J.S. FOODIES (又一城)

营业中

休息中

Tea time🕓叫左一個主食 一個甜品🍝松葉蟹忌廉意粉（$198）D蟹籽蟹肉蟹膏 超足料🤤🥞士多啤梨藍莓香蕉pancake（$119）真心一個人係絕對可以食得晒一D都唔漏！好好味🥰如果唔使成日排長龍嘅話我一定日日食個pancake🤤🤤

souffle pancake $99係一個口感唔錯既souffle pancake 超有蛋味 不過我唔係甜品有另一個胃既女仔 所以我淨係食左一舊 我個friend就唔同啦😈😈😈·蕃茄肉醬意粉 $119呢個我覺得出奇地好食 佢個意粉係超級掛住d汁🍝同埋佢嗰肉醬調味剛剛好 係一個好好食嘅肉醬意粉😍·酸忌廉黑松露薯條 $59呢個薯條炸得幾好食 但係我自己會鍾意黑松露mayo個種多啲🙊因為我覺得個酸忌廉有啲唔係好夾🍟·#rbyeat#rby九龍塘·📍九龍塘達之路80號又一城LG2樓30號舖i.t blue block

J.S foodie係日本嘅過江龍,主打美式漢堡同班㦸。平時間鋪成日都排長龍, 但有日行開九龍塘,可能因為係閒日同唔係食飯時間, 見竟然冇乜人排隊,於是即係入去試試我同朋友點咗原味班戟同煙肉煎蛋班戟一齊share食。原本仲驚唔夠飽,但食食下先食佢嘅份量真係好足!我同大食朋友都食到好飽👍講講原味班戟先($99),個人覺得係其中一樣黎到必試嘅菜式。個班戟好有空氣感, 食落同聞落都蛋味十足。就咁食同搽埋d奶油一齊食,味道都十分驚豔,口感一試難忘,令人有再去食咗衝動。至於煙肉煎蛋班戟($129),相比原味班戟,佢俾我嘅感覺同印象就冇咁大。但味道仍然十分不錯。太陽蛋煮得啱啱好,蛋黃係流心嘅。 班戟好鬆軟,落蜜糖落去食有另一番滋味。 沙律亦都好新鮮,同d醬好match。值得一試!

平時行開九龍塘都覺得冇乜好食，有一次發現左呢一間食pancake嘅餐廳，Google落先知道原來喺日本好出名，係人氣嘅pancake店，就打算入去試吓啦！J.S foodie 開喺IT入邊，算係開放位置，入邊都有唔少枱，但係用餐環境就唔太適合傾計啦，太多人都有啲嘈，傾計都要講到好大聲😂😂裝修風格令人好舒服，光線充足。食物來講，質素唔錯❣️原味pancake第一啖就好香牛油味同蛋味，沒有粉味，濃郁嘅蛋味👍🏻食得出材料新鮮，質感鬆軟棉密，好有空氣感，而且個人鍾意pancake上面嘅忌廉，唔係好甜又有奶香味。三件大大件，大家一齊Share 啱啱好！自己一個食就太飽啦❣️煙三文魚牛油果pancake除咗甜食，亦都有咸食之選。今次揀咗煙三文魚牛油果pancake，比起甜食pancake, 呢款pancake 同麥當勞熱香餅差唔多😂比較扎實，三文魚就正正常常同埋伴碟生果同牛油果都好好新鮮價錢來講略貴，間唔中嚟食就好了

同男朋友想食呢間野好耐因為我係pancake控見到佢個焦糖pancake已經覺得好吸引！入到去 男朋友叫左個蟹肉蟹膏忌簾意粉我係本身唔食蟹膏因為好怕蟹膏腥味但呢個意粉居然無個陣味 仲係好鮮甜不過唯一不足既係有d 蟹內殼既皮同埋比較細份重頭戲來啦！期待已久既pancake😍果然好好食 而且食得出士多啤梨係新鮮同香既韓國士多啤梨焦糖味加埋pancake既味道係絕配甜得來又唔會好漏總括而言 下次會再來 不過價錢偏貴但絕對值得呢個價錢

跟男朋友去城大有事辦，順便來試梳乎厘班戟，意外發現他們其他餐點也很出色！禮拜六中午時分很多人，幸好我們等了大約半小時就能入坐。食物普遍大份，青口大且彈牙，白酒汁很-好-喝！濃酒香但不會過鹹，我是大口大口地喝，男友更用薯條蘸汁吃是我最喜歡的天使麵！吃落有點膩，醬汁濃郁，雜菌極多，很足料招牌梳乎厘班戟鬆軟，吃落像一陣風，我挺喜歡，反而男友比較喜歡厚實的班戟。不過不失。咖啡想不到那麼香濃！拉花也很漂亮，重點是很大杯最後食到撐著肚子走，滿足

經過過喱間野幾次，幾次都好多人排隊，心諗有冇咁吸引。今日見終於冇人排隊就去試下。落單既時候佢話個pancake要等20分鐘，但大概15分鐘倒就有，我覺得個pancake好好味，入口即融既感覺，好有空氣感，我好中意，如果可以加埋雪糕就完美！

一位樓面員工A小姐!! 態度非常惡劣 !!!本來過來食飯是開心的 結果一肚氣 不是第一次！!!!非常憤怒 對你們員工培訓非常失望 ！!!看見她 沒有心情繼續用餐 而不會再來！!

一直想試梳乎厘班戟已有一段時間，已食過一次這間餐廳，當日想再食已有好多人在等，我哋排隊排左好耐先入到去，一坐低，待應便遞上暖水給我哋我地order了原味班戟及Mocha。咖啡都拉花做到好靚，味道亦都可以。班戟方面，上次我點了它們限定的焦糖班戟感覺都好甜，但好食，今次食這款原味梳乎厘班戟，一點甜到漏的感覺都沒有，淡淡的蛋香味，加上軟淋淋的質感，令我想食完再食⋯完全沒有食完好‘’滯‘’的感覺，為左佢，絕對可以食完再食。

常與老公來又一城逛街，次次經過這間鋪頭都見到好長嘅人龍，一直都想試下，無奈人龍太長，而我又是個不喜排隊的人。最近逛商場的人少了，想說來碰碰運氣，確實發現隊伍短了許多，終於可以吃到期待已久的pancake。正好是午飯時間，便打算在這連午飯一起解決了。叫了蜆意粉，啲蜆好大個好新鮮，不過意粉味太鹹，綜合下來一般般。之後便是重頭戲嘅草莓藍莓pancake。不知道是不是期望越高所以失望越大，主打空氣感嘅pancake似乎空過頭，而且蛋味太出，唔似食緊pancake，老公說似炒蛋，倒也有七八分似。。。

由開店到而家都係大排長龍嘅J.S. foodie, 今日經過難得見到唔洗等位，就同朋友入咗嚟試吓啦由於本人真係好鍾意食黑松露味嘅任何嘢，所以就順理成章嗌咗個黑松露忌廉意粉食啦食物一送到已經聞到好濃嘅黑松露味啦😋，啲意粉一食落去都覺得軟硬適中，意粉粉量都唔吝嗇！滿分！之後我地都叫咗個蟹肉意粉🦀 入面有濃濃嘅蟹膏同埋蟹籽，啖啖都食到一絲絲嘅蟹肉，好幸福嘅感覺！不過可能先食黑松露忌廉意粉再食呢個，所以就覺得蟹肉意粉淡味咗少少。最後梗係唔少得專程嚟試嘅梳乎厘pancake啦🥞🥞士多啤梨藍莓香蕉班戟，士啤梨唔酸幾新鮮，而且仲好貼心咁切走咗粒”定”。不過藍莓同香蕉就比得好少！另外，3塊pancake都整得太熟，無咗一心諗住嚟試嘅空氣感... 有啲失望

今日天陰陰又涼涼地，所以食左個早餐就去左南丫島下個圈，出到黎九龍塘已經17:30，一到埗諗住即刻去排隊，原來已經轉左唔洗企定定排隊，可以取號碼票等叫號入座可能星期六的關係，我3個人由取票到入座都要等40分鐘先可以坐低，真係餓上加餓喇😫第一樣就係食左呢個酸忌廉黑松露薯條今次第一次食，新鮮炸起真係超級好食，三個餓鬼non-stop咁搶食，勁快食哂登～登～我最愛的黑松露意粉🍝，同行的小朋友要自己食一碟，話唔會同我share食，咁我唯有叫左兩碟😆😆😆好濃郁的菇味，食到舔舔脷煙肉蛋漢堡好貼心地問要唔要幫我切開一半，當然好啦......上次自己切到爛晒滿滿的餡料，絕對無揸流攤士多啤梨藍莓香蕉pancake必食推介好香蛋味，夠鬆軟，又唔會太空氣唔知食左D乜總結： 2大1小食左一份薯條，兩碟意粉，一個漢堡，一份pancake，爆滿足呀

這一間從知道會開業的時候就已經bookmark 了，這次趁著剛好在又一城看電影就來嚐一嚐了。當天是差不多下午1：15到達，前方已經有十多人排隊了。餐廳的用餐時間是有限時的，我們排了差不多40分鐘便能入座😊我們點了兩杯飲品，一碟意粉和重點要來嚐試的pancake.首先飲品來了。朋友點的是honey orange lemonade，而我則是virgin mojito lemonade.朋友的那一杯是橙味比較濃，而我那一杯則是滿滿青檸味，感覺普通沒甚麼特別🤔之後是和風清酒大蜆意粉。蜆的份量比想像中多，意粉是帶點生蒜的那種辣，意粉不會很乾，味道不錯😍最後我們點了期間限定的奇蹟之芒果班戟。這裡的pancake 不會吃完像吃了一陣風一樣，又不會有很飽肚的感覺，而且有很香的蛋味。但個人比較喜歡那個芒果雪葩😍 每一口都是濃濃的芒果味道😋整體來說是不錯，但是現在有很多類似的pancake 店，這一間對我來說其實沒有特別想要排這麼久也要再來一次的感覺。因為我們是開店不久就來了，之後離開時排隊的人也很多，所以如果不用排那麼久的話，還是會再來嘗嘗其他熱食和其他款式的pancake.

今日一早11點已經去到又一城，諗住咁早應該唔洗排隊就去食啦，之前已經食過幾次，食物真係好不錯的，但經過今日，我以後都唔會幫襯了。事源我同老公去到餐廳門口，見到部出等位飛嘅printer，就埋去攞飛啦，撳左張飛出黎，先望到入面其實好多位，就諗住問下兩位有無位。其實好多餐廳就算入面有位，都照放部機係度出飛仔，佢見到你企係門口就會叫你直接入去。所以我地都諗住行埋去問一問：請問兩位有無位呀？點知門口個短髮中性打扮女侍應，本來耷低頭撳緊部收銀機，聽到我問佢有無位，一抬高頭就一副不耐煩嘅面口，配一個假笑容，反問式咁問我：其實你係咪撳左飛嘅？撳左飛係度等就得架喇，有位就會嗌你架喇。哇，我當堂反應唔黎，做乜無啦啦比人挑機mode咁西我面？隔多兩秒，d怒氣先識升上黎，即刻比返張飛佢，同佢講：其實都唔洗咁寸嘅。轉身就走。我只係問一句有無位，係有禮貌地問，無啦啦比人爆我，食左都背脊骨落，之前覺得d野好食都會keep住幫襯，依家？不了！

🤩期間限定·蜜瓜班戟🍈—難得見到J.S. Foodies 唔洗排隊，入左去試蜜瓜班戟。蜜瓜班戟（💲159）班戟一上枱就非常吸引，三大個班戟，入口即溶，班戟上面有好多日本蜜瓜，非常鮮甜，加上自家製蜜瓜味忌廉和雪葩，蜜瓜雪葩係大熱天時食解熱十足。—