July Coffee & Co.

营业中

休息中

🛒 外賣自取 小編突然心血來潮去咗深井買嘢食，撞正光榮裝修緊，喺苦惱緊仲有咩好食之際，落巴士嘅時候一望就望到July Coffee & Co.。呢間係一間超級正同超級chill嘅cafe，可惜小編今次無乜時間慢慢坐，一定會再嚟嘆咖啡😝 😋 明太子蟹肉溫泉蛋意粉 $78 一打開就聞到蟹肉味！本來會怕啲明太子會蓋過咗啲蟹味，但又無喎！明太子散佈咗喺個意粉同啲汁度，食落辣辣哋幾香口，而啲蟹肉仲係食到一條條好有質感嘅，好濃味！本來個味道都好豐富但撈埋隻溫泉蛋一齊食就更有層次😝 想講啲蟹味勁到我食完戴返口罩都聞到個口罩索咗啲蟹味😂 😋 Coffeetail - Summer $55小編其實唔係好識飲咖啡，揀嘢飲嘅時候見到有個種類叫Coffeetail，就想試吓！Coffeetail係cocktail同mocktail啲friend，係無酒精嘅咖啡飲品。叫得Summer就知係凍飲，有氣嘅，呢隻咖啡豆比較酸，有啲果香味，中唔中意呢隻咖啡味就見人見智，小編就表示一試愛上喇🥰

早上8點幾，好想飲杯香濃黑咖啡。見到佢地已開鋪，原來佢地早左開。一件奶醬多加杯咖啡，簡簡單單，輕鬆渡過一個早晨。奶醬多:夠厚，若加多少少醬就更好。美式咖啡:香濃有果味。35蚊，抵！

開咗幾個月 終於可以過嚟試吓，今朝剛起身坐車過嚟試試期待很久的早餐加咖啡。去到門口有個木板餐牌，上面有餐廳嘅招牌菜式all day breakfast! 於是我入去就直接去收銀嗰度量體溫再叫嘢食，因為呢間餐廳係比錢落order 先，就好似Starbucks coffee shop一樣！不過你落完order比咗錢之後，佢會睇下你坐邊度之後會有人送餐比你。我見呢間餐廳11:00前有早餐供應，仲要有我想食嘅熱香餅加櫻花蝦炒蛋，所以就叫咗呢個試下，順便叫埋每朝必飲一杯嘅齋啡，喺呢度我就揀咗杯house black! 坐咗一陣，好快咖啡就到咗先，早知叫佢哋之後再上啦，因為我好怕咖啡放到凍晒啲嘢食都未到。不過要大讚咖啡到咗一陣嘢食都唔駛等好耐！可以一路嘆住咖啡一路望住窗口嘅風景，而且裏面有連儂牆，大家喜歡可以寫底支持嘅字句，今日真係好chill!

我還真的是第一次去深井，誤打誤撞來到這間咖啡廳，這裡人流不多，很安靜，非常適合帶電腦去工作和放空。當天隨意點了些食物，日式蟹肉明太子意粉伴溫泉蛋 (HKD78) 比我想像中的還要好吃，裡面拌勻了一粒粒的蟹肉和超濃郁的明太子，意粉軟硬度剛剛好，這個價錢有這個水準，去哪找呀🧡推薦！牛油果醬蝦芝士吐司 (HKD38) 味道平平無奇⋯⋯麵包很乾，材料味道偏淡⋯⋯一定要試他們的Berry white cake (HKD48)，可說是色香味俱全，吃到不行捏🤤我已秒速吃光光，哈哈😊

假日趕唔切11點鐘嘅早餐時段，但一心想食個All day breakfast ，行經July, 見到佢舖頭冇乜人，餐牌幾啱心水，就入去試吓…首先，入去坐低，三位年輕人都擠喺open kitchen 入面，揮手叫你行埋去探熱 （服務可見一班）自助型式買餐冇所謂，main dish 唔包嘢飲有寫嘅 （當然字font細到你比＄先知），價錢高低見人見智，額外叫咗兩杯一凍一熱black coffee之後坐低等食，環境係舒適嘅…不過咁嘅價錢，點都有小小期間啩…侍應擺低碟就走，完全冇提餐具原來都要＂自助＂，放低杯咖啡又轉身，要夠快先可以叫停佢…唔該，杯咖啡係咪錯咗？ （凍變熱）侍應就冷冷一句，錯咗？ （轉身番去同另一位同事話錯咗呀）嗯⋯⋯今時今日咁嘅服務態度…好，講食物$108嘅七月早餐牛角包，涷嘅旦，熱嘅，冇旦味菇，係最好味嘅沙律菜同腸，現貨冇加工，ok$78嘅熱香餅早餐主角：熱香餅，原來都係現貨，但重點係＂凍＂嘅，又凍又硬又冇味，可以用難哽黎型容。Ham & coldcut 及 salad 現貨，一般貨式。咖啡味道係唔差嘅，一定好過Starbucks 總結：今時今日，二百幾蚊食個冇質素冇服務嘅b

食咗呢間野好多次，終於的起心肝寫食評。自從佢轉咗self-service，上菜真係快，當然唔好期望係快餐嘅速度。一個係早餐set嘅熱香餅配三文魚炒蛋。熱香餅同麥記岀品嘅質感相似，但就應該係浸過糖漿，所以唔洗額外再淋係面。配蛋同三文魚食都算係好夾!至於all-day breakfast唔包飲品都要$108真心唔平，完全係中環價。但用料的確唔馬乎，味道好。真心好鐘意食佢地嘅櫻花蝦炒蛋，好少係其他地方食到。大啡菇都係誠意之作，係個面𠝹幾刀加橄欖油焗，令佢夠入味。有埋乳酪食，感覺好完滿。希望嚟緊menu會有更多選擇！

深井這小店是我們倆最愛光顧的 cafe, 在這寧靜的社區，很開心有這間有心小店。咖啡是十分出式的。年輕人很有心在經營。輕鬆的Jazz, 香香的咖啡味道，十分relax! 每次我會叫一個意粉配熱咖啡，意粉al dente, 是comfort food! 溫馨提示， 餐具及水是自助服務，落單及付款後店員會為你送上食物。店舖營業是早上直至晚上六時。昏聽講夜是咖啡班，

叫左veggi all day, cake roll, black coffee and flat whiteAll day 等左半個鐘有多先到，不過味就可以，cream cake roll幾好食雖然等得耐啲，但係食物質素唔錯，飲品選擇較少，主要咖啡同茶

第一次光顧這間coffee shop亦是最後一次。店面只有一人負責落單，執枱，傳菜和埋單我們等落單已經等了好一會到落單點了一個意粉，一個pancake和兩杯飲品店員說pancake要等30分鐘，好吧既然想食，那就等吧。結果意粉和飲品都等了20多分鐘才上.味道...意粉還算正常..飲品比較苦，有陣燶味最差是pancake!!! 等了40分鐘，我們才追單，點知他們才剛準備麵粉，說要再等15分鐘🤬🤬🤬🤬重點是..一句道歉都無！最後我們都沒有再等就走了！呢間餐廳，味道一般，價錢偏費，等得耐，服務態度係0, 絕對唔會再幫襯！

這是第二次來光顧July Cafe ， 第一次是它剛開張的那個月。第一次，覺得餐廳各方面好像沒有投入正常運作，人手不足，餐具沒清洗好，出餐慢，客戶一直在等候。從下單到拿到食物，要30分鐘以上。 畢竟是剛剛開張，可以體諒，仍有待改善。 事隔差不多一年，我再次光顧，發現之前的問題一點沒有解決，情況沒有改善。當時是下午4點，並非peak hours, 但是在門口等了10分鐘，坐下之後落單，再等35分才有食物。Pasta 煮的好好，給個“贊”，但咖啡 Flat white 有點苦澀。由於人手不足，turnover 好慢，客戶在門口等，等，等， 很多客戶等不了都走了。 樓面只有1個人，廚房有4個人，落單，執台，買單都是一個人。真的不太明白餐廳到底是如何運作，點解好似一個” training center", 青年人培訓，學習的地方，而不是一家正式的餐廳。 

第一次幫襯，亦都係最後一次。人生第2次比劣評就係你！好少連間餐廳都未離開就要開始打食評。因為好嬲!一坐低，比佢個櫃刮到個皮都爛，我隻腳流血，行去佢櫃臺話比佢個櫃整到流血，問有無膠布，自問好有禮貌咁問，個待應話搵下，然後10分鐘都無再理過我好似從來無發生過我問佢拎膠布，連一句「無膠布呀唔好意思」都無👎🏻好！跟住我朋友出去藥房幫我買膠布，佢番到黎我隻腳既血多左，想拎張紙巾印印佢，Again!!! 問個staff拎紙巾，佢話自己周圍睇下有無，然後又係無左件事👎🏻最後我朋友再出去買紙巾。先唔講食物質素，呢個係咩服務態度👎🏻👎🏻👎🏻我唔係要求5星級服務，只係想拎膠布同紙巾，一句回應都無。一坐低整親個陣廚房吧有4個staff，樓面得1個。樓面就係無理過膠布request，間條衫就係叫我地自己搵紙巾個個。最後膠布同紙巾要分開2次出去買。服務講完，講食物。日式明太子蟹肉意粉 $78 ⭐️⭐️⭐️服務同食物分開評論，意粉既煙un度係做得唔錯，但係真係完全食唔到有明太子味，汁亦都唔濃味，唔推薦。all day breakfast $108⭐️⭐️⭐️呢個all day breakfast最好味係個大啡菇同個包，個包有

小店黎講，服務都算差! 頭幾次幾好食，麵包又熱又軟又脆，之後就越黎越差，又唔熱, 又要等好耐、完全失去等的意義！ waiters 長期淨係掛住同廚房傾計，叫杯水又要等到2046， 又唔比我地自己加水, 咖啡店飲完咖啡都要飲水架, 不會再去!

即將新婚，準備搬入深井，吃慣了附近的茶餐廳， 開始留意到這間白色小cafe。然而網上評價令人卻步，今天一個人選擇午膳地點時，還是想決心試試。點的是午餐溫泉蛋明太子蟹肉意粉， 同瘦身必備走奶走糖黑咖啡。可能因為客人不是太多，等餐時間很短，食物質素也不錯。 蟹肉份量足夠，溫泉蛋也很流心，$68+$4凍飲，繁忙之中一點悠閒，大滿足，又有氣力去準備結婚的事情。小店經營不容易，會多多支持，希望深井美食會有另一番光景，畢竟長住，淨係得茶餐廳同燒鵝搞唔掂啊。

如果看多幾個評論，就會發現下面有好多嘅負評是關於時間。由於我有的是時間，所以就決定去破地獄。在傳統發記糖水側，地理位置不錯起碼明顯易見。沒有他人所說的企滿人不夠位子，相反如圖所見，空間闊落光線充足，感覺開揚，選了一個最舒適嘅梳化座。去咖啡室於我而言，必定是慢活，平日香港人要一杯所謂嘅咖啡不能等多於三五分鐘。那一杯叫咖啡因而不是好品質的咖啡。我點了Bagel & Latte (大杯）說實話，叫得cream cheese 嘅人自然喜歡芝士味，不妨濃一點。 Latte 是好的，可能已有expectation. 所以一般等翻熱bagel 嘅時間是可以接受的。懂得先上食物收走盤子再上咖啡，那種鋪排是更加可以明白的，這絕對不叫做等得耐。質素，我只會說每個人飲咖啡都會有自己喜好，這杯咖啡不論溫道和拼配都達致我想要的效果，值得加許。最後，服務員明顯是生手的，但佢有一夥心。一切都在軌道之上，望店主加油要在香港經營咖啡店這條路不易走！要經營一間有質素嘅咖啡店更是難上加難，加油！

本來有些期待，因為cafe 望落去幾韓風，怎知....😅蛋糕真的不好吃，這次可能是第一次也是最後一次會在此消費。為什麼cafe 可以做出這麼難吃的cake? 吃了一口已覺難受，沒有吃下去。我只叫了茶，沒有try 咖啡. 希望cafe 團隊可以提昇一下quality of cakes. 畢竟，好的咖啡也需要好的cakes才perfect!!!我又不是什麼美食家，其實也看到他們有誠意在深井開cafe, 值得誇獎！其實深井是sleeping community, 平日人流很少的。希望團隊加油，越做越好！