JIKKA燒雞

营业中

休息中

來此新餐廳吃午餐，叫了半隻烤雞套餐，附上一款配菜，份量極之細小，比較適合細食的女士，男士是完全不夠飽的。烤雞雖然好吃，但和大家樂的烤雞套餐沒有太大分別，而且大家樂的是整隻烤雞，價錢是這餐廳的半價!朋友叫了意粉，貌相醜陋，份量偏小，味道普通，跟港式茶餐廳出品沒太大分別，就是港式意粉，強力不建議!午餐收費在此區可以說是非常昂貴，而且在這種小店根本沒有什麼服務可言，快快的吃一個午餐卻收取服務費有點不合理!

鰂魚涌開咗間新嘅舖頭，主要係食烤雞同埋意粉，見到佢個舖頭名用咗烤雞兩個字入到去一定係要食雞的！🐔燒雞餐 $148 另加一有湯或者沙律/原味燒雞半隻+1款配菜/嘢飲蘑菇湯，非常之香濃，飲得出嚟真材實料用蘑菇去打成，鹹淡啱啱好！烤雞半隻都幾大隻，個皮好薄非常之香脆，咬落去有少少鹹香味，個肉基本上係好嫩滑有肉汁，除咗雞胸有少少鞋之外，不過就肉比較淡味，可能係想大家食到雞嘅原味？椰菜沙律係正正常常，份量唔算好多！基本上女仔食完一個餐係啱啱好飽，男仔可能會唔夠食？建議會叫飯薯蓉會好啲！叫咗台式桂花烏龍冷泡茶，飲落去都幾清！推薦指數: 7.5/10味道係唔錯，都幾高質，份量就唔算太多，見到朋友叫咗薯蓉都係比較少，可能有兩個配菜會比較好啲？始終平日打工仔午餐嚟講$148都唔算好平，仲要收加一，偏貴，不過嘢食係真係有質素！真係鍾意食烤雞都會推薦你嚟！

端午節長週末，但係因為兩位少爺要考試，所以冇得去旅行。喺太古城附近唔想再去太古城中心同人迫同排隊，搵到呢間喺太古坊新開嘅非常有誠意小店。星期日晚除咗我哋仲有另外兩台人，唔使等位。門口街邊好多車位泊車非常方便。因為兩個仔發育時期食好多嘢，所以我哋四個人買咗六樣嘢食。水果烤雞，烤雞皮，西班牙甜椒醬意粉，烤雞pesto sauce 意粉，truffle cheese dog, sweet potato fries. 每一樣都非常好食，我個人最欣賞烤雞皮，刮走晒啲肥膏，熱辣辣烤得好脆，好似食薯片咁。兩個意粉嘅醬都係佢哋自家製，感覺到冇味精少鹽，食到蔬果嘅鮮味。Sweet potato fries 都非常好食,唔會好油。個熱狗麵包外脆內軟，腸仔加埋啲truffle sauce 全部都係好好食。絕對會返嚟再食。

係夜已經唔繽紛嘅9:15pm，大膽行入去問：「仲有冇嘢食呀⋯⋯」，換黎嘅係好熱情嘅回應：「你地想食乜嘢呀？」 即刻喺兩個餓住嘅肚仔，注入咗啲溫暖！係舖頭門口見到「令人會流口水」嘅roast chicken，我地毫不猶豫就「叫雞」，再加兩杯飲品 。「之前食過未㗎？」男員工問（似係老闆） 「第一次咋！」「啊，咁就會再返嚟食㗎啦！」 佢滿滿自信嘅回答，同新鮮出爐、有滿滿油香嘅烤雞係成正比㗎：雞皮脆、雞肉嫩；攞上手，熱辣辣 ！原來唔止做雞做得出色，連旁邊嘅配菜（我地點咗coleslaw & 炒蘑菇）都係用心做嘅： coleslaw無水汪汪、可以化咗雞油嘅膩；蘑菇係有兩種，一片片 + 有椗嘅，兩款配菜嘅份量，會令你覺得物超所值！「係呀，俾多啲，食得開心啲嘛～」 老闆再次自信 + 自豪咁回應 。有機會去嘅您，花少少時間睇下menu第一版，會感受到用心開食店嘅人，果一份理念同熱誠 。「如果想食快餐嘅，咁呢度可能就俾唔到你啦！」老闆呢句話，講出咗黎呢度食嘢嘅心態 。最後，兩杯飲品，都係高質嘅！唔俾飲筒你，唔係想「走塑」，而係飲品加咗果肉鮮榨嘅，會俾埋枝長匙羹你，係咪好細心？俾你講中：我地真係會返嚟再幫