La Postre (形點) (已結業)

難得今日放假，梗係約個知己出嚟tea下啦! YOHO mall裏面最近又開咗間新嘢， 作為地膽嘅我，梗係要去試下新嘢先啦!門口夠曬開揚， 顏色以綠色為主，望落去感覺好舒服同擁有新鮮感。閒日嘅下午茶時段都人山人海，全場爆滿。 好彩早咗少少嚟，如果唔係就要排隊了。燈式夠曬華麗大方， 樓底非常高，完全冇壓迫感。炭燒雞扒竹炭漢堡包配拉差薯條竹炭漢堡包唔係周圍都有得食， 意外地呢度竟然有。漢堡包皮夠香口鬆軟， 雞扒軟熟唔會太油膩， 內裏夾雜少許拉差醬，當中帶點bb辣，味道夠晒特別之餘又幾惹味。 薯條送到黎還是熱辣辣的， 加咗少許拉差醬，變咗另一種風味。煙鴨胸芝士窩夫配黑醋甘藍沙律菜呈鮮綠色， 車厘茄爽甜，麵包糠夠脆， 再配上少量黑醋汁，酸酸甜甜又幾開胃呀。 窩夫香脆，份量啱啱好， 煙鴨胸好重煙燻味， 夠曬軟熟， 食完唔會覺得好滯!下午茶選擇都算多， 種類也比較多元化，給人有一種好新鮮嘅感覺， 樣樣都想試下。special drink都有好幾款， 梗有一款啱你心水!

今日放了半天假，約了好朋友飯聚。朋友介紹吃這間餐廳，她是會員有折扣優惠，我又沒吃過這間餐廳，就一於去試試。餐湯是南瓜湯，我一向很喜歡飲南瓜湯。味道💯分 可惜多士硬了些和不夠脆，但味道就OK。接住是香草漢堡牛肉飯，這個飯底原來是意大利飯來，真的驚喜牛肉漢堡好好味，味道新鮮，沒有雪味。意大利飯軟硬度恰到好處，味道偏淡，正合我的健康口味。整體有85分。再來是蜆肉欖油意粉。欖油意粉口感很清新。配料是彩色雜椒和有殼蜆肉，食材新鮮。但記得要趁熱食，凍了意粉較為硬。跟餐配花茶只加15元。我們分別叫了兩款花茶，同樣清新美味。朋友說 : 晚餐時段價錢貴很多，如果時間能安排的話，吃午餐就經濟實惠得多。

好食嘅西班牙菜終於開到入黎元朗啦，之前想食都要專登出去尖沙咀或者要過海去銅鑼灣食，而家黎YOHO MALL 就已經可以食到真係好開心，而且重點係質素冇變都係一樣咁好食:Q今次黎食我簡左漁夫海蜆做頭盤，蜆味幾鮮加上唔會太細隻，少少嘅微辣食完就更加開胃=]西班牙海鮮炒飯係2人嘅份量，每粒飯都被炒得非常均勻，沾上濃濃嘅醬汁令人食完一羹又一羹:Q 海鮮亦鋪滿晒飯面，影相一流=]最後就係甜品雜果麻糬窩夫，香脆而且蛋味濃郁嘅窩夫上面放了一球雲呢嗱雪糕，周邊再鋪滿晒各式各樣嘅生果，賣相無得彈呀！食窩夫嘅時候連生果食又得，加雪糕食又得，又或者加埋一齊上嘅蜜糖點黎食都得，得左。題外話，而家比$400 做會員仲送$500 COUPON TIM呀，而且仲有其他優惠，可惜我係埋左單先至見到呢個PROMO，如果係一定JOIN 呢個咁著數嘅優惠。

和友人六點嚟到，時間早冇乜客人，裝修好靚，啲裝飾同擺設都幾有心思。★西班牙沙律有啲蕃茄酸酸甜甜味，好清新好開胃，不過份量少咗啲…★蟹&海鮮雜燴蜆肉好鮮甜，蟹就一般，好多菜，份量都係好少😅★雜果mojito欣賞佢有分冇酒精同有酒精，水果好新鮮，味道唔錯。★雜果麻糬窩夫好多水果，竟然有無花果😍窩夫外脆內軟，麻糬好煙靭，好好味！不過$138食一個窩夫都幾貴😝

同事推介就泥呢到試下喇~7:30pm要等一陣位！等朋友齊人，先叫個黑松露薯條慢慢食住先！薯條很普通，松露醬無乜松露味之後叫左4個餸蟹肉沙津，又係普普通通。大啡菇，食完先記得要影相🤦🏻‍♀️！但大啡菇上面有隻蠔，係幾有誠意，同幾夾既值得食。牛肉羅勒橄欖油意粉。意粉有點兒硬，又唔係有口感喎。普普通通西班牙海鮮飯有2人同4人份量揀，我地4個人食，只叫2人份量，但都好夠食，份量都幾多，又可以食多啲其他款。飯係微微地辣，都幾好食既，海鮮又好足料最後叫左綠茶麻薯窩夫，綠茶味夠，但麻薯唔係好覺🤔⋯⋯基本上呢間餐廳係食海鮮，多 蝦蟹食😗但食品就偏貴

今天是我生日前夕，同囡囡共聚晚餐，點知有烏蠅周圍飛啦，食反大半個鍾，我同女隻手不斷拍，阻止烏蠅飛埋食物，唉呀，食反重慘過大排擋，以後永久都不會去，牛扒又差，七成熟，切極都切不斷d筋，又食物又凍，yoho 商場叫做high d，但食物好差

上次食下午茶的tea set 都滿意今次食晚餐都有些期待！🤭晚餐菜式主要都係海鮮為主款式都算多☝🏻酸汁牛肉沙律其實份量非常之少賣相擺盤不太精緻牛肉味道很「鞋」口有些失望😵😵😵☝🏻蟹意粉擺盤賣相亦都不太吸引味道都OK不過我覺得意粉比較粗身和「冧」身啲幼身和硬些的意粉應該會比較好味些😵☝🏻綠豆蜆肉比較滿意嘅一道菜☝🏻蟹肉牛油果賣相又係唔係幾掂😂😂😂簡直好似快餐店食物味道麻麻☝🏻黑松露飯味道OK，最緊要夠熱☝🏻雜果班cake餐廳嘅招牌菜式其實味道一般般不過影相就一流我覺得菜式味道只係一般擺盤賣相更加需要改善因為價錢其實都係略貴希望食物質素會更加好！

元朗形點一期上有好幾間不同風格、特色的餐廳食店，今天來到這間人氣食店《la postre》從外面看，店舖空間很大，富時尚格調，空間足夠，座位亦舒適，沒有一點侷促。工作了一整天，能坐在舒舒服服地吃頓飯實在比甚麼都重要！西班牙蟹肉沙律──看見名字也能想像它的賣相吧！紫椰菜和黃椒新鮮美味，色彩繽紛，配上粟米，味道酸酸辣辣，豐富了整個口腔，我們不消數分鐘就把整盤沙律放進肚子裏。可能今天我們都比較餓，不約而同地想吃澱粉，所以點了《西班牙海鮮炒飯》──聽說是這裡的人氣食物，果真是名不虛傳，這裡的海鮮美味，包括蛽和大蝦， 加上香氣十足的鮮茄，叫人怎能不把它吃得光光的？重頭戲上場了！這裡的甜品份量絕不欺場。就是雜果麻糬窩夫，大大的一件正方形窩夫，用刀切下去時會聽到「咯嚓咯嚓」的碎裂聲，可想而知它的脆度如何，吃進口裏外脆內軟，配上雪糕，雜果和麻糬夾心，真的是人間極品啊！最後就是喝味──宇治抹茶紅豆，綠茶是我的至愛之一，濃郁的綠茶，紅豆富口感，正好為今晚劃上完美的句號！餐廳服務良好，服務員做事爽快俐落，餐點上枱速度快，不用三催四請，不會拖延時間，讚！

元朗Yoho Mall又有新餐廳進駐喇，今次係西班牙風嘅La Postre，無論裝修定食物都好西班牙風味啊。餐廳就係Yoho Midtown 正門入口位置，星期二晚上7:30黎到，唔需要等位。黎之前已經上網睇左大家推薦咩菜式，首先，我同朋友叫左個漁夫海蜆($98)，個汁好濃味及鮮甜，食完d蜆仲畢多幾淡汁食。然後我地再叫左個西班牙豬手（$388），因為即叫即整嘅關係，等左25分鐘左右，不過都值得嘅。豬手皮焗到脆卜卜，肉又十分滑，配上沙律菜同近似芥末味嘅醬汁，好特別。另上仲配有蜜糖可以配豬手，不過我自己就一般喇。飯後甜品叫左雜果麻糬窩夫（$138），可以簡半份或全份。窩夫外脆內軟配上雜果同雲呢拿雪糕，整得好好，而且賣相都好靚。另外，再叫左兩杯無酒精嘅水果飲品，埋單一共$847，有水準嘅西班牙餐廳。

同親愛的豬隊友下午茶，當然要吃好一點！元朗yoho mall 1期又開了一家新的餐廳，主打西班牙菜，而且有一系列自家製的甜品🍮，終於有機會嚐嚐。去到發現原來有tea moment,最後我們點了Q13香腸炒蛋多士配香草煙肉湯意粉和Q16炭燒雞扒竹炭漢堡包🍔配拉差薯條🍟。等待期間被裝修吸引，感覺很高雅簡潔，加上服務生態度友善，整個氣氛令人感覺很舒服。Tea moment 的份量都很足夠，漢堡包🍔內的雞扒嫩滑，配一條甜甜酸酸的醬汁令人感覺開胃！而更沒想到湯意粉配的是濃湯，入口creamy,每一口都令人感到很滿足！本來還想點件cake,但實在太飽了，所以加$15 upgrade 了餐飲，柚子蜜桃🍑茶，口味清新，作完美的總結！

難得下午優悠，閒逛元朗大型商場。逛至一歐式餐廳，裝潢清幽雅致，頗有歐洲風情，見有下午茶供應，價錢不貴，且款式豐富特別，於是與朋友入內一試。侍者端餐上來的時候真是有點兒驚喜，不但擺碟講究，且色香味全。一顆客羽衣甘藍沙律拼煙鴨胸芝士窩夫立見過真章。用上美味黑甜醋拌沙律，味覺清新; 窩夫是即叫即刻製，熱剌剌的，入口軟香，真是誠意的出品; 配上色彩繽紛的鮮水果茶，清香甜美，這頓下午茶實在精彩，好好療治了我萎糜的軀殼。

呢間新開嘅西班牙餐廳【La Postre】 位於元朗形點一期地下， 餐廳以深綠色為主調，加上自然採光，感覺時尚，亦不失自然舒服感覺。 一步入商場就能夠聞到香氣怡人嘅咖啡香氣。門口擺放著一部嚟自意大利嘅Bezzera咖啡機，非常吸睛， 飯後來一杯咖啡又豈能錯過。呢度嘅lunch set由$68-$169， 今次我就試咗啤酒煮蠔配蟹膏炒飯， 以及西班牙黑松露黑毛豬扒。每一個餐都包括咗沙律或餐湯， 青瓜沙律淋上咗日式芝麻汁， 青瓜夠爽脆， 配合埋脆卜卜嘅多士， 清新又開胃。野菌忌廉湯雖然不是太濃稠，但都能品嚐到野菌香氣。呢一塊一睇就知道好味嘅蒜蓉多士，除咗搽上大量蒜蓉之外，亦加入咗香草，重點係夠脆卜卜，正。【啤酒煮蠔配蟹膏炒飯】 金黃色的炒飯用料相當豐富，在口腔裏面傳來陣陣蟹膏香，鮮味十足。炒飯亦加入咗色彩繽紛的蔬菜， 有三色椒、青瓜、薯仔、紫洋蔥， 除咗令色澤更繽紛，更吸引之外， 亦令整個炒飯更健康。 來到重點啤酒煮蠔，生蠔預先已去殼，食起來更方便。蠔肉飽滿，熟度剛剛好，不會過熟。呷一口蠔湯，簡直令人回味，蠔的鮮味混合了啤酒的麥香，食起來帶一點咸香，亦有一份鮮甜味。 加上加入了香草以及青辣

三人食物：牛肉沙律：牛肉一般，菜新鮮，醬汁好好味，醋酸味適中。蜆： 醬汁好好味但有點蓋了蜆的味道。海鮮飯 ：本人覺得好一般。蟹鉗 ： 味道好好，伴菜酸辣味好適當，令人開胃。本人覺得蟹鉗好像是急凍的。飲品： 果茶有驚喜，好好味 不太甜，有水果香味。另一杯 mojito 就太過甜。甜品 ：雖然我們 好想好想 吃waffles，但不吸引。餐廳環境都舒適，不太嘈雜 （本人覺得好過銅鑼灣店）。員工服務就一般。但在酒吧內有一位女員工好友善地介紹我們可以下次試宵夜餐。雖然Yoho Mall 有好多餐廳選擇，這間餐廳是值得試一試的。

元朗形點愈來愈多新餐廳，一入大門已吸引了我的注目，所以跟友人沒有猶疑就選了這店。服務生也主動奉上水，收碟也頗快手。店內裝潢也一貫La postre 的藍色，走高貴典雅的路線。西班牙海鮮飯(2人份)海鮮頗多種類：青囗、蜆肉、蝦、洋蔥及燈籠椒，海鮮新鮮，飯熟時離火使飯吸收剩餘汁液，所以飯米稠身，但飯中夾雜不少燈籠椒及洋蔥，不愛的建議不要點這個。甜品：雜果麻糬窩夫用上時令水果，有無花果，味道清甜具生津止喝功能，雜莓及橙肉略帶酸意，窩夫保持熱度，麻糬煙韌富嚼勁，外層香脆，可以有兩種不同的囗感。飲品：雜果清新，茶帶點回甘，兩者混在一起也頗清新。

呢間嘢我嚟咗一次就勁鍾意😍佢既tea嘢食幾好味~最讚係個燒汁牛肉漢堡包😋佢個包係脆架😁裡面d料好足😎鳳尾蝦芝士意大利飯都好正😋d蝦好鮮甜😚如果即時做會員仲可以獲得焦糖燉蛋一個 😍 個焦糖好脆好正🤩D蛋勁滑