KK Coffee (已結業)

呢日喺呢頭搵cafe食brunch, 見到呢間新開嘅cafe就嚟試下～大蝦香辣蒜香欖油意粉 呢個意粉整得好好呀！意粉好彈牙好爽口，食落夠哂乾身唔會油笠笠咁，又好香蒜同黑椒味蝦都幾大隻同夠新鮮呢個意粉幾有驚喜見到menu有牛角包窩夫多士食，第一次見呢樣嘢所以叫咗嚟試，又幾得意！呢個係牛油果醬炒蛋，個牛油果醬整得好好食 入面有啲醋香料同洋蔥撈埋一齊勁香口，夠哂開胃！炒蛋夠滑同埋係半生熟，全部嘢一齊食好正～伴碟仲有好多蔬菜呢個抹茶牛奶超好飲抹茶係有幾種日本茶粉比我地㨂，我地揀咗山政小山園，好濃好香抹茶愛好者一定要去試！咖啡師拉咗個聖誕老人公仔出嚟 好靚咖啡豆都係有幾隻揀，我地揀咗哥倫比亞考卡省天堂莊園，係比較fruit嘅飲落士多啤梨味同荔枝味較重 好啱女仔飲～門口仲有啲位，可以喺度chill下

深水埗太子近年多左好多Cafe，但都係千遍一律，簡單裝潢，最近發現這間比較有格調嘅隱世有heart打卡意式Cafe，Cafe位於荔枝角道黃竹街交界，Cafe两邊都有户外位好chill，有特色。Cafe Menu都有好多選擇，有All day / Pasta / Salad / Toast / 輕食 / 甜品，當然唔少得有咖啡，而最有特色嘅係主打抹茶，這裡就可以飲到高品質的抹茶。Dirty $46賣相漂亮，好喜歡這個杯，咖啡冷熱分層，視覺同味覺嘅享受。Avocado Paste Scramble Egg Croffle Toast $108牛油果醬炒蛋牛角包窩夫多士，滿滿的牛油果醬和炒蛋，配上口感煙韌的牛角包窩夫，配搭一流。Rose Uji Matcha Red Bean Croffle $108玫瑰宇治抹茶紅豆牛角包窩夫，甜度適中，配上宇治抹茶，整體十分夾，好滿足。下次要再來試抹茶先得。

2023年步入尾聲終於提早完成手上工作可以忙裏偷閑去下Café放空揀選左一個all day breakfast襯晒我一個餐可以由早食到下午茶都無尷尬配搭正常用上牛角窩夫有新意是日大啡菇完售轉左大蝦俾我有驚喜蝦肉彈牙爽口煎得頗香整體份量不少可以飽all day男朋友要左明太子意粉見到廚師精選可以轉明太子烏冬不過又想食彈牙口感所以無轉明太子醬鮮香意粉al dente不錯👍招牌香濃朱古力店家獨創配方朱古力濃而不膩入口柔順幼滑用上rock ice整杯飲晒冰都未溶令到朱古力由始至終都一樣香濃店家心思可見一斑👍小店地方不大見有顧客大家都樂意讓座其餘時間各自靜靜睇書休息氣氛唔錯🥰

最近同朋友去咗位於深水埗嘅一間新開嘅cafe食brunch，店舖雖然唔算大，但裝修都幾有歐陸風格，店內仲有唔少綠色植物，weekend過嚟嘆番杯啡都幾chill😌雖然佢呢個croffle喺深水埗區嚟講都算偏貴，但質素都算對得住佢個價錢！牛角包烘至外脆內軟，炒蛋大大份又夠濕潤，再配埋幼滑嘅牛油果醬，呢個配搭真係冇得輸，好味🤤呢度嘅明太子意粉食落偏辣，皆因佢啲明太子真係幾足料下，而醬汁嘅份量可以再多返少少，而家就啱啱好做到每條意粉都掛到汁，但我自己就好多汁啲嘅意粉多啲😆 呢杯抹茶拿鐵拉咗棵聖誕樹🎄好有聖誕feel😳八女抹茶飲落帶有強烈鮮味及旨味，濃郁香氣及口感。而拿鐵嘅咖啡香氣同抹茶嘅濃郁味道完美結合，飲落既滑順又有層次感！而呢杯朱古力就拉咗聖誕老人🎅🏻 飲落非常濃郁香滑，喺呢個凍冰冰嘅冬天飲真係啱哂！

行行下街到轉角位聞到咖啡香，舖頭仔得4個位但望落好靚，即刻坐低慢慢嘆個午餐，開大左窗比陽光照入嚟好靚好舒服。 All day breakfast 炒蛋好滑，waffle 厚實，放香蕉有驚喜，菜冇苦味醬酸酸甜甜啱啱好，好評！牛油果醬炒蛋牛角包窩夫多士 作為輕食好perfect ，加少少七味粉令到成個層次昇華左！玫瑰宇治抹茶紅豆牛角包窩夫店主親自為你淋上日本直送抹茶醬，玫瑰香味夾埋cream 一d 都唔膩，為呢一餐畫上完美句號😍Dirty世一dirty🤩獨特嘅espresso blend，fruity 得黎又balance。啱晒怕苦味嘅你！裝喺呢隻杯度好似火山咁，好睇又好飲，打卡一流！小政小山園式部の昔聖誕老人拉花好可愛，抹茶同奶味冇互搶，飲得出抹茶唔係流！係飲完棚牙會變色嗰種😬

Cafe位於轉角位，環境唔大但感覺舒適，而且仲有好啱打卡嘅窗口bar枱位，係度飲杯咖啡chill吓都唔錯😌🍴牛油果醬炒蛋牛角包窩夫多士（$108）炒蛋滑溜帶蛋汁，呈半熟狀態，牛角包外酥脆內鬆軟，與牛油果醬係完美搭配，伴碟嘅沙律菜亦十分新鮮，整體份量都幾多😌🍴明太子忌廉意粉（$108）明太子屬日本食材，味道鹹鮮帶辣，意粉有al dente口感，忌廉令味道濃郁及滑順，係惹味日西fusion菜😌🍴星野製茶園 星峰（$88）聖誕樹拉花好有節日氣氛，抹茶味道回甘，帶濃郁香氣及柔和口感，對於抹茶愛好者來講，呢款茶係不可錯過嘅選擇😌🍴招牌香濃朱古力（$45）朱古力味濃但唔甜，口感好rich，另可選配植物奶，啱晒奶敏感人士，聖誕老人拉花好啱打卡😌

深水埗近年被文青活化多左好多Café、coffeshop、文創店鋪今日我又去大南街行下逛下發掘下有乜好野去到街角見到有間裝飾左羅馬石柱嘅一人小店店裏店外共有4張枱但麻雀雖小五臟俱全除左有咖啡飲仲有意粉等等熱食適合唔同客人但最吸引我嘅竟然唔係咖啡而係抹茶！餐牌入面用足兩大頁去介紹唔同茶葉可見店主對抹茶非常講究而且好有心去推廣我當然要試試水準店主拉花手藝一流！竟然拉出應節嘅聖誕老人🧑‍🎄星野製茶園出產嘅星峰茶味濃而不澀入口醇厚餘韻悠長果然好茶玫瑰宇治抹茶紅豆牛角窩夫個玫瑰味好香好突出😍宇治抹茶會喺你面前慢慢倒出忌廉輕柔抹茶細滑紅豆綿密配牛角窩夫實在完美！喜歡抹茶嘅朋友一定都會喜歡呢道甜品後記本身當日原來紅豆缺貨店主要特登出去買紅豆先可以完成咁我就想揀另一道甜品免得麻煩點知店主堅持要去買話想我試到好味嘅甜品果然店主嘅堅持係值得嘅亦可以見到店主對佢嘅出品有種執著同自信有心思嘅小店買少見少我覺得KK coffee絕對值得大家支持❤️

同朋友誤打誤撞入咗呢間主打精品咖啡嘅cafe，有來自唔同產地嘅咖啡豆比我哋揀☕️ 就算好似我哋咁，本身對咖啡冇太多研究嘅都唔使擔心，店主都好nice會同我哋介紹唔同咖啡豆嘅風味比我哋知😋-☕️ 哥倫比亞考卡省天堂莊園Combo Colombia Cauca El Paraiso呢個係店主特登推薦我哋嘅，味道偏甜適合新手試吓😋 呢個combo一共有三杯，包括咗Espresso, americano同Latte，俾我哋試吓同一隻豆三種唔同嘅風味。Espresso唔會太苦，同店主講嘅一樣味道偏甜，而且聞落仲有好重嘅果香味🍑 個人最鍾意就係佢杯Latte，飲落好有層次，飲落甜甜地咁，加埋咖啡豆嗰浸果香味，有少少似士多啤梨牛奶嘅感覺🍓 對於平時飲咖啡冇話好講究嘅小編嚟講，係一個好特別嘅體驗，好值得一試😋🍵 山政小山園 式部之昔因為臨近聖誕節，所以店主都整咗個聖誕老人嘅拉花🤣 整體抹茶味好香，飲落口好順滑，而且唔會太甜！🍳 All Day Breakfast個份量都幾大，成個all day Breakfast都好豐富，個人最鍾意個croffle，好香好鬆脆，加埋啲cream同香蕉食，感覺好豐富😋 而且

呢排完sem，約埋朋友一齊去cafe嘆咖啡，打下卡☕️🥞 All Day Breakfast 份量好大，食物種類都好多🤩。Croffle好脆，蘑菇炒得好香，有黑椒味，沙律菜都好新鮮🥗🍝明太子忌廉意粉 意粉好creamy，比較多醬但係唔會漏，好多明太子，仲有陣白酒味，好開胃😋🧇玫瑰宇治抹茶紅豆牛角包窩夫 呢個甜品，店員會係上菜個陣先淋抹茶上牛角包窩夫到，令到窩夫依然好脆😚抹茶味濃🍵仲有陣陣嘅玫瑰味添🌹🍵Matcha Latte 抹茶味濃，口感絲滑，咖啡師仲拉左個好靚嘅聖誕老人拉花🎅🏻味道同用黎打卡都一流👍☕️手沖咖啡 - Colombia Cauca El Paraiso 咖啡師詳細解釋唔同咖啡豆嘅味道，我地揀嘅呢隻味道好易入口，小編同朋友都覺得呢隻咖啡豆好貼合我地嘅口味🤤呢間cafe裝修好靚，咖啡師好專業，如果想同朋友黎打下卡，飲下咖啡都好啱～不過舖位較小，如果太多人黎就未必適合啦～味道: 9/10服務: 9/10環境: 8/10回頭率: 8/10總評: 8.5/10

佢哋嘅卡邦尼意粉好出色。佢哋嘅醬汁好濃郁又順滑，同埋彈牙嘅麵條完美配搭。明太子忌廉意粉有濃郁嘅明太子醬汁，每一口都好滿足，令我嘴裡充滿幸福感！如果你鍾意明太子，一定唔可以錯過呢道明太子忌廉意粉。另外，佢哋嘅宇治山政小山園御用茶都值得一試。餘韻長，旨味強，具有上質抹茶香氣。每一口都能感受到茶葉嘅細緻口感，令我心情放鬆同埋享受。Mocha帶有咖啡同巧克力嘅豐富層次。每一口都好香滑，令人愛不釋手。喺繁忙既市區有一間寧靜既cafe真係別有一番風味。

今日去咗太子界限街附近做野，見到一間叫kk coffee嘅餐廳。首先，佢嘅明太子忌廉意粉麵條煮得剛好，再加上濃郁嘅明太子醬汁，真係一絕。每一口都好夠味，令人忍唔住一直食。然後，佢哋嘅卡邦尼意粉都好出色。有蒜香同埋黑椒嘅味道，好吸引人。意粉本身都好彈牙，每一口都好滿足。仲有，佢哋嘅宇治山政小山園御用茶真係唔錯。茶味香氣好迷人，飲落去清新。每一口都好享受，令人心情放鬆同埋平靜。如果你鍾意飲茶，一定要嚟呢度試下佢哋嘅御用茶。最後，我叫咗杯Mocha。呢杯Mocha好濃郁，巧克力同咖啡嘅味道完美結合。呢杯Mocha唔止好好飲，仲可以提神。如果你鍾意巧克力同咖啡，一定要嚟試下佢哋嘅Mocha。

今日同朋友去深水埗買野，順便去食個tea，經過呢間cafe果時見幾有氣氛就去試下。入面有兩張枱，出面都有bar枱。一入到去店主就同我地推介咖啡同抹茶，估唔到都有幾多選擇我地試左一杯手沖咖啡同埋一杯抹茶。咖啡揀左哥倫比亞考卡省天堂莊園既咖啡，店主幫我地整左latte。平時我都唔太飲咖啡，呢個入口順滑，帶啲水果既酸味，唔錯👍🏻之後就叫左星野八女抹茶，因為就到聖誕節店主仲拉左個聖誕老人比我，好cute抹茶唔會苦又唔會太甜，有茶香我地仲叫左兩個主食，All day breakfast入面有牛角包，加左cream，配埋水果食好夾，可以當食埋甜品呢到旺中帶靜，好岩叫杯野飲食個tea同朋友傾計

今日去咗間係深水埗既coffee shop,發覺環境同野食都唔錯。首先叫咗哥倫比亞卡省天堂莊園既咖啡和星野製茶園八女抹茶,咖啡醇厚香濃帶酸,每一啖飲都帶比我好新鮮特別既口味。至於抹茶則帶點甜味,入口茶香突出,讓人心情放鬆。後黎既All day breakfast,炒蛋炒得岩岩好,煙肉煙燻味道濃,牛角包窩夫上面有cream, 配上炒菇,煙三文魚同香蕉都係唔錯既配搭。最後仲試咗明太子意粉,明太子醬既味道濃郁可口, 果然係廚師推介。一邊食發現原來呢度有個書架,放咗幾本唔同類型既書,係到叫杯咖啡睇下書chill下都係個幾好既地方。