Italian Tomato Café Jr (已結業)

要正式收拾放假的心情回歸工作了, 雖然初四已經開工, 但這兩天都係holiday mood, 完全不在狀態, 但今日就不同了. 一星期中的第一個工作天, 為左補充能量 (因為唔夠瞓), 所以就試下這間開業不久的意大利蕃茄餐廳了. 平時多幫襯隔離的牛肉飯專門店的早餐, 今日攪攪新意思. 一入門口, 時間尚早的關係, 我唸我是今日第一位客人了.望一望餐牌, 真係唔平, 平均的早餐都要三十大元左右, 不過既然入左黎, 就試下啦, 如是者就order了火腿磨菇炒蛋多士, 同埋飲杯熱咖啡頂一頂眼瞓先. 為何得半塊多士既, 一塊都得掛...雖然係早餐, 但都可以食得飽D嘛. 炒蛋正常, 沒有特別滑, 同埋火腿, 磨菇跟炒蛋好似唔太識咁, 沒有太融合的感覺. 仲有不是磨菇, 是兩條秀珍菇, 真係得兩條!!! 雖然金鐘灣仔一帶係黃金地段, 定價貴是正常, 但份量可否足番少少呢.最失敗還是杯咖啡, 無辣口的感覺, 熱咖啡唔熱邊好飲嫁. 仲有咖啡帶酸味, 唔知是不是咖啡豆煮過熟呢, 定係佢地係用咖啡粉呢沒有香香的咖啡味, 我已經倒了很少奶, 所以不會是奶味蓋過咖啡味. 突然間後悔為何不去