John Choy Cafe. 2015

呢间咖啡店系虹吸式咖啡专门店，声称系全港唯一有最多、最新鲜咖啡豆嘅咖啡店，咖啡豆系自己炒嘅，不苦不酸！咁啱经过附就试一试！店舖装修简洁，以木家私为主，内外都有坐位，而且非常开阳！☕️ 埃塞俄比亚吉玛（$45）个人比较钟意深炒嘅咖啡豆，经店员推介，试咗呢款，带柑橘香味，有奶油及朱古力风味，味道好香浓，果然唔酸，唔错！除咗有得饮之外，店舖仲有举办虹吸式咖啡课程📝总结：唔系间间咖啡店都有虹吸式咖啡饮，就算有都好贵，但呢间咖啡店唔止多选择，丰俭由人，绝对值得嚟试！除咗咖啡，仲有三文治、多士同面食！…查看更多

隐藏喺土瓜湾住宅区中，街坊外表隐藏住既精品咖啡店。咖啡系用虹吸式，冲出嚟既咖啡萃取浓度比手冲高好多，适合中至深炒既咖啡豆。咖啡豆有非常之多选择，系自家工场出品，包括各处产地同口味风格。 每次嚟都要攞住个牌慢慢㨂。 咖啡即场饮之外，亦可以成包豆买走自己冲。食物方面，有面同多士等等。 呢度既多士系煎出嚟既，比一般烘多士更香，亦更邪恶。 一份公司三文治，煎到香脆既多士，包住丰富嘅配料，简简单单都可以当一餐。至于面，都有好多种𩠌可以拣，仲可以配埋咖啡一 set好抵食。…查看更多

平民高质咖啡店，2015年开业，仲开班授徒。间舖无乜装修，行过睇门面以为茶记，入到去见到40款咖啡豆先知坚👍有D外面少有🥰例如妓艺等，叫咗杯洪都拉斯雪丽酒桶发酵咖啡(HK$90)，真心好香好滑，完全出到威士忌，蜂蜜及云呢拿味，连奶泡都有味道🤗真系饮过最好饮，实力表现👍个鸭胸三文治(HK$35)都唔系hea，烤底仲将鸭胸切丝入味D，配埋青瓜，食落唔腻好fresh，同咖啡好match老板话下次试埋猫屎同蓝山咖啡就可以升仙简直度我入局…查看更多

呢间已经唔系第一次帮衬佢有好多款唔同既咖啡豆，有成40款可以选择！就连奶泡咖啡都有12款口味而我⋯如果见到有玫瑰味，一定唔会错过唔系间间cafe 有Rose latte 架⋯ ☕️热玫瑰味奶泡咖啡$40 👍大家有睇黑白大厨🎬既都知啦，饮前要👃🏻闻一闻哗！闻落果阵玫瑰香，就好似面前有支玫瑰🌹咁第一啖系满满既奶泡，意外地渗住玫瑰味，少少但唔会过分既甜味⋯好治疗🫧到咖啡啦，饮落唔系好重玫瑰味，但after taste 好浓烈，而甜味低过奶泡，反而平衡返🍽️非一般三文治（餐肉拼芝士）$40 👍朋友居然叫三文治🥪⋯心谂一定好普通朋友坚持叫我一定要试试点知⋯有惊喜🤩（所以最后一旧先影相，本身有4旧架）面包烘得松脆但唔干每一旧都充满馅料，份量足普通既餐肉&芝士，又意外地夹如果早餐/小食黎讲一流总结：可以再帮衬…查看更多

慕名而来，因为讲真系香港有得堂饮【猫屎咖啡】嘅餐厅，似乎比较难揾，所以专登走过嚟品尝。舖头喺街角地铺，又系独立店舖，有佢嘅特色，舖面都唔细。因为冇乜人，专登拣bar台可以望下出面。老板比较豪快率直，会催你落单：「点呀？度掂未呀？」相信熟落咗嘅客人感觉就会好啲。咁就即点杯＄１１５印尼猫屎咖啡 + 双拼鸭胸炒蛋三文治＄３５，都系第一次饮咁贵嘅咖啡。咖啡比三文治早到，清彻度还可，反影到对面大厦，温度就颇热（虽然仍可接受），但呢个热度可能有啲问题。正所谓有期望就有失望，好抱歉，真系唔觉有乜咁特别，系连标榜独特果香都唔系好觉，我觉得同其他cafe嘅single origin没什分别，我就饮唔出分别（可能我唔识嘢啦！）呢杯咖啡，绝唔系劣，只系唔值。本值３分，但由于价钱超过一旧，总体被迫拖抵一分，只值２★。饮完咁我知道呢间店嘅路线喇。三文治出场，呢个竟然有惊喜，用心制作，厚切炒蛋包住切条嘅鸭胸，烘底多士，成份热辣辣好好食，座底４★！呢区唔会太多人流，舖头如唔太多人嘅话环境都唔错。Bar櫈就麻麻地，一定要一只脚踩住自己张櫈，另一只脚踩另一张櫈咁会舒服啲。舖外原来都有Bar台，食完咁啱有人坐出面，虽然隔咗块玻璃窗，但都好近面对面好似搭台咁，呢下我好唔中意，好彩都准备走。以后不时或者都会再嚟encore饮啡嘅，就今次嘅经验，下次都唔驶试（本来想试）嘅另一贵价咖啡【牙买加蓝山咖啡】喇〜…查看更多