Lady M

营业中

休息中

其實一開始都覺得這家店有點名氣大於現實的感覺,總是覺得70多塊一件蛋糕不便宜喔!而且賣相也沒有多特別,就是普遍的蛋糕樣子, 店內裝潢就是雲石簡約風。可是充滿少女心的還是抱著打卡和給自己好吃的心情去試一下...結果點了3片蛋糕就花了2百多元,香蕉拿破崙蛋糕真的不能再普通了!有點甜, 裡面有整塊香蕉...(還有一點氧化黑了)另外2件都是千層蛋糕, 分別是伯爵茶和開心果味道。味道是真的不錯, 淡淡的清香不會太甜也不會太假的味道,只是現在很多家小本經營的小店都可以做出這種味道來了!在外國更是隨便找一家都可以吃到的味道....所以說打卡店就是打卡點, 要排隊, 有牌子不一定就是完美的。也許我在歐洲住太久了....吃甜點都把我吃得要求高了!哈哈, 不過在香港來說, 這是一家不錯的CAFE,跟知己情人放假來坐一下聊聊日常是個不錯的地方。

台灣過江龍既甜品店 呢到出名都係佢地既蛋糕 超好食 因為佢地個蛋糕 每一層都做得好均衡同埋又唔會太過甜 我就鐘意食綠茶味 所以叫左綠茶千層蛋糕 🍰 綠茶味濃但又唔會太苦 蛋糕做到鬆軟好有口感

玫瑰之選。同朋友去九龍塘High Tea，緊係要搵一間環境靚、食物優、服務好嘅餐廳啦，於是就黎左Lady M。九龍塘的Lady M有個優點，便是空置的枱桌總有一兩張；同時也有個缺點，便是欠缺的蛋糕總有一兩款。近期新款蛋糕有開心果和野莓，味道也不錯。個人都是鍾情於玫瑰花香，玫瑰千層蛋糕，層層奶油夾着超薄蛋皮，上層厚厚的玫瑰花果醬，再舖上片片玫瑰花瓣，視覺享受滿分，口感更是天堂。法國玫瑰鮮奶茶便是玫瑰千層蛋糕絕配，香濃紅茶配上鮮奶及法國玫瑰，當然不可少法國玫瑰糖漿，為奶茶增添色彩。

雖然係港女首選蛋糕但其實味道真不容忽視每個都人手整 又整得咁靚真係唔容易試過咁多隻味 覺得玫瑰味係最特別一來呢款味道唔普遍 二來lady m整得恰到好處會有玫瑰嘅清新味但唔假 keep住清甜 唔會淡得濟 真係好難得

一直好想試食他的earl grey tea cake ! 好可惜之前度冇無得賣😫😫😫好彩皇天不負有心人， 親愛的earl grey 又回來了！ 今次係買俾朋友生日的蛋糕！ 無錯😍係大家最愛的港女蛋糕因為貪心，隻隻味都想試，所以買左三個味Earl greyx1,rose x1 ,pistachiox1Earl grey 味好岀，一點都不’流’Rose 🌹 香氣濃郁，而且賣相好吸引！ 最令我驚喜，系pistachio 😍開心果味好濃郁，食完真係令人好開心，啲cream真係好滑！勁正！

lady m好出名，一直都想試下，咁岩睇戲前有d時間，就試下。賣相都幾靚，味道就有點普通。朱古力棋盤蛋糕 $68第一次食lady M蛋糕，頗為失望。蛋糕不夠滑，只有頂層既朱古力好食。呢個價錢黎講，真心5抵食

食過好幾次Lady M，但幾次都係外賣，今次係第一次堂食😂等咗15分鐘就有位，好彩早嚟一步，坐低一陣望出去已經見到打晒蛇餅，半個鐘都未必坐得低😅我哋3個人order咗3件千層蛋糕，分別係【伯爵茶千層蛋糕】、【玫瑰千層蛋糕】同埋【綠茶千層蛋糕】。3件蛋糕嘅cream都好幼滑，甜而不膩👍🏼每層嘅餅皮都非常薄👍🏼真係唔係間間餅店做到呢兩個效果，絕對值得排隊🤣我哋一致認為伯爵茶最好食，因為味道最清，每一啖都滲出淡淡茶香又唔會苦澀👍🏼👍🏼👍🏼其次係綠茶味，茶味嚟講最濃但有少少苦澀味👍🏼最後玫瑰味有少少少少香精味同埋相對較甜😅唔知係咪唔憂做，職員態度欠奉，倒瀉水彈咗去我度，一句唔好意思都無😒

素來ladyM嘅千層蛋糕都受到各界好評 今日一試 我反而覺得不外如是抹茶味嘅千層蛋糕食落其實冇乜抹茶味 只有厚厚嘅抹茶粉係面 加重左苦味 冇令口感提升 亦難以融合 反而淨係食入面千層會好食啲玫瑰味嘅千層蛋糕反而會有啲驚喜 奶味加奶油融合得啱啱好 再加少少清新嘅花香味 令到千層蛋糕昇華咗一個層次 整體好配合草莓蛋糕會係我覺得比較出色嘅 首先佢用嘅草莓味道鮮甜 帶少少果肉香味 加上佢嘅奶油做得唔錯 加埋內陷濕潤嘅蛋糕 整體配合得相對唔錯 我會比較鍾意呢一款蛋糕所以即使係ladyM 千層蛋糕都未必係最好食㗎

今日經過又一城， 見到新開既lady m。 是日有大概8-9 款既千層蛋糕。 咁我地2 個人就叫左抹茶同埋伯爵茶千層蛋糕 一齊食 。Lady M 雖然價錢唔平 平均80$ 一件千層蛋糕 但個口感係一流 食得出每一層餅皮分明 同埋d cream好滑 好重奶味 每隻蛋糕都有佢既味道既cream 幾有心思 比較2 隻千層蛋糕 抹茶蛋糕比較岩食開甜少少既人食 因爲除左表面抹茶粉外 入邊都重奶味同抹茶味 都唔會覆蓋左陣抹茶味伯爵茶千層蛋糕比較重茶味同無咁甜 所以岩鐘意茶味既人食 同埋呢隻蛋糕好似係期間限定 唔係任何時間都有既 所以想食既人就快手啦！

適逢今年媽媽50歲生日，做左半世人，所以決定大搞，買左最近好興既Lady M蛋糕比佢，好彩我早左去訂蛋糕，原來要訂成個蛋糕都要D時間不過之前有聽人講過可以每一種味都要一隻然後砌成一個蛋糕，但係覺得媽咪都係會最鍾意原味，所以就訂左成個原味千層蛋糕🎂原味果然冇令我地失望，一層層嘅cream係中間，唔會太甜，又唔會太heavy，而且個蛋糕好有層次感，真係食極唔厭，唔鍾意食太甜嘅人不妨可以試吓原味，好開心媽咪都會鍾意個蛋糕

店舖門外使用紫藍色簷蓬裝飾，營造紐約露天咖啡廳的用餐環境，讓客人感受戶外用餐的氣氛及寫意體驗。店內使用了典雅高貴的大理石紋牆身，營造高貴優雅的氣氛。座位設計寬敞舒適。伯爵茶千層蛋糕 ($75)用超過20層的透薄伯爵茶味千層班戟而成，每層班戟之間均勻塗上有香濃香醇的伯爵茶味忌廉，每一口都散發出淡雅的伯爵茶幽香。面層飾以一圈茶葉碎粒和矢車菊花瓣點綴，賣相古典唯美優雅。口感柔滑，甜而不膩，每一口都餘韻回甘，滋味令人魂縈夢繫。法國玫瑰鮮奶茶 ($68)暖烘烘的法國玫瑰鮮奶茶，面層鋪滿了玫瑰花瓣，賣相相當吸睛。入口香醇順口，香濃的玫瑰香味滿溢口腔，緩緩漸漸地填滿我整個舌尖味蕾，非常美味。

一直聽人講Lady M 嘅蛋糕好好味，我都好想試，但由於我本性較懶惰，你要我等位我就唔多願意，但今日farewell 我個來自Liverpool 嘅學生，就等下都無防啦又好好彩喎，我哋等咗唔夠五分鐘就入座喇！Yeah! 我揀咗玫瑰蛋糕，同埋Earl Grey Tea, 估唔到味道又出奇哋超夾喎！ 先講個蛋糕，的確係好味而且有誠意，食落口感幾有層次，又滑又清香，我呢個被朋友指控挑剔嘅處女座都覺得冇得彈呀環境又舒服無壓力，下次呢頭放工我都會再嚟犒賞一下自己

小弟都係第一次食lady m，因為都實在有點兒貴貴地，平時最多都係同女朋友番大陸食老翻果間，今次女朋友突然話請我食，咁好死，咁就去試下啦！叫左一件伯爵茶千層蛋糕同一件芝士蛋糕，本來係想叫伯爵茶同抹茶，但抹茶已經賣曬，咁就唯有試下芝士蛋糕。伯爵茶醬果然好香濃，同老翻完全兩個層次！食完個口都仲留有餘香，所以每一啖都要慢慢食，仔細品嚐。而千層餅皮好薄，食落去好滑，唔會影響成件蛋糕既口感。芝士蛋糕就好濃，酸酸地都唔算太膩，但都係千層蛋糕更勝一籌！

同朋友係九龍塘又一城諗住揾個地方坐下，食下下午茶，諗左一倫，決定去lady m食件cake, 飲杯咖啡，好好彩唔洗第好耐就有位！我地叫咗兩件蛋糕同兩杯咖啡！蛋糕每次都會要玫瑰千層蛋糕同新出嘅開心果手層蛋糕！玫瑰千層蛋糕個花香味好重，cream同蛋糕嘅比例很啱，非常creamy!反而個開心果千層蛋糕個開心果味唔係好出，有少少失望！但但咖啡都幾有驚喜，個mocha個朱古力味幾好，又唔會搶咗咖啡嘅香味，都唔錯！

作為一個開心果味甜品的粉絲，見到Lady M出開心果味千層蛋糕必定要一試。果然名不虛傳，一層層 cream爽著濃郁的開心果香，吃下一口已有驚喜。$75有這種高水準的蛋糕，會再光顧。