July Coffee & Co.

营业中

休息中

最近聽聞深井有間咖啡店非常好食，於是我同朋友決定去「July Coffee & Co.」試下。餐廳位於深井青山公路-深井段41-63號深井村92號地舖，環境舒適，氣氛輕鬆，非常適合閒聊。首先叫左一杯抹茶鮮奶，抹茶味道濃厚，帶有一絲微苦，配合滑順嘅牛奶，飲落去既香甜又有層次感，回味中還有淡淡的草香～接住跟餐配左個粟米濃湯，湯底厚實順滑，粟米嘅天然甜味好突出，暖暖地好舒服，而且口感好滑。然後嚟到重頭戲番紅花西班牙海鮮意大利飯，飯粒吸收咗海鮮嘅鮮味，海鮮新鮮得來，口感滑嫩，特別係蝦同蜆，咬下去彈牙，值得一試最後，雪糕雜莓窩夫係完美嘅結尾！窩夫外脆內軟，配上新鮮雜莓，酸酸甜甜，仲有一球香濃雪糕，融化時與窩夫完美結合，食落去甜得來又唔膩！食物評價：⭐️⭐️⭐️⭐️⭐️ 環境評價：⭐️⭐️⭐️⭐️⭐️ 服務評價：⭐️⭐️⭐️⭐️🍴餐廳：July Coffee & Co. (深井) 📍地點：深井青山公路-深井段41-63號深井村92號地舖

🎀屯門。屋村文青純白西餐🌸高質意粉🍝🎀🪄店名* #JulyCoffee&Co🔮地址* 深井青山公路-深井段41-63號深井村92號地舖🔮🗾分店地區🗾 沒有分店💰價錢$290 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_屯門剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵雖然系住屯門 但都好少突登過去呢邊食野 原來呢度都有間甘文青既西餐😍建議大家都可以過黎試下 環境以白色裝修為主 有分室外及室內位置 室外佈滿綠植 如果天氣稍微涼爽啲都可以同朋友黎坐下～入面餐廳空間都幾寬敞 有大枱,細枱,bar枱提供 多人聚餐都好合適～🍽️食物質素🍽️食物方面佢嘅選擇都幾多 有各類型意粉及意大利飯 意飯系藜麥飯 相對會較健康 如果唔想食太多佢都有all day breakfast,沙律同埋酸種麵包 另外仲有burger, pizza,薯條及各款炸物小食 或者想同朋友過黎chill下飲杯咖啡或無酒精飲品都可以架～整體性價比都頗高 值得推薦！👀評分💖💖💖💖💖🪄松葉蟹肉明太子義大利麵$90上到黎就見到個賣相都幾吸引😍松葉蟹同明太

【荃灣區】【July Coffee & Co.】同皮蛋哥入嚟深井做嘢，深井呢個地方一向畀我嘅印象係食燒鵝，同埋以前仲有間好出名嘅排隊甜品店。但係我作為一個 foodie 冇理由走去同其他人食埋同一樣嘅嘢，見到有間 cafe 咁嘅餐廳，門面裝修幾雅緻，經過大家一致同意之後，就決定入去試吓佢。我哋各自叫咗一個「晚市套餐」，前菜可以揀「柚子沙律」或者「粟米濃湯」，我哋就要咗兩款各一。前者幾清新，後者亦都濃香，兩個選擇都唔錯嘅。主食方面，先嚟 $108 嘅「拿破崙大蝦意粉」，大蝦整得幾好食，鮮味十足，番茄醬亦都唔會太濃，啱啱好。之後試 $148 嘅「堅果脆皮三文魚意大利飯」，估唔到幾有驚喜，三文魚煎得好食不在話下，個意大利飯入面加咗少少三文魚粒，令件事更添風味。餐飲方面我哋冇跟免餐飲，各加 $25 試咗「鮮奶咖啡」同「冰靜岡抹茶鮮奶」，整得都頗為出色，成件事唔錯。。。（地址：深井青山公路-深井段41-63號深井村92號地舖）@julycoffeeco#1amfoodie #foodie #hkfoodie #thatfoodiething #hkfood #food #instafood #y

各位朋友，以前如果來到深井，通常一般都係為燒鵝而來，今時今日就未必喇，事關今日我被一個花園仔吸引住，跟住就來到呢間叫做“July coffee & Co”的餐廳。呢間餐廳啲嘢話多唔多，話少唔少，但啲甜品同咖啡就有啲特別喔！嗌咗“松葉蟹肉明太子義大利麵”和“冬陰公虎蝦義大利麵”兩個主食，两個麵都做得好精緻，第一個蟹肉同明太子撈埋一齊，味道相當之夾；而虎蝦呢個麵有4隻新鮮彈牙的虎蝦，啲冬陰公汁酸酸辣辣好開胃👍🏽“焦糖脆餅牛角包窩夫”個樣實在有睇頭，估唔到小店做到咁高水準的甜品，味道唔會過甜，又食到咁多層次的味道，好正。“百香果梳打”正常微酸好解渴，“椰子咖啡”上邊有D椰子片，咖啡飲落有淡淡的椰子味，對我來講係個新嘗試，唔錯唔錯🖐🏽

今日是父親節，決定支持區內小店July coffee。我們一行4人，點了4份晚餐。分別係2份明太子蟹肉意粉，1份西班牙海鮮意大利飯和1份牛扒薯條。我們選擇了湯和沙律作前菜。1. 沙律菜新鮮👍🏻2. 湯夠熱，命道不錯 👍🏻👍🏻3. 明太子蟹肉意粉賣相好，味道👍🏻👍🏻4. 牛扒有點失望，因叫5成熟，第一次出品是全熟😰。未知是否廚司看不到電子點餐的要求。忠言我們說不要緊，但店員主動更換另一客。服務值得一讚💚。可惜另一客牛扒仍然不是5成熟，而是7成熟。有少許失望。但整體用餐經驗是不錯的。

之前都有幫親過呢間CAFE, 飲過佢嘅咖啡都唔錯, 見咁耐無飲, 就同老公再過嚟飲.點知見個待應拿過嚟杯咖啡 個樣已經麻麻地 唔緊要啦 照飲.....唉.................出晒事......... 杯野好難飲......好似飲緊24味陣味大佬我叫個杯叫LATTE 唔係AMERICANO , 點解有奶都可以咁難飲真係未試過咁差見d人同之前都好似唔同左, 我地估都應該好似d人COMMENT 話轉左班低唔會再幫親無下次 La 

我很喜歡這家小店， 無論咖啡和食物質素都有一定的水準。 我平時很喜歡他們以藜麥代替白米的餐單， 慢煮椒麻雞腿排配藜麥溫泉蛋飯是我至愛，咖啡甜點任君選擇，他們的menu也會定時更新。 他們試開始市， 我就跟老公去試一下，那晚點了牛排跟三文魚risotto ， 幾有驚喜， 質素及性價比試同區中最好的 （本人認為）， 而且一陣乾淨又有服務的小店舒舒服服咁享用晚餐，對於我這種工作很忙的打工仔是需要的。 一間用心， 食物質素亦高的coffee shop在這經營困難嘅環境下，是絕對值得多多支持。

記得之前每次跑完步經過呢間Cafe都會外賣一杯咖啡，一路飲一路行返屋企的😆記得第一次嚟係比佢哋杯西西里檸檬咖啡吸引而來今次就試吓同朋友舒舒服服坐低食個Lunch 啦！喜歡呢度既環境好舒適，好適合同朋友慢慢傾密計❤️或自己一個靜靜地嘆杯咖啡溫泉蛋慢煮椒麻雞腿排配藜麥飯呢個我好鍾意，慢煮雞腿好嫩滑，麻辣味椒椒香香令人食慾大增😋連藜麥飯啖啖都有好香既椒麻汁，混和溫泉蛋汁同吃味道絕配吖🥰卡邦尼意大利麵醬汁又多又香濃掛滿每一條意粉，而且有好多煙肉😋意大利麵微煙韌有咬口👍🏻篤穿埋個流心溫泉蛋拌食，味道一流吖🥰7月早餐平時做完運動之後想輕食就啱哂啦👍🏻健康好味之選😋有新鮮沙律菜、酸種吐司、巴馬火腿、黑松露炒蛋、牛油粟米，不過巴馬火腿較為遜色，因為真係比較鹹黑松露薯條薯條炸得香脆不油膩，重加咗勁多黑松露吖🤩再配上黑松露沙律醬好好食😋西西里檸檬咖啡令我好有驚喜😍原來係店既signature Coffee 外形吸睛又討好，就好似飲緊一杯Cocktail咁😆咖啡味道好清新，陣陣檸檬清香，微甜酸，估唔到同espresso 係可以咁夾既👍🏻推介必點

冇咗我最鍾意食嘅熱香餅, 裝修咗, 門口加咗枱, 營業時間提早八點開但係都幫唔到食物越嚟越差.星期日只有十個人, 下午茶我就第一次點咗窩夫雪糕, 上枱好靚點知中伏, 拮咗好耐都吉唔入, 硬過石頭, 放棄, 同職員講, 佢反應： 哦, 唔好意思

想order 煙三文魚沙律/酸種包話冇，烤雞沙律又話冇，只係朝早十一點幾去姐嗌左個慢煮椒麻雞酸種包，明明冇寫有炒蛋，但係加左隻炒蛋，最恐怖係，個雞d肥膏多左，想作嘔，d雞油滲曬落個包，食唔落已經用最大努力挑d肉黎食

我一直都好支持小店, July 個「慢煮椒麻雞腿排配藜麥飯溫泉蛋」其實之前都做得好好, 好有心, 好好味, 亦都曾經推介畀朋友。 不過自從轉咗班底之後, 水準大不如前。 大家可以睇下之前, 之後嘅相片 呢個係一個「單點」$108嘅飯藜麥飯依家變咗得1mm咁高。侍應話依家係咁....

行完山唔一定要食燒鵝吃火鍋，也可以喝杯冰凍的Espresso Tonic，靜享假日悠閒的慢時光。July Coffee是行山人士的最愛，每次路過都看到行山士在嘆啡。就在深井最熱鬧的街之上，純日的日系風格採光十足，價格實惠服務有温度，難怪受到街坊歡迎。有不少咖啡特飲可選，特愛這Summer Sicity($48)，Espresso Tonic和菠蘿汁完美搭配， 果汁成分比較多入口甜美，令Espresso Tonic更清新，風乾菠蘿有畫龍點睛的感覺。 Iced Chocolate($45)奶香較重，可可味未算太濃，咖啡水準較高一些。Carbonara($74)正常發揮， 蛋香挺濃意粉偏稔身，勝在價格比較親民。其他食客行山完後才來悠閒喝啡，而我倆正好相反，吃過午餐後才悠悠起步行山去了。

Lunch 一個意粉，一個吐司，一個甜品，一杯野飲。意粉$100有找，個吐司$92，杯沙冰$55，甜品$45。依個質素對得住個價錢。個吐司幾得意，食落去甜，但食食下又會有少少麻，個份量女仕食實夠飽。個意粉質地恰到好處，又有味，一個正常意粉出邊應該收你過百蚊。個擺盤餐都幾靚，個吐司黎到攞盤好過佢餐牌個張相。俾得依個價錢，就當然唔好諗住5星級酒店服務，要既俾多一倍價錢。係依區都算係咁，好過有些西餐愈做愈差。

☕️深井村特色小咖啡店 遠離鬧市🩵🏙️舖頭都算大 有室內同埋室外 坐得好舒服我平日中午去 都唔係好多人 唔需要等位 但我就無確保假日情況如何👀🤞🏻餐廳餐牌係直接scan QR code 而直接係手機比錢 所以感覺好似無咩同店員交流過~ 應該越來越多餐廳都係咁！餐廳食物同普通cafe都差唔多 有賣意粉、pizza、全日早餐、吐司🥪 份量唔算好大 但係價錢都算合理 大概$80-100一份主食蟹肉明太子意粉🍝($86) 明太子個醬汁做得幾好 真係真材實料 每一淡都是到蟹肉🦀 蟹肉偏向碎 但係呢個份量同埋價錢超級合理 醬汁夠多 絕對唔會令到意粉太乾 每一條麵都掛到汁！👍🏻布拉塔起司配櫻花蝦炒蛋吐司 ($78)麵包係用左sourdough 唔會太硬 應該係浸過橄欖油 再焗😍🍞令到麵包更香脆 麵包上面既芝士同埋乳酪醬酸酸哋 令到個包更開胃🤤 櫻花蝦炒蛋雖然櫻花蝦味未去到好出 但係廚房真係落足料 每一口都是到櫻花蝦🦐 味道：🥪🥪🥪🥪.75/5📍 July Coffee & Co. (深井)地址：深井深井村92號地舖

到深井食燒鵝之前，先嘆一杯咖啡，附近不多咖啡店，卻看見這間小人，寧靜的咖啡店，便入來一試。叫咗一杯 dirty , 一杯cold long black , 以及柚子芝士蛋糕。佢哋嘅dirty 將冷同熱混合得好好，味道適中，不過要快飲。long black, 不過不失，不過凍飲要另加$4 ，有啲貴。而佢哋嘅柚子芝士蛋糕，價錢適中，擺設亮麗，味道有驚喜，芝士魚有子的混合，加上蛋糕中有柚子粒，好有口感，芝士味又不會太濃，送咖啡非常之合適。店內裝修簡單，好友空間感，特別喜歡他們的一張長枱，感覺優雅，店員靜悄悄的，不會打擾，自助落單，先付錢，之後可以慢慢坐。唯一美足不足，沒有店內廁所。