Lagom Kaffe (已結業)

你呢間餐廳之前已經見到兩個報道，都想像到室內一定人頭湧湧。好在佢地方spacious!可以容納好多人！佢哋分為兩個area，室外同室內。佢哋餐單好簡單，嘢飲品種就多好多。 我哋叫咗個All day Breakfast ，打卡一流。非常豐富，而且價錢非常合理($129)大大份。 有酸種麵包，少少辣味司華力腸，兩隻荷包蛋❤️沙律，真係勝過出面舖頭的組合😛然後仲叫咗個台北燉牛肉意粉（$98）❤️出奇地好味呀估唔到係咁特別嘅口味，辣辣地，但係連我唔食得辣嘅都覺得好滋味👍🏼 估唔到呢度嘅fusion菜咁有特色，麻辣配意粉真係第一次試😛呢度亦都好多cheesecake 嘅選擇😢好可惜我去嗰陣時候賣晒晒所有cheesecake 同埋戚風蛋糕🍰 放心我一定會再返嚟

觀塘咁密集，周圍都係人同車，想搵個舒適嘅地方hea下都唔得。嚟到呢間餐廳，你會發現觀塘竟然有咁大。其實都等左好一陣子時間，本來我記得上年話開，終於見到佢開啦。呢個室外空間超正，仲要係寵物係welcome，真係估唔到呢度係香港，坐近室外呢個位置都唔錯。午餐算係多選擇，仲要係特別，完全估唔到係食呢類。奶油花雕酒燉雞，98元，想念台灣吧，係呢個空間都有台灣嘢叫。雞係入味，汁都掛湯，整體其實都幾有味，裝盤都幾好，卷起啲意粉置中放，不過如果再熱啲會更好。加左10元要左杯latte，拉花唔錯，線條幾工整，啡都好飲。如果有機會夜晚係度都幾正。

這間集團的兩間分店【牛頭角／觀塘】，已經幫襯了數次經驗，就算等1小時，也沒有甚麼不滿意，但今次堂食令我非常失望。這杯涷京都抹茶＄48， 完全沒有抹茶味，只是一杯涷鮮奶加冰。另外，炸海鮮＄138只是一般貨色，酥炸皮厚，炸魚肉質鬆散，一咬就散，而炸蝦又腥。慶幸是預約booking, 這行貨一點也不值得等1小時入座，浪得虛名而已。

餐廳晚市非常旺場，8點黎到已經滿座仲要等一陣位，大家記得要book枱阿🍽餐廳超級大，空間感十足，仲有啲戶外座位可以shisha~🍸花雕雞風味奶油雞肉燉飯🍚 （$128）食落口第一啖有淡淡既花雕酒味，奶油味都偏重，都係一般risotto既口感，不過佢偏澀冇咁水～雞排煎得好香脆👍🏻 整體都好好味，下次嚟都會想再食😋台灣風味牛肉千層麵 （$148）由於即焗呢個要等多少少時間～不過係值得架👍🏻 食物一黎到已經好吸引，上面鋪住層層既芝士🧀🧀🧀 四至五層麵夾住厚厚既肉醬，非常濃味，食肉獸兼重口味之選😋非洲寶石💎呢款精品茶係用南非綠蜜樹茶加配其他花沖制而成。味道非常特別，飲落去有一陣冰涼感，味道唔甜～草莓乳酪燕麥奶搖係草莓奶昔嘅味道，一小片草莓同少少燕麥加喺飲品上方作點綴🍓餐廳近住觀塘碼頭，食完野仲可以去行下海旁❤️

在觀塘海濱長廊對面就開了一間特大的台式Cafe！不論是文青女孩、打工OL、打卡女神、放狗人士或夜蒲朋友，這裹都可以滿足到大家！先到這邊來一個下午茶叫一件戚風蛋糕、芝士蛋糕、Scone等嘆一嘆人生。店內招牌有奶油花雕酒燉雞意粉，暫時看到是全日供應，大家可以點一個lunch或者tea set都不錯！價錢只需$98，份量都很足夠。不管你是先去觀塘海濱長廊放狗再來跟狗狗休息也是可以的！餐廳露天是寵物友善餐廳，只要寵物不落地四處走打擾其他客人就OK！不少主人已經帶了寵物去打卡了！至於放工放假想要夜蒲人士，露天晚上立即會變成酒吧格調！Shisha和各款生啤與cocktails也是全日供應，日光和晚上拍照都各有風格呢！想下午happy hour或者晚上chill也包辦了！至於晚市恢愎後，cafe也推出一系列新菜單給一眾人士享用！由於廚房也是台灣的廚師一心打理的，所以食物款式特別之餘質素很高評價！最後留意它有另一家分店在牛頭角，兩間店也只有一街相隔，只有觀塘店有露天花園座和Shisha和酒吧服務，大家想Chill的記得別去錯喔！

今日lunch正頭痛食咩之際，同事發現觀塘近海旁嘅商廈一樓有間新開Cafe店，決定一試。喺門口已經俾佢寬敞嘅外貌吸引，店員帶位時望到室外嘅環境更加優美，天氣好坐室外一流。不過熱食嘅選擇唔算太多， 最後我揀咗凱撒沙律雞肉溫泉蛋，飲熱Latte.沙律嘅份量好大，擺盤亦好靚，大大隻溫泉蛋放喺中間，雞肉嘅份量都好多，要食沙律係一個不錯的選擇。Latte花拉得好靚，飲落去咖啡濃度適中，又滑又暖嘅奶香感十足，是一杯不錯的咖啡☕️。店員亦十分有禮，餐具亦乾淨整潔，期望下次再來時可以休休閒閒咁食，今次食得太趕。

今日約咗朋友喺觀塘小聚，我哋去咗一間環境清幽嘅Cafe🌿🍝奶油花雕酒燉雞意粉本身諗住食炸魚薯條，點知去到嘅時候賣曬，見到呢個意粉幾特別，所以就嗌咗嚟試。奶油同花雕酒完全係兩個世界嘅嘢嚟，但食落竟然唔錯！意粉都幾creamy，但同時又有少少花雕酒嘅味，特別得嚟又好味！燉雞有兩舊，兩舊都幾厚，質地唔會好鞋。啲雞我諗應該係用花雕酒去燉，仲見到有啲杞子，感覺好養生～呢個意粉值得一試！呢間cafe嘅環境好大好舒服，下次一定會再去❤️

知道桔梗開咗姊妹分店，當然要去朝聖一下，呢間Cafe位於觀塘，但係意外嘅係去到竟然有露天位，仲好chill chill，啱晒同好姊妹傾下計。今日我叫咗個香草三文魚牛油果三文治，三文魚出奇地多，加埋牛油果醬真係十分配合，唔好見佢咁細份，但原來一個人真係食唔晒。而我朋友就帶咗個炸魚薯條，呢個炸魚唔會好多粉漿，而且魚肉好嫩滑。我哋一人就帶咗一杯mocha，咖啡豆好香，而且配合埋朱古力味亦都恰到好處，雖然飲品份量比我想像中少左啲，但真係好配合 not too much just enough。

讚1.環境大到嚇死人，室內室外加埋好似酒樓咁大，室外空間好舒服，不過我估坐埋呢一兩個月就要收啦卦2.野食跌眼鏡地好味，之前去過佢地旺角既姊妹台，調味好但啲野食既質感太腍，呢間改善左，牛肉三文治既醬汁係酸甜微鹹，麵包蘸滿醬汁同蛋漿後，更加開胃3.啤酒好大杯彈1.自助落餐hang左幾次機2.價錢係偏貴既，一件open sandwich 加一後要成舊水，叫埋野飲就輕鬆過二百

知道觀塘呢間分店開咗，終於可以去一試！年初四嘅中午，仍然係假期，而且餐廳位於工商區，所以條街唔多人！去到等咗幾張飛就可以入座。首先要讚登記入座嘅職員，佢好有禮貌，雖然可能有人話呢個係基本，但我覺得佢做得好好。環境闊落，坐得好舒服！到食物方面，我哋點了炸魚薯條同台北燉牛肉意粉，意粉有講明係辣，味道唔錯，啲牛肉好嫩，炸魚薯條唔會炸得好乾。到飲品方面，我是比較需要飲品的人，所以略嫌飲品比較細杯。我哋點了鮮薑梳打同伯爵茶。

下晝3點幾黎到都要等15分鐘先有位，不過我唔趕時間🤗同埋無限時，可以真正輕輕鬆鬆咁食下野坐下。Order左全日早餐份量都幾大，腸有啲啲辣，麵包旁邊有啲醬，我只係認得出肉桂，其他唔知咩料😂，不過好好味，如果有埋茄汁豆就好了👉🏻👈🏻😆仲order左 豬肉蘋果楓糖三文治無論豬肉、蘋果定楓糖，都含有甜既元素，令整個菜式都好甜，唔係好甜朱古力或者蛋糕個啲甜⋯嗯⋯總之我中意😋 但肉同蘋果都好濕，令個包濕晒淋晒😞飲品其實諗左好耐，想飲凍野，但cappuccino 得熱，但又覺得應該要飲咖啡，所以最後都係揀左加倍情濃☕️(影前俾我飲左啖) 朋友就飲凍mocha 其實仲想食scone 但真係放唔落啦😩題外話：無錯，餐牌個個都掂係唔太衛生，但我都係不太中意qr code落單，總係感覺會miss左好多菜式

餐廳面積偌大，但假日下午來到已經全場爆滿。有室內和室外用餐空間。另外非常貼心，設有等候區，供客人等候入座，湖水藍配搭鮮橙色的櫃，很有活力。餐牌所見，除了主食，還有蛋糕和飲品選擇。⭐️鮭魚･牛油果･香草三文治(Brunch)$98頂層鋪滿了煙三文魚、牛油果醬和芝士粒。煙三文魚入口不會太鹹，和軟芝士粒互相配合，帶有鹹香，配上沙律菜吃清爽，頗飽肚又健康。⭐️Spaghetti･奶油花雕酒燉雞$98義大利麵條偏正宗些，吸附湯汁，入口濕潤，吃起來比較有咬口。配上花雕酒燉雞塊，酒味比較淡，雞肉很嫩。⭐️巴斯克芝士蛋糕$52這件蛋糕不錯，吃起來很濕潤，口感輕盈，頂層是香滑的忌廉，下面是芝士蛋糕，吃起來有層次。⭐️抹茶戚風蛋糕$40抹茶蛋糕的抹茶味很突出，嚐到綠茶的味道，入口鬆軟，淋在蛋糕的忌廉也很滑，不會太甜。⭐️朱古力酥$25小小一件朱古力酥，裡面有朱古力夾心，朱古力味道出眾。

去過牛頭角的分店，覺得好正👍🏻，所以觀塘開咗分店當然要去試下啦～ 觀塘分店一樣好大，環境好好，好寬躺，而且有室外的空間，在場見到可以食水煙～ 餐牌同牛頭角有少少唔同～用QR code 自己落單，非常方便👍🏻炸魚薯條 $88賣相唔錯，有五件炸魚，外脆內軟，好好味呀😍 配埋個辣醬，又係另一種好味道👍🏻 薯條都好正，又香又脆😋 台北燉牛肉 $98哩個真係有驚喜！🤩 個人覺得非常非常好味😋😋😋👍🏻👍🏻👍🏻 個樣已經好吸引，牛肉緊緊熟，非常嫩滑，而且味道真係好好👍🏻 意大利粉爽口彈牙，個牛肉醬汁真係超級好味！😳 下次一定要食！十分推介！👍🏻👍🏻👍🏻鮭魚、牛油果、香草三文治 $98係厚多士上面有豐富的材料，煙三文魚、牛油果、香草，口感豐富，味道亦好～濃抹茶芝士蛋糕 $52Size 適中，抹茶味濃，口感綿密，整體來講好好味👍🏻 環境同食物都好，價錢亦都合理，一定會再去👍🏻

之前去過牛頭角既Lagom, 第一次黎觀塘既，我覺得環境更好，因為有室外座位，我地坐左係室外，好涼爽。點餐方面，都係scan qr code Lunch set 加飲品只係另$10叫左牛肉煙肉肉醬三文治$98，係酸種面包，好飽肚，加上肉醬，芝士，好濃郁，牛肉就好足料，加埋沙律幾清新奶油花雕酒燉雞意粉$98奶油就好似卡邦尼汁咁，最特別既係配燉雞，味覺有衝擊對比。蜜桃綠茶好香，茶味重。魂神就幾種材料加埋，值得一試。雞肉凱撒沙律$78沙律就好大份，雞肉份量好多，好嫩滑，食雞已經好飽肚。玉桂卷$26玉桂味都好濃郁，口感鬆軟，不過係有d 烘過龍。

店面很大 坐得也很舒服呢！堂食座位裝修走簡潔風 感覺勁chill💖特別想稱讚一下蛋糕用凍碟上大大減慢左溶嘅時間～食落都好味啲☺️.𝙵𝚘𝚕𝚕𝚘𝚠 𝚑𝚔.𝚏𝚘𝚘𝚍𝚖𝚊𝚙 𝚏𝚘𝚛 𝚖𝚘𝚛𝚎 𝚏𝚘𝚘𝚍 💆🏻‍♀️💆🏻‍♀️.抹茶戚風蛋糕 $𝟺𝟶上面啲𝚌𝚛𝚎𝚊𝚖滑到反光😍抹茶味十分香濃 亦不會甜膩！蛋糕入口鬆軟 口感一流！巴斯克伯爵茶芝士蛋糕 $𝟻𝟸伯爵茶味勁香 仲帶淡淡回甘～芝士入口香滑 焦度剛好不會過甜而且芝士味並無蓋過伯爵茶香☺️比例𝚙𝚎𝚛𝚏𝚎𝚌𝚝!!純粹拿鐵鮮奶咖啡 入口香濃嘅奶啡～喜歡杯裏的字！很有感覺💖京都抹茶鮮奶 $𝟺𝟾濃滑嘅抹茶味 帶有回甘入口很滑喔☺️順帶一提 一入店應該是等外賣的位置(?)也裝修得超美！