Lam Tei Grill

营业中

休息中

人越多，朋友確實越來越少，但正因越少，更視為珍貴。願意花上時間心思為我慶祝生日的兩位摯友，令我心生感動；雖然，因其中一位好友的腳弄傷了而遠入屯門探訪吃飯，但我同樣樂意，只因與她倆一起做什麼也十分開心!住在屯門的好友已預先book了這間餐廳，因這間餐廳確實十分爆場，如週末沒有訂位應該難以入座呢! 餐廳無論佈置，格局和燈光都頗有情調，於特別日子來這裡慶祝不會失禮。食物款式頗多選擇，最後我們選了兩個主菜，再加($45)轉套餐，套餐有沙律，湯，餐包和飲品，另外有友人已預訂了的甜點，相信已很足夠我們三人吃了!店方很細心，給了我們三個麵包。麵包烘熱過，外脆內軟，塗上一層牛油，更添香味。沙律菜爽脆，沒有太特別之處。湯有分別有羅宋湯和南瓜湯，兩碗湯都好喝，個人偏愛南瓜，因本身愛吃南瓜，味道香甜，質感順滑，不錯。主菜之一是蘑菇意大利雲吞 ($98) 看上去份量不算很多，但原來吃著吃著也夠吃的，可能是本身皮厚和醬汁夠濃。麵皮有厚度而不失韌性，滿足澱粉控的心癮。反而蘑菇餡料不算多，菇味不算重，我反倒喜歡；需大讚的是其忌廉汁很重奶油香，口感豐盈，濃郁非常，很不錯呢!再來有香草牛油大蝦南瓜意大利飯 ($148)

今日破天荒走到老遠食西餐，皆因朋友住在附近，推薦我試下，所以幾難揾都要試下。水牛蕃茄沙律~水牛芝士被一片蕃茄和 Parma Ham夾住，味道好協調，加埋沙律菜一齊食，正呀！龍蝦湯~一般'海鮮意大利粉~海鮮新鮮，有青口，蝦和帶子，每一條意粉都掛有白汁，好正，好好味蜜糖芥辣燒焗加拿大豬胺扒~外脆內肉質鮮嫰，厚切，好正芝士杧果cake~啖啖忙果肉，芝士味也不太濃，ok wo這間餐廳氣氛好romatic , 食物質素不錯，價錢亦算抵！果然無入錯黎

平時食開都冇問題，諗住早些來慶祝情人節，點知食到一肚氣，以後都唔使旨意再幫襯！可能係星期日關係，上菜都比平時慢，不過唔緊要，我唔趕時間，冇吹到佢，等了30分鐘先有面包，45分鐘先有湯，味道正常，同之前一樣。之後的肉眼先有事，我呢世人都未見過一塊咁肥嘅肉眼扒，有成塊的三分之一係肥膏。成二百幾蚊，再等一粒鐘，俾塊咁嘅嘢我，我梗係岀聲啦，點知個老闆娘來到，我話我都食過肉眼，並唔係咁肥，佢話塊塊都不一樣，冇得換！竟然話我唔要咁肥又唔早講，唔通我會預先知道你地會俾咁肥我咩！？好，我唔同佢理論咁多！仲之咁嘅態度就永冇下次！

自從吃過那個杏仁紫蘇豬鞍扒後一直念念不忘，今天終於可以再來Lam Tei Grill了～ 好一陣子没來，餐廳菜式依舊，價錢也没大改動。凡叫任何主菜，都可加$45轉套餐。 沙律 沙律菜蠻爽脆、新鮮。 龍蝦湯 是日餐湯：龍蝦湯，味道還可，但略嫌太稀，没有龍蝦湯應有的濃稠。 杏仁紫蘇焗燒豬鞍扒 $158 再次order令人回味的燒豬鞍扒。 杏仁紫蘇依舊幽香、可口。雖然豬鞍扒已没那麼厚肉，但還算嫩滑、juicy。仍然是不用點燒汁也夠美味。 伴碟也做得不馬虎。薯蓉焗得金黃，表面香脆，入口幼滑。 紫蘇乳酪燒焗吞拿魚柳 $178 上次試過牛扒，覺得麻麻。於是選了吞拿魚柳，繼續紫蘇味蕾之旅。 吞拿魚柳烤焗得宜，肉質保持鮮嫩，又香又juicy，為此晚餐帶來驚喜。 事隔一年多，Lam Tei Grill依然是抵食又有質素之選。看其他人說服務差，但我這晚覺得okay。

同女朋友慶祝生日諗住遊車河入屯門順路去果間屯門藍地grill食飯慶祝前兩日已經book定電話book左8點半去到又話得8點，冇8點半book叫我出門口重新等過位算我犯賤門口餵蚊再等終於入到去我同我女朋友都叫左個西冷medium rare上菜出乎預料地快咁開始食啦點知切塊扒要好似鋸木咁出力一食果然un到飛起根本趙整都趙唔入成塊一路食一路lur渣問個事頭婆有冇得換佢居然話西冷係咁得換食到一肚氣下次真係不了

一行4人，我叫左美國肉眼扒，上碟就好靚，但味道就好差，食到好濃烈既燶bbq味🙁🙁，完成冇牛味😑😑😑。朋友叫既千層麵，又酸又苦，好難食😕😕。另一位叫左海鮮意大利粉，不過不失，唔突出。另一位叫左飯（忘記叫咩名），都係不過不失，但較普通。前菜叫左芝士焗生壕，都ok既，有生壕味 😂😂😂 龍蝦忌廉湯好飲，好重龍蝦味，整餐飯最好食的是這個。結論係，整餐飯係得主菜難食，其他都ok。 🙁🙁🙁🙁

表妹生日，因為早一日係星期三例休，唯有星期四即日book，好在8pm有位Book5人，先將蛋糕交俾店員雪好，店員亦重申$60切餅費，當然冇問題啦，帶位後發現原來係4人枱加主席位，問店員可否調位，佢都話唔好意思，但而家full左，要等其他客人離開先可以，幸好我地隔離果枱冇耐就離開，店員立即幫我地移多張枱過黎，即刻鬆動晒餐廳本身都佈置得有情調，門外有很多花草，餐廳內木枱櫈加多一份田野情懷，另有廂房，無論拍拖約會定一班人聚會都照顧到總共叫左一個沙律，一份小食，三份main course轉套餐（加$45餐包、餐湯、沙律、餐茶），一份意粉，原來5個人係食唔晒😂先黎套餐嘅沙律，份量唔少，醋汁開胃然後有軟殼蟹沙律，蟹件比較細冇咩肉，味道好似酒樓炸魷魚鬚再來係鴨肝多士，因為餐廳話冇鵝肝，轉鴨肝就平$10，鴨肝煎得好香脆，油份滲落餐包度好香，欣賞餐廳識靈活變通，令客人有多一個選擇芝士焗蠔（兩隻起），叫左三隻，好好味，一啲都唔腥，唔係一味落醬落蒜落芝士就算，蠔嘅鮮甜完全保留到，好讚！跟住就到主菜，先黎德國咸豬手，一睇就知好香脆，食落去仲好juicy，店員會問需唔需要芥末醬，佢會幫你加喺碟邊，點埋更加惹味然

朋友住附近，我間中都會過來呢區。餐廳開左好多年，每次經過都見到高朋滿座，而且幾年前藍地大街未似而家咁熱鬧，呢間西餐廳都好突出。終於揾到機會一試，出品一d都唔失禮，水準比好多旺區的倒模西餐廳好得多。加上可能無咁大租金壓力，所以價錢唔貴。建議來之前要先book位。

Lam Tei Grill 開業已久，記得五年前，在餐廳分享新工作獲聘消息，一做已經五年。這五年中環工作，遊走港島區大街小巷，再次到訪 Lam Tei Grill，味道仍舊美味，相比集團式餐廳，絕對性價超值又美味的小店！於中環這石屎森林太耐，間中遠離煩囂到屯門另一邊探索其他餐廳，與朋友𣈱聚開懷大笑，極為𣈱快！餐廳內木枱木椅，配合地點偏離市中心，有種穩世園林餐廳感覺是日餐湯：周打蜆湯 / 洋蔥雞湯周打蜆湯比較水狀，完全沒有加麵粉，不過味道豐富足料，有蜆肉、有鮮味、有忌廉味餐包熱辣辣上枱，可以搽牛油或黑醋三文魚意大利雲吞 $108雲吞皮煙韌包住三文蓉，加入香濃忌廉煮，雲吞掛上美味濃忌汁德國咸豬手 $148豬手皮十分香脆而不是硬，食到微微蜜糖香，重要豬手不是死咸，內裏肉質嫩滑帶有啫喱狀骨膠原，連配菜薯蓉都好味，不過可錯過！．Menu**主菜+$45有餐包、餐湯、沙律、飲品

話說呢間餐廳唔經唔覺都幫襯左好多年！有一次同朋友提起呢間餐廳，朋友第一個反應係:間野好串個喎！不過對於我來講，呢度係充滿人情味嘅西餐小店，係外面連鎖式經營手法嘅餐廳搵唔到嘅風味。老老實實，呢度又真係幾串，禮拜三休息(好似係)。有陣時老闆會去旅行，當佢去旅行嘅時候就全店休息，索性唔做生意。。不過坦白講呢度招呼其實都算唔錯嘅，每次嚟到都見到老闆娘坐喺出邊一個小小的花園位置飲酒傾計，一副唔憂做嘅感覺出晒嚟，好正。不過有麝自然香，要達都唔優做嘅境界，確係有啲野嘅。而對於我來講呢啲叫做:特別好食。我差唔多每次都係為咗佢個餐包而黎，佢嘅手製餐包，出面真係食唔到！整個包都係白雪雪，外面脆而不硬，裏面帶有煙銀口感！好味到我經常都想encore，不過唔好意思講。。如果牛油可以換成更加香嘅總統牛油就更加好。今日我食左長通粉，唔使特別介紹。因為都係一如以往嘅好食。

對上一次食已經係三年前元朗之前都有一間分店但未食過已經執左今晚同男友諗起好耐冇食過所以就去食 book左7點半 平日冇咩人 坐得舒服叫左2個主菜 （另加$45跟餐）有沙律 餐湯 飲品沙律菜新鮮 加啲黑椒成個沙律冇咁dry 餐湯揀左龍蝦忌廉湯 冇龍蝦肉既 不過個味道就岩岩好 黎湯既時候會有2個麵包跟熱辣辣既麵包而且好鬆軟 前菜仲點左2隻芝士焗蠔（$35@1 2隻起） 焗蠔好食 蠔身肥厚 👍😋👍黑松露鵝肝意大利飯 點前會講明跟返正宗意大利煮法 飯既質感會比較硬身 有咬口 （好貼心呢樣野）唔會好似普通餐廳配合港人口味 煮到淋哂 個飯唔好睇佢咁細個 2個人share食岩岩好 食前我將鵝肝切成一小舊 裡面既油慢慢滲出黎 連埋個飯食真係回味無窮。😋😋😋😋😋之後就係個牛扒 上前其實都驚失望因為試過係其他餐廳食 一係over cook 一係煮得難食但呢到煮完出黎到賣相吸引 完全冇失望（點前會講明12至14安士）牛扒點左5成熟 岩岩好 juicy煮得好好食 *個人溫馨提示唔需要點汁食 唔好浪費塊扒本身既牛味*配菜個薯蓉外面輕輕焗一焗 外脆內軟 係手打薯蓉黎旁邊仲有唔同既配菜 好豐富 $3百零蚊真心係抵

之前係屯門住，食過幾次覺得幾好食，但自從有一次老闆娘同啲員工態度極之差之後就已經兩年無來過。今日心血來潮想俾多次機會佢，希望佢有進步，book咗6:30兩位，佢講到明留枱十分鐘，我哋6:40到達，點知佢話張枱已經俾咗其他人，我話而家係6:40, 佢話佢哋以佢哋嘅鍾作準。其實佢哋一早已經將張枱俾咗其他人，因為個侍應出來嘅時候已經口窒窒，有啲心虛。我哋再同老闆娘講亦在同個員工講多次但係兩個嘅態度都非常之差。我以後唔會再黎呢一間食店

叫左5個餐，都有升級做套餐，+45 蚊。先來沙律，菜是新鮮的，還有細心問要不要黑椒。然後來面包和湯。包好熱好正！湯有兩款，周打蜆同雜菜。兩個都幾好。足料，唔會稀。1.羊肋骨。先用炭火燒的，order 時有提醒個扒邊會有小小焦。五個餐中最美味。未升餐前好似168。全部人都偷食佢塊羊。不過份量好足，有3塊無記錯的話。2.南瓜大蝦意大利飯。唔記得價錢，around 150啦都係。意大利飯order時有提過有小小硬。個sauce 係南瓜，然後有兩隻大蝦。超南瓜，好正。飯係真係有少少硬，食唔習慣意大利飯既會唔中意。呢個其實係幾正宗，因為港式會煮得林左適應亞洲人口味。呢個我朋友食，我下次一定要食呢個，不過可能會叫佢煮耐少少，我怕胃唔舒服。3.蟹肉茄干意大利飯。好似148。酸酸既sauce,剛食時好開胃架，個蟹肉係混入飯入面的，食得出個蟹肉味。但係食耐左會開始食唔出，因為被酸味打敗左。我覺得呢個可以改進下。最簡單係放多小小菜係碟邊，青椒青瓜之類refresh 下個味蕾。因為本身個飯是ok 的。4.三文魚扒意大利粉。好似120左右。我無食。我朋友好嘴刁的都覺得好味，佢話好cheesy。5.大蝦意大利粉

6點幾去到哩間鋪佢話執緊枱叫我地系出面等等左陣問佢幾時得 佢系咁講就快就快咁姐系幾時?因為有大肚婆同小朋友系到其實入面完全無人 眼見執既野都7788得我吾明點解吾可以比客人入去坐先到最後我地有人出聲講我地都系去第2間食算個老闆娘仲要話哦好呀老實講哩d餐廳扮曬大牌 等執啦

去開屯門, 朋友話想食豬手, 咁就決定去下試下藍地D餐廳. 呢間餐廳係藍地都幾多人去食, 我地星期六即日下午訂枱都訂到六點半算幾好彩. 係食緊野既途中都有唔少walk-in客, 但通通都冇位, 好彩我地有訂枱.我地叫左套餐. 會有沙律, 餐包同湯. 餐包上到枱仲熱, 龍蝦湯都算幾濃. 之後先黎德國咸豬手, 豬手皮係煙韌既類型, 豬手皮惹味, 有介辣同肉汁可以點黎食. 呢度既豬手己經界開左一格格, 比較容易將骨肉分離. 豬手好大隻, 但有唔少肥膏, 比較肥. 隨碟跟薯蓉, 食完碟豬手都飽左大半.之後係蟹肉番茄意大利飯, 好多蟹肉, 番茄醬唔會太酸, 味道適中. 另外見到好多人都有叫牛扒, 下次再黎可以試下.