I-thai (已結業)

景樂集團旗下的泰國菜.集團式經營.樓面肯定是本地人.服務不俗,加水也快.但廚房就請了不少泰國人.其實呢間店也有賣部份越南食物.店內環境不大.位與位距離窄,有些人訂15人枱,只有4張細枱.佈置只有少量泰國色彩,有泰國扇,泰皇相作佈置.環境設計亦難與泰國人開的店相比椰青32元:大大個,開的技巧不俗,椰肉同蓋完全分離.不過內裏椰肉很難刮起.椰水夠凍.解暑一流,在泰國菜食店選飲品主要原因,也是解辣黃咖哩雞62元:完全欠決辣味.汁的色淡,味道只是椰汁味較重,全個菜雞肉5件也沒有.只是水果.菜.薯仔多.應該要改名.叫黃咖哩什菜煲.芭蕉葉烏頭魚78:味道香濃.有點脆.香料的味道完全融入魚肉.魚肉亦滑.亦保持魚汁.今次的醬亦辣度十足,好惹味.仲有一個湯.埋單256元.去到最後.末吃完就開始收碟,有點趕客行為.呢點同黃咖哩雞有點扣分.

下午茶時間~叫了二個餐!香葉肉碎炒飯~入口是溫和易入口的,於是我問侍應這道菜是熱食或凍食,她回答是熱食!於是拿走了我碟飯幫我熱佢!隔離台客又跟住同佢講我碟菠蘿炒飯都係凍的!~數鐘後,送來的炒飯是入口稍為暖一點的,不知廚司用了什麼方法來煮,最後還是同侍應講幫我退了碟飯!於是她答應了!$38 吃一碟不熱及不是即炒的飯,我覺得價錢不合理.札肉湯河~沒有什麼特別!青檸梳打只有一小片青檸,但味道都ok!

家住青衣的我, 對青衣城的食肆早就瞭如指掌, 很少有驚喜可言. 能夠在這裡屹立超過2年的快餐店以外的食店, 實在不多, I THAI便是其中一間.泰趆菜在青衣也不多, 而價錢相宜, 食物口味大眾化也是該店的生存之道. 今次因去完粉嶺郊遊, 回程拖着疲乏身軀, 又不想等位. 以週日來說, 商塲應無一食肆不用大排長龍, I THAI 是少數沒太多人等位的一間, 便二話不說選擇了這裡. 由於太肚餓, 我們就點了一個飯, 一個炒粉和一碟小食, 這樣應夠填飽兩隻餓鬼吧 原隻菠蘿炒飯 - 天氣很炎熱, 對一些酸辣的食物特別偏愛. 這個炒飯份量一點也不少, 菠蘿粒很juicy, 加上提子粒, 火腿, 炸腰果和肉鬆, 口感非常豐富., 而且十分開胃. 唯一可以改善是飯偏濕, 若再乾身一點會更好. 泰式炒金邊粉 - 保持一貫水準, 跟一般泰國菜館的差不多, 金邊粉配爽口芽菜, 大蔥, 蝦, 肉鬆, 蛋絲和辣椒粉, 混合一起吃, 口感非常豐富, 我喜歡再加一些泰式酸魚露, 提升味道層次, 酸酸辣辣的, 非常惹味.炸蝦餅 - 一碟五件, 很抵食. 蝦餅很彈牙很有份量, 又不會很油膩, 吃一件己非常滿足, 極

今日同媽媽食lunch,大約12點幾，門口攞位時見到個著裇衫西褲男人好粗魯咁叫我媽等等。隔左一陣就入去坐，當時餐廳唔係好多人，坐左好耐都係無杯水飲下，心唸佢擺兩隻杯落黎係咪裝飾用。其實都無乜野，叫左個豬頸肉湯河粉、蠔仔肉碎泡飯、牛油雞翼同2杯青檸梳打，野食都唔差，杯青檸梳打就酸得滯。跟住環觀周圍既員工，只得一個人著裇衫西褲，心想佢應該係經理，然後我便向他叫埋單，佢點頭回應。然後久等都未有人黎，我媽再向經理叫埋單，經理佢就拎張單過黎話多謝127蚊 。我媽拎左1張100蚊1張20蚊同埋8蚊散錢比佢，然後收到勁無禮貌勁大聲講收你128蚊。我真係好嬲，而家係咪一定要比貼士d咁既服務態度，你唔係收左加一服務費咩，做經理做到超級無禮貌，唔識尊重人，食到一肚火。我而家入黎食飯，唔係入黎受氣，我媽媽係咁話息事寧人，我真係好想叫佢找返1蚊比我。嬲到令我要寫我第一次既食評。

見下午茶餐多數係$30左右, 有一碗湯河加飲品, 都幾經濟, 入去試下點了肥牛湯河, 熱柑桔檸檬; 河粉爽滑, 薄身又通透; 湯底味道適中, 唔太咸, 唔太淡, 又冇乜味精味, 同埋都幾清澈; 肥牛薄薄地有5-6塊, 牛肉紋理清晰, 肉質好腍熱柑桔檸檬略酸, 但柑桔味不足, 不過仍可接受

After having a great lunch here about a year ago, we decided to bring the rest of our family along for our second visit. We arrived in the early afternoon, to find the restaurant mostly empty so we were able to get a large table for our group of 4- we loved the decor and the table was quite spacious and comfortable. We ordered the lunch special for two people (~$170 HKD from memory) and added some extras from the lunch menu, which we thought was quite reasonable for a restaurant like this. We up

10月12, 星期三~女友有些疲倦, 不多作選擇, 在青衣城這裡, 這一間泰屋i-Thai看來不錯~我們7點4坐下, 人不多. 雖然很多人都叫明爐魚, 但我倆不覺得吸引.見有珍寶套餐不錯, 半隻雞+炒飯=158, 跟手可以享用一個"秋嚐泰風味"半價quote, 便叫了它, 加一個豬肉生菜包.海南雞 - 好味! 雞肉滑而不會太肥~蟹肉炒飯 - 幾好, 唔會乾唔會油, 不過份量不多~豬肉生菜包 - 好味! d生菜真係好新鮮, 而d肉碎調得好正, 可以用來送飯; 雖然話係辣肉碎, 但我呢個怕辣都食到, 非常okay~咖啡沙冰 - 幾特別, 好處係唔太甜~惟一不理想是二人坐的話, 台面會堆滿東西, 不太方便, 是桌椅設計得太窄, 還是店子想做多兩單生意攪到密麻麻~?下次要試黃咖哩麵包雞 -- 因為個樣好似好得意~

I arrived at 5pm and got an afternoon set of "rice vermicelli in tom yum goong" for my late lunch. This is a modern style thai restaurant. However, it serves most of the traditional and common thai food, such as pad thai, deep fried shrimp cakes, and tom yaum goong noodle. Since I was so hungry, I got a bowl of rice vermicelli in tom yum goong base and iced lime soda as the beverage. The lime soda was icy cold and great on a hot summer day. The noodle is quite simple, light, and fresh. It h

講開呢間餐廳,早排都嘗試過，食物都ok，今次留意到佢地嘅黑板，有新promotion，同埋有個半價優惠，就入去試吓，啲員工就將個黑板放係枱面，介紹佢口地嘅孖寶,話鹽焗魚好新鮮，無咩幼骨，同埋好底食，而且話食滿$140可以揀一款食物半價，考慮咗一陣，就聽佢講，試咗條鹽焗魚配蠔餅，再用半價試埋個麵包雞，等咗一陣，條魚到，個經理幫我哋開魚，開完重提醒我地條魚好新鮮，重keep住水份，加啲青檸汁就好鮮甜，聽佢話，試吓，係幾好味，跟住蠔餅到，嘩！出哂煙，好香，味道都唔錯，而麵包雞最得意，成隻雞形器皿上面包住麵包，賣相一流，又係個經理幫我地介開塊麵包，味道唔算太辣，不過汁少咗啲，多番啲就正，整體唔錯，埋單二百多啲，好底食，聽講個半價優惠，食滿$140可選一款半價菜式，$280可選兩款，如此類推，下次會call埋啲friend一齊去

係前一日打電話去BOOK位 個接待係完全唔想幫手 話你黎到就有得入 好彩我死都要佢地留位先唔洗等之後我放低個蛋糕俾個經理 叫佢放入雪櫃 之後佢都話OK之後女友點左個椰汁雞湯 咩菠蘿汁軟殼蟹 加個咩蝦焗粉絲先講個湯 唯一一樣入得口 都OK GE之後個軟殼蟹完全係垃圾 D蟹係有苦味但冇蟹味 如果唔係佢個菠蘿汁有D甜味就真係食唔落口之後果個粉絲就唔想多講 冇咩特別 只係唔好食到最後埋單想拎番個蛋糕個蛋糕盒上面係有成大條魚尾囉!!! 個盒仲好濕好多水係上面之後番到屋企(車程只用了10分鐘) 一打開個盒 個蛋糕係溶X哂囉 好地地一個生日蛋糕俾佢搞到你放唔到入雪櫃同我講啦 我去隔離別"X"食啦 又唔好食 又服務差 唉 失敗中GE失敗

我系中午o既 時候去o既，去到門口reception果到等攞飛啦點知要我等成個幾字先有人行出黎寫張飛俾我，連門口招待都冇人，有冇搞錯?入到安排左我坐系近門口果張枱，之後諗住叫野食啦點知啲waiter/waitress 好似 "lay" 埋晒咁，揮手都冇人埋黎佢地淨系集中晒系間餐廳o既入面，咁我地呢啲坐出面o既客人唔洗理?結果我又要等左成個幾字先至叫到野食，真系好離譜!叫左野食之後，好彩佢上菜都算ok快啲野食既味道亦尚可果個中午套餐o既 肥牛湯河都唔錯o既，個湯都好清下但系好大機會唔會再去幫襯，啲服務真系好差!

6點去到..... 唔洗等......不過都坐滿左差唔多一半。 我同BF去, 左右枱都係人...... 感覺不太好。好似搭枱咁。我o地睇完menu都冇咩特別想食。本身o係門口見到佢有D餐, menu 係冇,要問佢先比你睇。我o地叫左個$158,有兩樣野. 1)半隻海南雞 2)蟹肉炒飯。我o地仲叫了個蝦餅同串燒。先上半隻海南雞,冇飯好似怪怪o地~ 因全部都係肉。不過半隻都算大隻。之後上串燒, 四十幾蚊有6串.....都算大串。不過d 醬汁比得唔係好夠。要上碟飯。我覺得好乾,而且冇咩蟹肉.....所以冇蟹肉味。蝦餅都ok..... 一碟有6塊.都大塊ga~ 所以好飽。埋單差唔多300蚊。

對景樂集團的印象是比上不足，比下有餘，而個別有些餐廳更是做得不錯。今日有機會試這集團旗下的泰國餐廳，心裡亦暗存僥倖，希望結局會是美滿的。廢話小說，直接談談食物更為實際。海南雞，賣相並不美觀，甩皮甩骨的，印象分已經輸晒。的確，雞肉是粗嚡，缺乏鮮味，醬油只兩款，分別是薑蓉和辣汁，都不是我的心水。燴牛尾睇落似樣得多，兩大件牛尾瘦中帶點肥。吃一口，牛尾雖尚算鬆軟，卻並不入味，頂多只能稱之為中等水準。配角的薯仔，不爽也不粉，硬轟轟的，自然都唔會入味，我試一舊便收手。之後有黃咖喱龍脷柳，咖喱汁杰杰厚厚的，感覺並不新鮮。事實上，於這類雪魚而言，醬汁便成了靈魂，而呢度既咖喱汁並不辣，卻調校得太咸，令整碟魚都不好吃。蟹肉炒飯是最離譜的，飯完全沒炒過咁，濕濕的一舊一舊，要用顯微鏡才能找到蟹肉的蹤影，是師傅完全沒有心機所做的出品。越南滴漏咖啡，先勿論是否正宗，起碼基本程序做足俾你睇，喝起來不酸不澀，以這一餐的水準來說，是比較好的了。麻麻地的一餐泰國菜，朋友吃完也釀著要再食甜品。

食物不錯，不過全部都係油。地方不大，但叫埋單斟水都要叫幾次等勁耐！除左帶位姐姐ok，其他人做野hea爆，經理凶惡，講野好像講數。雖然環境尚算可以，但來過幾次都是類似問題，以後可免則免．．．

南瓜咖哩一啲南瓜味都冇only好多菠蘿！春卷食咗一條就飽,成條都喺油！至於服務就...除咗門口果個帶位之外全部都好hea，間舖一d都唔大,但埋單要叫好耐至有人應！but 環境所有嘢感覺都好乾淨。