J.Co Donuts & Coffee

营业中

休息中

我平時係唔多食甜點的，好怕好甜，但今次同事外賣的冬甩可愛到唔食唔得細細一盒的Baby Donuts 已經有16種味道，好多選擇，岩晒唔太好甜的我同事揀Gogo van送貨，送貨的叔叔好好人，好清楚講明他的所在位置，車的資料，幾時要我們落去攞初初以為會是凍凍的，原來唔係，仲建議放入微波爐叮一陣，但因為急不及待要試食，一口放入口唔多甜，仲有綿綿的感覺，好特別

J.co donuts對我而言，有着經過就會情不自禁入去買返2件嘅魔力😍。.Cheese Cakelicious(左）$15外層鋪滿濃黑朱古力粉，甜度適中，不會膩口，內層填滿濃濃加入芝士打成的忌廉，一口咬下，爆cream 效果令幸褔感急劇提升😍😍😍😍😍，且忌廉微咸，中和甜度，對我而言，尼款食多幾個都好ok😍.Choco Caviar Chocolate(右）$15空心的donut食落雖然無實心dount層次感咁豐富，但勝在食時罪惡感無咁強烈，可以欺騙自己食一個吾怕既🤫。 尼款donut 味道平衝，甜面不膩，加上上層有朱古力脆脆增添咬口，令吃時的趣味感大增，推介🤩

星期六比較得閒出去旺角明逛完決定要去食下午茶咁岩用openrice search到附近有J. CO Donut and Coffee身為東甩控既我好有責任入去坐下呢道空間算大唔會太迫店員態度友善好helpful兩個人叫左三個donut share黎食有 Cheese Cakelicious, Jacky chunk同埋Glazzy另外叫多杯Jcocinno首先來吃一個原味既Glazzy最中意食原味既野黎試真個ProductGlazzy咬落口感煙韌都幾得意到Jacky chunk朱古力味濃面頭既d仁粒粒好香食落好過癮到Cheese Cakelicious入邊d芝士醬好幼滑甜得黎有點酸味雖然好大pat但一點都唔會膩而Jcocinno就冇咩特別都係一杯普通凍咖啡

J.co donuts對我而言，有着經過就會情不自禁入去買返2件嘅魔力😍。.Cheese Cakelicious(左）外層鋪滿濃黑朱古力粉，甜度適中，不會膩口，內層填滿濃濃加入芝士打成的忌廉，一口咬下，爆cream 效果令幸褔感急劇提升😍😍😍😍😍，且忌廉微咸，中和甜度，對我而言，尼款食多幾個都好ok😍.Choco Caviar Chocolate(右）空心的donut食落雖然無實心dount層次感咁豐富，但勝在食時罪惡感無咁強烈，可以欺騙自己食一個吾怕既🤫。 尼款donut 味道平衝，甜面不膩，加上上層有朱古力脆脆增添咬口，令吃時的趣味感大增，推介👍🏻

開係麵包秀隔離 大家諗下要買邊間啦(我一定係揀冬甩都唔食空氣包啦💩💩) .🍩朱古力脆脆&tiramisu 各$15🍩其實都少少大件啦 食兩個做下午茶一定飽😌忌廉非常夠 算綿滑 但唔夠輕盈 所以會膩🙊咖啡味就正常啦☕朱古力脆脆都係預期中嘅味道🍫Total 食過4隻味 最愛白朱古力杏仁💓你地有冇推薦啊 等我唔洗揀咁耐💃💃💃

食過返尋味指數：🌕🌕🌘🌑🌑成日想係旺角搵間cafe坐坐，做下野寫下野，但係好似選擇唔係特別多。平時行過見到哩間cafe好受歡迎，經常爆滿，今次見到伶伶仃仃有D位，所以嘗試入黎飲杯咖啡坐下。我覺得裝修都唔錯架，就算好多人，環境都好乾淨企理。不過，D咖啡真係有D貴，好似稍微貴過爸爸DD，心入面期望或者味道好好呢？叫左個鮮奶咖啡Latte同埋凍榛子咖啡Hazelnut Latte。味道，很正常很正常，可以用 冇奢求 黎形容。只能講，唔係好值哩個價。最最頂唔順嘅係，D位太密太逼，冇地方行或企，坐係度咁耐，平均每1分鐘被路人撞一次。吧台前面有四張凳根本係擺設或者阻道，因為根本冇人坐到，會被拎野或者買野嘅人完全包圍….下次行過如果真係好想飲咖啡又唔嫌貴，應該只會選擇外賣。

今日難得放日平日假期, 毒毒的我出左信和買game~買完行完見時間尚早, 無無聊聊之下就走左過對面J.Co Coffee & Donut 🍩, 坐下飲杯野消磨下時間。之前有幾次想黎, 但係假期迫滿哂人搵唔到位, 今日平日終於有個位坐下啦~一入店就會見到擺滿冬甩既雪櫃, 花多眼亂之下揀左個Milosaurus, 係美祿朱古力味既冬甩呀!外面應該好少有~表面鋪滿朱古力粉入面係滿滿既Cream, 佢唔係好滑個種cream而係好濃厚個種, 而且好甜所以食1個已經有d濟~另外仲叫左杯Iced Hazelnut Latte $43覺得味道淡左些少, 可能因為太多冰啦, 下次叫少冰試試先!tea time食下都可以~16蚊1個冬甩好ok, 反而個咖啡真係麻麻地, 43蚊完全不值另外由於本身佢d位都幾窄, 同隔離位又近, 唔可以舒舒服服咁坐下, 所以唔夠15鐘就走左lu, 絕對唔係一間消磨時間既coffee shop~

太遲先知！ 去到已經冇左買一送二優惠！唔緊要啦不過 16蚊個其實又真係唔係貴既入黎唔飲咖啡 叫一個坐下抖下都抵既叫左兩個味 一個係royal tea 一個係jacky chunky Royal tea既入面係奶茶味cream 幾滑好有奶茶香 茶味都好足 個味係好食既而另一個jacky chunky個外層花生冇因爲雪住而冇咬口都值得表揚👍🏾 兩個都味道唔錯但中意口感多層次啲就當然係jacky chunky再叫多左個mini dark chocolate croissant 12蚊 即焗 所以個croissant 係脆身既！朱古力唔會太苦太甜 加埋杏仁片係好食既！一杯latte同cappuccino 中杯37蚊奶味都好出好滑口 甚至有啲奶騷味如果中意啡味重啲既可能會唔啱飲唔知係咪落得一shot定真係本身隻奶好搶

喜愛吃冬甩的女孩👧🏻上次黎到已經賣晒我想食個款🍩今日又係咁👉🏻👈🏻排到我最後一舊比人買咗😭香港真係好少冬甩店俾我發現到近油麻地呢間不過兩次嚟到我想食個款都賣哂佢地個焦糖牛奶泡沫咖啡好好味☕️價值都係偏貴冬甩要16元一個

行到攰打算去坐下食下野，經過見到依間就入去，一入到去，見到好多人只買野飲，就開著個電腦做野/補習，想搵位係好難既事我地叫左個甜食和咸食我眼見甜食好多人買，但係其他我就唔討好，於是我只係買左一個甜食兩份食，一放入口甜到爆😂岀面個皮好似用全部糖做咁，入面仲要全部係cream，依個甜食最後2個人食都只係咬左2淡就唔掂，唔明點解咁多人買🤷🏻‍♀️🤷🏻‍♀️🤷🏻‍♀️個包尚算正常，只係包皮勁硬，價錢都偏貴，可以考慮食番m記

香港的冬甩專門店不多 這家是我認知中的唯一一家 而且開在公司附近 所以經常光顧 冬甩款式很多 除了正常size 還有mini版 冬甩主要分兩大類 一類是實心的 中間充滿cream 另一類是中間空心的 我只愛吃前者基本上所有口味都已經吃過 這次剛好有promotion 直至5月2號前每天頭200個客人只要讚好他們的facebook就可以享受買一送二的優惠 $16就有3個冬甩 實在太爽了 這次點了牛油果味 tiramisu和駌鴦 牛油果味是我最喜歡的 每次都會點

JCO旺角休閒好地方依家冇記錯應該係韓式過嚟嘅冬甩店叫咗個綠茶杏仁冬甩同黑朱古力牛角包首先講吓綠茶杏仁冬甩食落口其實感覺唔太好味綠茶味唔太覺、完全覺得冬甩好一半至於個黑朱古力牛角包我覺得算係唔錯嘅因為黑朱古力好濃嘅朱古力味杏仁比例都好多食落口如果再熱少少我會覺得更加好另外叫咗兩杯Cappuccino， 奶味唔太多咖啡麻麻但係我覺得環境係可以嘅， 如果要喺旺角區選擇一個Hea嘅地方佢係一個唔錯嘅選擇，如果撇除食物嘅話😂

J.CO 又做限時優惠於2019年4月25星至5月1日期間，購買一個冬甩，送兩個冬甩。換言之，$16可享三個冬甩。顧客只需要用於在社交平台Facebook 上讚好專頁，才可享用此優惠。由於只需平日的三分一價間就可買到美味的甜甜圈，所以星期六早上已吸引一大批客人排隊購買。當日選擇種類比平日少，而且有些味道沽清都未有即時補給。兩人共點了選個冬甩（冬甩價格合共$32）相當控吃。建議大家吃這款沒有中空款式的冬甩，因為內裡都是cream, 甜甜圈又鬆又軟，會一試上癮。

之前同事離職，佢買咗J.Co呢間冬甩店舖嘅產品俾我哋食，之前經過都見到呢間鋪頭嘅冬甩幾靚，但一直都冇機會試，咁啱同事買俾我哋做散水餅，啱晒！我揀咗個滿佈杏仁脆片喺面嘅冬甩，可能我食慣咗嗰啲較甜嘅冬甩，我就覺得呢款冬甩咬落去冇乜味道，而且佢個冬甩好似麵包嘅口感，同我想像之中好有出入，我個人來講就唔太鍾意呢間冬甩嘅味道。佢個樣係靚嘅，拎住佢嚟影相係唔錯，可以呃到唔少like，但係我覺得食物嘅質素先係最重要，所以試一次就夠，我唔會再食。

黑森林donuts麻麻地，黑森林cakes好食好多．這帶点酸味．oreo donuts上面好多oreo 粉，但不會好散．oreo味也吃到．chocolate碎糖donuts正常D既味係好味D．左中既donut內冇野既．表面一層糖霜味．幾好！左上既donut內有好厚既cream.感覺heavy D．但都ok.右上既tiramisu donut內有tiramisu 既cream.感覺太多cream.donuts不算太好味（如果你食過外國既donuts）但hk少有這種donuts店，所以在hk也不錯