Jack's Terrazza Ristorante

营业中

休息中

心擴神怡的晚上，走到大尾督吹吹海風，吃一頓聽風的晚餐，實惟賞心樂事。我們一行數人各自點了心怡食物。🍴先來碗餐湯麵包打打底，麵包帶有芝麻香熱辣辣鬆軟好味。🍴新鮮爽脆，口感清甜沙律🍷啤酒當然是小不了，今晚紅酒也充當了主角，這裡紅酒價錢平宜且有質素，入口香醇濃厚有葡萄香。🍴再來一客送酒拼盤煙三文魚，巴馬火腿配水牛芝士，配紅酒一流。👍🍴啤酒雞必食，餐廳介紹雞用啤酒醃製一晚再烤熟，上檯時淋上甜酒火焰啤酒雞，口感香嫩肉汁豐富，是一道令人齒頰留香的美味佳餚。肉汁豐盈嫩滑。🍴羊扒🍴豬肋骨，有點過火所以比較鞋口。🍴牛柳，外觀來講有點似茶餐廳，口感算腍有牛味。🍴薄餅香脆可口，熱辣辣芝士香軟好味。🍴香煎魚柳配大蜆青口，魚柳帶有黑椒煎香味道可以。🍴甜品不過不失無驚喜！享受完一頓豐富晚餐，此刻搖著手上的紅酒，欣賞歌手金曲妙韻，享受著微風在我臉上吹。

大尾督平時只會踩單車先入黎，係網上見到呢間餐廳夜晚有live music, 所以今日就專登入黎睇下。餐廳既報置已經係好有心思，經過都會被吸引，每枱仲有一部細細既空氣過濾器，令大家可以放心除低口罩。今晚主要目的係聽live music, 不過呢到既菜式都係好吸引，我地3個人就嗌左個pizza，肉醬千層面, 豬肋骨。等左一陣，就開始有歌手唱歌，今晚係唱英文歌為主，成個氣氛好配合。食物方面都好高水準，pizza既芝士好香，用料亦好足，餅底香脆。肉醬千層面係牛肉，一上枱已經好香，而且面既質地軟硬適中。豬肋骨亦好入味，不過因為本身已經食到好飽，所以食左一舊就停手喇。呢餐飯食得好滿意，餐廳無論服務，氣氛，食物都做得好好，下次一定會再幫襯

Today after a bike tour we stopped by this place for a late lunch which wasn't a smart idea. 1. One of the forks still had stains which was a bit appetite killing. 2. For 58 HKD plus 10% service charge I got a garden salad in a uneven white bowl along with a hot lemon tea in a coffee cup. The salad portion was incredible small giving just a few bites: several pieces of lettuce, 2 cherry tomatoes cut into half, 2 little pieces of grilled paprika! That was the most expensive salad I have ever had

有 feel, good taste and affordable.沙律配烤雞肉，雞肉醃得好好味好嫩，再放多啲芝士就更好。價錢唔貴 算低食 食物整體可以再做好少少就 perfect.絕對可以放在 Dinner list 既餐廳

啱啱去完食個情人節套餐，一千二百幾埋單...諗住呢啲節日出嚟食飯食物質素都應該唔會太好。但原來比想像中更差，嗌左兩份ste dinner:一個牛柳拼羊架、另一個牛柳拼龍蝦，兩份牛柳、羊架都係7成熟...但黎到係完全唔係7成熟，龍蝦用茄汁感覺好怪...一黎到見到兩碟野望到已經好失望，擺盤完全唔掂...望落去感覺真係好似監躉飯。連配菜都唔掂😖服務質素一樣差，坐左10分鐘都無人埋黎。水都無一杯，要叫先拎黎..食完哂之後想嗌埋單等左成15分鐘都無人行過入嚟(因為餐廳本身係有out door)，食嘢其間Waiter都無乜行過入嚟！總之成餐都唔掂，完全浪費金錢！

今日夜晚黎到大尾篤嘅Jack’s食晚飯。環境幾好，幾有情調。佢嘅座位係室外位置，但大部分都有上蓋遮住嘅，涼涼地坐幾好㗎！而且佢仲有live band添，個主唱仲唱得好好聽！聽講佢逢星期五、六晚都會喺度唱歌一入到餐廳，發現佢嘅dinner set比之前平左，做緊特價，咁我地就梗係叫特價餐啦。個餐包左湯、沙律、主菜、餐飲同甜品。餐湯有得揀龍蝦湯或羅宋湯。兩款湯都幾好味，唔會太鹹或太淡，但係份量就少左啲，湯碗一半都冇。至於沙律就加左芝麻醬，正正常常，冇咩特別。之後就到上主菜喇。我地3個人，叫左一個香煎豬柳、一個羊鞍、同一個牛柳。羊鞍係3個主菜入面最好嘅。份量好多，有成3件羊鞍。又煮得幾入味，但係又唔會太穌，而且幾juicy同軟身，確係唔錯。另外，個薯蓉都好creamy，配搭羊鞍幾好。豬柳質素普通，雖然煎到唔乾身，但感覺同茶餐廳豬扒差唔多，唔值咁貴。牛柳嘅份量算大，而且好厚身。即使叫左7成熟，但仍然唔硬，而且好juicy。但係牛柳就煮得唔夠入味，俾個sauce嘅味掩蓋哂。至於餐飲，友人就話熱咖啡好香濃 ，唔太苦，十分出色！最後就上甜品喇。個甜品係自家製嘅cheesecake，好好味，真係要讚下

秋高氣爽，跟朋友到大尾篤踩完單車，在附近找到一間西餐廳，裝修環境有點像去了泰國吃西餐的感覺，戶外有露天座位，我們還完單車時間都6點半，剛剛天黑，所以天氣不太熱，見入面有即場樂隊唱歌表演，就決定坐入餐廳內，氣氛相當好，餐廳很多檯都被預訂了，口啤應該不錯！餐牌有二人套餐，包餐湯、沙律、主食兩款、蛋糕、飲品，套餐價錢不算太貴，只是$468，我們點了夏威夷薄餅、扒錦鏽大會。先說前菜沙律 – 沙律菜絕對非常新鮮，沒有一點變黑，而且沙律醬很惹味。夏威夷薄餅 - 鋪上一層厚厚的芝士，平均鋪上菠蘿、洋蔥及火腿粒上，配合得剛剛好，份量如一個人吃會覺得非常足夠，不錯！牛柳、羊架、炸豬仔骨，牛肉肉質味道分濃，鮮嫩又可以感受到西冷牛排的芳香，大約煮到七成熟，剛剛好，羊架沒有很重的羊羶味，肉質柔軟，沾上薄荷O者喱更加好味，另炸豬仔骨肉質略有點乾身，但醬汁味道真的一流，而且份量有一隻手掌大，足夠填飽肚。蛋糕 – 芝士蛋糕芝士味濃郁，口感不錯！

他還在大埔工作時，有一夜神神秘秘的說帶我去拍一下拖，便把我帶到大尾篤的這一間Jack's Terrazza Ristorante，那晚聽著live band，十分難忘。今晚突然想吃西餐，又不想到人來人往的地方，便重臨這地。天氣涼了，坐下感到十分舒適，周邊都是外國人，有一人獨自浪漫的，也有一群群的。二人餐的食物選擇很多，只是約$500，價錢非常相宜，便決定一試。先來餐包和餐湯，芝麻包熱烘烘的，我的意大利雜菜豆湯看似清淡，但雜菜味道層次豐富，也下了肉粒增加鮮味。他的椰汁忌廉雞湯感覺是fusion菜，沒有泰式椰汁雞湯的酸辣，取而代之是略帶甜的香濃椰汁味，幾有新鮮感啊。沙律不馬虎，生菜、番茄、甘荀絲、栗米加芝麻醬，可口美味。我大愛這個9吋margherita pizza！芝士下得極之慷慨，茄味香濃，批底夠熱又夠脆，還有少許橄欖，感覺非常正宗。錦繡大會上菜時令我嘩然，方形碟足足有半張檯大，肉類包括牛扒、羊架、豬排骨，看見便令人感覺愉快，肉類輕輕調味，煮得剛好，配菜款式不少，擺碟也看得出廚師的誠意，邊吃邊讚呢。甜品可選tiramisu或士多啤梨mousse，少少的一件正合我意，因為已經很飽了，不會

好耐冇入大尾篤食飯 , 今晚揀左 Jack's Terrazza Ristorante !!週末晚上嚟到有 live 表演 , 表演者唱咗好多唔同年代嘅歌 , 真心好聽 !!! 👍餐牌 :我哋叫咗 2 人餐 ($468) , 另外食店仲有 4 人餐 ($1,188) , 晚市套餐等 ~薯仔忌廉湯 足料 ! 入面有啲薯仔皮碎 , 增加口感 👍 意大利雜菜湯 同樣好足料 , 入面好多蔬菜 , 味道都啱啱好 , 酸酸甜甜又辣辣地 👍香草麵包外脆內軟 , 面頭嘅香草非常之香 😲 !! 個人覺得配牛油比較好食 😋沙律好大碟 , 有我最鍾意嘅粟米 😆煙三文魚蘑菇忌廉汁燴寬條麵 本身揀左香辣蕃茄忌廉汁 , 廚師推薦蘑菇忌廉汁 ~有 2 大片煙三文魚 , 意粉軟硬度岩岩好 , 份量都多 ~ 扒錦繡大會 超大份 ! 🤯🤯 有大概 5 -6 條豬肋骨 ,  2 支羊架同 2 塊牛扒 牛扒同羊架都非常好味 , 有肉汁 ! 豬肋骨個醬就濃味左 dd  薯菜沙律款式豐富 , 有我最愛嘅燒菠蘿同翠玉瓜 😏😏意大利芝士蛋糕餅底唔會實的的 , 口感唔錯 ~推介大家入黎遠離市區嘅繁囂 , 吹下風 , 聽下歌 , 仲可以

今日同男朋友一齊去大美督度踩完單車， 順便食埋晚飯， 見到呢間餐廳好似幾有情調 ，又有浪漫氣氛，一於入去試下 其實二人套餐我就貪佢包括有埋個餐湯同埋沙律。 餐湯係南瓜湯，個南瓜湯做得幾好，飲落去都幾滑。 至於沙律幾fresh, 幫我地大開食慾。夏威夷pizza： 個夏威夷pizza，個人覺得不俗，因為芝士份量可算足夠， 材料十足同埋我就最欣賞佢個菠蘿夠甜。 如果以兩個人嚟食我覺得十分足夠。扒錦繡大會： 對我嚟講呢個絕對係主角， 因為佢包括我最鍾意食嘅羊架、 豬肋骨、 同埋牛扒。 其實三樣之中我最鍾意就係羊架同牛扒。 因為個羊架保存嗰種羊騷味。 同埋佢個羊㗎煮得軟熟， 牛扒煮到七成熟，有少少肉汁流咗出嚟，當你咬落去，啲肉汁滲曬出嚟，呢個境界我自己都未必煮到。 豬肋骨亦都煮到恰到好處同埋都幾大塊。最後食埋佢個甜品蛋糕仔， 呢餐絕對夠兩個人食有突，雖然好意外嚟到呢度食，但情調同埋個氣氛，我覺得都幾好，如果踩單車或者喺新界居住嘅朋友可以嚟試下。

今日去大埔接個朋友放工，跟手我哋就去咗位於大尾篤嘅呢間餐廳，因為朋友話呢間餐廳環境好舒服，所以我哋就去咗啦。先食一個餐包，同埋飲羅宋湯，個包好軟好香，羅宋湯都煮得好好味。然後我哋食咗個沙律，啲粟米好甜，啲菜亦好新鮮！跟住就嚟咗個Pizza，啲芝士味好香濃，鍾意食芝士嘅朋友一定唔好錯過！跟住就到今日嘅重頭戲，海鮮拼盤，最好味嘅係青口，好鮮甜，又唔會煮到過熟。我配左杯白酒用嚟送海鮮啱啱好，朋友就叫咗杯cocktail。最後食埋個芝士蛋糕甜品，成餐飯配上呢個美景，同清新嘅空氣，真係心曠神怡！

平時都好鍾意去搵下一啲隱世嘅餐廳， 好鐘意個種驚喜既感覺。 今日就同朋友去咗大尾篤美食。我哋嗌咗個二人set dinner， 嘢食都好豐富， 頭盤有沙律，餐湯，餐包。 嗰餐包非常脆口，外面有好多芝麻，睇落去成個煎堆咁樣，好cute! 跟住嗌咗個夏威夷薄餅同埋海鮮拼盤， pizza份量好足夠，但咬落個皮底略嫌有少少硬，我哋兩個女仔食完pizza已經有啲飽。 過海鮮拼盤點非常巨大，啲海鮮好新鮮，冇雪味亦都唔會太鹹。我自己最鍾意食就係大蜆同大蝦， 因為啲蝦殼已經搣好曬，唔使自己再搣。 燒海鮮入面仲有燒菠蘿可以食添， 最後仲有芝士蛋糕同埋餐茶， 最啱有限budget但又想二人世界浪漫下嘅小情侶。同場仲有一家大細一齊慶祝生日， 有人突然熄燈，攞蛋糕出嚟嗰下我都嚇咗一跳， 個staff仲會一齊唱生日歌，好有氣氛🙂

生日飯，厭倦放題自助餐打邊爐，想搵可以坐得舒舒服服不用趕時間的地方～見網上食評不俗，而且過咗中秋，晚上天氣涼涼地，可以試吓遠離市區露天嘅地方，而且我哋住北區所以去左大埔大尾篤呢間餐廳～其實天氣涼涼地，可以坐室外，但係因為有live唱歌，所以選擇左坐室內～因為唔熟路關係，所以差不多9:15先到（原本book 9:00😥，服務生都有些緊張，原來last order係9:30🤪，所以我地都好快手落左單芝士法包洋蔥湯～很濃味又不會太咸前菜：香草帶子雲吞我地沒有選擇套餐，根據我地自己喜好去點牛柳～不算太特別，但肉質鮮嫩，伴菜可口香蒜豬筋骨～ 感覺有些酥，但肉質還可以因為已過last order 所以無得點甜品，只多叫兩杯飲品，但整體感覺良好，優悠，環境優美，恍如置身外國，而且價錢合理，而且揸車可以直接把車停在店門口，十分方便駕駛者，而且現場所見都見到好多人踩單車到此處食晚飯，如果食厭連鎖店又或者商場餐廳既快速翻枱，可以試下呢d郊外餐廳冇揸車都唔使擔心，因為有巴士或小巴直接到達門口！

今日放假踏單車入大埔，順便食埋晚飯，見哩度裝修有格調，門口又有個天使小水池幾得意，就入黎試下。侍應推介2人餐，於是叫左2份，先上麵包籃，有芝麻包同蒜蓉包，蒜蓉包好脆，好香蒜蓉味，唔錯👍芝麻包外脆內軟，芝麻香，加埋醋同橄欖油一齊食，另一味道。羅宋湯味道夠晒濃，沙律菜夠新鲜，配埋開胃沙律醬，不錯。揀左卡邦尼亞意粉和夏威夷pizza。簡簡單單嘅醬汁喺意粉上面，配埋香口嘅煙肉，好味。pizza 佈滿菠蘿、三色椒， 煙肉同好多芝士，加埋脆口嘅薄餅邊，好有口感。Main course 兩份分別係雜錦繡大會，有羊扒、西冷、豬仔骨，羊扒生熟程度剛好，無羊騷味，夠晒淋，配埋薄荷醬，不錯。西冷肉味濃，有肉汁，而豬仔骨肉同骨很容易分離，醬汁濃郁，整體好味。另外海鮮什錦拼盤，有蝦、蜆、青口、魚柳，魚柳皮煎得很香脆，魚肉夠嫩， 其他海鮮都好新鮮。最後上甜品， 意大利芝士蛋糕，有心思，廚師設計嘅哈哈笑樣，最後嘆埋茶，好滿足。地方環境佈置幾好，侍應有禮，星期五六日仲有現場歌手自彈自唱，歌手唱得唔錯，食物質素也不錯。

星期五晚特登同屋企人黎到大尾督食，就係貪佢環境好，易泊車，食物水準高，仲要live band意想不到既好聽，點可以走寶啊！！先黎餐湯前菜同蒜蓉包，羅宋餐湯正常水準蒜蓉包烘得出奇地脆。 接住上caesar salad ，沙律菜好新鮮，分量亦都足夠分享。跟住就係main course hawaiian pizza 同埋 spaghetti carbonara。pizza新鮮出爐，係一個好正宗嘅夏威夷pizza。同每況越下嘅pizza Hut 係冇得比嘅。 最有驚喜嘅係spaghetti carbonara， 因為個汁做得好出色。芝士味雖然唔係好突出 ，但係個醬汁嘅整體平衡做得十分之好，味道亦都好足夠。跟住一齊上嘅係再有兩個海鮮拼盤同埋grill。 肉類有豬肋條 ，牛扒 ，羊扒同埋燒菠蘿 ；海鮮拼盤有蝦魚 ，同埋一啲殼類。肉類火侯處理得好，醬汁亦都好濃郁，個豬肋骨食到個個都舐曬手指。 海鮮方面哈雖然唔係好大隻，但係數量亦都十足先得呢幾香；青口係一邊亦都數量好最唔會話煮到鞋颯颯咁。最後亦都有跟餐飲同埋一個dessert蛋糕，水準亦都ok。值得一提嘅係餐廳menu上面佢肉類係會每次都唔，同睇當日