Kokoni Coffee

营业中

休息中

Kokoni, a coffee shop x kissaten on Ki Lung Street, features wooden interiors in a casual setting which allows customers to enjoy a drink at their own pace.Pasta was prepared at the open kitchen upon order. Boiled until soft and mixed in the pan with separated sauces. Served piping hot. Crab Meat Spaghetti was loaded with briny crab meat, poppy tobiko with chopped onion and light cream sauce, while Spaghetti in Tomato Sauce was topped with smoked salmon and ikura, creating a contrast in flavors.

深水埗真係好多寶藏Cafe！呢間Kokoni coffee，環境日系文青，壁畫有趣氛圍輕鬆，同朋友係度又食又傾🤣煙三文魚和龍蝦明太子Egg Drop蛋嫩味濃，搭配醬汁濃郁，Croffle酥脆，口感世一！手沖咖啡香醇，我揀緊呢款飲落有淡淡果皮香，fruity豆都幾得意！抹茶清新解膩，啱哂唔飲咖啡嘅朋友。總體價格合理，份量適中，適合輕鬆聚會。食材新鮮，口味豐富又簡單，推薦Egg Drop，視覺味覺都滿足！

深水埗一向好多小店值得探索，趁平日唔使排隊就嚟咗呢間日式Cafe😋甜品嘅選擇唔算好多，果然係貴精唔貴多🤘🏻✨ 松葉蟹肉扁意粉 $138• 蟹肉份量唔孤寒，鮮甜唔腥• 扁意粉掛汁能力強• 醬汁濃郁得嚟唔膩• 面頭灑咗少少三文魚子，增加口感✨ 黑芝麻卷蛋 $68✓ 芝麻味香濃自然，唔會死甜✓ 蛋糕體濕潤綿密✓ 奶油輕盈唔膩✨ Matcha Latte $55• 用日本抹茶粉，茶味甘香• 奶泡打得細密• 甜度適中，唔會蓋過茶味，同時奶香比較突出✨ Cold brewed tea Hojicha $65• 焙茶香氣突出• 冷泡做法帶出自然甜味• 解膩一流，配甜品最夾推薦松葉蟹肉意粉，真係有驚喜！環境舒服，幾啱同朋友慢慢傾計💬

今日經過深水埗見到一間裝修得好靚嘅Cafe於是忍唔住想入去試吓係咪真係咁好味！Cold Brew Coffee 口感超順滑，零苦澀。咖啡香醇又回甘，清爽解渴，飲完成個人即刻醒神。Matcha Latte 抹茶味濃郁甘香，冇草青味。同牛奶融合得好好，口感綿密，甜度啱啱好，好治癒。抹茶卷 蛋糕軟熟濕潤，奶油餡飽滿。抹茶甘香濃郁，甜而不膩，食完成個口都仲有餘韻。焙茶卷 焙茶焦香超突出，味道醇厚溫暖。奶油餡茶味濃，甜度低，食落好有滿足感。Kokoni Coffee (深水埗)深水埗基隆街156號地舖

話說我哋平日都想搵啲靚靚嘅地方食嘢，今次就好有緣地發現咗呢間Cafe，真係唔錯呀！首先，入到去嗰一刻，店內嘅環境就已經吸引到我哋。裝修簡約而又時尚，光線柔和，令我哋一進去就覺得好舒服。咖啡香氣四溢，令人忍唔住想試下佢哋嘅咖啡！我哋叫咗一杯冷Latte同一杯熱黑Latte。冷Latte（HK$55.00）嘅味道真係好正，咖啡同牛奶嘅比例剛剛好，唔會太甜，仲有一啲淡淡嘅咖啡香氣，飲落去真係好解渴。特別係夏天，呢杯冷飲真係好適合！熱黑芝麻Latte（HK$50.00）就更加濃郁，對於鍾意重口味嘅芝麻愛好者來講，真係唔容錯過。講到食物，我哋叫咗兩款意粉：忌廉三文魚扁意粉（HK$138.00）同松葉蟹肉意粉（HK$138.00）。首先，忌廉三文魚扁意粉，意粉煮得剛剛好，唔會過軟，配上濃郁嘅忌廉醬，真係好creamy！三文魚新鮮又軟滑，入口即化，仲有啲香草點綴，增加咗層次感，味道非常之好。每一口都令人感受到海鮮嘅鮮味！至於松葉蟹肉意粉，味道就更加驚喜！蟹肉唔單止新鮮，仲有一種自然嘅鮮甜味，配合意粉嘅醬汁，真係絕配。醬汁唔會太濃，恰到好處，令蟹肉嘅味道完全突顯出嚟。食落去真係好享受，完全唔會膩，令人

難得放假，同朋友去咗呢間咖啡室嗰度Hea。揀呢間，因為覺得佢哋裝修好光猛，而且樓底夠高，感覺上好舒適。味噌豬頸肉egg drop ($88): 見到豬頸肉出邊好似冇乜舖頭會做，所以就試吓。賣相好靚，有好多唔同嘅顏色，一望落就覺得好似好好食咁。麵包搽過牛油，好香。配菜方面有生菜，滑蛋同埋蕃茄，要讚一讚個滑蛋煮得好出色，好香牛油味。建議所有配菜一齊食，如果就咁食豬頸肉嘅話會稍為太overpowering。松葉蟹肉意粉($138):一上菜嘅時候都幾surprise，冇諗過一間咁細嘅咖啡室會咁抌本比咁多蟹肉落去，初頭嗰幾啖諗住慳返啲蟹肉，食到最尾竟然仲有好多剩低😂 味道方面都幾夾，食到有牛油同蒜香嘅味道，而且松葉蟹肉最欣賞嘅係真係完全冇食到一啲任何細殼，淡淡都係肉。Matcha Special ($60): menu講話有豆腐，燕麥奶同埋抹茶，但係豆腐就唔係太飲得出，飲落去嘅時候好滑，而且好香抹茶味道。Black Latte($55): 朋友叫咗呢一杯黑芝麻飲品，完全符合香港人對甜品或者飲品嘅要求，唔會過甜，好香芝麻味道。總結：自己一向都好支持呢一啲小店，而且全部木系嘅裝修感覺好舒服。仲要嘢食

今日去咗深水埗搵嘢食😋，路過見到間文青cafe，lunch time都唔少人食，決定試下！🙌🏻松葉蟹肉扁意粉⭐️⭐️⭐️⭐️⭐️松葉蟹肉扁意粉係即叫即整，賣相好豐富💕，有超多蟹肉碎同蟹籽🦀，每啖都食到蟹肉嘅鮮甜，同蟹籽爽口嘅口感✨，意粉索晒啲汁🍝，食到停唔到口呀🤩。煙三文魚 Egg Drop⭐️⭐️⭐️⭐️⭐️三文治好厚好飽滿，入面好多餡。啲炒蛋好滑，仲有好多蛋汁😋。煙三文魚都好香，連埋個包一齊食唔會好鹹🙌🏻。入面仲有生菜🥬同蕃茄🍅，可以解膩✨。黑芝麻拿鐵⭐️⭐️⭐️⭐️⭐️黑芝麻拿鐵飲落好滑，好香芝麻味，好似飲緊芝麻糊咁🤣，唔算太甜☕️。抹茶特調（豆腐＋燕麥奶＋ 抹茶）⭐️⭐️⭐️⭐️⭐️賣相好有層次，又綠又白，啱晒打卡✨。飲落好重抹茶味🍵，亦都飲到好濃嘅豆乳味🥛，味道好rich好豐富🤩。

ᴅʀɪɴᴋ🍵 抹茶特調 Matcha Special $60 🌟小編大大力推薦呢到嘅飲品！呢杯抹茶特飲係抹茶+燕麥奶+豆腐，豆腐味好出，配埋抹茶整體味道好夾，層次好豐富，而且唔太甜😋🍫 榛子特濃可可拿鐵 (hot) $55 🌟呢杯飲品都好有驚喜！同樣唔會話太甜，但榛子味道好出好香😋 而且飲落好順滑！ʟɪɢʜᴛ🥪 龍蝦明太子Egg Drop $98相較之下食物就比較普通，Egg drop餡料都幾豐富，炒蛋炒得幾滑，但龍蝦味道稍為腥咗少少ᴍᴀɪɴ🍝 松葉蟹肉意粉 $138呢個意粉其實味道唔錯，蟹肉比得好多！不過如果冇咁鹹嘅話會更加好-呢間餐廳飲品質素>> 食物，所以如果係想嚟飲杯嘢嘅話都幾推薦，不過今次就冇試到佢啲甜品，下次再嚟飲嘢嘅話都會俾個機會試吓嘅-味道: 7/10服務: 7/10回頭率: 7/10總評: 7/10

想在深水埗鬧市中尋一處寧靜角落，享受高質足料美食兼打卡？這間隱藏版的咖啡專門店絕對是驚喜之選！它沒有鬧市的人聲鼎沸，環境舒適寫意，座位寬敞不侷促，整體洋溢著低調的文青氣息，水泥牆、木系家具配上柔和燈光，隨手一拍都很有感覺，是真正能放鬆、傾談或工作的好地方。食物才是這裡的靈魂，用料絕不手軟，誠意滿分。首推必食 「松葉蟹肉扁意粉」！一上枱，濃郁的海鮮香氣已撲鼻而來，令人食指大動。重點是，意粉上鋪滿了 超澎湃的松葉蟹肉，絕非點綴，每一口都能吃到鮮甜實在的蟹肉絲，鮮味十足，搭配恰到好處的醬汁和彈牙扁意粉，滿足感爆燈，蟹控絕對不能錯過！另一款邪惡之選是 「龍蝦明太子 Egg Drop」。這款改良版的韓式雞蛋三明治，絕對是「爆餡」代言人！厚滑香濃的炒蛋 （蛋超滑！） 夾著份量十足的龍蝦肉和鹹鮮的明太子醬，餡料多到幾乎要傾瀉而出。龍蝦肉的鮮甜、明太子的微辣顆粒感，與極致嫩滑的雞蛋形成豐富層次，口感味道都一流。飲品方面， 「Matcha Special」 非常值得一試。它並非傳統的甜膩抹茶飲品，抹茶味清香突出，帶有醇厚的茶韻，更特別的是融合了淡雅的豆腐香氣（可能是豆乳或豆腐慕絲），整體 「唔甜，唔會好

深水埗有好多文青Cafe，KOKONI係其中一間我最鍾意嘅，空間感十足，樓底高有夠光猛，食物種類唔算多，但好多都係Comfort food味噌豬頸肉 Egg Drop $88多士烘到脆卜卜，包住一條又一條粗大豬頸肉，彈牙多汁，炒蛋濕潤得來挺身，包入三文治食都好方便卡邦尼長扁意粉 $118芝士有拉絲，蛋黃夠香，但略嫌芝士鹹香不足，意粉al dente都好掛汁焙茶拿鐵 $55榛子特濃可可拿鐵 $60兩杯latte都好香滑，焙茶好濃郁、榛子醬掛杯香濃，六角形杯墊仲好打卡able!

人來人往嘅深水埗，居然搵到呢一間另外坐得舒服，而且感覺慢活嘅Cafe～✨松葉蟹肉扁意粉松葉蟹肉滿滿的，真係每一啖都食到！亦都好鍾意佢用咗少量魚子嘅點綴，加咗少少口感。整體感覺唔會太濕或者太濃，意粉口感剛好。✨板燒雞扒Egg Drop 雞扒煎得非常香口，帶少少甜絲絲嘅感覺，加上滑蛋、生菜、以及蕃茄，會過分邪惡，而且麵包亦都焗烤得好香！✨Hojicha Latte•Black Latte融合了焙茶的濃郁香氣與奶泡的絲滑口感，烘焙味夠香；黑芝麻拿鐵帶點果仁香。

Cafe門口有2大幅日系油畫，有户外和室內區，簡單休閒嘅環境，令我過咗一個悠閑嘅下午。餐廳有咖啡、主食、輕食和甜品，無論係午餐或者下午茶，都可以過嚟chill吓。我揀咗松葉蟹肉意粉，一上碟就見到意粉同蟹肉都堆到一個小山丘咁，份量有返咁上下，蟹肉都落足料，基本上每啖意粉都食到蟹肉，唔會慳住啲矜貴食材，仲有少少蒜香，鹹香好吃，個汁就不算好濃稠，所以食落不膩～另外，作為咖啡控嘅我，當然要點杯Latte，口感溫熱滑順，咖啡與牛奶之間完美融合，拉花都幾靚，打卡able!

深水埗愈黎愈多唔同種類既coffee shop, 今日去左呢間對街 有外露位既cafe 又幾有feel 叫左杯Black latte 即係芝麻鮮奶夠健康 無咖啡因最底有大量芝麻 一定要搞到落最底好似飲緊芝麻湖咁鮮奶飲full milk 先最真實雜菇扁意粉即叫即做 所以都要啲時間等候食落口有好重牛油味 味道零舍香雜菇同大量蒜蓉炒埋一齊 香味四散意粉煮得岩好好 唔會太軟身 有口感一個人食哂 份量亦岩岩好下次要再食埋其他意粉同埋飲其他latte

餐廳設立喺深水埗鬧市之中，但係佢營造到一個好舒服嘅環境俾人喺度飲吓嘢chill吓。有戶外嘅環境亦都有室內嘅環境，戶外嘅環境以木質嘅柔和色調做主題，而室內就有質感嘅石灰牆同埋木枱做主題。環境非常舒服！餐廳座位同埋座位之間都好寬闊，非常適合朋友過嚟傾偈。松葉蟹肉扁意粉$138蟹肉嘅份量非常之多，每一啖意粉都可以同到蟹肉一齊食。除咗蟹肉之外餐廳都加埋蟹籽作配襯，兩種海鮮嘅鮮味非常豐富，意粉變得額外鮮甜。龍蝦明太子egg drop $98非常推薦食呢一款三文治，裏便嘅龍蝦膠份量非常之多，每一啖都食到有海水味嘅龍蝦肉。除咗龍蝦膠嘅口感之外，蟹籽清脆嘅口感同埋鮮甜嘅味道亦都非常之盡責咁樣配襯出龍蝦嘅鮮甜。非常大份量嘅滑蛋滑溜嘅口感食落去好滿足。榛子特濃可可拿鐵$60 可可同埋榛子嘅味道同牛奶嘅味道好融合，好順滑咁樣將可可同棒子帶入口腔裏面。黑芝麻拿鐵$55 叫咗一個比較特別嘅飲品，黑芝麻做飲品嘅底調非常少見。餐廳真係用黑芝麻磨成漿去混入飲品裏面。

難得閒日放假，知道深水埗好多cafe小店可以作休憩地方，黎左呢間kokoni coffee試吓松葉蟹肉扁意粉好濃郁的松葉蟹🦀味道，而且蟹肉份量亦非常多，表面再放上大量蟹籽，吃下去有醬爆口感每條意粉亦掛上松葉蟹肉，整個口腔都充斥住鮮味、蠻幸福的龍蝦明太子egg drop表面有粒粒龍蝦肉及蟹籽，再跟即煎雞蛋（不會太熟太粗糙，影響口感）一起吃，層次感非常豐富！中間再夾上生菜🥬蕃茄🍅，配點蔬菜稍為健康一點(>^ω^<)而麵包也烘得剛剛好，外脆內軟～Flat white（hot）飲返杯咖啡☕️提一提神，個泡沫🫧好creamy，飲落去好順滑！抹茶特調🍵 （Iced)我覺得係呢間cafe嘅招牌飲品，入面有豆腐、燕麥奶及抹茶，喝下去有啖啖的豆腐香，在這個夏天喝下去尤物舒服及解渴！0.