Kubrick

营业中

休息中

朋友話油麻地有間特色cafe叫Kubrick，今日就去試試佢。卡邦尼意粉入口creamy，加埋溫泉蛋撈埋蛋漿令人胃口大增。慢煮雞腿份量充足，亦有好多配菜。配菜有蕃茄仔、西蘭花、青瓜等等，顏色豐富賣相十分吸睛。雞腿肉質非常滑溜，另外，表面煎到金黃色，脆卜卜好香口。玫瑰園$70紅玫瑰、粉紅玫瑰、紫玫瑰、玫瑰果淡淡既玫瑰香，令人放鬆。感覺好養生。歐陸風情$70歐薄荷、檸檬草淡淡既薄荷同清新既檸檬味，食完飯再飲番杯歐陸風情解膩一流。📍Kubrick地址：油麻地眾坊3號駿發花園H2地鋪

支持kubrick 已經有起碼十年，睇住質素越來越低都幾心up。今日同朋友去食lunch，搵位已經發覺好幾張檯都無抹，上面仲有食物殘渣/一大pat 油。無選擇之下同朋友只好鋪張自己喺油上面再坐低，之後負責樓面嘅帶眼鏡男店員經過淨係攞起張紙巾，之後都無抹過檯。之後送餐時候無論飲品食物都係大力掉落檯上面，仲大力推拉我地張檯嘅其他檯椅😑我地已經無要求/同佢有咩對話，唔知點解食個飯都要受氣。其實我地都無要求d 咩，正常待客已經可以，而唔係對d 客發洩。經過今次唔會再去，好失望。

Kubrick (油麻地)油麻地眾坊3號駿發花園H2地舖又再訪這個文青好地方(⁎⁍̴̛ᴗ⁍̴̛⁎) 今次黎坐低chill 下計劃旅行🧳1. 薰衣草💜latte 2. Ice Americano 3. 藍莓紅絲絨蛋糕🍰 Total 都係150內～ 非常chill 不過真係要帶外套，冷氣好凍😂😂😂😂🥶🥶🥶#油麻地打卡#油麻地好去處#油麻地美食#油麻地cafe#文青cafe#hkig#hkfoodue#hkfoodieat_cafe☕️#hkfoodie#hkfoodblog#hkfoodstagram

本身見到幾別gei餐廳好朋友帶我嚟試下點知四眼男店員同我地講openrice唔可信唔好上去參考好啦，咁我地自己叫飲品兩杯coffee難飲到嘔食物不過不失啦但係，有個重點服務差到爆送餐果個人boom一聲掉碟落嚟比人gei我地以為得一個係咁就算啦點知第二份餐都係咁心諗呢間嘢真係好痴線食物最多比3分服務態度0分奉勸各位好食之人請勿幫襯價錢唔值得啊！就算颱風趕收工都唔應該咁樣態度啊！

晏晝同朋友食牛扒 見到支叉有啲無洗乾淨嘅跡 一支半支都算 落單果陣無問我地牛扒要幾成熟 咁我以為固定左 咁正常咪5成頂多7成 一切開即刻feel到唔對路 係十成熟嘅牛扒😹 啲肉絲乾到… 舊牛柴到… 唔講以為食緊舊橡膠….食左咁多年牛扒真係未試過食到燥剩左一半 因為真係好難咬 啲肉絲攝晒入牙隙 另外跟餐嘅紅茶或者凍齋啡 杯嘢細到應該差唔多得包tempo嘅高度 仲要擺滿晒冰 實際飲得嘅應該得4-5啖 咁我嗌咗杯凍紅茶 個底嗰度仲有啲沉積物飄黎飄去 感覺好唔衛生 不過跟餐就算啦…想要去café 好chill好relax 隔離有書睇又唔怕伏可以一試 但整體來講$128咁嘅食物質素真係勁嬲 我就唔會再食

#胃在油麻地 #胃在cafe 🎬 KubrICk🎬超級推薦！呢間咖啡店喺油麻地戲院隔離，第一次入去覺得環境超舒服📜牆上面掛滿畫，隔離仲有得睇書同埋買書🤓啲人邊睇書邊飲咖啡☕️SO CHILL!!重點係連嘢食都好好味！-❤️ 煙肉蕃茄意大利飯 / Bacon andTomato Risotto ($98) 🌟4.6/5個容器keep到risotto由頭食到落尾都係暖嘅😍蕃茄酸甜味同risotto嘅軟硬程度適中Very Good👍🏻 ❤️ 特選牛肉芝士漢堡 / Selected BeefPatties Cheeseburger 🍔 ($128) 🌟4.5/5 個包好脆！牛肉味都幾出🥹Very Juicy🤤Like Like💕❤️‍🩹唯一缺點係杯檸檬茶，跟餐嘅檸檬茶都要$38，兩個人都飲差唔多成舊水，巧貴🤣💰人均：$150♟ 香港九龍油麻地眾坊街3號骏發花國H2地舖 Shop H2, Prosperous Garden, 3 Public Square St., Yau Ma Tei, Hong Kong🥹無加一🕰️ 餐飲服務：每兩小時最低消費為兩杯飲品；憑第一小時的收據於第二小時可享$38購買意式咖

由於之前嚟過見到cafe 加書店好似幾得意所以入黎試吓，遇到有一位男員工主動介紹手沖咖啡比我，我覺得幾好所以日前再次黎睇吓會唔會再遇到佢，點知今次遇到一另外一位戴眼鏡的男員工令我大失所望，購買食物前已聽到佢大聲說話夾雜粗口不雅用語，十分冇禮貌加上佢嘅眼神令我十分不舒服 再加上作為客人，唔知點解好似成為佢嘅發洩對象，可能係佢哋今日人手不足，但作為員工都無可能這樣對待客人，令我唔想再光顧，完全同上一次體驗差天共地。這位男員工完全同餐廳環境唔相同。

一邊是書店📚 一邊是Cafe☕️ Kubrick伴隨電影中心多年，食物質素向來都不錯😋「全日早餐」食材豐富，雙太陽蛋🍳格外滿足🌞 「京式烤鴨🦆配意大利軟包」的烤鴨和記憶中的京式做法雖不同，但也鹹香俱足☺️

Kubrick今日趁住放下例假，順便出去逛下街，見到呢間餐廳個門口設計得幾特別，而且適逢放平日，餐廳份外寧靜，決定感受下一個人的浪漫，由於咖啡店連住書局，所以可以一路逛吓書店，逛到肚餓嘅時候就去餐廳食嘢。全日早餐煙肉、蕃茄、煎蛋、煙三文魚、香草腸、炒蘑菇、蕃茄焗豆、牛角包及沙律菜，非常豐富嘅早餐東愛爾蘭咖啡上面打咗一層好厚嘅cream，好特別嘅一杯咖啡，入口甘香咖啡味濃郁，係一個朝早嚟講特別提神！

特色芝士牛肉漢堡配燒烤汁 $95可能會覺得95蚊就咁嗌個漢堡少貴，但質素好彩對得住個價錢~漢堡外形漲卜卜，麵包有牛油烤過，好香!!生菜、蕃茄等等嘅配菜新鮮，唔係求其執幾條霉菜夾喺入面扮睇唔到漢堡肉厚身，目測厚過1cm少少，食落有和風嘅感覺，整體好食!是日選湯 +$25如果嫌單點唔夠候，可以優惠價加配餐湯小食，每個餐點最多加三款~餐湯不過不失，正常忌廉湯味，反而係餐包有驚喜! 跟湯有個牛角包，烤過先上，好香口，而且脆卜卜! 如果送湯飲，可以自製酥皮湯哈哈~原味薯條 +$20高質薯條，厚身，值得加~英式香腸 +$15有香草嘅脆皮腸，總共三條，都算抵食，表面少少油，但好食!

⭐️慢煮蘑菇牛面肉香草包配忌廉芝士及洋蔥圈（$108） ❤️9.0呢個係嗰日見到嘅special menu~ 見到好吸引就order咗，果然冇令人失望😍 首先個包真係好大個🤣 入面鋪滿咗牛面肉，蘑菇又係多到跌出嚟😳 配埋芝士同埋生菜同蕃茄，惹味得嚟又唔會太膩🤤 香草包微烤過外脆內軟熟，又加咗分☺️ 而且伴碟係洋蔥圈配忌廉芝士，成個組合好邪惡！ 食完好滿足💕⭐️全日早餐（$120）❤️8.0All day breakfast常見嘅嘢都有齊咁滯～ 例如煙肉、煙三文魚、香草腸、薯餅、牛角包、炒蘑菇等等，十分豐富， 味道都唔錯👍🏻⭐️牛肝菌香草忌廉汁闊蛋麵（$90）❤️8.0牛肝菌嘅香氣十分突出👍🏻 而且闊蛋麵沾滿忌廉汁，煮得剛好煙煙韌韌，估唔到咁好食😍⭐️是日餐湯及是日沙律（各+$20）❤️7.8嗰日嘅餐湯係甘筍忌廉湯，仲配有牛角包，性價比幾高👍🏻 沙律都好足料，食埋真係好飽🤣難得有間可以坐得耐，食物質素又好嘅cafe👍🏻 而且性價比幾高，我哋三個人食完以上所有嘢都超級飽🤣 有機會嘅話會再嚟chill吓☺️

曾經有段時間差唔多每個星期二都會去電影中心睇戲，散場後去埋樓下睇電影海報，再過隔離 Kubrick 睇書，最後食埋嘢，就係一整套嘅指定動作。上星期又嚟到呢度睇戲，當然要趁機會幫襯一下間 cafe。我揀嘅午餐係香草茄蓉西蘭花烤雞意粉，配忌廉蘑菇湯同咖啡。餐湯上枱時啲忌廉落到一撻撻，影響賣相，呷一口，唔算 creamy，磨菇味濃郁但有少少酸，感覺放得耐咗啲。主菜意粉完全符合商品說明條例，香草同茄蓉落得勁重手，基本上主宰成碟意粉嘅味道，鍾意呢種口味嘅食客應該食得好滿意，不過大前題係你要真係食得幾酸下。至於烤雞同西蘭花，由於已變成大配角，我其實冇咩印象，只記得正常水準咁囉😂。反而杯咖啡係全個午餐嘅亮點，雖然細細杯，但係非常厚身，果香味濃郁，after taste 強勁，真心正。

The good: spacious, good vibes (thanks in part to being in a bookstore), high ceilingsThe bad: being in this cafe makes you feel like 2047 came early and we're living in an authoritarian state alreadyYou get this high strung vibe as soon as you step in. These days, while it's standard procedure to scan LeaveHomeSafe wherever you go, you can always sense when a particular store or restaurant is particularly stringent about it. A mostly welcoming but hawk-eyed staff member sitting by the door star

諗住去果欄買生果買完就臨住搵個地方坐低醫肚仔行到見到電影中心樓下原來有間Cafe西餐近近地就入咗去試吓一打開門以為自己入錯書店望去另一邊見到餐枱先知係餐廳原來呢間係與書店融合為一嘅Cafe即刻偽文青上身書卷味出晒嚟👩🏻‍🏫🤓環境好開揚 又有透光玻璃窗成個感覺好悠閒有主食輕食小食 飲品提供卡邦尼意粉卡邦尼意粉質感creamy醬汁亦好夠結身而且好濃味！味道好有忌廉奶香畸帶芝士味加咗啲煙肉 蘑菇 洋蔥個味道好豐富！意粉彈牙而掛汁🤤好食 份量好足！不過食到一半就有啲漏😬地中海蕃茄蟹肉意粉蕃茄意粉相對上較開胃酸酸甜甜嘅蕃茄食到粒粒嘅蕃茄肉又有少少辣辣地蟹肉份量都唔少不過醬汁就比較稀啲好彩蕃茄味都夠濃郁🍅意粉質感都有咬口！-環境幾靚嘅Cafe坐得舒服之餘亦好有休閒嘅感覺食物都算唔差～

週末無無聊聊與儍爸逛逛油麻地首先去 bookmark 好耐的『書店 cafe』嘆個 brunch之後去『廚房用品街』的新填地街和上海街睇吓廚房用品再參觀已有百年歷史的一級歷史建築物『窩打老道8號紅磚屋』最後到油麻地果欄買啲靚水果返屋企與兩隻魔怪一起分享講返這間隱藏在書店中的 Cafe Kubrick一入門口的左邊是 cafe，右邊是書店由於 Cafe 連著書店，環境較清靜，感覺寫意悠閒假日嚟嘆返個 brunch 心情都好點 ~~週末無 lunch set 提供單點漢堡和意粉可 +HK$38 選配意式咖啡或茶飲品選擇蠻多 ...除了常見的 Flat White，Macchiato，Latte，Dirty，Cappaccino，Mocha還有 Viennese Coffee，Bailey's Coffee，Irish Coffee，Lavender Latte，薑餅咖啡 ...儍媽 ...卡邦尼意粉 Spaghetti Carbonara〈HK$95〉醬汁濃厚香滑，仲有很多磨菇片，食落去冇咁膩口 ~~維也納咖啡 Viennese Coffee〈+HK$38〉放假就係放肆啲，點了杯好多忌廉的