LAB10 (已結業)

呢間餐廳唔只有得食韓國菜🇰🇷仲主打無煙韓燒✨唔洗驚食完之後成陣味😛-牛牛板🐮 $198黎呢到牛牛板一定係必食🤤佢地用左一隻牛型嘅木板裝住唔同嘅部分 賣相真係好可愛💓平時食韓燒一定會心大心細 唔知食咩好🤔食呢個拼盤就啱晒‼️可以一次過食晒七個部位：厚切牛脷、安格斯西冷、牛肋條、黑牛牛板腱、牛後腹、牛小排同埋一口牛🐄每一個位都會有四件 兩個人食就啱啱好😋啲牛肉好高質 肉質嫩滑 仲有啲雪花添❣️啲牛有調過味 令到個牛味更加香濃🥰最鐘意就係牛小排同牛板腱 油脂分布得好好 入口即溶😍牛後腹肉質比較實 但係牛味最濃😝不過個牛脷就差左啲 好韌好難咬得開～-韓式辣年糕🌶 $88黎到韓國餐廳點都要食下年糕🍴佢呢度仲有配埋魚糕😋年糕同埋魚糕都好煙韌好有咬口😛不過我唔太食得到辣 所以就覺得佢辣左啲～

新年都沒有好好的吃一餐好的，今日决心要來一次瘋狂吃貨日，要瘋狂吃首選韓式燒烤🍢無論吃牛還是吃豬都一樣好吃😋去了lab10吃好抵食嘅靚牛，因為做緊特價放題，$248 任食韓式無煙燒烤 😍可以食到多款肉類而且我鍾意呢度無煙❌食完個頭都無乜味。先來一round會有一份牛圖上面有幾款不同嘅肉，包括有牛脷雞肉豬仔骨牛版腱豬頸肉牛後腹一口牛食完一round可以loop鍾意食的我自己就超like個薄牛五花同豬頸肉薄牛五花配左自家特製醬汁，所以就算油份重食起嚟都完全唔會油膩而豬頸肉就因為加咗柚子醬，口感好清新，帶少少酸甜，而且肉質鮮嫩，好食到唔停口😋仲配埋芝士醬免費一客用來配薯條沙律而梳打類飲品及汽水任叫任refill👍然後這裏還有一個promotion，Facebook打卡share仲送海鮮拼盤二人份量，海鮮有大蝦廣島蠔和魷魚和大隻蜆呢度真係好啱我哋呢啲大胃王啊美中不足這裏限時90分鐘要把握時間狂燒呀🤪

旺角朗豪坊是我們經常逛的商場，見到Lab 10 $248有燒肉放題，任飲任食，十分抵食。首先上沙律🥗，蔬菜🥬很新鮮，跟着上牛牛板，有豬頸肉夠爽口，牛板腱夠腍滑，牛舌很爽口，雞扒夠入味，一口牛肉味香濃，牛後腹肉味香濃，牛板腱、豬仔骨都不錯👍另有一大碟韓式梨汁五花肥牛，肉質嫩滑很香汁醬好味😋。即熔芝士醬，點脆脆的薯條和牛肉超正。like & share Facebook page 送$258海鮮拼盤，真是超級抵。最值得讚是抽風系統做得非常好，在店內唔覺有燒烤的煙味。

當晚來到旺角呢間LAB 10，最近一周年做緊優惠， $248就有多款燒肉任食。餐廳裝修有創意，後面有一面像LAB的櫃身，擺放滿化學樽裝飾。沙律用玻璃瓶盛載，美觀又方便，醬汁和沙律好夾。牛五花切得薄身，醃得入味，醬汁和肉味好夾，帶有些微油脂香味﹗爐面乾淨企理，火爐容易控制，不會很易燒濃。肉類以牛形木板送上，不同肉類都清楚隔開，整齊之餘，仲相當吸睛，亦可以避免醃料影響味道。肉質嫩滑，燒完都不會韌，香濃醬料更能突出牛肉鮮味。我自己最愛部位是牛舌，有咬口得來牛味香濃。而朋友則最愛牛板腱、牛後腹，的確牛的花紋好靚。芝士醬:放在爐邊即熔，可以用來點炸得酥脆的薯條。菠蘿梳打:味道清新，可以清一清燒肉油膩感，吃多幾件都無問題﹗餐廳採用無煙燒烤，抽風系統不俗。而且牛肉質數好，仲要係任食，性價比的確高～

次次經過呢間韓式燒烤都好想入去試，因為佢哋主打無煙烤肉，顧名思義即係唔會好大油煙，更加唔會令到你食完之後成身油煙味咁臭，因為每次經過店舖嘅時候都無聞到有好大浸烤肉嘅油煙味，今次就入咗去試，坐低之後佢哋係放題任食嘅形式，俾咗嗰個價錢就有嗰個價錢嘅食物俾你任叫任食，其實都幾抵食，因為$248就可以任食烤肉，而且份量都算多仲要唔係剩係得肉，亦都有埋薯條同埋沙律都係任食，所以其實真係好抵，坐低之後店員就會上一板既肉俾你，裏面有牛脷，雞肉，豬仔骨，牛板腱，豬頸肉，牛後腹，同埋一口牛，每一款份量都足夠兩個人食，而且食完之後仲可以叫店員幫你refill，所以好抵食，薯條嚟到都係熱辣辣，亦都免費跟左一客芝士醬，好濃郁嘅芝士味，至於沙律食入口好Fresh，好開胃，飲品就有梳打飲品同埋汽水俾你任飲，另外有人仲抵嘅嘢就係你share佢哋個Facebook page就可以免費送你一客海鮮拼盤，真係超級抵食，海鮮拼盤裏面有八爪魚，大蜆，蠔，鮮蝦，仲有鮑魚，而且燒完之後都好鮮甜，然後我哋額外叫咗個午花牛肉，真係超級好味，食到好飽亦都好抵食，最重要一樣野就係食完走嘅時候唔會好臭，值得推薦👍🏻👍🏻👍🏻

最近天口凍凍 好想食D香口野 見到呢間韓燒鋪頭又裝修得幾靚就入左去試試佢!見到有個任食燒肉套餐 有7款肉任食! 豬牛雞每樣都有 好吸引! 決定嗌呢個 可以一次過試晒嘛!原來首先會黎晒7款肉, 一份薯條連芝士醬, 一份沙律先既! 要食晒之後再任叫!A.牛脷都切得幾厚 食落彈牙 有咬口但唔會太韌B.雞肉好有雞味 連皮燒到香脆 好吸引!C.豬仔骨有連少量脂肪 醬料醃得好好食! 大推D.牛板腱 油脂分佈均勻 肉好淋 再大推E.豬頸肉又係油脂豐富 燒肉必選!F.牛後腹 幾香牛味G.一口牛 的的骰骰咁 一舊一啖岩岩好我最鍾意食薯條 配埋芝士醬實在係絕配呀! 沙律菜好新鮮 入口好甜 上品 絕對需要追加!青檸梳打 有好多青檸同香葉碎 唔會太甜 算係高質既免費飲品!友人點的士多啤梨梳打 果味好自然 唔錯! 又encore左!海鮮餐係follow + share FB page就送的 都幾多種類 幾新鮮! 真係抵到爛呀!兩個女仔唔食得太多野! 但一次過試到咁多種類既肉 好滿足了~

去咗朗豪坊行街，見到有間叫lab10嘅韓燒，突然之間想食韓國野，所以就入咗去試下啦！ 餐廳環境非常光猛！好闊落！ 員工嘅服務態度都好好好親切有禮！ 同埋呢度抽煙系統做得好好$198 2人份量牛牛板套餐 包括有牛舌，牛筋條，安格斯西冷，牛牛板腱，特級牛小排，一口牛等！ 最好味最好味就係 特級牛小排得買牛舌非常嫩滑！抵食！韓式炒粉絲， 炒得幾濕潤唔會乾爭爭咁樣！好味。牛骨湯好夠熱好暖胃，蘿蔔好淋又夠甜，湯頭濃郁。青檸梳打個樽好似化驗室嘅樽咁樣，設計非常特別！ 呢度嘅青檸梳打唔會太酸幾好味調教得！

今日去到旺角搵嘢食，四圍都咁多人，就行上去朗豪坊睇吓有咩好嘢食。越行越上，去到10樓，有一間望落好靚，亦都有唔少人等緊位嘅餐廳，睇嚟今次有食神啦。喺門口等緊嘅時候，見到有任食，亦都有逐個逐個叫嘅選擇，不過最搶眼嘅都係右手邊有一個水bar，我諗就係Lab 10點解有個Lab字嘅原因：佢好似一個實驗室，大家睇吓啲相裝嘢飲嗰個樽就知點解㗎啦夠，真係好似入咗實驗室咁，好期待呀。為咗試吓唔同野，我冇叫任食，雖然任食嘅價錢好吸引，最後我哋食嘅價錢又真係食咗差唔多價錢，但係試咗咁多其他嘢，我覺得好值得同大家分享下:大家見到啲牛，好多唔同部位，全部都好新鮮。唔怕話比大家知，我偷偷地望吓隔離飲食嗰啲人食嘅牛肉，睇吓係唔係任食嘅質素會差啲.......原來都係一樣，睇嚟間餐廳都幾有良心。講下啲設備：佢個烤爐其實吸煙給得幾好，如果唔係一次過擺好多落去，基本上啲煙好快抽走晒。牛就梗係要慢慢燒，唔好太熟，咁先食到佢嘅鮮味嫁嗎。我可以話比大家知，真係好。好。食。可能少食多滋味，我慢慢食就覺得可以好享受到佢嘅原汁原味。我仲叫咗個餃子，呢個其實冇乜咁特別，不過當試吓都唔錯啦。我依個牛⻣湯，真係好值得一試。如果任食嘅話

這食店在朗豪坊十分有名，經常大排長龍，於是今日剛好是友人的生日，於是一於慶祝一下嘗試一下無煙的放題.店內的座位十分舒適十分之有私隱度.這個無煙放題包括有豬肉牛肉雞肉又任食，也有特色的飲料及海鮮拼盤等十分之吸引，店內的抽風系統做得十分之理想並沒有半點油煙.此外肉類的質量也十分之高.脂肪分布十分之平均，性價比十分之高.這個放題套餐也附上了十分開胃知沙律，及十分之香脆的薯條.大家可以預先訂位避免大排長龍.

最鐘意食韓國燒烤，不過每次食完個身同頭髮都一陣味，最怕著錯冷衫，吸曬D燒烤味! 朗豪坊開左間「無煙韓烤」，作為韓粉點會唔去try try! 入去Lab10好似一格格自修室的住位，講明係「無煙韓烤」，果然由門口到入座都無聞到燒烤味道。 Lab 10主打無煙燒肉，$248-HKD 基本套餐吃到飽，仲有LAB10飯、薯條、沙律同梳打類飲品及汽水可以任點任食90分鐘，性價比超值! 由牛板奉上的任食肉類包括牛脷、牛板腱、牛後腹、一口牛、豬仔骨、豬頸肉和雞肉。牛肉新鮮肉嫩，個人推介牛板腱，雪花牛肉油脂分明，薄切輕炙就已經食得! 二人惠顧仲送上韓式梨汁牛五花，炙燒的五花肉肉香撲鼻，入口即溶，雖然有點邪惡，不過用沙律菜包裹同吃，帶走了牛油膩滯口感，口腹大滿足。 薯條醮點放在烤板上燒溶的芝士醬，香脆惹味 Lab 10飯不是單單白飯一碗，內附紫菜、醃春蛋、柚子燒汁拌勻來吃，酸酸開胃，不一樣的滋味。記得二人同行，like Facebook仲有海鮮盆送啊！

聽朋友講旺角朗豪坊裏面有一間燒肉店依家有做埋放題都幾得意😎就去試一試佢！開喺朗豪坊真係勁方便，二百幾蚊就有燒肉任食，原來share佢哋個Facebook post仲送咗個海鮮拼盤，即刻回晒本啦 ！肉方面都分好多種， 牛脷、雞肉、豬仔骨、牛板腱、豬頸肉、牛後腹、一口牛，而我最鍾意食嘅就係牛後腹，因為香味最出同埋脂肪分布好平均！因為任食嘅嘢，可以覺得邊隻好食再繼續加單！海鮮拼盤上就有蝦，生蠔，鮑魚，蜆，魷魚等～本身呢個都要加錢，但係Like所以先至送，只限一次，要好好珍惜，不過質素都唔錯的，整體都幾新鮮㗎，蝦同鮑魚就最正，最爽口彈牙。梳打類飲品及汽水可以不停飲，都有好多唔同選擇，我哋就揀咗青檸梳打，因為可以唔使加糖都得！仲有芝士薯條同埋沙律，芝士會放埋係個爐上面，熱辣辣好好食味道香濃；沙律都好大盆，適合兩個人share，裏面有大量新鮮蔬菜呢！

下晝去左旺角行街 行到朗豪坊朋友話想食韓國菜突然醒起10樓有一間食韓國菜平靚正$45@起我揀咗韓式炒粉絲韓式炒粉絲一直係我至愛Lab 10既韓式炒粉絲好夠味而且肥牛份量適中不會太多太少加$20 仲可以轉其他飲品

之前成日喺Instagram入邊見到牛形狀嘅燒肉拼盤，係打卡一流嘅擺設同埋食物。喺門口睇到Lab 10做緊一個一周年優惠，就係$240左右嘅放題無煙燒肉套餐，可以任飲任食非常吸引！頭盤沙律🥗既然要食燒肉大餐當然要食返啲菜啦，餐廳提供左無限量嘅沙律，蔬菜沙律都係有好清翠嘅綠色幾新鮮幾Fresh，為一陣間嘅燒肉放題減去油膩感醬汁肥牛一坐埋位餐廳就提供左呢一碟醬汁肥牛俾我地，味道濃郁，直接燒完唔使點任何醬味道已經好正！牛牛板呢份望落咁精美嘅牛豬肉拼盤，事實上係包左七種唔同嘅肉類/肉嘅部位，包括有牛脷，雞肉，豬仔骨，豬頸肉，牛板腱，牛後腹同埋一口牛。每一個位置同埋肉類都可以任叫，隨便食。最為推薦嘅就係牛後腹，牛嘅味道非常香濃，油脂分布亦都均勻！雞脾肉係一大塊咁樣上，可以一大塊雞髀扒咁樣燒，極度滿足青檸梳打呢個放題套餐亦都可以點梳打飲，梳打味道包括菠蘿，熱情果，青檸，蘋果，士多啤梨，餐廳直接俾咗一大支我哋，清涼解渴，正正可以中和返燒肉heavy嘅感覺。

朋友介紹朗豪坊呢間韓燒而家做優惠，有$248任食套餐，有7款肉係任點任食，於是去試吓。入面坐位好寛，完全唔迫，同埋入到去真係完全冇燒烤味，食完唔會成身都係味。任食套餐除咗有牛脷、雞肉、豬仔骨、豬頸肉、牛板腱、一口牛同牛後腹，仲有一碟牛五花同沙律（呢2樣係一次性)，而且仲有芝士薯條同其他梳打飲品任叫。未黎肉之前店員已經攞咗炸薯條同沙律比我地食，個薯條跟埋個芝士比我地，個芝士用錫紙兜裝住，放喺爐上面燒熔，再點薯條食，真係一流，而沙律菜都新鮮配埋酸酸地嘅汁，好開胃。店員會比一set肉比我地食住先，之後可以任叫，d牛肉應該係靚牛肉，唔使點任何醬汁食落好juice,脂肪分佈好均勻，入口即溶，好重肉味，牛舌係厚切，好有口感，金沙骨都唔錯，醃得好好味，豬頸肉好彈牙，而雞排都好嫩滑。呢度仲有梳打飲品任叫，性價比高。

好耐無食韓燒，就一於同Oppa去搵Oppa。Lab 10位於旺角朗豪坊，地點絕對方便。任食時間有90分鐘，足夠我們輕輕鬆鬆由前菜食到主菜。Lab 10門口放了一大個Juicy Bar，店鋪設計好時尚，而最重要的是抽風系統做得好好，食完一頓飯後，身上也沒有燒烤過後的味道。我們叫了無煙燒肉任食放題，種類都唔少有牛脷、雞肉、豬仔骨、牛板腱、豬頸肉、牛後腹、一口牛、Lab 10飯、薯條、沙律，還有梳打類飲品（例如，熱情果梳打、士多啤梨梳打、西柚梳打等）及汽水任飲任食。 門口有個Juicy Bar，所以這裡的飲品真的不錯，即叫即整。熱情果梳打的熱情果味道濃厚香甜帶微酸，配上有氣梳打是絕佳的配搭。士多啤梨梳打味道則比較清甜，配上有氣梳打也是不錯的選擇。 先來一客沙律，沙律新鮮爽脆，配上少許酸汁，味道酸酸甜甜，令人開胃。之後再來一客拼盤，每款肉都有一些，樣樣都可以試下。牛脷是厚切的咬落爽脆彈牙、雞肉嫩滑清甜、豬仔骨醃得入味咬落脆口、牛板腱肉味濃厚、豬頸肉爽脆無豬羶味、牛後腹入口嫩滑牛味香濃、一口牛咬落有口感好多汁肉味濃厚。肥牛看似比較肥，但放上爐微微一燒，油脂變得焦香，牛味清新得來而且入口即溶。薯條