Jagger

营业中

休息中

今日去尖沙嘴呢間好有氣氛嘅餐廳食飯，同老公飲下野輕鬆下我地叫左1️⃣煙三文魚牛油果青芥末帶子他他呢個前菜好有驚喜，煙三文魚同埋牛油果加帶子呢個組合第一次嘗試，但係全部都好夾，牛油果味道突出👍2️⃣炭燒加拿大有骨豬鞍扒呢個豬鞍扒我覺得非常之出色，只係用咗簡單調味，可以食到豬嘅味道同埋肉汁好豐富。豬肉好似慢煮咁樣，好嫩😍3️⃣炭燒牛柳配紅酒汁牛柳叫左7成熟，上臺覺得啱啱好，牛柳食落好軟熟，搭配紅酒汁一齊食，紅酒味道濃郁，帶出牛味4️⃣心太軟心太軟唔錯，唔會好甜，朱古力味濃郁，伴碟嘅曲奇雪糕，我都覺得幾好食，食到好多曲奇碎5️⃣Ice-land呢杯係沙冰，有荔枝同熱情果香味，幾清新6️⃣Air force red士多啤梨味濃郁，酸酸甜甜易入口消費價錢：2人💰910.8，人均💰455.4結論：（10分為滿分）味道：7.5/10性價比：7.5/10回頭指數：7.5/10餐廳名稱：Jagger餐廳地址：尖沙咀麼地道31-41號FHP購物中心地下26-30號舖

Visit Jagger if you need a shoulder to lean on and a glass of tipple to relax. It’s a very comfortable bar & restaurant with delicately designed cocktail and wine menus. I love the sofa seats with fluffy patterned cushions so I can lean on drinking and snacking. That night we had two glasses, mine was this elegant rose petals topped egg white & cucumber Hendricks gin, served in an eloquent tall stemmed martini glass- I Just Love This! (Named “Womaniser” on the menu, literally quenching my appeti

前排去到尖沙咀 聽朋友介紹呢度嘅豬鞍扒係世一 即刻入咗嚟試吓佢嘅味道 間餐廳就係地鐵站出口轉婷就見到 十分方便 一入嚟成間餐廳有好好嘅氛圍 啲座位都分得好開 唔會好迫 同朋友叫咗一份豬鞍扒 一份炭燒牛柳 再加兩杯嘢飲炭燒加拿大有骨豬鞍扒 豬鞍扒嘅肉質十分之嫩 好Juicy 一啲都唔會柴 而且佢本身已經有調味 完全唔使點汁 個味道都啱啱好 再加上配菜嘅焗薯 十分之出色炭燒牛柳配紅酒汁 炭燒牛柳冇問我哋幾成熟 一上到嚟就已經好香 份牛肉肉超級軟熟 一啲都唔會韌 而且好濃炭燒嘅香味 Ice-land 荔枝加熱情果味沙冰 飲落去好解膩Mojito 正常嘅mojito冇咩特別

過來之前21:33 特登打電話問幾點last order同埋仲有冇豬手，電話回覆野食廚房無限，黎到仲有要唔要留位21:50去到 俾左個野飲menu 我，問佢野食餐牌覆我話已經last order, 同今日豬手暫停供應我話特登打電話問，一句唔好意思都冇仲話得酒，咁你仲要唔要😂😂特突大埔渣車出黎大佬🙂

🍽️Jagger又到收工chill一chill的時間 今晚挑選了一間藏於尖沙咀後巷的隱世酒吧西餐廳🥂餐廳設室內和室外位置 室內走的是ins風🌿 打卡一流📸室外勁chill 坐在籐椅上飲酒吹水一流🍻～Jagger小食拼盤 💰180/可自選四款小食(脆炸魚柳.唐揚魷魚.芝麻雞翼.洋蔥圈)炸得好香口 配三款醬汁 一口接一口最愛唐揚魷魚🦑爽口彈牙 - - - - - - - - - - - - - - - - - - - ～龍蝦汁蟹肉意大利粉 💰158龍蝦汁重味🦞 有粒粒龍蝦和蟹肉碎🦞🦀 增加口感意大利粉軟硬適中 - - - - - - - - - - - - - - - - - - - ～炭燒牛柳配紅酒汁 💰248牛柳五成熟 剛剛好🥩少少炭燒味配紅酒味好夾肉質軟熟 唔會韌 - - - - - - - - - - - - - - - - - - - ～Jagger 心太軟 💰88味道不過𣎴失做到流心效果👍🏻熱辣辣心太軟配上冰涷雪糕勁正🍦- - - - - - - - - - - - - - - - - - - ~Drink🍸:Flower SpeechlessSingle ParisBell

尖沙咀有間超有feel既型格餐廳，Jagger 店內柔和燈光與半開放式空間，裝潢設計充滿異域風情，配上美食與輕鬆氛圍，同知己、情人一齊 Chill out～🍾▫️龍蝦汁蟹肉意大利粉 麵條掛汁Juicy，奶油香氣濃郁而不膩口❤️▪️炭燒牛柳配紅酒汁入口肉質鮮嫩又牛味▫️小食拼盤即叫即炸，最啱邊食邊飲酒傾吓偈🥂▪️心太軟甜度適中，略嫌無流心效果𝙈𝙮 𝙋𝙞𝙘𝙠𝙨 ꨄ龍蝦汁蟹肉意大利粉 炭燒牛柳配紅酒汁

放工後搵地方食好野，仲可以舒舒服服傾計？呢間位於尖沙咀麽地道嘅酒吧西餐廳「Jagger」，真係一個唔錯選擇 🪴✨🌱 環境感覺：店內外都擺滿綠植，清新得嚟好有chill vibes。侍應有禮，令成個晚餐氣氛更加愉快。🍴 點咗啲咩：- 煙三文魚青芥末帶子牛油果他他：賣相靚得可以直接影相打卡，入口清新又有層次。煙三文魚嘅鹹香，配上牛油果嘅綿密，帶子嘅鮮甜，一啖落去竟然仲有青芥末微微嘅點綴感，絕對係必點之選。 - 炭燒加拿大有骨豬鞍扒：厚切得黎外層帶炭香、裏面仲有肉汁滲出。細細咀嚼，豬肉嘅嫩滑口感非常值得回味，加上旁邊烤蔬菜嘅自然甜，仲有酸甜平衡嘅覆盆子醬，層次感好豐富。- Cold Cut Platter 意式火腿芝士拼盤：經典又唔失水準，幾款質感同味道分明嘅火腿芝士，啱晒想簡單佐酒嘅朋友。🍸 Cocktails：- Tiramisu：沙冰版嘅Baileys，Creamy之餘仲真係有Tiramisu嘅味道。- Free World：呢杯顏值高到忍唔住先影後飲，顏色鮮豔令人食慾大增，味道上清爽，打卡一流 🌈🍹整體黎講，呢度係一個氛圍同食物都好有質素嘅地方。下次想傾計放鬆，不妨可以再試吓呢間店。

尖沙咀呢間酒吧西餐廳位置有點隱蔽，但離遠已望到霓虹燈牌很吸睛！餐廳定位酒吧西餐廳，放工或係尖沙咀同朋友行街後可以黎chill 下～龍蝦海鮮忌廉湯雖然湯的份量不多，但係很足料！有大蝦，青口，仲有好多蜆肉，湯頭很濃郁🤩大蝦辣汁意大利🇮🇹飯大蝦煎到好香,意大利飯軟硬適中香煎牛肋條牛扒🥩order左五成熟，牛扒內層十分粉嫩！配上棉滑嘅薯蓉同香煎的蔬菜🥬朱古力心太軟十分推介的甜品🍰，新鮮焗出嚟！心太軟流心程度恰到好處🤭 配上雪糕，冷熱交織，口感很好👍🏻 而且甜品既顏值也十分高，鋪上咗紅玫瑰作點綴，推薦慶生🎉時叫呢道甜品！𝓓𝓻𝓲𝓷𝓴| Butterfly 🦋 | Tropical sundae📍Jagger (尖沙咀)尖沙咀麼地道31-41號FHP購物中心地下26-30號舖

Jagger👻星期五放工係尖沙咀同朋友搵間餐廳食下野飲返杯依間jagger都係一個好選擇個格局夠舒服之餘野食同cocktail都做得幾好幾推薦可以再黎食🥰.🔅炭燒牛柳配紅酒汁 HKD 248五成熟既炭燒牛柳火喉控制都幾高要求入面仲係粉嫩既做得幾好紅酒汁夠濃同埋佢係杰身既同牛柳好夾仲有好creamy既薯蓉滑得黎又好味😉🔅龍蝦汁蟹肉意大利粉 HKD 158一向都好鍾意龍蝦汁佢個汁都幾掛到落個意粉意粉質感唔算煮得幾好加埋蟹肉點綴下整體幾唔錯😛🔅炸薯條 HKD 68新鮮炸起既薯條熱辣辣上枱點會唔好食除咗茄汁仲有埋蛋黃醬簡單已經好好食🔅心太軟 HKD 88試埋佢個甜品心太軟流心朱古力夠哂邪惡配埋曲奇味雪糕配搭上無得輸🔅Grapefruit Gin Tonic HKD 98🔅Margarita HKD 70佢地啲cocktail又整得幾igableGrapefruit 有啲小清新既感覺飲落都幾易入口Margarita佢係杯邊加咗一層鹽經典既飲法係飲tequila配埋鹽同檸檬依到都做得好好😆.整體來講：高質cocktail 滿意環境😚.🎈 Jagger (尖沙咀)尖沙咀麼地道31-41號FHP購物中

同事推介呢間酒吧餐廳喺K11附近分左indoor同outdoor兩區 環境幾舒服 放工嚟飲杯野或食埋飯都係個唔錯嘅選擇今晚唔想飲酒 叫左兩杯mocktailsTropical Sundae 同Sick Leave 造型啱晒打卡兩杯都係酸酸甜甜嘅水果口味 又靚又好飲意式蒜香牛油汁配藍青口及蜆蜆肉好大隻又鮮甜 蒜香醬汁幾開胃惹味配埋香脆嘅蒜茸包 好快就俾我地清晒炭燒加拿大有骨豬鞍扒呢個係同事嘅推介 真係好出色喎豬鞍外層微微焦香 肉質鮮嫩多汁 大推！炭燒牛柳配紅酒汁牛柳幾軟嫩 牛味又夠濃 伴碟嘅薯茸幾幼滑一定要配埋個紅酒汁 同牛肉好夾Jagger 心太軟造型好靚有真玫瑰花做裝飾可惜overcook冇流心效果 朱古力味都算濃嘅

唸住同朋友飲番杯，去尖沙咀就好多選擇。但係通常我會揀啲安靜啲，咁就可以傾下計。尖沙咀嘅「Jagger」就有戶外同埋室內兩個區域。而室內仲有一個半開放嘅座位，可以望住出面嘅行人人來人往。煙三文魚凱撒沙律 $108新鮮嘅沙律菜，口感爽脆。淋上芝士粒和放入先三文魚片，煙燻味可以幫沙律帶返啲層次出嚟。炭燒牛柳配紅酒汁 $248我就話牛柳一定係炭燒最好食，炭燒先可以令到牛柳表面有焦香，內層仲保留到粉嫩。加上微酸嘅紅酒汁可以中和油膩感。炭燒加拿大豬鞍扒 $228平時豬鞍都驚好韌，但係依款肉質夠晒軟腍，食落咗好多肉汁。另外兩款飲品都好靚，分別就叫咗free world和sick leave，打卡都一流啊。

室內環境雅致悠閒。煙三文魚牛油果青芥末帶子他他這道前菜層次豐富，煙三文魚的鹹鮮與牛油果的綿密奶油感完美結合，青芥末的微辛提味而不搶，帶子他他則增添鮮甜與細膩口感。整體清爽中帶有深度，賣相亦美觀。 芝麻雞翼雞翼外皮炸至酥脆，裹滿香氣濃郁的芝麻。雞翼內裡保持嫩滑，芝麻的香氣貫穿其中，是經典的惹味小食。 龍蝦汁蟹肉意大利粉意大利粉裹上濃郁的龍蝦汁，鮮味濃郁，蟹肉絲絲分明，增添奢華口感。 炭燒牛柳配紅酒汁牛柳經炭燒後外層微焦，內裡呈現誘人的粉紅色，肉質柔嫩多汁。紅酒汁醇厚帶果香，與牛肉的油脂香氣交融，佐以細膩的薯蓉伴時蔬，色彩及口感皆豐富。 兩杯沙冰的賣相美觀，適合打卡。Tropical Sundae由菠蘿、香蕉、芒果混成，靈感來自鳳仙雪條。Ice-land則由荔枝、熱情果、紅茶等混成，味道與檸檬茶相似。

📍 *尖沙咀潮餐探店* ：最近去咗尖沙咀一間氣氛一流嘅餐廳，裝修充滿時尚格調，燈光昏黃柔和，，同時加埋綠植點綴，營造出舒適又有vibe嘅感覺🥗 *煙三文魚凱撒沙律* ：鮮嫩嘅煙三文魚片鹹香適中，配搭香脆羅馬生菜和自家製凱撒醬，濃郁又唔過重，口感清爽又豐富，加上芝士碎提升咗整體味道。🍝 *龍蝦汁蟹肉意大利粉* ：意大利粉煮至彈牙，蝦汁濃郁香濃，蟹肉鮮甜豐滿，層次感豐富🥩 *炭燒加拿大有肯豬鞍扒* ：豬鞍扒炭燒得外脆內嫩，肉汁鎖得恰到好處，搭配烤蔬菜增加清新層次，再加一點覆盆子醬嘅酸甜味，完美平衡咗炭燒嘅濃郁感。🍹 *Sick Leave* ：以鮮紅果龍果、蔓越莓汁同青檸汁製成，色澤亮眼，酸甜清新，氣泡輕盈，好飲又醒神。🍸 *Manila Night* ：Malibu Rum嘅椰香搭配芒果和菠蘿嘅熱帶果香，再加少許辣椒酒嘅微辣，帶嚟複雜但和諧嘅味道層次，飲完回味無窮。🍮 *心太軟* ：外層蛋糕鬆軟，內餡朱古力溶漿濃郁香滑，配一啖香草雪糕，冷熱交融，甜而不膩，簡直係完美句號。

🌟🍴 【尖沙咀 •Jagger 】 🍴🌟 📍 尖沙咀麼地道31-41號FHP購物中心地下26-30號舖🍖🥟🍟🥚🍰🍲🍇 • 🥪🍓🍤🍪🍜🍡🍹 加拿大有骨豬鞍扒 🇨🇦🐖 肉質鮮嫩多汁，骨邊肉香濃郁，烤得外脆內軟，咬落滿口肉香，回味無窮。 炭燒牛柳配紅酒汁 🔥🥩🍷 炭火烤出嘅牛柳，外焦內嫩，肉質細膩，紅酒汁濃郁香醇，襯托牛肉嘅鮮甜，層次豐富。 意式蒜香牛油配青口及蜆 🧄🧈🍤 蒜香牛油濃郁撲鼻，青口同蜆鮮甜飽滿，汁液豐富，食落鮮味十足，令人停唔到口。 龍蝦汁蟹肉意大利粉 🦞🦀🍝 龍蝦汁濃郁鮮甜，蟹肉鮮嫩多汁，意大利粉彈牙有嚼勁，完美融合海鮮嘅精華。 Sparkling water 💧✨ 清涼解渴，氣泡細膩，飲落清新爽口，完美搭配呢一餐。 🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 800✨🥢🍣🍕🍜🍴🍰✨ #尖沙咀美食 #Jagger #web3尖沙咀

放工想搵個地方坐得舒服啲，同朋友傾吓計飲吓嘢，嚟到「Jagger」無諗過原來嘢食都好正喎，一次過滿足晒4個願望呀😍煙三文魚牛油果青芥末帶子他他 ⭐️⭐️⭐️⭐️⭐️好鍾意呢個他他！首先上枱嗰刻已經覺得賣相好靚，食落味道更加有驚喜！煙三文魚、帶子配上牛油果嘅軟滑，不同嘅食材增添各種口感，個人認為係必點前菜❣️龍蝦汁蟹肉意大利粉 ⭐️⭐️⭐️⭐️⭐️每一啖意粉都被蟹肉龍蝦汁包裹住，超濃郁嘅龍蝦汁配上大量蟹肉，令成個意粉鮮味更加提升！加上意粉軟硬程度剛剛好，我同朋友都覺得好滿意👍🏻加拿大有骨豬鞍扒 ⭐️⭐️⭐️⭐️⭐️份量好大要2個人share先得🤭豬鞍肉質juicy唔會煎到乾柴，用上香草等香料調味，如果可以加啲醬汁會更完美！配菜嘅焗薯及焗蔬菜亦都唔可以忽略，整體配搭好balance好啱口味！Jagger心太軟 ⭐️⭐️⭐️⭐️⭐️最尾都係忍唔住叫個甜品結尾！心太軟即焗即製，上枱時熱辣辣外脆內軟，配埋雪糕食真係勁正呀❤️