踏入12月，餐廳已經換上一系列的聖誔裝飾，大大顆的聖誔樹站在門外，而店內的天花亦掛上一盞又一盞不同顏色的吊燈，充滿節日氣氛，感覺亦相當有情調。 坐下後，我們發現飲品正在進行還一送一的優惠，所以我們便以HK$58點了兩杯飲品，分別是原隻椰皇及榴槤雪糕奶昔。榴槤雪糕奶昔的味道相當好，奶昔入口相當幼滑，質地偏向濃稠，帶有點沙冰的口感，而且榴槤味道極度濃郁，清香甜美，非常好喝。 泰式一口牛肉以鐵板來送上，牛肉肉粒入口時帶有強烈的胡椒香，味道帶點微微的辛辣感，牛肉看起來雖然有點過熟，但其實入口時口感軟腍，而且肉汁相當豐富，細嚼時牛肉肉香與胡椒味道個口腔內散發出來，挺美味。 泰式燒雞是這天的心水推介，燒雞外層燒至金黃色，入口時口感微脆，帶有焦香味道，而內層的雞肉肉質卻相當嫰滑，油份感覺不會很重，而燒雞備有2款醬汁，分別是泰式酸甜醬及燒汁，沾上後享用能大大刺激味蕾，吃後胃口大開，相當醒胃！ 菠蘿炒飯以原

家明又接我收工了，他說要到奧海城看踏血尋梅，今期城城戲內戲外都咁打，所以一定要去棒場吧！我們先到Lemon Grass 嘆番個泰式晚飯先！首先叫了我最後的無骨酸辣鳳爪，真入味，酸酸甜甜，胃口大開！生蝦很鮮very huge and only have 6 pieces，伴上辣汁，被我一人吃光光了，家明有點無奈！鮮菠蘿海鮮炒飯香噴噴，有大蝦伴上，飯炒得甘香，很有獲氣，家明停不了口!最特別的是印度薄餅伴上燒茄子雞肉配干咖喱，真的很特別，用上一整條笳子配上咖喱，又香又滑的雞肉，配上印度薄餅，真的絕配，口感一流!最特別的是榴槤奶昔，真的又甜又清香，感覺真的好幸福啊！

之前試過銅鑼灣lemongrass覺得幾好味經過奧海城行街見到原來都有一間就揀左黎食晚餐奧海城呢間裝修比較靚d已經佈置好哂，好有聖誕氣氛門口亦有糖果派發被安排坐梳化，張梳化都好舒服Menu都係好多選擇總共點左幾款招牌海南雞 $98好大碟，有2種醬汁可以點有辣有唔辣，個人比較鍾意泰式辣醬唔係幾辣，帶少少酸甜味道而黑醬油咸咸地，亦帶出雞既鮮味雞肉好嫩滑，已經拆哂骨但好完整啖啖肉又唔會好肥膩，好滋味馬拉盞炒通菜 $78馬拉盞辣辣地，通菜好新鮮好爽口炒得好入味唔錯唔錯大蝦炒金邊粉 $88有一層薄薄既蛋包住已經炒好既金邊粉金邊粉份量都幾多幾抵食炒得有獲氣夠乾身撈埋側邊既糖，辣粉同花生碎甜甜地辣辣地幾好食大蝦就不過不失泰式蔗蝦 $883枝大大枝既蔗蝦，好足料炸得好香脆，唔會好厚粉蝦肉好鮮甜彈牙點埋辣醬好夾野飲有優惠，$58有2種特飲所以揀左2款雪山荔枝有一粒粒荔枝同碎冰好鮮甜，沙冰慢慢溶，飲極都仲有荔枝味好清甜，解渴一流椰林飄香 少少椰汁味，好香芒果味同菠蘿味重一點沙冰甜甜的，配搭恰當即制馬來脆雪山 $42呢個係一個甜品黎係呢間店既特式食品賣相好得意好似一座雪山咁高因而取名入面有煉奶，椰絲，花生碎