Hungry Korean (D2 Place) (已結業)

Hungry Korean （荔枝角D2 Place）星期六晏就同個frd行D2 Place，見Hungry Korean 唔使等就入去食啦🤩🤩 入到嚟睇日陣menu, 2分鐘都無就已經坐滿曬咁濟，店員都好忙，得一個係樓面做，等咗5分鐘個職員先得閒嚟落單。2個人就叫咗個雞肉壽司，甜辣味雞翼，同一杯凍檸檬茶🍴🍴 🍴甜辣味雞翼 （＄48）一份就有4隻雞翼， 個醬上到嚟睇落有啲凝固既感覺，食落唔算好乾，個醬既味道似以前麥x勞出既甜辣醬味，少少辣。😋😋😋🍴雞肉壽司（＄42）壽司望落唔錯，不過因為個醬比較多，食落去就比較濕，味道一般。 😋😋😋凍檸茶跟餐就加＄12， 味道正常中規中矩。餐廳內有個自助區可以自己斟水👍🏻👍🏻

本來想去西九龍中心吃飯，老婆在刷手機看openrice 有什麼優惠，由於很久沒有吃韓式伴飯，於是試吓這間的牛肉伴飯外賣。誰不知買了拿了的賣飯盒，已經覺得唔對路，買回屋企打開，啲飯一舊舊黐埋一齊，牛肉少得可憐，而且又老身， 最慘嘅就係原本有隻温泉蛋，結果變成一條一條蛋絲。而飯內的菜，竟然熟到變成沒有二條的小熟菜。

今日係開返戲院同晚市堂食嘅第一晚，因為買左晚上7點幾d2 ge戲飛，所以要快快手手食完晚餐上樓上睇戲，放工過到黎得30-45分鐘時間食野，所以選左喱間。點完餐都好快上，叫左鐵板牛肉，炸粉絲卷，同埋蜜糖蒜蓉雞翼，3個都好味道，中意佢個炒牛肉有大量椰菜，好似健康d，不過都偏濃味，然後蒜蓉蜜糖雞翼啲蒜蓉都好重手，雞翼都好大隻。炸粉絲卷有四件，新鮮炸起，另外有個酸辣汁俾你點，都幾惹味，職員都幾有禮貌。可以encore。

今次用foodpanda叫咗外賣, 點咗一個什錦拼盤. 裏面有辣味韓式豬腩肉, 泡菜豬肉豆腐, 甜辣雞翼, 仲有泡菜薯仔魚餅等小食. 份量足夠兩至三個人. 整體嚟講韓式食品係非常之有泡菜味, 除咗價錢比較貴之外都唔錯.

韓式肥牛鐵板燒、凍麥芽發酵米茶、淨泡菜。牛肉微暖，但鐵板是凍的，可能想用啲牛肉去暖番塊鐵板吧！牛肉味道還可以，但很難聯想到是肥牛，反而泡菜幾好，不太酸，有啲發酵味，大豆芽，蘿蔔都不錯。凍麥芽發酵米茶反而有驚喜，不太甜中帶有麥味。由於寫唔夠二百字，竟然唔可以對味度評分⋯⋯

冬天時節，飲翻個辣辣地嘅韓式熱湯，又或者鐵板炒雞的確人暖到入心(仲好易越食越多添😈)甜雞肉$57🍗菜嘅份量好多，而且索曬啲汁，超級濃味。用埋鐵板上，食到尾都仲要熱辣辣😌豆腐湯$50🍲呢個係我食韓國熱湯嘅「常餐」，皆因佢辣辣地，豆腐好滑，仲有半熟蛋撈飯。湯入面仲有幾款海鮮，好抵食🥰泡菜Gimbap$40🍙當你以為泡菜Gimbap就無肉嘅時候，咁你就錯了😂除左泡菜，仲有餐肉同其他蔬菜，好足料~

位於D2 Place，價錢親民，有好多唔同款式可以選擇，有湯飯、鐵板、部對鍋、紫菜包飯等等。如果返工中午食幾好，最緊要係價錢唔貴以食韓國野黎講！🔥甜雞肉 $57★★★☆☆甜雞肉份量多，有D椰菜、紅蘿蔔絲、雞肉，食落冇咁寡。個醬汁味道係好食嘅，但有D稀身，變相D雞肉唔夠掛汁。同埋小左陣鑊氣爆炒左嘅FEEL，但整體黎講熱辣辣係好餸飯嘅。🔥泡菜湯 $50★★★☆☆一開始飲第一啖覺得有D啖，之後撈勻左成碗湯再試味就OK，正正常常，冇話太特別。湯汁有豆腐、泡菜、少量豬肉片，泡菜分量多嘅，唔算太酸啱啱好，加埋D飯浸湯食幾好，啱哂秋風起，食完成個人都暖哂。同埋加左杯凍麥芽發酵米茶，問左店員指冇加糖，係本身麥嘅甜味，但黎到都係覺得偏甜。🔥牛肉湯 $70★★☆☆☆本身最期待呢個湯，但係實在失望！韓國牛肉湯係屬於甜嘅，但冇諗過佢整到咁甜，再加埋又咸，完完全全破壞哂成個菜式。但牛肉湯嘅牛肉、配料全部都幾好食，真係湯底出事。配料嘅年糕煮得軟糯、煙煙韌韌，粉絲唔會太淋，牛肉亦唔會太老。🔥牛肉Gim Bap $40★★★☆☆正常普通，紫菜唔夠麻油香，夾落去個紫菜包飯唔夠實，入面D料唔算係超級豐富，冇令人好滿足，不

炎炎夏日，想食返一啲冰涼開胃嘅菜式，韓國菜係一個唔錯嘅選擇荔枝角嘅Hungry Korean在D2 Place一個唔起眼嘅走廊入邊，今日就嚟食試吓先！芝士飯卷細細份，可以一啖一粒咁食，芝士味道香濃，芝士控一定鍾意食又唔會熱辣辣，夏天食一流！加咗$16配Ban chan,即係韓國小食配菜，有豆腐皮，泡菜同埋薯蓉，質素正常，但凍凍地都幾開胃。冰凍麵，上到嚟嘅時候有少少冰喺面入邊，成個麵冰冰涼涼，但味道相對較清淡，亦都冇乜餡料喺入邊，主要係湯底有淡淡的醬油味。但係如果熱到冇乜胃口，又想消暑嘅話，都係一個唔錯嘅選擇最後加配左兩杯嘢飲，一杯係梅實茶，味道即係平時飲嘅酸梅湯味啦另一杯係凍嘅麥芽發酵米荼，有淡淡的麥芽味，但唔算飲得出有發酵的味道，所以小朋友都啱飲。

喺外賣平台叫咗個雞肉石鍋飯，番到公司一打開就知中哂伏，雞肉粒有5嚿，波菜有一兩條，芽菜、東菇、紅蘿蔔絲都係無嘅，似係食乞飯多過似俾錢買🤬🤬🤬，垃圾到頂點

黎到D2 Place去Hungry Korean簡簡單單食左個晚飯～地方算舒服 唔會好多人好逼👍🏼👍🏼店員幾友善 會比張紙仔你填你想食既野👍🏼佢又真係記得曬d number📌吞拿魚壽司(HK$42) 好好食既Gim Bap! 價錢唔算好貴但味道好好🥰📌 豆腐湯 (HK$52) 入邊仲有唔少海鮮 餸飯一流📌 韓式鐵板牛小排(HK$92) 份量好足好足 牛味都好出 推介💪🏼野飲跟Set加$11，甜甜地還好! 埋單$197

the food is not a korean food at all..i cant feel any korean flavor..how can it be a called korean restaurant..better to try original korean restaurant even i pay more money..

韓燒牛肉鐵板燒，偏甜，牛肉好嫩，餸有椰菜，飯係珍珠米。吞拿魚壽司，里面包咗醃紅蘿蔔/白蘿蔔/牛蒡（我估應該係）/少少吞拿魚，非常好食，味道清新，之前一直唔敢叫呢個菜，都係驚佢會落好多吞拿魚。伴菜（泡菜/薯仔/魚板），泡菜唔錯。薯蓉好綿密，里面加咗新鮮洋蔥。魚板好食，甜甜辣辣。

今日叫咗個甜雞肉鐵板燒同蜜糖蒜蓉雞翼。 鐵板燒既配搭係甜雞翼加椰菜，口感好清新，健康選擇。 配一碗飯。蜜糖蒜蓉雞，雞翼先炸，再落大量蒜蓉同蜜糖去煮，蜜糖中和咗蒜蓉本身既辣味，100分。deliveroo外賣速遞算快，送到來食物仲係熱辣辣

外賣速遞算快，送到來食物仲係熱辣辣。今次叫咗個甜雞肉鐵板燒同蜜糖蒜蓉雞翼。鐵板燒既配搭係甜雞翼加椰菜，口感好清新，健康選擇。雞翼先炸，再落大量蒜蓉同蜜糖去煮，蜜糖中和咗蒜蓉本身既辣味，100分😍。

媽咪成日喺屋企都會整大醬湯🏠但係我都未試過真係喺韓國餐廳飲過🇰🇷所以又嚟我飯堂 好似變咗佢打手🤣.📌大醬湯 $50呢款係會食飽嘅🤰🏻因為除咗配碗白飯🍚估唔到入面仲有年糕同薯仔片🥔其他兩款湯鍋都係辣 唔鍾意食辣揀呢款就啱🌶其實個味同屋企整嘅冇乜分別 都係加醬加水🤣個味唔算太鹹 冇晒飯我都就咁都飲晒個湯😎配料都幾豐富 仲有豆腐,金菇,翠肉瓜,洋蔥同牛肉🥰豆腐今次切到一粒粒 都係好軟滑😚牛肉就同佢個鐵板牛一樣 都係好重牛味🐮唔知係咪嗰日早食 啲料好似多啲👅又有蛋白質又有菜 都幾健康💚