Izumi Curry (已結業)

以前在葵芳返工，只覺新都會吃的又貴又悶；辭工後才發覺那邊的確很多連鎖店，但同時競爭也超大，汰弱留強之下餘下的食店質素會比其他店好。今天寫的很多之前都寫的過，Izumi Curry 也不例外，但隔了幾個月重訪，真發覺它比屯門店好吃好多了！一個簡單的全素茄子芝士咖哩飯，都弄得滋味不寡，新出的甜咖哩也可口。唯一要彈是想要多飯，竟要收取$15的額加費，有點開天殺價啊!!! 還好當日有同事慷慨分享她的米飯 (我真是大食的甜魔媽媽啊!!)，再加上橙汁及沙律，也是滿足的一頓。帶同囝囝來吃的話，就一定選點芝士奄列飯，蛋香嫩滑，份量比屯門店大多了，加上濃郁半融芝士，他非常愛吃。所以說，葵芳人別自怨自艾，老是覺得沒東西好吃了! (這可也是寫給將來返工的自己的忠告??)

星期日下午，度度也要排隊，但這間日本咖喱竟然不用等，見裝修靚環境舒適，一於入去試試。假日都有lunch set, 價錢不貴，有飮品有沙律。叫了一個吉列豬扒奄列咖喱飯，加$10加了芝士，一上枱就覺得好靚。豬扒十分讚，外脆內軟又有汁，奄列厚身又ok滑，芝士反而可有可無。朋友叫了蒜香雞咖喱，咖喱汁香甜又夠辣，但雞件平凡，而且有雪味，下次可以叫其他。每人都係$90不到，但服務態度好，坐得又舒服，下次一定再黎！

已經係商場開咗一排～今次去試下佢個咖啡飯～叫咗奄列牛肉咖喱飯奄列整得幾香滑～但牛肉粒就比較少～不過味道都ok~重有叫咗芝士漢堡咖喱飯～賣相好吸引～漢堡好厚好大件～上面重有大量芝士～～對女仔黎講，應該份量太多～食唔晒～不過漢堡其實肉質比較鞋，牛肉味不濃～主要都係因為比較特別而揀佢～兩個飯既咖喱汁味道其實一般～汁比較多，令到飯粒淋咗～所以我一開始就砵開咗部分咖喱汁先～價錢同質素可以接受～食完個漢堡飯都幾滿足～

星期日去開新都會廣場，想揾啲價錢實惠既dinner食，見到有日式咖哩便入去食(因honey唔食得辣，日式咖哩偏甜可以接受), order食物如下：芝士牛脷咖哩飯 - 可選擇辣既程度，honey唔食得辣所以我幫佢order bb辣，咖哩汁較淺色及有點甜味，應加入了水果及紅蘿蔔等餚製。牛脷都算厚砌及入味，芝士至在夠多夠厚，但一涼了便冇哂芝士味道。套餐既湯可揀洋葱湯及麵豉湯，我地選擇了洋葱湯，好清好好飲而且清淡得來有洋葱味~芝士漢堡咖哩飯 - 賣相好靚，其實兩碟咖哩飯同menu圖9成一樣，我呢碟係正常辣，所以咖哩汁同honey果碟bb辣係唔同色，舊漢堡好好味，咬落去夠juicy啖啖肉真係食得好過癮,套餐可揀沙律或湯，沙律是日式芝麻醬沙律，有好多蔬菜及芝麻醬好香又唔膩，整體沙律夠爽口及可平衝番肉咖哩的油膩。套餐有包飲品如汽水全是罐裝而且有zero coke~~

平時都好鐘意食辣野，基本上任何類型辣既都鐘意！咖哩方面，自己比較偏向喜歡印度和巴基斯坦個類既咖喱。今晚OT完就去試咗〜日式咖哩店「Izumi Curry」！裝潢以木為主，日式格調。環境舒適，座位寬闊。推介有新口味「甜咖哩」，但我都係叫咗--原味不太甜的咖哩「奄列炸豬扒咖喱」套餐〜  日式咖哩本身有水果成分所以偏甜。Izumi這款咖哩有別於一般，咖哩汁比較深色和杰身，入口略甜，感覺有微微辛辣多些。  跟餐有「芝麻沙律」，芝麻汁比較少，椰菜絲實在太多了！感覺似刺身伴碟個D菜。沙律我都係覺得應該要用返一塊塊沙律菜，無論視覺、口感上會比較好。  「豬扒」都幾厚，外層十分脆，不油膩！脆漿做得很好！讚！（我唸其他炸物應該不錯！）雖厚但肉質都算嫩滑，有些少脂肪（相中豬扒最下部份）又不會太乾！「奄列」一般！過熟了！不夠滑，蛋味可以。用既珍珠米很不錯〜豐腴飽滿、米飯軟黏適中！每粒都好有口感！like! 跟餐橙汁好飲！ Menu除咗有幾款晚市精選推介外，還有小食、沙律、咖哩烏冬....等。總括都可以，有機會下次會試下「咖哩炸蝦海鮮飯」！

咖哩專間店只食過白熊,白熊的水準比較參差,今次試呢間,都幾好食叫左雞肉,雞肉表皮脆,肉質亦嫩滑,飯有點兒少,我女仔都覺少,咖哩汁好食,不過唔辣,冇左想食咖哩的原因其實我唔係好識比較,不過朋友中意白熊多啲

已經唔係第一次食izumi, 去過銅鑼灣，沙田，葵芳。啲質素愈來愈麻麻。雖然係咖哩專門店姐，唔代表啲配料可以咁差，塊吉列豬扒肥到無得再肥，啲吉列皮可以同肉分開既……個鷄球又有壓壓地既鷄味…… 總之就唔好食。唔係咪因為下午茶先會咁呢……

每次行街經過葵芳 我(可妮)都會嘈住布朗話要食Curry上星期六 我同布朗終於嘗試到期待已既的Izumi Curry啦晚飯時段既Izumi Curry都唔算多人我同布朗 果時已經餓想發脾氣但唔知點解係都要走過黎食咖哩明明門口已經寫住咖哩係新鮮即整 至少要等15-20分鐘架啦肚餓既朋友 如果等唔到 食茶記比較合適Izumi Curry環境都唔錯裝修以木為主 望落幾舒服唔講咁多 有圖有真相!打開餐牌 望到價錢 對於食慣平野既布朗同可妮黎講...都唔算太親切呵呵 不過今餐有布朗請(ok我係港女)於是我叫左個奄列牛肉咖喱飯而布朗就叫左芝士漢堡扒咖哩飯等左10分鐘左右 2碟飯就到啦 比鋪頭話既15-20分鐘快。奄列牛肉咖喱飯d牛牛 幾新鮮 牛牛切成一口就食到既size女仔可以食得好方便同斯文雖然可妮我以前好食得辣 雖然呢個係日式咖哩 但至從戒左辣之後...我覺得...個咖哩...幾辣搞到我飲左好多水至於布朗個左芝士漢堡扒咖哩飯呢個咖哩汁係同我一樣既!最正就係個芝士漢堡扒 絕對係足3兩 勁實正 啖啖肉如果你係肉食喜好者 叫呢個無得輸!2碟飯份量都非常充足 食完飯既可妮同布朗基本上失去活動能力

一向都喜歡日式咖哩飯，見到葵芳開左新野，當然要試試！其實食過好多間同類既店，都覺得咖喱飯好難整得唔好，偏偏呢間就真係麻麻！食左推介既安格斯牛扒咖喱，塊牛扒un 到冇朋友，明顯不是靚牛亦煮得太熟！同埋佢既辣味係用辣椒油加上去，冇溶入到咖喱度，食落唔夾味！牛舌咖喱飯：牛舌亦是太熟：（芝士漢堡扒咖喱飯：太heavy, 食一半已吃不下了！

係葵芳行過見到有間食日本咖哩飯既餐廳,有人推介話唔錯, 所以就決定入去食就咁係門口望入去, 裝修唔錯, 睇落去係幾舒服,燈光有d暗, 但就幾有氣氛, 不過餐廳位於新都會商場門口,人流比較多, 所以如果坐係近門口位置就會比較嘈d,不過總括黎講就唔錯!一入去到, 好快就有人帶位, 可能時間只係7點左右,唔算有好多客, 所以侍應都企哂係度等, 基本上一舉手, 或者望一望佢地, 就會有人埋黎打開Menu, 當然係睇咖哩飯啦本Menu好大本, 每頁都有一d推介, 上面既係有圖片, 而下頁既選擇就無圖可以睇, 所以我地都係睇圖選餐我地2個人食, 揀左奄列牛肉咖哩飯同自家製漢堡扒咖哩飯, 再加一個特選吉列豬扒,之後等左唔使10分鐘, 就出哂3樣野!呢個奄列牛肉咖哩飯上面隻奄列炒得幾滑, 不過美中不足既就係有蛋殼而牛肉就整到淋, 好香, 咖哩汁好夠, 唔會食到無, 總括黎講就唔錯呢個自家製漢堡扒咖哩飯上面塊漢堡扒好大塊, 但食落就唔算太實, 不過都要花少少力去分成細細塊咁食, 而d珍珠米只係出淋左咖哩汁,唔會搞到好似浸住哂d飯咁難食, 而咖哩汁就唔似其他好甜咁樣, 又唔算太杰不過呢個咖哩汁我就食到最後

點了個漢堡扒咖哩飯加蛋，等了二十分鐘，再三追問下方才到來，弄了這麼久，咖哩磚還有部份是固體狀，欠缺誠意不在話下，連開成汁狀也未如理想，豈能索價六十元；自稱漢堡扒，同事亦稱上次「底部脆脆的，好美味」，一咬下，底部軟淋淋，就像中式上海菜那獅子頭，一團肉淋上濃汁，那我倒不如吃上海婆婆。咖哩汁，同事稱上次較甜，這次吃下辣得多，雖然我也接受得來，但一次甜辣，一次偏辣這樣的不穩定質素，那就令人較難滿意吧。飯，值得一提的是，連飯也可以弄得像壽司般一團團，就像一團一團混有咖哩汁的飯團般送到口中，豈有此理。前菜沙律菜，加了極多沙律汁，酸極。再一次加深我對咖哩飯的反感。講真，下次倒不如在我工作的地方吃咖哩更見美味、划算。

本身係葵芳返工，自從Izumi Curry開左係新都會地下之後，店舖門口日日都有數以幾十人擠滿係條通道，個環境又唔錯，全木裝修，真係好想試下今日終於都孖住友人一齊試，一打開餐牌，其實價錢都略貴，大約價CoCo Ichibanya2﹣30﹪左右，菜式都差不多。友人點左一個咖哩豬扒飯，而我就點了一個芝士重型漢堡扒咖喱。芝士重型漢堡扒咖喱一見到都“嘩”左一聲，好巨型，個漢堡扒基本上已經係一個飯份量，有好濃厚芝士味，漢堡扒大又JUICY，咖哩係好傳統日式咖喱，味道還可以，不算太突出。Izumi Curry都係以環境取勝，不算太嘈吵，收工同朋友食下飯，傾下計都係一個唔錯既選擇

自從希慎廣場開幕以來，在下閒逛只有好幾次，而且得悉有間日式咖哩飯店在該廣場開幕，可是在下一直無緣與它會面，直到五日前到沙田的 Food Court 才真真正正吃過一個咖哩飯，可是那時吃後的感覺卻是一般般，一來感覺上份量是較少，二來又不見得特別平，所以有點不自在感覺。直到今天，可以來到 Izumi Curry 的葵芳分店，是在下有點期望的分店。由在下知道它裝修到開幕，到登錄網站，都有著一絲期望，希望這分店做出的咖哩比之前在沙田為好，終於今天可以如願一嚐吧。從店內東張西望，餐枱與餐椅都是木製的，燈飾也較東洋化，牆上的照片隨處可見。而在下所坐的位置，卻是入口處的另一邊，眼看木製餐桌，較其他的卻較為闊落，可以把在下的板腦，餐牌及食具等放在桌上，也未見絲毫狹窄，還有尚餘空間，擺放一陣子來到的食物，擺放這麼多東西，簡直是綽綽有餘。餐牌也經過特別設計，與木製餐桌混成一體，從照片看來，若非有文字在餐牌上面，卻很難發覺它的存在。打開餐牌，咖哩飯由六十五個大洋至一百一十個大洋不等，而且可以加銀兩變成有飲品或沙律，甚至兩者兼備，倘若加十五個洋就只有飲品或沙律，加廿八個大洋，就可兩者都有，而原價都要廿個大洋。

前天寫的白熊咖哩實在是非常的麻麻，相比之下我公司附近的Izumi Curry雖然未算驚喜，但也贏前者十條街! 　其實葵芳新店早在6月尾已開張，只是我一次過將多次食評收集起來一起出；說起來，餐廳亦由初時的超級多人，排半小時是常事（因為不設訂位），變到比較正常，平時午市兩個人的話十來分鐘就有位。還記得在初時等位之際，望住展櫃內很像真的模型，真的非常難耐呢!店內環境以木色為主，以及原木為主題，對於孕媽媽來講座位會硬了些少，不過午餐時間也不會逗留太久，所以也沒問題的。午餐價位由$49-79（需加一），會包一杯蘋果汁／橙汁／（無糖）可樂／雪碧／檸檬茶（雀檸）／烏龍茶，選擇算是多而且吸引。首訪時揀了果汁，原來超級大杯，平日少飲果汁的我，很辛苦先才完成一半... 所以之後有數次都點雀檸拎走算了。講多句，其實平時個人鍾愛蘋果汁多於橙汁（每朝都吃鮮橙的我，總覺得橙汁比起鮮橙相差太遠了!）， 但襯咖哩的話的確選帶酸味的橙汁會匹配很多。所以如果要果汁二揀一會推橙汁些。　店內聲稱所有食物是即點叫製，而在落單後會送上每人一份迷你沙律邊等邊食；其實這樣也真不錯，始終吃份沙律先打底，是個非健康的習慣呢!多次到訪關係

試新野此店原為euro gogo分店現Euro gogo 已搬去UA戲院旁去到好多人等 等左廿分鐘左右先入得午餐時間個個打工仔食完坐係度傾好耐計一杯橙汁可以飲半個鐘 威我地兩個人係門口已經諗定食咩餐牌價格較貴 起碼80蚊 好在午市有套餐 平d仲包沙律同飲品我地叫左兩個餐介紹頭盤同飲品有沙律 杯橙汁係鮮榨好好味 好多果肉奄列煎得好靚 好味 但蕃茄少左點雞肉份量夠味道都好好好香 推介