Japanese X Korean Library (已結業)

是日星期五HAPPY FRIDAY又同同事去食好西啦~ 第一次去呢間Korean X Japanese Library, 個名咁得意, 本身諗住都係得個外表 味道普通的餐廳, 點知有驚喜喎 叫左呢個"紅酒汁雞扒定食" (個名大約係咁)...呢度係快餐形式的, 去買完ORDER後就等NUMBER跟住自取餐, 買完好快就有得食啦~ 樣子相當討好, 賣相精緻, 好多貴價餐廳都冇咁精緻, 其實都只係59蚊! 紅酒汁甜甜地, 幾香, 都食到有少少酒味, 而塊雞扒都幾嫩滑, 外層少少脆, 煎得幾香, 夠熱, 咬落去有肉汁, 唔油膩. 而碗白飯係用珍珠米的, 質地黏黏地, 但都有D咬口! 雞扒旁邊仲有少少薯蓉, 粟米, 西蘭花伴碟, 感覺幾有誠意.大家一致認為可以再番叮呢間餐廳, 地方又幾靚, 值得推薦.

Library一字你會諗起D咩? 圖書館啦Of coz! 應該大家都唔會諗到餐廳卦! 今日我就去左圖書館餐廳食飯啦~! XD滑蛋芝士炒泡菜飯(配炸雞) ($68): 一睇個飯就知道正，大大碗飯，幾重芝士汁，成個碗都係呀! 芝士汁好香好濃，食落有D甜甜地，我幾中意呢個芝士汁唔會太OVER，我食晒成碗都唔覺得好膩好”漏”，炸雞有3件，唔算好大件，但係粉唔厚，一咬就食到雞肉了，雞件都炸得好香，有D好似台灣炸鹽酥雞既味道!加$5先有可樂飲，貴左少少，下次試過第二個餐先!

今日lunch好肚餓，諗住去食好野，黎到見到呢間好似幾好食，服務員亦親切友善，就叫個外賣返公司食到俾錢同等野食果刻仲好有好感，餐廳既客人都食得津津有味！但到拎野食果刻我立即心諗：咁輕既。⋯好似得半份咁⋯加埋杯熱檸茶盛惠42蚊⋯老老實實，味道是不錯的，飯都好有咬口，只不過外賣盒冇間隔，令食物那埋一堆，賣相不討好之餘，仲令食物味道混埋一齊⋯沙拉汁應該本來是撈菜的，但一邊食雞還一邊食到沙拉汁。份量亦偏少，適合減肥人士，但不適合我呢d咁肚餓既人，食完頓覺空虛⋯如果哪天我想減肥，會考慮堂食。

餐廳格局寬敝舒適，有一面紅磚牆作背景，十分有特色。特盛鰻魚丼- 鰻魚丼有2大塊鰻魚，鰻魚肥美，軟滑無比。醬汁甜度適中，配上熱騰騰的珍珠米，令人回味無窮。這價格吃到如此高素質的鰻魚飯，值回票價。本格炸雞定食 - 即叫即炸，雞塊厚而多汁，以木製托盤盛放食物，簡潔大方。午市光顧顧客的很多，店員仍時刻保持親切笑容，殷勤有禮，更提點顧客取餐時小心，以s兄碰撞，值得繼續捧場。

其實都幾好食，係人多左啲， 下次下午黎食可能仲好。尋日有新早餐， 個包真係幾好食，係塊魚柳太大， 大過個包， 有啲飽。希望佢地會出happy hour, 呢度淨係做lunch就浪費左了。

一班做開飲食嘅年輕人開嘅新式快餐店，值得支持。門口位有大電視顯示餐牌早餐menu，二三十蚊坐得舒舒服服嘆個靚早。午餐餐牌，由$38起，豐儉由人。lunch時間都幾多人幫襯內在裝修紅磚+黑色木枱+工業風，高枱位一邊有梳化位，非常地道韓國feel。鰻魚飯真係神級好味，用上優質食材，足料、肥美、油潤、新鮮、厚肉，比台灣肥前屋或其他本地日本餐廳都要優秀，物超所值，值得推介，令人再三回味。想lunch食好啲獎勵吓自己就選佢啦，包無失望，大滿足。份量足，香脆，菜絲份量也充足，餐單設計均衡健康，豬扒略嫌有少少乾身。韓式代表，炸彈，其實係大嚿飯糰，飯糰混有飯素，內包著明太子，外面再灑上紫菜，食時再加入三文魚子及黃色醃蘿蔔粒增強口感層次。配菜還有韓式湯粉絲，充滿麻油香，一濕一乾與炸彈互相配合。年輕老闆們樂於接受食客意見，不斷改進，遲些還有啤酒供應，為觀塘工業區帶來新活力新氣象。