影片
港铁尖沙咀/尖东站 B1 出口, 步行约8分钟
继续阅读
电话号码
57204888
开饭介绍
占地过千呎的小清新cafe，主打的日式刨冰由日本直送的冰砖制作，口感份外绵滑；另亦供应主食和轻食。 而沙漠、云朵灯等布置非常适合打卡！
继续阅读
营业时间
今日营业
12:00 - 23:00
星期一至日
12:00 - 23:00
公众假期
12:00 - 23:00
公众假期前夕
12:00 - 23:00
以上资料只供参考，请与餐厅确认详情
有关奖赏计划
相关文章
❝云朵Cafe☁️香港又多一间高质日式刨冰🍧新出大热口味✨杜拜朱古力开心果💚🍫❞位于尖沙咀 @labzerohongkong 既云朵打卡门口位系网上成日见到! 除左咸食 另一主打系日式刨冰🍧😍有多款口味 最近仲新推出呢排大热既杜拜朱古力味🤤刨冰相当高质 都拍得住香港最多人识既S牌刨冰店😳讲真几surprise!杜拜朱古力刨冰🍧一半开心果💚一半朱古力🍫面头有大量开心果丝酥knafeh(会较甜但expected) 中间仲有开心果雪糕同白玉丸子!😚不过口感就较单一 如果中间有啲脆脆就更好🙂↔️咸食有小食同意粉🍝推介慢煮封门柳意粉🐮牛肉软腍重牛香!😙小食以炸物为主 有鸡翼薯条炸鱿鱼等等 冇咩特别但份量好大~꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍LAB ZERÕ 尖沙咀金巴利道68号地下B号舖@labzerohongkong 🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_尖沙咀🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_甜品 #joys_icecream #joys_cafe
继续阅读
▫️LAB ZERÕ▫️🌵呢间餐厅绝对系因为外貌而走入去，餐厅门口设有一个打卡区，一朵朵嘅上下升降嘅云朵非常吸晴，再加上仙人掌同泥水墙，将自然风同工业风混合得很融洽。估唔到呢间外貌100分嘅餐厅嘢食质素都一样拍得住！🍰 Signature Tiramisu ($68)终于明点解Tiramisu系Menu特别写住signature，食完真系觉得系食过嘅数一数二好味，首先cream口感够厚身够棉滑，里面嘅饼底非常湿润，浸透Espresso同埋莱姆酒的手指条口感松化，入口即溶，至于味道系一款偏向酒味较浓郁，唔太甜嘅Tiramisu！绝对要试吓～🍦Hokkaido Ice-cream Cone (Pistachio) ($38)开心果味都几浓郁，唔会死甜，口感似一般软雪糕。最惊喜嘅系佢嘅cone竟然食得出系好浓嘅朱古力味，感觉到系有俾心机做！
继续阅读
早几日带妈咪同奶仔去咗呢间可爱嘅云朵餐厅庆祝母亲节💕灰白色水泥风设计，有打卡位置，奶仔被天花板吊著嘅云朵灯饰吸引过去。食物卖相很打卡，而且仲好好食！🔸樱花虾带子明太子忌廉扁意粉 $128两大颗带子两面微焦，鲜甜美味！意粉挂满明太子酱，配上樱花虾同炸蒜片增添口感，非常好食！😋🔸慢煮封门柳玫瑰酱扁意粉 $138封门柳肉质嫰滑，意粉挂满玫瑰酱忌廉，奶香味十足，微微香辣增添风味，好食又唔腻！👍🏻🔸6寸 五重芝士薄饼 $78满满嘅芝士系口腔游走，芝士嘅香气令整个薄饼🍕更加吸引！🔸蒜香牛油单骨鸡翼 $68鸡翼炸得好脆，蒜香味好突出，加上炸蒜片同牛油的咸香，令人忍不住一啖接着一啖！😍🔸浓厚朱古力石板街刨冰 $98浓浓嘅朱古力冰配上朱古力脆脆，棉花糖同坚果碎，里面仲藏着牛奶雪糕，真系超级好食！！而且超级打卡！💕炎炎夏日吃完简直是透心凉!🥰🔸士多啤梨乳酪奶昔 $56呢款士多啤梨乳酪奶昔系仔仔嘅最爱，酸酸甜甜，上面嘅几块士多啤梨都甜，超好饮！唯一嘅缺点系唔解渴！🔸Oreo 奶昔 $60士多啤梨乳酪奶昔嘅出色令Oreo奶昔比较之下逊息一点！
继续阅读
其实来过两次，第一次三个人坐四人枱，很阔落；第二次二人坐二人枱，放不下所有食物！沙律不错，全日早餐也行，意粉颇弹牙，惟咖啡一般，可以再攻改进；付款时用Apple Pay遇上问题，下单流程应可改善。
继续阅读
朋友生日饭我地一行6人去咗Lab Zero晚饭庆生。店内光鲜亮丽，挂响天花上嘅云系会自动郁。我地点咗几款菜式，各有特色。芝士忌廉耳朵粉 $108唔常见耳朵粉，煮得够淋，芝士味亦好香浓，带有些微嘅辣味，一款唔错嘅开胃菜式。大闸蟹意粉 $158一个几特别嘅配搭，大量嘅蟹子摆盆，反而令人忽略咗大闸蟹嘅味道。慢煮封门柳玫瑰酱扁意粉 $138又一款带有微辣嘅意粉，「玫瑰酱」个味道几特别，上网睇番原来系韩式嘅酱汁，韩式辣酱、茄汁、蒜蓉嘅味道令到个菜式好丰富。封门柳嘅熟度刚好，冇出血水，同肉质够淋，钟意食牛嘅我觉得值得一试。芝士黑松露薯条 $68大量嘅芝士加上黑松露嘅香气，薯条炸得够脆。如果可以用较粗身嘅薯条，相信口感会更上一层楼。蒜香牛油单骨鸡翼 $68蒜香味够突出，鸡翼炸得够脆，小食嚟讲算正常水平。开心果鲜奶咖啡 $68略嫌有啲细杯，同埋佢用个杯似即弃杯，成件事诚意欠奉。味道上亦比较淡，开心果嘅味道唔算太特出，咖啡味亦偏淡，同我想像中应该带甜味有所出入。晴天雨天 $53好特别嘅饮品，杯上加上一旧云，淋上咖啡后就好似「暴雨」咁溶哂。味道亦唔算太浓，但比开心果鲜奶咖啡好啲。同样系用上即弃胶杯，视觉上大打折扣。开心果杜拜朱古力刨冰 $138响Lab Zero甜品先至系主角，香浓嘅开心果加上杜拜朱古力，好有满足感，而且佢个刨冰好软绵绵，入口即溶，唔似一般刨冰咁太冻，即使有敏感牙齿嘅我都唔觉得有问题。提拉米苏法式吐司 $88店员好用心响碟度写上生日祝福字句，佢个吐司嘅质感同丹麦面包好似，我好喜欢呢个口感，加上香浓嘅流心朱古力一齐食，完全系刺激味蕾。店内嘅装饰好特别，云系活动式上下移动。好光鲜嘅门面至于服务方面，系半自助式，好似萨利亚咁自己去斟水，所以服务方面扣咗啲分。各款菜式各有特色，尤其系将唔同国家嘅调味加上西菜上，味道更见惊喜。佢嘅份量明较少，可能希望食客留肚食佢个主角。主角嘅甜品冇令人失望，刨冰更加有惊喜，大大杯，六个人食啱啱好。
继续阅读