JK Kitchen (已結業)

中午時候，來了這家以白色為主題的餐廳。可能是因為在17樓，所以在12點半來到都不用等位，坐位很闊，非常舒適。自己點了一個松露肉丸手作麵 (可以選意粉!)，麵是似闊條，而且質地彈牙。 麵醬方面，醬是十分多，松露味不太突出，反而質地很creamy，食到一半已經7成飽，對於很愛creamy麵醬的我而言，十分滿足。 肉丸方面，比較細粒，不是圓圓的，而味道方面都冇咩肉味，幸好不會太乾或咸。 另加了$20有2條越式炸春卷，味道不錯，而且食的時間是很熱的，應該是剛剛才炸的。朋友點了越式生熟牛肉湯河。湯底是香香的也不過分咸。值得加分點是牛肉分量算多，而且有啲是生有啲是熟，不會太生/熟。也有牛展和肥牛兩種牛。整體而言，是抵食的午飯之選。

在銅鑼灣的平民餐廳, 人流不多, 夜晚7點到達也只有兩三台客。特別推介生熟牛肉湯河, 好有牛肉味豬頸肉炒飯也不錯, 米紙卷就一般般。環境也不錯, 只是台面比較細,放唔到好多碟野。侍應都幾有禮貌, 價錢在同區算是便宜, 值得一試

銅鑼灣的登龍街，大概是搵食的集中地點。走著走著，總是會發現到不同的新餐廳。這裡的午市套餐有很多選擇，台灣食物則比較多。我就選擇了最最最Common的一款，台式的炸雞排肉燥飯。炸雞排是非常的熱身，而且粉薄而肉嫩。咬下去後依然有雞油，邪惡而不膩。而肉燥飯相對來說就較為失色了，味濃而肉多，只可惜醬汁較為杰身，不太夠地道。但勝在多汁，拌上整碗也不怕不夠。蛋是全熟的，有淡淡的滷水味，（個人是覺得如果可以造成半熟就更好了）。加了$20則配上了小食。香茅雞翼。同樣是熱辣辣的，煎香，外脆內軟。淡淡的香茅味更是惹味開胃。金桔青檸。不用另外加錢就飲到的特飲。味道較淡，青檸的酸味較出。

睇“六弄咖啡館“前，去食個簡單嘅午餐先！銅鑼灣登龍街有好多食肆，我地今次揀咗"JK Kitchen"來一試！中午時分，我倆上到永光中心17樓，門一開，就見到呢間簡潔嘅餐廳，細細間，以白色為主嘅樓上cafe，感覺好舒適！打開menu一看，見到套餐加20蚊有小食送，唔使額外點，唔錯喎！1.松露肉丸手作麵$65：揀咗手作寬條麵，麵質爽口彈牙！松露味濃郁，嗰忌廉汁非常creamy！肉丸貌相一般，但味道唔錯。Yummy yummy , 我倆好快ko晒！2.越式炸春卷4件$20x2：熱辣辣嘅春卷，點上酸辣醬汁後，用生菜捲上而食，特別惹味呢！3.老闆娘炒米$65：簡簡單單嘅炒米，配料有肉絲、蛋、火腿、洋蔥等。米粉炒得乾爽，味道亦唔錯吖！4.餐飲$5x2: 齊齊加5蚊轉珍珠奶茶，杯奶茶唔會過甜，珍珠粒粒有咬口。侍應生好殷勤，主動收碟之餘，見客人杯飲品飲晒，會自動送上清水一杯，服務良好！埋單$180, 唔使加一，好味又抵食！

同朋友食個中午飯，之後就去睇戲啦。銅鑼灣不嬲有好多野食，一上網已經見到有好多間。今次特別少少想食越南菜，就搵到呢一間。發現佢嘅午市套餐價錢又唔算太貴，就決定入去坐低食。裏面嘅環境舒適，裝修設計主要是用了白色和天藍色的配搭，而且位置闊落，食飯都舒服過人啦。中午套餐價格都係40-70左右，銅鑼灣區黎講並唔算貴，我就點左個生熟牛肉河粉。雖然凍飲要加錢，但原來熱飲唔使，加錢都有特別飲品，例如柑桔檸檬，柚子蜜等等。我就點左柑桔檸檬。揀左金桔檸檬但真心太濃味，不停加凍水大約稀釋一倍左右就好好多。甜中帶酸，但師傅今次實在重手了。飲落去唔太好味。雖然失望完，但之後總有驚喜。呢一個粉超貼心，將青檸、辣椒、芽菜分開，想食先落。我全部落哂但係辣椒中間嘅粒粒真係好辣，要小心啲，食到嘅話真係好辣！而湯底就不錯，香香地。另外有２款牛：牛展和肥牛，都幾好味道的。牛展一件件味道不同，但都是非常入味的。肥牛有啲係生有啲是熟，總括黎講質感都算嫩滑。性價比就普普通通左啲，不過生熟牛肉河粉都係幾用心製作嘅，呢一度都算係午餐嘅好選擇。

行街前醫飽肚，到了時代廣場後街的大廈吃午餐，後街有好多野食，見到有一棟大廈有好多唔同餐廳，決定黎呢間一試。我同朋友因為較晏到達嘅關係，餐廳入面唔算太多人，唔洗等位就可以入座 餐廳環境唔錯，靜靜地最適合我。呢度嘅午餐款式好多，台式牛肉麵同泰式青咖哩牛腩飯都好吸引，但我唔係好肚餓，所以最後決定食台式牛肉麵一上枱啲湯好濃好香，啲麵吸左啲湯嘅味特別好味！呢度啲麵係正宗嗰啲台式麵，夠彈牙唔太林，我幾鍾意個質感。至於牛肉就份量足，整得夠林又唔會太老，唔錯唔錯因為今次同朋友都唔係太肚餓關係我地冇叫到啲小食，下次再黎嘅時候可以叫啲小食，見到隔離枱食啲賣相都唔錯！

星期6的銅鑼灣真係超級多人，又熱又逼，所以就轉戰食樓上舖！最後揀左我最鍾意的湯麵！吾錯呀，幾好味道！裝修好靚，坐得好舒服！order左個越南生熟牛肉湯河，配埋杯凍檸茶，perfect~麵條吾係expect中的闊河粉，而係幼身的，熟得岩岩好，吾會太冧身，爽口彈牙！而生熟牛肉的份量好多，食極都仲有，落足料！仲有2款甜醬/辣醬沾黎食！好味呀！湯底都吾錯，雖然清清地，但湯底煮得夠入味！美中不足的係，如果可以大份少少就好啦！比較大食，哈哈！但都夠飽的！

登龍街地鋪係日式拉麵既天下，但其實樓上都有好多餐廳同菜式選擇。今日就跟朋友去左間裝潢風格好清新，簡樸既餐館。望望餐牌，發覺呢到唔只有越南野，仲有台式同意式食物。不過呢到主打越南菜，就無理由唔試。開場小試越式米紙卷，可以見到每條米紙卷都有2隻蝦蝦約隱約現。內裏唔只有蝦，仲有米粉同香草，口感好得意，味道又清新。配上餐廳特製醬汁、甜甜的，又有花生碎。豬肉@越式撈檬，會有酸辣汁另上。肉既分量唔少，仲有青瓜絲、蘿蔔絲等增添口感。而檬好彈牙，撈埋配料同醬汁食夠哂刺激，開胃，不過配料再多啲就更好。

人總係貪心嘅，永遠得一想二，呢間銅鑼灣樓上店兼賣台灣菜+越南菜，可以同時食到牛肉麵同生牛肉河，而且價錢唔貴，可以一試。JK無論台式定越式小食以至粉麵飯都幾齊全，心多多真係幾難選。先選台灣牛肉麵（$68），個碗好大，分量都唔少。湯底呈深啡，睇落都幾夠火候，味道香得來唔過濃，亦有少少藥材味，順喉。用上的牛腩都幾腍，有肉香，可惜蘿蔔有好多渣，食唔到。試左台灣代表，都要試埋越南名物生熟牛肉河（$75）。同樣分量不少，牛肉都幾多，生的都幾腍，但熟的就略為乾柴，還好佢畀左d甜辣醬幫d牛肉調下味。湯底好清，清到有少少淡，可能係先食牛肉麵的關係啦，影響左味覺。再試埋越式的牛油雞翼（$58），其實食過好幾次牛油雞翼都係炸到飛起，食到嘴都痛，我就有點怕，好彩呢度比較溫和，表面唔會炸到好乾，仲有蒜蓉調下味（但牛油味唔重），而裡面仲係juicy的，所以我欣賞呢個小食多過兩碗牛肉麵。值得去指數：

中午來到登龍街一帶，永光中心食肆臨立又到午餐時間，地點選上一間樓上東南亞餐廳。甘桔青檸。酸酸甜甜的味道非常適合夏天飲用，冰凍解熱，味道酸甜開胃，甘桔味道較是突出，清甜酸酸的味道頗是吸引。炸雞排肉燥飯。雞排炸得香脆香口，炸粉薄薄肉質保持嫩滑多汁，肉嫩不乾身，帶點咸香味道。雞排份量大大件，味道也出色。肉燥較為濕潤，肉燥份量剛剛好，肉粒肥瘦適中咸香濃厚，伴上白飯味道出色。香茅雞翼。午餐小食有2隻，即叫即炸非常熱，雞翼肉質滑溜多汁，香脆卻不油膩，雞翼先醃後炸，味道咸香出色。

同朋友睇完戲，朋友想食東南亞菜，見呢度評價唔錯就試下，點知就出事⋯⋯我地1點3坐低叫野食，餐廳入面8成滿，10分鐘後因為人多侍應叫我地轉去2人枱，ok無問題一直等⋯⋯一直等⋯⋯點解身邊每枱都無人食緊野，得杯野飲？但遲嚟過我地嘅4人組合就食緊？坐我左邊對夫婦等得唔耐煩，催咗3次，最後要cancel個魚餅，我同朋友最後等到1點10先有野食⋯⋯我嘅手作麵還可以朋友碟飯就好咸埋單個時，因為樓下有1部lift壞咗，有部分客人問店員可否問問發生咩事，店員不耐煩拋咗句「壞咗部，一係等，一係就行樓梯⋯⋯」17樓，行樓梯，30幾度⋯⋯我地最後等咗貨lift⋯⋯只此一次，下不為例

下午一個人行街，見到間食越南牛肉湯河的小店就上左去食吓，小店幾開揚，多人時門外有人有座位等候。服務員親切有禮，會主動過來問你食咩同飲咩，上菜時仲會提你小心熱，幾好態度。今之叫左個越式生熟牛肉湯河，個湯真係好熱，生牛肉都好快變左熟牛肉，啲粉份量都幾多，食完都夠飽！同埋牛肉唔老，算唔錯跟餐叫左杯金桔青檸，都幾潤喉，中和番牛肉！

有朋友食過呢間的生熟牛肉湯河，覺得幾好，就聽佢講去試下。一入去就已經得番幾個位，侍應帶了我去一個卡位坐下。叫了一個生熟牛肉湯河。對於一個男仔來說，河粉同牛肉份量差少少，味道都ＯＫ！湯就夠熱同夠濃，味道適中！雖然湯就好熱，但因為現場都開了大冷氣，都冇咩流汗！

難得有時間lunch，緊係要周圍去搵野食啦！一入門口就有大招牌。Lunch time緊係要睇返lunch set啦，最後揀左老闆娘炒麵，個名夠特別！餐飲熱奶茶，起初期望唔算高，始終覺得茶餐廳奶茶先好飲，點知今次有驚喜，茶味香濃，帶少少澀，適量奶味，整體都唔錯！老闆娘炒米炒得唔錯，米粉炒得彈牙，肉絲嫩滑，加上各種椒絲同蛋花，幾層口感，調味方面又岩岩好唔會太重味，非常好！

在銅鑼灣逛了一天, 累得雙腿都差不多走不動了! 外面又下起雨, 不方便排隊...走到永光吃個普通晚飯好了天氣很熱呢, 我就叫了一個凍檬, 看到那個凍字馬上想點! 牛肉的凍檬好像有點不夠辣, 雖然舖陳得還滿漂亮的...還有就是檬粉好像米粉一樣好硬, 有點不很好咬, 不過凍的粉吃起來特別清爽, 不失為夏天的選擇呢, 但牛肉可以生一點就好了, 有點兒太乾...