I-thai (已結業)

一家人食了這間餐廳, 都可以叫做好食既雖然唔洗等位, 坐了近外圍地方, 又唔比我地坐入面...唉!叫了以下食物:1. 軟殼蟹芒果米紙卷(fresh之讚, 餐前食, 幾好食!!!)2. 泰式炭燒沙爹(肥肉多過瘦肉,有d唔係好抵,燒得唔係好夠燶呢)3. 辣肉生菜包(都幾辣喎~不過包住d生菜食又幾好食就真既)4. 青木瓜沙津(酸歿地好開胃, 仲有d nuts係面, 幾有咬口呀~)5. 一炒飯一意粉 (好普通,所以都唔記得左叫咩名)叫佢地加水, 就慢吞吞, 叫佢地拎野, 又係慢吞吞, 一副傲慢的咀臉!!!只此一次而已!!!

以前覺得這個集團的泰菜是不錯的，但是日吃個午餐就覺得有點差了。海南雞飯︰雞肉頗厚，雞皮蠻肥的，可惜雞肉不太有味道。而雞油飯也只是虛有其色，吃不到應有的油香。湯更不用說了，淡如水。唯一覺得不錯的是沙拉，有點點辣辣的，算是找到一點泰式的味道吧。男友吃的是牛尾飯，我對此是完全沒有興趣，但都勉強吃了一口，很濃的牛味。其實這個菜是很肥的，因為我看到很多肥膏呀。餐飲都點了青檸梳打，正常味道，冰涼可口，但餐廳的冷氣本來就很大嘛。帶位的服務生態度十分差，明明是我們先到卻先為另外兩人安排座位。當我們坐下來時，發現餐廳有很多吉位，那為什麼要讓我們白等十分鐘？

波蘿炒飯：好有特色、原隻波蘿裝住、但就唔多方便巴東牛肉：味道好好、送飯一流炸蝦餅：好大件、抵食有citibank信用卡飲品買一送一好抵叫左summer drink 叫熱帶乳林既果名好怪...但就好好飲可惜服務就太差有個叫Pong的Waiter態度十分囂張...好似唔想應你咁一埋黎語氣好差...今人幾失望唔會再去終於我係去食飯唔係去受你氣咁既服務態度點得架咁既員工都唔畀人炒、間公司都有D問題

lunch set around $40叫o左炒金邊粉...撈埋d辣粉食.辣辣地~好yummy呀..連埋set ge小食米紙卷同甜品就普通啦...天氣熱..冇咩胃口所以想食下辣o野刺激味蕾所以另外叫多o左個冬蔭公~好味道另外一提,呢度環境幾舒服呢~

今天晚上突然給朋友找了出去食飯，無得睇埋中國男籃對德國隊．算吧，在新城市食飯，等位是理所當然，等了約半小時有位．三人行，最後點了以下菜色：香辣燒魷魚鬚 - 味道不錯越南蔗蝦跟檬粉 - 蔗蝦幾好食馬拉盞通菜 - 好一般紅咖哩南瓜海鮮紅糙米 - 多料同幾有特色紅咖哩牛肉 - 亦好一般總結下次可去，我個人比既分數7.5/10．

昨晚在開會前與波士及拍檔去沙田市中心I-thai食晚飯。六時許我們便去到餐廳，當時有很多空置的餐枱，但每張枱上都放上留座牌，相信是不想客人揀枱坐，方便管理。故我們是無得選擇，任由待應帶位坐，坐下後便叫了四個菜：1.牛油果蟹肉米紙卷($58)-----是凍食的，幾清爽。2.肉片燴脆麵($58)-----稍嫌太濕，麵醬帶有酸味。3.炭燒豬頸肉($45)-----有蘋果醬伴豬頸肉食，的確夠貼切創意，好味！4.紅咖喱汁南瓜海鮮紅糙米炒飯($75)-----未夠健康，因多油及多鮮魷，但都好食。此餐廳整體都幾好，但有個別員工的服務態度極劣。相信作為集團的管理，員工之服務態度應要注重些。

豬頸肉 $48 勁抵食, 賣相靚... 好大碟, 食極都仲有 , 我諗4人食就 好 D! 蟹粉炒粉絲 $68 , 都 OK , 不過貴左少少 生牛肉河粉 $40 咋, 好少食到 D 河粉有牛肉味 ~ 好好味 ! 必食 CITIBANK 有 SET 做八折侍應十個有九個要叫先肯自動倒水, 我估計其實佢地係刻意想客人叫飲品 !

星期六下午，午餐時間，沙田食肆很多都爆滿，本想吃pokka的，但看見要等十多張檯，還是放棄。結果還是再來i-thai，貪其食客不多，環境很好，試試它的lunch set。三個人，點了紅咖哩豬頸肉飯、海南雞飯和青木瓜豬扒沙津配飯。紅咖哩豬頸肉飯 - 豬頸肉切得太幼，沒有口感，紅咖哩味道okay，很香海南雞飯 - 當然不能算是專業，油飯不夠香，醬料不夠惹味，幸而雞夠滑青木瓜豬扒沙津配飯 - 用料新鮮，不過味道頗辣。因為很久不見，而且環境舒適，跟友人坐了三小時，服務很好，完全沒趕客...抵食~

平日不經常食泰菜，嫌其過于油辣又熱氣纏身，不過偶爾一試換換口味都不錯。烤雞翼青木瓜沙律，朋友覺得稍辣，對我來說就是中辣。取材（尤其是番茄）十分新鮮，青木瓜酸甜清口，中和了部分烤雞翼的辛辣油膩。茄子炒豬頸肉，炒得十分香口，入了豬頸肉的肉香，缺點是有點油膩。四季豆炒雞柳，四季豆煸得香脆惹味，不過雞柳就麻麻，肉質普通。菠蘿雞粒炒飯，頗勾得起食欲，很入菠蘿的清甜與雞粒的肉香，又不會很油，抵讚。又要多謝朋友的邀請，是次彼此都格外親切，正所謂『海內存知己，天涯若比鄰』嘛

6月26日突如其來既晚餐~哈哈, 收到朋友仔既一個電話, 今晚決定出嚟食個飯, 選址沙田, 本來見到Pokka好吸引想試, 但要等位...所以揀番食thai, 叫左欖角四季豆炒雞柳 - 豆好爽脆, 雞柳無咩雞味...但配有欖角, 幾香香辣海鮮炒媽媽面 - 夠辣, 但偏濕同淋...差左d...海鮮分別有大蝦同青口各兩隻, 好明顯係急凍...越式砵酒燴羊膝 - 有羊so味夠淋, 又有南瓜蓉伴菜, 可惜酒香唔夠...差d埋單HK$211, 食物同service大致上都OK既, 不過不失

星期五同男朋友放工去食DINNER, 想食泰國菜, 見呢間門面又幾靚, 又無咩人等位, 又未試過, 所以咪去try try lor, 點知超級disappointed. 開頭先到個餐牌都ok ga, d野食都幾靚咁, 我o地叫o左個軟殼蟹春卷, 青咖哩海鮮炒麵, 炒雜菌, 同埋煎蠔餅. 1. 軟殼蟹手卷好普通, 無咩特別, 而我o地都覺得呢樣野係好難整得難食gei~2. 之後佢就送o左o個碟炒雜菌來, 好多油, 但係so far都食得落~3. 碟青咖哩海鮮炒麵有好多"lime leave" 好大陣味, 勸各位唔鍾意呢陣味gei, 記住叫佢唔好落, d海鮮唔多, 青咖哩唔多夠味, 仲差gei 係隻青口入面有水草.... 個waitress仲要話呢d係青口入面用來抓住石頭o個d野lor!!!! 點睇都唔似啦下ma?!?!!!!4. 煎蠔餅入面無咩蠔, only得d蛋同埋蛋殼, 勁差, 無蠔都算啦, 我覺得一間餐廳, d炒蛋入面係無可能會有蛋殼ga lor!!!! 自己o向屋企打蛋都唔會打得咁差啦!!!! 更何況佢身為一間食肆gei chef?!?!!!!

昨晚三人行, 到i-thai吃晚飯, 從餐牌上看, 價錢並不貴, 但不知道份量如何; 環境也不俗, 裝潢帶點泰風, 有精緻的吊燈, 又有按不同人數而設的座位(高高的橢圓形梳化, bar枱, 木製桌椅…)。我們點了炒什菌, 青咖哩南瓜雞 & 鮮蠔煎蛋, 再加三個白飯, 嘩! 三個菜式的份量都不少。-炒什菌清清的一味餸, 很適合怕肥膩的人士-青咖哩帶少少辣, 很惹味!-最喜愛的是鮮蠔煎蛋, 三人同時對此讚不絶口, 蛋裡有頗肥美的蠔, 又有芽菜, 點些辣醬, 很美味呢!我一定會再光顧啊!

今日同媽咪黎呢到食lunch, 都有好耐冇黎laa~因為上一次食嗰時個餐牌都仲有五味魚柳嘅set lunch~但依家就冇咗lu~~以前食嗰個五味魚柳都幾好味...酸酸地, 幾開胃=)我地今次叫咗一個什麼腰果肉丁set + 涼瓜煎蛋set...每個set 都有個前菜, 一個湯, 一款小菜, 一個白飯, 同埋一杯飲品...前菜好似好泰式feel...好重vinegar 味...唔啱我地口味...湯就一睇就知係味精湯嘅...一層油係面...小菜:腰果肉丁-有d 白果&紅棗一齊炒...味道太濃, 好油...小菜:涼瓜煎蛋-好大塊蛋, 炒得有d 大快活feel...不過食小小就會好滯可能落咗好多牛油去炒...都係好油...白飯...連白飯都太硬總之食完就好口渴...d 野真係好油...好多味精=(

今日路經沙田市中心，見到佢個餐牌d lunch set 都幾吸引，於是便決定一試。我叫了個海南雞飯，我朋友叫了個腰果炒丁配沙律、飯、湯同飲品四十幾五十元一個都ok個沙律酸酸的，很好吃，很開胃湯是番茄薯仔湯，很夠味，好飲海南雞飯配左兩隻醬，雞醬同酸甜醬雞好滑，配上醬汁，不錯不錯油飯也很好吃而腰果炒丁的炒丁也是好香口，很好吃的不過略為淡了一點。如果再辣一點，味道會更好吃。我地還叫了鐵板蠔仔煎蛋蠔仔大隻，蛋也煎得很香沾一點酸甜醬，簡直是人間極品！

行行下決定入黎試下佢, 雖然已經係下午3點, 不過依然有少數客人食緊飯 ... o.O 一坐底環顧四周個感覺好好, 金色配白色, 深色裝修好舒服, SOFA 都好好坐, 台又夠大, 真係有種 " 嘆 " 既感覺2個人, 唔可以叫太多菜式, 3送一湯已經食到好飽.辣肉碎生菜包, 無特別, 簡單菜式唔會有難度, 但我鐘意食, 而且味道都OK青咖哩雞, 超香濃咖哩香, 而且仲好夠滑, 味道好出色, 可惜間餐廳無薄餅 ............. 冬陰公湯, 飲一啖, 有噴火既感覺, 夠灑酸夠灑辣, 仲夠灑濃味, 連隻蝦都夠新鮮 ! GOOD 蒜蓉燒白鱔, 賣相同個照片有出入, 我以為佢會再乾D, 雖然入口都好香, 但係始終好油, 食兩舊已經肥膩到唔想再食......有機會我會再去