La Serre

营业中

休息中

叫兩支啤酒，等左十分鐘都未拎到黎。追左次經理終於送到，啤酒跟一個杯，但個杯係濕嘅，仲有未乾既水係杯入面本身餐廳環境係okay Ge, 支啤酒都唔錯，可惜入面既服務都感覺似茶餐廳

我叫咗軟殼蟹quesadilla, 點知蟹勁難食, quesadilla 完全唔似quesadilla, 員工態度極度惡劣, 以後不會再光顧這間餐廳! 用餐經驗非常差, 迫我第一次係OpenRice 寫review!!!

跟老公二人世界👩‍❤️‍👨去左觀塘海繽公園拍拖同食Tea觀塘海濱附近有一間餐廳環境唔錯，有室內及室外座位選擇吹住海風感覺好chill 呀我地點左香辣雞翼跟辣肉腸Pizza🍕🍹飲品方面揀左熱情果梳打跟雜莓梳打🐥香辣雞翼 ⬆️⬆️⬆️有避風塘雞翼的感覺，好香脆惹味除左辣仲有一陣麻香味，好有驚喜🍕辣肉腸pizza ⬆️⬆️⬆️係簿批，但餅底唔會好乾🍹Passion fruit squash 熱情果梳打⬆️⬆️⬆️酸酸甜甜好開胃🍹Mixed berries mojito 雜莓梳打⬆️⬆️⬆️莓味好香，飲落甜甜地，味道唔錯海邊Cafe，感覺特別relax以後去觀塘又多一個拍拖或跟朋友傾計的地方

✨呢間係觀塘海濱旁既西餐廳［La Serre],論環境真係唔錯！雖然唔係直接睇到全海景,但坐喺餐廳外睇住日落確係唔錯❕同朋友坐吓食吓傾吓計真係感覺非常良好,日後有機會都想試吓晚餐😂‼️.💬焦糖意大利軟芝士班戟 $78碟班戟未上枱就跌散咗🤣,不過又跌得幾靚！算吧😂！講番味道,焦糖脆脆口感幾得意,不過覺得略有點焦味又未去到苦味！？不過整體上都可以!夾住軟芝士同班戟後味道算良好😂❕.📌另外想讚吓呢間餐廳好細心,除咗員工有禮貌外,佢地仲提供放口罩既信封✉️,都係自家式樣印刷幾靚靚💗‼️..📍 La Serre (觀塘)觀塘海濱道90號地下1號舖..

✨Nice bar situated at the Kwun Tong Promenade, having indoor and outdoor seats. 過嚟朋友公司探班, 佢之後帶我過嚟海旁呢一間餐廳Happy Hour～ 估唔到平日下午都幾多人喎‼️室外嘅位置都full曬, 我哋揀咗室內嘅位置坐低👫🏻Cocktail menu 都幾多選擇🍸Hendrick Gin Martini (HK$98) 🍹Fresh Berries Mojito (HK$78) 💬 2杯都mix得唔錯, 喜歡重酒味當然首選Martini～ 而Mojito就男女皆宜, 用咗新鮮士多啤梨同埋藍莓去mash, 再加埋薄荷葉同埋青檸, 飲落好清新🍃 我叫咗少糖漿, bartender 真係有落少咗👍🏼 配酒小食我哋揀咗▶️ Soft Shell Shrimp (Salty Egg York Sauce) HK$88 超級邪惡嘅黃金軟殼蝦🍤🍤🍤 啲蝦炸到好鬆脆, 連埋蛋黃醬一齊食, 送酒一流呀🤤 ▶️ Nachos HK$78 + Cheese Sauce HK$20 呢樣就冇特別驚喜～ 如果有埋牛油果醬+墨西哥辣

呢排成日wfh，搵左日同屋企人去觀塘海濱行下放鬆下，見到呢到有間好靚既餐廳，就入去食下野休息下。餐廳對住個好靚既海景，感覺好chill。打開餐牌，見到啲snack 都幾吸引。我地點左碟香腸拼盤，入面有四款唔同既腸仔。香腸既口感好好，好結實，而且都幾惹味。另外，我地仲點左甜蕃薯條，甜蕃薯條即叫即炸，熱辣辣，好香脆，又唔會太油，唔錯！我地仲點左兩杯野飲，分別係西柚汁同埋凍朱古力，西柚汁好fresh，配埋啲snacks 好正！

天氣好，想去海景露天cafe 坐坐，又唔想去咁遠，除咗去西九龍海濱長廊之外，官塘海濱可以講係市區另一好選擇，呢間cafe 户外位可以望住靚靚雲，有海景又有草地，草地有人野餐，有人day camp ,認真夠chill..。是日係weekday 所以唔太多人：⬆️餐廳室內、室外也有好多座位，感覺開揚睇吓我今次食咗乜先： 西班牙辣肉腸pizza$88Pizza 細細件，一個人都可以食哂成件，批底係薄批，上面好多我最愛嘅火箭菜及沙律菜，配合微辣腸同醬料，好味😋香辣雞翼$88呢個好惹味，有啲四川麻辣味道，雞翼出邊鋪滿晒炸蒜粒，外脆內juicy, 鍾意食辣野嘅人，呢個一定啱。Mocktail: Mixed Berries Mojito $58呢個幾多料，好多雜莓。我覺得飲咗好多維他命C落肚，好好健康好清新。隔離有間花店，進食期間，花店員工將剛插好的花放在每張枱上，即刻感覺靚哂。

到觀塘海濱公園走走，發現話隔玻璃屋的小餐廳～就入來點了杯mojito mocktail🍸仲配埋ginger 味道好fresh好清新之餘有薑感覺會又會暖心～最重點係環境超美～望住旁邊公園的花花草草同海境，感覺像置身歐洲般寫意～我們還有點了蜜瓜配parma ham，蜜瓜略為不夠甜美多汁～還好cheese fries, 很惹味，配mocktail一邊談天一邊吃喝寫意極了，難得的好地方，下次會再來試下lunch🍽

今日早左放工約咗朋友去了觀塘海濱走廊嗰邊cafe 食 tea。 天朗氣清， 趁著有陽光好多人都出去海旁運動吓散吓步， 出嚟唞唞氣人都精神啲～😎我哋被安排喺戶外嘅位置， 都唔錯喎對住個海景 仲有少少太陽唔會太凍。下午時間想飲cocktail,mocktail都有好多選擇， 紅酒仲有buy one get one free 🍷😊食物質以西式為主， 也有特色午餐，各款小食香腸拼盤$88以為係切開擺得靚靚。 香腸烤得好香， 有唔同嘅味道 ， 羊肉腸，豬肉腸 ，有混入胡椒， 芝士和香草， 味道鹹香，佐酒一流。🍻黃金軟殼蝦（六隻）$88鹹蛋香氣喺空曠地方都聞到～ 軟殼蝦原隻連殼炸得酥脆， 鹹香惹味！ 墊底嘅竟然係火箭菜，相當 fusion  ～Mixed Burries Mojito $58打碎的雜莓和各種香草，莓味十足，薄荷夠清新～Greentea  Punch $58朋友覺得味道較清淡， 夾雜著淡淡的檸檬， 綠茶和啤酒味。

呢日嚟到觀塘海濱散步，見到呢間玻璃窗裝修為主嘅餐廳，望落好骨緻，所以就入咗嚟。因為都4點幾，都唔想食得咁heavy, 一人飲杯嘢，再嗌個細細地嘅pizza同一份西班牙小辣椒就夠了，呢度店內嘅人唔多，大部分人都坐戶外位，呢日唔係好凍，可以吹吓海風，戶外位都有放暖爐，唔洗驚凍親。 首先上嘅係西班牙小辣椒，嗌個陣都係貪好奇試吓。佢冇好花巧，都係攣烤完加咗啲olive oil同海鹽，食到小辣椒嘅原味。食落其實就一啲辣都冇，但係好香口，比想像中好味！另外嘅辣肉腸pizza，薄餅上面加咗啲火箭菜，成件事refreshing啲。佢唔係啲好厚嘅批底，tea食冇負擔。呢個pizza食落就真係有啲辣啦，但又唔會好過火。嘢飲朋友叫咗cappuccino, 我就叫咗個virgin ginger mojito。我個杯飲落好解膩，冇咗酒有啲薑去提供刺激嘅味道，都好有趣。如果再遲少少望個黃昏食tea一定會更chill!

餐廳位於觀塘海濱公園，景觀一流，有室內及室外座位選擇，兩者都可在黃昏時段觀賞到美麗的鹹蛋黃，好適合放工同朋友或者另一半去飲杯嘢、放鬆吓餐廳設計好有格調，藍白色圖案嘅瓷磚，好有異地風情當日放工同同事去餐廳，揀咗兩款小食，兩杯飲品。1. 辣肉腸pizza: 細細個，啱兩個女仔食，薄餅底非常脆，有少少似梳打餅乾，配上辣肉腸同茄汁，味道不錯2. 甜番薯條：番薯條切得好幼，唔使點醬都好味3. Passion fruit squash：有好多熱情果粒，配埋雪碧，酸酸甜甜4. Mixed berries mojito：有好多士多啤梨粒同埋薄荷葉，感覺好清新5. 整體來說，叫少少小食，飲杯野，嘆埋個靚景，成件事好美好

《 觀塘新地點！工廈中城市綠洲 》牛頭角同觀塘區一向都好多隱世餐廳，呢間位於觀塘海濱無論裝修食物都好高質嘅餐廳。🍕 西班牙辣肉腸薄餅 $88Pizza餅皮較薄，烤完十分香脆。餐廳慷慨地落好多芝士去烤，上枱時香味撲鼻而來，令人大流口水。另外辣肉腸嘅微辣令人食到停唔到口。🤭🍗 香辣雞翼 $88淨係睇賣相都已經好吸引，焦焦香脆嘅外皮再撒上滿滿炸蒜。味道方面更令人驚喜，咬開香脆外皮後，雞油鎖在肉中，不會油膩。同時香辣雞翼另一大賣點，麻辣香味充足，辣度大概係譚仔嘅三小辣左右，唔太食得辣嘅朋友都應該可以接受到。🍓 凍水果茶 $42水果茶嘅茶底味道不錯，茶味清香而且帶少許回甘嘅澀味，配各款香甜水果，非常解渴。🍫 凍朱古力 $48香濃朱古力配濃厚忌廉組合，朱古力不會太甜，有少許可可苦味而且朱古力味香味爆棚。後記//餐廳裝修有一種輕鬆嘅風格，室外座位可以望到觀塘海濱十分寫意，即使近日寒流來襲，但仍有不少食客選擇室外座位。每位食客都可以得到餐廳靚靚口罩套一個，十分貼心～

今日黎到觀塘 @laserrehk 食個tea 其實係一訓醒就黎好餓😂😂環境相當好 好舒服好靚 店員好好服務同效率☺️☺️未訓醒叫杯ice latte醒神食返個哈密瓜pamaham我最愛💜 好甜好香麻辣炸雞好特別一黎就聞到平時麻辣火鍋既味唔好睇少係辣唔係得個樣！但就好吸引😍😍鐘意食辣黎到一定要叫，好奇係咪真係咁麻辣？咁你就要黎！都好方便係觀塘😌😌係啊好方便我🤣😂😂😂#eat#foodie#看似隱世#設計特別

見可以早收工就同朋友過嚟觀塘行下，喺觀塘海濱嗰度見到呢間新餐廳，環境都唔錯，就入去食左個tea。先講吓呢間餐廳嘅環境，餐廳環境寬敞，枱與枱之間保持一定距離，可以揀坐喺玻璃屋入面或者出面，坐得都幾舒服。而且一入到黎佢就會俾個好靚嘅信封你放口罩，都係一個細心位👍🏻到重頭戲，就係食物質素方面啦！因為目的只係同朋友搵個地方坐喺度傾計，所以我哋只係叫咗少少野。🎈西班牙辣肉腸薄餅薄餅底偏薄，邊位較脆，薄餅上面除咗有茄醬同埋辣肉腸之外，仲有芝士，食落去個味道較辣同鹹，整體來講普普通通🎈甜番薯條薯條比較幼身，食落去甜甜地，但係炸得比較乾，有啲薯條超級長，有啲又好短，唔係好平均，叫做不過不失🎈Passion Fruit Squash味道唔錯，比較甜，好多熱情果籽🎈Mixed BerriesMojito味道清新一啲，會飲到啲碎士多啤梨果肉整體來講，嚟呢度真係只係食環境，可以望到日落叫做幾靚，但係食物嘅性價比偏低，而且食物質素較普通🥲🥲🥲但如果你純粹想搵個環境好嘅地方同朋友傾偈飲嘢，都可以揀呢度嘅

寒冷天氣也阻不了我去海邊的心海邊嘅餐廳特別有浪漫嘅感覺心情唔好就要出走一下辣肉腸薄餅 $88佢嘅大細同我想像有少少出入但食落去味道好驚喜，腸好夠辣個批多芝士而且脆香辣雞翼 $88絕對唔係CP雞翼，上面有好多辣粉同脆脆有啲似避風塘嘅感覺，大愛呀🤤朱古力 $42佢個拉花好驚喜😍😍😍😍Green tea punch $58去海邊我覺得一定要叫特色野飲唔識揀嘅情況下揀咗杯勁似檸檬茶嘅嘢飲，但飲落又唔係檸檬茶，幾清新幾好飲環境坐得好舒服，啱晒我呢啲鍾意坐喺度慢慢食慢慢傾偈嘅人個口罩袋勁心機勁靚呀