House FiftyEight

营业中

休息中

上星期去咗呢間喺觀塘嘅Pet friendly酒吧餐廳，環境超級闊落，有園景露台同埋VIP派對房間，仲有好多玩樂設施：篤波、飛鏢、Beer Pong、唱K等等，有得玩又有得食，好適合唔同嘅派對聚會！DrinksAmericanoOrange Juice煙三文魚海藻沙律煙三文魚柔軟嫩滑，帶煙燻香味；拌車厘茄，紅海藻同綠海藻，口感清脆爽彈，又fresh又健康。水牛城雞翼雞翼酸辣開胃，外脆內嫩。乳酪醬同西芹條係最常見嘅配搭，乳酪醬可以平衡雞翼嘅辣味，而西芹清爽口感就可以解膩。另外，配啤酒或cocktail都好適合。美國安格斯牛肉漢堡個包夠曬鬆軟，牛肉Juicy之外，中間仲有熱熔芝士，新鮮番茄生菜同埋一大片微焦嘅菠蘿。紐西蘭青口鮮茄意粉青口圍滿碟邊，一啲都唔吝嗇；Al dente口感意粉配自家製鮮茄醬，酸酸甜甜好開胃。榛子朱古力香蕉酥批個批上枱時仲係微熱，好酥脆。上面加咗榛子朱古力醬，士多啤梨同香蕉片，再配多個雪糕球，有冷熱口感嘅效果。

觀塘工廈區估唔到有間咁闊落嘅西餐廳 門口仲有飛鏢機同足球機玩 我哋平日夜晚去 個場都幾full 多人坐卡位都幾鬆動 侍應幾好笑容最正係有露台位 可惜當日落雨冇坐🧀 水牛芝士番茄沙律 一上枱嚇親 水牛芝士味超濃 好香 仲要係面頭燒小小等佢更加流心 夾埋新鮮番茄同黑胡椒食 清爽得嚟帶啲奶香 抵讚係沙律菜底夠凍夠脆 夏天食真係透心涼 🐮 牛肉他他配薄脆 呢道驚喜位！ 生牛肉他他調味夠膽識 仲有魚子醬 重點係底層塊薄脆 脆到「咔嚓」聲仲keep到十分鐘唔淋 勁好食🥩 美國頂級肉眼扒 （10oz)叫咗五成熟 上枱粉紅色啱啱好 表面煎到微焦 切落肉汁多到瀉 驚喜位係伴碟堆焗蒜頭 一粒粒完整蒜瓣焗到軟淋 咬落去甜似栗子 撈牛扒食超夾 配菜有翠肉瓜同車厘茄 吸曬牛油香 我搶住清碟 🦐 虎蝦海鮮意大利飯 大大隻虎蝦 蝦膏爆曬出嚟 飯粒用海鮮湯煮 每粒都索滿汁 硬度係正宗意式al dente 咬落有米芯 海鮮控必嗌 ☕ 飲品▶️ 凍朱古力濃得嚟唔會死甜 面頭奶泡打得綿 仲有朱古力碎加分 ▶️ 凍檸檬茶 茶底夠濃 檸檬俾足三厚片 糖漿自己落 對我啱啱好

好耐無帶媽媽出去食飯，知道佢少食西餐，所以帶佢黎呢間有室外同室內既餐廳，餐廳氣氛唔錯，適合大家暢談，座位都有軟墊夠舒適🐟煙三文魚海藻 $88煙三文魚整到花型，好靚，另外海藻爽滑再加上酸味好開胃🤤🐷沙律西班牙橡果黑毛豬鞍 $228肉質粉嫩，好厚身，一啲都唔會嚡。配上燒菠蘿、青瓜、翠玉瓜，感覺好新鮮唔會有油膩感🐟香煎育醬魚柳配南瓜蕃茄汁 $148魚柳皮煎得夠香脆，肉質夠滑。另外仲有大大粒帶子，表面煎熟內裏嫩滑🍲露荀軟殼蟹忌廉意大利飯 $188米粒夠濃郁好似奶油既質地，口感煙煙韌韌。軟殼蟹外殼好柔軟，炸完後蟹肉依然有汁☕️Cappuccino $38咖啡夠香濃，泡泡幼滑🧊Chocolate $46係濃朱古力，加埋cream 甜度岩岩好

觀塘收工想食好啲可以試吓House Fifty Eight😬仲有得玩飛鏢同足球機🎯煙三文魚海藻沙律🥗 估唔到依個價錢會有咁多煙三文魚，第一次食海藻沙律，入口有啲爽脆幾得意，個汁就酸酸哋咁幾開胃。美國頂級封門柳🐮牛扒煎得好好，封門柳本身比較少油脂，但勝在肉味濃，五成熟肉質就唔會太韌，啖啖都充滿肉汁同牛味。露荀軟殼蟹忌廉意大利飯🦀意大利飯十分creamy，米飯有咬口，加上露荀粒同蟹籽，每啖都好滿足。晚餐價錢如下：

‘環境都幾闊落，仲有室外空間。煙三文魚海藻沙律好清新，酸酸地好開胃。三文魚份量都幾多，仲好大塊！黑松露野菌長薄餅Pizza比較厚身，仲有黑松露片，夾埋芝士唔會岀錯啦~烤原隻法國穀飼自然春雞都幾大隻，皮又脆，點埋個醬辣辣地可以換下口味。提拉米蘇拿破崙📍 House FiftyEight 觀塘駿業街58號電訊數碼大樓4樓環境🤍🤍🤍🤍🩶味道🤍🤍🤍🤍🩶打卡🤍🤍🤍🤍🤍抵食🤍🤍🤍🤍🩶

約咗朋友喺觀塘聚會， 電訊數碼大廈好多好嘢食， 朋友介紹的這間西餐， 環境闊落仲有 飛鏢機， 真係非常之完美。蝦多士～炸雞軟骨～炸魚手指happy hour小食拼盤 做優惠， 大大盤 size份量十足， 蝦多士鬆脆 蝦肉彈牙。 炸魚手指 好香脆，魚肉鬆軟， 有好多條。 最邪惡就係炸雞軟骨， 又香又脆， 好味道停唔到口。 這些都好啱配啤酒，但係因為揸車所以我哋只係飲果汁。 見到隔離枱一杯接一杯的啤酒， 真係好爽。煙三文魚海藻沙律香脆小食之外，叫咗個沙律平衡下， 唔同顏色嘅海藻原來都幾好食， 醬汁酸酸甜甜 好清爽， 加埋煙燻三文魚， 真係唔錯嘅配搭。西班牙橡果黑毛豬鞍好嫩滑嘅慢煮豬鞍， 肉質柔軟多汁， 豬肉味濃， 微微的香烤 炭香， 重點係焦糖菠蘿非常好食。 配菜都好用心， 小蕃茄～蘆筍 ～粟米仔 ～薯仔 ～意大利黃瓜， 每款都好好食。

觀塘有間環境寛濶又有室內外座位的西餐廳， 更有娛樂區足球⚽️遊戲、飛尖標遊戲等，可供一班朋友一起玩樂一下， 我朋友約了我們幾個人就來到House FiftyEight 就玩完再品嚐美食呢！ 煙三文魚海藻沙律三文魚海藻豐富又開胃，賣相吸引美國頂級肉眼牛扒肉眼牛扒豐富份量，五成熟香濃牛味軟身香味俱全泰式串燒拼盤六串配搭豬同雞肉，燒得香噴噴肉質緊緻，配沙嗲醬更顯泰式風味還有個黑松露意大利飯都好飽滿！ 地址：📍觀塘駿業街58號電訊數碼大樓4樓

呢間餐廳位於觀塘，我地叫左一份盲鰽魚帶子南瓜醬，呢份魚肉口感嫩滑而且無腥味，配以健康既南瓜醬汁少少甜又醒胃，帶子煎至外皮香脆。另外小食叫左一份水牛城炸雞翼，炸雞翼口感辣辣地又惹味配埋西芹沙律醬佐酒幾岩。White wine飲落清新fresh口感，意大利白酒house wine配魚肉好夾。煙三文魚沙律酸甜口感好開胃既醬汁，煙三文魚蛋白質營養價值高。美國頂級封門柳：封門柳熟成度岩岩好唔會太油膩同鞋口，食落口感好濃郁肉味配翠肉瓜，蘆筍薯菜蕃茄仔粟米條伴碟唔錯。

今日收工嚟咗呢間西餐度食晚飯 場地大有埋outdoor不得止 仲有得玩飛標 睇馬等 夜晚menu好多野都想試 有pizza burger 甜品等等 下次會再嚟試下其他北海道帆立貝刺身薄片配黑松露醋帆立貝入口鮮甜 個黑松露醋汁好畫龍點睛 帶少少酸但又唔會搶咗帆立貝嘅鮮味煙三文魚海藻沙律三文魚煙燻味夠晒香 配埋爽脆嘅海藻同蕃茄仔 開胃得嚟又健康黑松露野菌鵝肝意大利飯個risotto煮得啱啱好同好creamy 黑松露嘅香氣好濃郁 同細膩嘅鵝肝完美融合 一啖落去成個口腔充滿鵝肝嘅油香 勁邪惡美國頂級封門柳 (7成熟)叫咗7成火候控制得幾好 外層煎到微微焦脆 切開見到完美嘅粉紅色 肉質軟嫩多汁 牛味濃得嚟帶住淡淡油脂香 仲完全無筋 伴碟嘅蔬菜可以中和返牛肉嘅油膩感

Snacks Package for 2 $118炸魚手指 (6條)外皮炸到酥脆、唔油膩沾埋酸甜開胃既沙律醬食味道好夾 黑松露蕃薯條蕃薯條好香口品嚐到蕃薯本身既甜味黑松露醬gas味突出 燒三文魚柳 $158三文魚柳即叫即燒上到枱仲熱辣辣份量足料三文魚皮被燒至脆身同鮮嫩既魚肉相互映襯好食醬汁由蜆、帶子、蠔仔、魷魚、三文魚籽、青瓜粒炒製而成用料多元豐富 露荀軟殻蟹忌廉意大利飯 $188軟殻蟹炸到金黃香脆咬落啖啖肉意大利飯飯粒冇夾生同燉飯口感相似飯粒被忌廉醬汁均勻地包裏住味道香濃面頭既蟹籽同混合係意大利飯入面既菜粒增加左口感同味道層次 Cranberry Juice $28味道酸酸甜甜十分清新食左咁多炸物之後飲返啖即刻refresh返 Hot Chocolate $38朱古力味道濃郁唔會淡茂茂飲落邪惡又滿足 整體而言，係一間用心既西餐廳餐廳空間大、無壓迫感坐得舒適除左室內，仲有室外既位置可以選擇亦放置左飛標同足球機啱曬同朋友一齊黎chill下、娛樂下

今日約了班好朋友4大1細在這間cafe坐低傾下食下嘢。觀塘這間餐廳環境大，寬敞明亮；有室內或室外選舉，有飛鏢及小型足球機玩。我哋點了一個狗狗肉丸餐，都幾多粒，有番茄及蔬菜配上，狗狗都幾鍾意食，食得好開心。我哋自己點了3個下午茶加了2個加錢配的主食，下午茶包了一個主食+一件蛋糕+2杯飲品。我哋點了3個下午茶各1份（三文治、牛角包、漢堡包），3件蛋糕及有6杯飲品（我哋只點了1杯橙汁+2杯熱檸茶）另點了一份拼盤（多款式，有炸雞翼、釀雞肉、魚手指、薯條、蝦多士）及蟹肉蟹籽意大利飯。（這個唔錯，好creamy，蟹肉好正又算多，意大利飯唔會好硬）服務員態度就麻麻哋，唔算友善細心。

觀塘🩵有很多美食，今日試左一間型格餐廳House FiftyEight🎉餐廳嘅面積好大，環境寬闊舒適，有⛱️露天戶外座位。門口有超級有型😎電單車🏍️，亦有🎱桌球枱、🪃飛標機、⚽️足球機等🕹️娛樂設施，如果包場生日party🎶一定好正！餐廳有春日Lunch Menu，佢地既Lunch都好掂，推介大家試吓👍🏻🥩美國CAB安格斯牛西冷賣相吸睛🌟西冷火喉🔥控制得宜，煎封得岩岩好，🐮牛味濃郁，肉質唔錯又juicy。🍝鮮茄忌廉大蝦意粉意粉好有驚喜，醬汁調配得非常好，食落好Creamy，而且好煙韌，口感層次豐富。蝦肉🦐彈牙，推介大家試吓👅。🍋凍檸檬茶🍫凍朱古力

見到餐廳仲有happy hour，個Menu都幾吸引，不過因為朋友唔係好鍾意飲酒，所以今次以啡為友。有好多套餐都好吸引，不過咁啱冇想食嘅嘢，所以就算，散嗌啲質素都好高質。坐得好闊落，氣氛都好好，同朋友聚會一流，六個人或以上都冇問題。‣ 香料吞拿魚配牛油果及紅蔥醬 $108吞拿魚醃得好香，外層輕輕煎過依然嫩滑，配上牛油果嘅綿密同紅蔥醬嘅微酸微甜，味道層次好豐富。‣ 白酒忌廉青口配多士 $138青口本身都好鮮甜，白酒忌廉湯底濃郁得嚟唔會太膩，而蒜蓉多士都可以叫做畫龍點睛，淨係嗌細份兩個人share我都覺得夠。‣ 菠菜三文魚忌廉意粉 $138成碟意粉味道都幾清新，配埋相對濃味嘅牛面頰一齊食就啱啱好。忌廉醬帶啲菠菜嘅清新，三文魚係炸過嘅，所以無論係魚肉同埋個魚皮都好香。‣ 味噌煮和牛面頰 $168和牛面頰煮得入口即化，牛味都好濃郁。味噌湯底濃郁得嚟帶啲日式嘅甜香，入口相當舒服。而牛肉嘅油脂同湯汁完全融合，浸住埋蔬果，連啲蔬菜都好入味。‣ Iced Latte $42香濃得嚟唔會好苦，奶味都幾濃，冰涼嘅口感喺夏天飲真係好正。‣ Iced Mocha $42朱古力同咖啡嘅比例啱啱好，甜度唔會太膩，

可以帶寵物既餐廳唔多, 西餐都可以帶就更少🥲 比我揾到間樓上餐廳可以帶小動物環境仲要又大又舒服🤩入到去分區好清晰, 有打卡玩樂, 用餐區同outdoor位置, 我地就坐左係其中一個卡位, 未叫野食前我地已經去左掟兩轉標😂餐廳選擇啱啱好, 唔會令人花多眼亂, 而且仲有狗狗餐單, 我地就一於叫埋😆1/ 烤美國CAB安格斯牛西冷 $1585成熟既西冷牛恰到好處, 咬落去肉汁滿滿, 而且好重牛香, 佢既醬汁仲同件牛扒好夾👍🏾2/ 法國香草燒春雞 $128燒春雞外脆內嫩, 大啖大啖用咬落去真係好爽😆而的配菜仲吸哂肉汁香好正!!3/ 墨西哥玉米片 $78平時食既唔係辣既脆片, 今次食落好刺激, 醬汁有牛油果醬同埋乳酪, 好惹味😋4/ 狗狗餐單 - 牛漢堡扒 $78我家小狗出名挑食, 今次再搏一搏, 睇吓佢食唔食, 點知牛漢堡扒送到上枱, 佢已經目不轉睛, 我地切碎晒俾佢好快就食晒食到舔舔脷😆見到佢開心我地都開心😊我地叫兩個主食都有包湯同餐包, 佢地個蘑菇湯真材實料, 食到好多蘑菇肉, 而且佢哋個餐包超鬆軟😋整體嚟講我覺得非常抵食👍🏾

觀塘House FiftyEight環境寬敞有格調，仲有露天平台，望住城市夜景食飯飲酒，氣氛舒服。室內設有足球機、飛標機等娛樂設施，聚會或者生日派對都好啱。煙三文魚海藻沙律 $88 海藻爽口滑溜，配上煙三文魚的鹹香，口感層次豐富，帶點清新微酸的沙律醬，味道平衡得好好。溫泉蛋卡邦尼意粉 $108 意粉煮到剛剛好，軟硬適中，芝士忌廉醬濃郁但唔膩，拌入溫泉蛋後更加香滑，炸煙肉粒帶出鹹香，令整體味道更豐富。澳洲特級寶雲蘇羊架 $278 外層加上香草、芥末、麵包糠焗製，口感酥脆，羊架五成熟，仍然保持粉紅色，肉質軟嫩，味道帶點香草的清香，搭配紅酒非常適合。凍檸茶 x2 + 戶外啤酒時光 食完主菜，飲返杯凍檸茶清爽一下，之後去露天平台吹住晚風，慢慢飲啤酒，氣氛放鬆，感覺愜意。整體來講，餐廳食物出品水準高，環境舒適，仲有娛樂設施，無論係食西餐定聚會都係唔錯的選擇，有機會想再試佢哋其他春日Lunch Menu。