J's CUCINA

营业中

休息中

今日放假，想喺荔枝角區嘆下午茶☕️。朋友介紹去新開嘅83瓊林街，是由兩座好似雙子塔咁組成嘅甲級商廈。連住商廈，有好多新開食肆，我哋入咗去一間西式咖啡店試試。墨西哥芝士餡餅🥙材料有芝士、雞肉及牛油果🥑，旁邊仲有沙律菜。餡餅焗得好香，外邊咬落脆口，食到入面滿滿嘅牛油果及芝士，加埋嫩滑嘅雞肉，口感大滿足。法式多士配碎蛋、牛油果莎莎及烤雞沙律一式三件嘅法式多士有三種味道，身為牛油果控的我表示，原來烤雞沙律同埋碎蛋都出色。即磨咖啡要試咖啡店嘅咖啡水準，通常我都唔會飲拿鐵或者朱古力咖啡等，直接飲佢嘅即磨咖啡☕️，再加埋咖啡cream，入口有烘焙嘅味道，飲落絲滑順口，食個下午茶再跟杯咖啡，性價比高。今日悠悠閒閒食到個高質下午茶，即刻開心晒。

同事提議去新大廈試新餐廳，一樓依間環境一流，枱與枱之間有一定距離，座位很寬鬆，坐得好舒服Lunch Menu 包餐湯或者salad和基本咖啡茶，可以加錢飲其他的飲品，凍飲好似都要加五蚊_食物質素屬於中上，價格合理，不收加一同事對呢個三文魚闊條麵讚不絕口，有兩片煙三文魚，而闊條麵中亦有三文魚碎，口感一流，非常好味鴨胸意大利粉，好有驚喜，有多片鴨胸，CP值好高菠菜麵 (全素), 見同事食到連汁都唔放過就知好味啦因為我想食泰國蘆筍，所以就叫咗呢個，但原來蛋黃汁我唔係太喜歡㗎，純粹個人口味， 但我都全部食曬㗎環境真係好靚，餐廳內同餐廳外嘅景色都好靚，裝修光猛優雅，好乾淨，好舒服，好放鬆嘅環境員工好有善，服務質素好高，有笑容，感覺親切有禮相信我哋好快會再光臨，期待下次嘅美食