La Postre (形點) (已結業)

由於朋友食素關係，我地經過La Postre問下有無素食，居然有幾款，於是就試試。餐廳裝修好靚，檯櫈餐具都好有心思，所以當初以為好貴就有啲卻步，及後知道有素食，當然要試試啦。黑松露燉雜菇 （$89）☘原鑊仔上白汁加濃濃嘅黑松露醬燉雜菇，好香好好味，白汁好香滑正好配上蒜泥多士上簡直絕配，同行友人讚不絕口。竹炭大啡菇包 配薯條（$108）☘竹炭包本身好軟，唔好俾佢黑炆炆嘅外表影響食慾，包係新鮮好軟，配合大啡菇及蕃茄好fresh.牛油果原半個，軟硬度適中好好味。最驚喜莫過於薯條，表面係薯條，但食落去係香辣嘅，應該就係表面似芝士醬嘅汁係辣嘅，好特別。香辣海螺松葉蟹配蒜泥多士 （$158）原小鑊仔上嘅香辣松葉蟹少少辣無影響松葉蟹嘅鮮味，海螺用西班牙特色嘅酸瓜橄欖煮帶出螺肉嘅鮮味又唔硬。焦糖燉蛋 做份問卷就可以免費一客雖然係免費但焦糖燉蛋做得好味又唔太甜，加上燉蛋嘅容器好精美，令人食欲大增。

同朋友食生日飯，上網搵咗好耐，打算搵間甜品靚靚哋嘅餐廳慶祝生日，見呢間嘅賣相好似唔錯，於是就book咗。環境唔錯，但係等左半粒鐘都未有嘢食。千呼萬喚始出來嘅burger，一上碟眾人呆左，第一次見黑色嘅burger，但由於等左好耐大家都鯨吞左呢碟野，味道只能說食得飽。呢個西班牙海鮮飯就利害了，足足等左粒半鐘，細問之下原來漏單⋯仲要追單三次先發現！！！等左粒半鐘都唔覺得有幾好食，只係海鮮尚算新鮮，飯就有改進空間。呢個係唯一滿意嘅菜式，窩夫入面有一層麻薯，食落口感幾特別，外脆內軟咁。擺相亦算靚，滿足我哋為咗影相而食呢間餐廳嘅心願，生日嘅朋友都滿意店家仲好sweet送埋自家製生日卡，個甜品上嘅時候，店員會幫我地全台人用即影即有相機合照，生日卡入面就有一張送比我地。個人覺得呢間如果食甜品影吓相或者慶祝生日都可以，但如果主餐就⋯⋯要再諗諗先！

友人新居入伙, 黎到元朗Yoho Mall, 我地㨂左La Postre食!外國風情, 餐具系黃銅色的, 連埋雙碟都超大藝術氣色, 店內美食豐富: 有西班牙海鮮飯, 漁夫海蜆等等...我地一眾少女因為只系聚腳的關係, 所以叫了仲夏水果茶同埋鮮雜果麻糬窩夫先講水果茶, 依個真系不得了, 水果非常豐富, 有青蘋果,藍莓,檸檬,橙,西瓜,蘋果,新鮮又清新到個窩夫, 唔知系咪因為我地平時唔食生果,連點個窩夫都系埋唔同啲生果,最特別系有無花果,配上楓糖醬, 微酸又易入口, 食生果都食到我地飽左, 又超有健康啲感覺最後一眾人除番開價錢, 請埋友人祝賀佢新婚, 都唔算太貴下月再聚時會考慮再吃依間店啲正餐

復活節假期落雨唯有行商場，去左yoho mall 因為連住西鐵唔洗擔遮，行左去2期地下想食西餐～之前都有試過係上環食呢間，味道及價錢都值得再食，今次假日3:00PM仲可以去食茶餐添，價錢更加實惠！蟹肉牛角包配薯條，薯條仍然好好食，因為係肥身仲有小小薯蓉既口感，如果有黑松露醬就好！之前食過呢間既黑松露醬勁回味！！牛包飽外脆內軟，超鐘意脆身既牛角飽。蟹肉無咩特別。仲叫左個雞肉意粉，太肚餓一黎就食左無影到相。意粉偏油，不過見到係綠色油，似乎用橄欖油所以不怕肥了哈雞肉甜同軟，超好食！ 味道似日式雞串既雞肉。男朋友未試過呢度既窩夫，所以叫左半份雜果窩夫，果然無令我地失望！內裡有麻糬，口感超好的！熱的蜜桃茶也很暖胃呢！

見OpenRice 偏向讚好就今日約咗親戚黎試呢間餐廳食lunch。我覺得佢地食物賣相唔差，都算幾精美，味道不過不失，唔難食，亦都唔係話好好味。佢地既lunch set同其他都係大同小異，包餐湯或沙律，一個main course，餐飲同埋迷你甜品。不過有一樣就要扣分啦，我地咁岩坐既位置竟然滴水，係樓頂既冷氣系統滴水，好彩滴向枱面，只係梳化位，如果唔係我地一定要求換位。或者下次應該試下佢地既海鮮西班牙飯，所以俾唔到好高分。

今晚和太太到元朗形點晚膳，原來呢度都有間La Postre，装修和餐具都很有格調。無花果墨魚黑醋沙律配搭幾有新意，無花果清甜夾墨魚煙韌嚼口，感覺新鮮，加上新鮮蔬菜配黑醋，是清新開胃的小食。主菜是龍蝦燴飯，原隻龍蝦開邊龍蝦汁燴飯熱鍋上桌，份外高雅。龍蝦肉十分鲜甜，充滿蝦味熱飯連蝦膏進食，特别甘香。甜品是全份綠茶麻糬窩夫，花形熱.辣窩夫配以清甜紅豆蓉，再點以蛋黃忌廉綠茶忌廉及糖漿，成為暖意窩心嘅甜品。配以透心涼嘅鲜果味美嘅什果沙冰和什莓沙冰，真係一頓高水準嘅晚餐。

今日朋友請我去形點一期食西班牙餐，佢話有間La postre，裝修不錯👍環境似置身於外國餐廳🍴一樣，坐得舒服😌靜靜地傾吓計都不錯嘅選擇。是晩7時客人不算太多，所以餐廳職員👩‍💼很快便安排卡位讓我們就坐。蜜瓜黑毛豬🐷，切得非常透薄，略帶鹹味，如配上蜜瓜一同吃非常美味，蜜瓜的甜味加上黑毛豬🐷的鹹味，這樣吃法口感非常特別👍西班牙海鮮飯🍽上桌時感覺十分豐富，有蝦🦐、有蜆、有靑囗及西班牙火腿，飯質方面軟硬適中，味道帶點微辣，吃起來非常惹味，份量2人吃剛好。鮮雜果窩夫外脆内軟，有無花果、藍莓和香甜芒果🥭，還有雪糕及蜜糖，我較喜歡吃甜，所以加入很多蜜糖混合一起吃，這款🍨值得一試😋鮮製雜果沙冰和鮮雜果莫希托，是一杯清新怡人的飲品，非常適合夏天飲用🍹🍹

今日同朋友黎到Yoho moll食西班牙菜，餐廳裝修精緻美麗很有歐洲的格調！這間餐廳其實是朋友挑選的，因爲她住元朗附近。餐具擺放整齊，碟子也經過特別的設計。青檸香辣凍蜆：頭盤的凍蜆酸酸辣辣，感覺很開胃。加上蜆肉鮮甜無沙，配埋清新的青檸！唔會令人感到有油膩感。西班牙海鮮炒飯：呢個西班牙海鮮炒飯分量十足，净係鋪係面的海鮮已經有好多種！炒飯色彩艷麗，而且每粒米飯都被海鮮湯汁包圍住，用埋辣肉腸配料提味！口感很有層次。什果麻糬窩夫：呢個甜品實在令我很驚喜，因為真係好好食！！窩夫上面鋪滿新鮮的生果，其中包括無花果、藍莓、芒果同士多啤梨。窩夫外脆內軟，加上裏面有煙韌的麻糬很有咬感。配上蜜糖和雪糕一拼食用更是美味非常。最後食左太多，所以叫了兩杯熱茶消化一下。

每次帶朋友或家人到這間連鎖餐廳，都得到滿足，滿意的回憶。無論是食物質素或是服務，都令人回味無窮。由第一次去上環分店，之後再帶親友到尖沙咀或是元朗，都讓親友讚賞。三間分店所煮出來的食物都是一致美味的。其中的西班牙炒飯，飯的軟硬度適中，配以微微辣味，簡直的美味。女皇窩夫完全是我至愛的甜品，麻糬窩夫，口感外脆內軟，不太甜，配以新鮮水果，令人回味。特別一提，當中有一位女員工，我在上環分店已認識她，今晚在元朗分店重遇她，很欣賞她對客人的親切表現，總讓我感覺到有賓至如歸的喜悅。

餐廳位於形點一期地下，在鳯攸東路進入商場的大門口位置，整店以綠色為主，用了馬賽克做裝修材料，幾別緻，真的有點似西班牙風呢💃門口位置設置了一個迷你水吧位置及餅櫃，方便人客外賣咖啡及糕點服務👍🏻除了元朗店，其它地區還有分店，所以店舗推行會員制，可以申請做會員穫取優惠👏🏻👏🏻午餐時段有set lunch 可點選。包餐湯或沙律，麵包及餐飲。🔸西班牙肉丸蕃茄菠菜麵 肉丸應該不是機製的，所以形狀有點不規則😊亦不會做出中式肉丸那種彈牙，除了茄汁仲用咗新鮮蕃茄，酸酸甜甜好味道😋🔸香辣煙鴨胸欖油意粉欖油味香濃，配上薄薄的鴨胸片都不會覺得有油膩感。此店的咖啡☕️也不錯，看到餐牌其它主菜都好吸引，下次再來嚐一嚐晚餐🧐

住在元朗的友人約晚飯， 我們當然要選擇環境舒適的餐廳用餐，最好就是飯後可以再逛下街，選在Yoho Mall晚膳就最適合不過了. 6:30pm 左右到達餐廳，店員安排我們坐舒的卡座.田園雜莓沙冰 ($68) 友人選了雜莓沙冰，賣相實在吸引. 藍莓與士多啤梨配以打得幼滑的雜莓沙冰，味道酸甜又開胃，而且大大杯，可以慢慢享用~鮮雜果莫希托 ($78) 沒酒精的Mojito 是一杯充滿薄荷香氣再配以大量水果的鮮雜果茶，甜度剛剛好，個人幾喜歡.芝士煎蟹餅 ($168) 大量的木魚碎下是煎得金黃香脆的蟹餅，中間有不少軟滑芝士，配以鮮味蟹肉以及嫩滑蛋餅，作為前菜相當惹味~西班牙豬手 ($388) (45mins) 這客豬手即叫即製，需時約45mins，可與友人閒聊再等吃~ 份量十足的豬手足夠3-4人享用. 我們二人吃得超飽呢! 豬手外皮脆得有如吃薯片一樣，肉質嫩滑惹味，配上蜜糖，也很滋味. 最讚是這款豬手已預先切件上，當中混和了解膩的沙律，酸酸甜甜很開胃.鮮雜果麻糬窩夫 ($138) 餐後少不了要吃甜品. 鮮雜果麻糬窩夫有超多的水果，包括: 芒果、士多啤梨、藍莓、無花果& 香橙等，色彩繽紛.

行完街去食飯，今次我簡簡單單咁同朋友食個沙律，西班牙炒飯，最緊要係佢地有埋甜品食，不用轉場滿足我第二個胃。沙律叫左蟹肉凱撒沙律，一堆堆蟹肉系真蟹肉，因為會見到一條完整嘅蟹腳肉喺度。沙律菜好新鮮不在話下，裡面充滿曬芝士粉仲有一塊塊大的芝士片，但是沒有因為這樣而過鹹，仲有好多餅乾碎，味道好適中。西班牙海鮮炒飯，足夠二人份量有剩添。質地是濕濕地黏黏地，入口微辣同好惹味，會想繼續一啖一啖噉食落去。有四隻大蝦，有一陣陣煎香左的蝦味，新鮮的。平時不太喜青口的我都覺得這個青口ok，唔會又老又韌，又無沙。蜆仔都係個別煮過，有香草同黑椒的味道，雖然蜆仔肉無乜鮮味可言，但咁樣煮過又係幾好食的。既然餐廳有甜品叫，當然唔放過啦！叫左個肉桂菠蘿窩夫，窩夫系微暖，皮是脆的，配雪尼拿雪糕係無敵的。菠蘿肉用糖漿煮過咁，不酸。肉桂味適中，沒有太過搶風頭。而飲品叫的係鮮雜果Mojito，個底似系（青蘋果味）的梳打，唔算甜，有微微青檸味配埋薄荷葉正正就有一種清新，開胃的感覺，大大杯都飲得曬。

我和友人共3人到餐廳用膳，座位舒適，惟燈光略嫌太光～dinner set有湯及飲品，我們點了西冷牛扒及海鮮飯～另加了小食蟹肉海螺～跟餐的湯及面包質素普通，沒有特別。小食有5－6件蟹鉗及10多粒螺肉，味道ok，但配4件跟湯一樣的面包，欠心思。牛扒7成熟，略鞋，但味道份量都不錯。海鮮飯最出色，有2隻青口，2隻蝦及4－5隻蜆，熱辣辣，飯底味道亦很好～（但未食前忘記影相lol）焦糖燩蛋幾好半份抺茶窩夫，窩夫內有抺茶，夠熱，窩夫好味！雪糕正常，紅豆蓉及抺茶果子不錯！黑松露薯條，薯條ok，但配黑松露醬失望。cocktail 扣分藥水味反而跟餐加＄25的白酒更好！整體食物不過不失，服務態度不錯，部分食物有待改進～

裝修時尚風格， 美輪美奐， 地方寬敞，環境舒適寧靜。西班牙海鮮飯 $298海鮮飯是鮮味盛宴，表面舖滿大蝦、青口、蜆肉及辣肉腸等，大蝦肉質彈牙，青口和蜆肉肥美、啖啖肉。米飯口感偏濕潤，有蕃紅花及甜椒的香氣， 微辣， 飯吸收了海鮮的精華， 鮮味提升， 啖啖好鮮味，令人吃過不停!.芝士煎蟹餅$168煎蟹餅用煎pan盛上， 熱呼呼香噴噴， 用蟹鉗點綴，賣相吸睛， 蟹肉拆成一絲絲，釀入芝士、 草菇 於蛋餅之中， 蛋香誘人， "芝"味無窮， 配上酥酥的木魚絲，帶淡淡咸香，味道豐厚。雜果麻糬窩夫$138雜果窩夫質感綿軟， 充滿蛋香，夾上麻糬，口感綿密中帶煙韌。 窩夫上面鋪滿新鮮士多啤梨 、藍莓 、無花果、 橙、 紅莓、芒果及吉士醬， 賣相吸引， 相機食先， 配上雲呢拿雪糕，質感滑溜， 添上楓糖， 實在甜入心扉!鮮草莓蜜桃果汁綠茶 $68草莓蜜桃果汁綠茶，令人驚喜的組合，草莓味香濃， 蜜桃汁香甜，令人甜思思， 感覺冰爽吸引。桂花荔枝茶 $40桂花荔枝茶用透明玻璃壺盛上，桂花香味撲鼻而來， 配上荔枝果香， 倍添馥郁香氣， 啖啖窩心。

經過這間餐廳 發現這家是食西班牙菜由於未食過 所以就決定去試試看耶·蜜瓜黑毛豬(24個月)這個原來是西班牙火腿來耶🤭另外有蜜瓜在底下 肉質很鮮嫰🤤媽媽表示食得很開心 我沒有選錯食物給她食🥰蜜瓜挻甜的 與火腿的味道很配合·西班牙海鮮飯擺碟很吸睛啊😍😍 2對蝦砌成心形另外的貝殼類海鮮像一道扇門的樣子海鮮的味道不太濃味 帶出到鮮味而這個飯份量很多的 顏色像泡菜炒飯但味道令我意想不到的驚喜😄·抹茶麻糬窩夫🍯飯後來個甜品也不錯 也是打卡一流耶味道不會太甜 不會有膩的感覺食多一兩件也不會有罪惡感😏·士多啤梨朱古力咖啡第一次飲這個味道 點了微糖版本我版那個忌廉吸引著🤣很快被我們食光光·蜜桃柚子茶酸酸甜甜挻解渴 又可以消濟挻不錯而且也挻多的果肉在底裡這間餐廳的服務員很友善😏有漂亮的姐姐