Hole Foods Hong Kong

营业中

休息中

平時去台灣/日本好鐘意去連鎖冬甩店食donuts😋自從大型連鎖donut店撤退香港之後，好似無乜邊間冬甩店好食。近排偶然發掘到中環有間冬甩店，冬甩味道有驚喜❣️😋有平常既冬甩圈圈款，亦有爆漿流心款，各款揀左1個味試。🍩Original Glaze $28冬甩質地唔係煙韌麻糬嗰種，口感鬆脆軟糯，又唔會太甜，微微好似仲帶d檸檬清香，好鐘意呢種鬆軟口感，好味喎❣️🍘Pandan Coconut $45見佢係三月限定既monthly special，外面鋪滿砂糖，鬆軟冬甩口感，爆滿既班蘭椰子味流心漿。椰子同斑蘭味道平衡得好好，想試就襯仲有要試！個個月都有特別口味，保持新鮮感，又幾好！會再encore❣️🍩😋

走上石板街 中途的一條橫街有很多甜品飲料的小店其中一間門面簡約得來吸晴店內主打Donuts 還有bagel 和brownie🛎️Lemon cream 外層薄薄的一層是脆的內裡面包很鬆軟濕潤Cream爆多 口感細滑檸檬味很出 帶檸檬酸味 味道清新🛎️Milk cream牛奶味香濃 帶有雲呢拿味也有些少檸檬清新的味道店內還有香蕉味和朱古力 brownie供試味口感像吃蛋糕 同樣夠濕潤而不會很甜 味道很不錯呢 ...服務👨🏻‍🍳 店員態度親切 即使人龍源源不絕還會耐心提供服務衛生🛁 感覺乾淨 沒發現明顯污糟環境🏡 線色主色掂牌吸睛 門口有一大窗和2人座位的長櫈 外賣店為主

由細到大都好喜歡食甜甜圈，兒童時嘅甜甜圈係典型圓環形狀，面層糖霜，己好滿足。時代進步了，甜甜圈型態己有所不同，口味亦多元化，另我更加愛上。今日行經中環士丹利街，見到一間咖啡店，本來想買咖啡，點知見到不同款式嘅甜甜圈，無理由唔試吓，於是乎買了兩個回家飯後甜品。Banoffee甜度不過分，口感軟軟的，香蕉的香味顯著。Nutella Bullseye 薄薄的一層糖霜，中間是朱古力醬，以為會好甜膩，誰知甜度剛好適中，配咖啡一流。

呢間餐廳既donut好多款式，而且門面仲用左好shape好靚既綠色做門口，等客人認得，呢度仲有外面既位置俾客人去坐住嘆咖啡，我叫左一款原味donut圈，donut係原味既糖霜鋪面，滿滿既白色糖漿皮加埋入口軟綿綿既donut麵包都幾夾，脆脆既白糖漿，另外仲叫左一款必食推介既榛子朱古力醬既donut呢款係店鋪主打之一，入外層係脆炸加左糖既麵包，中間再加入左厚厚既榛子朱古力醬另外仲有brownie都好正。

好耐以前已經想試HoleFoods 嘅Donut，之前要上網訂貨先有得食，宜家開咗地舖隨時都可以去買。Donut有分有窿同埋爆餡兩款，都係鍾意爆餡多啲。買咗兩款，一款係佢哋經典嘅煉奶味。冬甩炸到金黃色鋪滿砂糖，外酥內裡蓬鬆軟綿，係我暫時食過最鬆軟嘅冬甩。入邊充滿煉奶味嘅忌廉，奶味突出，忌廉亦算輕盈。另一款就買咗三月限定班蘭椰子味，班蘭味Custard，味道濃厚，椰子香味又唔會搶過斑蘭味 。都推薦試一試佢哋每月都會有唔同嘅特別口味。新鋪仲買埋嘢飲，佢出邊有啲位置可以即時享用，咁就唔怕焗到啲冬甩冧晒啦。

Orginal glaze donuts：擁有香甜的糖霜外層和鬆軟的麵包體，是甜品愛好者的最愛。口感濕潤柔軟，入口即化，糖霜的甜度也恰到好處。絕對是一款令人無法抗拒的經典。tiramisu donut：這款特殊口味嘅donut絕對是一個創新的嘗試。結合了提拉米蘇的奶油濃郁和咖啡的香濃，搭配鬆軟的甜甜圈體，味道豐富，讓人驚喜連連。cappuccino：擁有濃郁的咖啡香氣和柔滑的奶泡，香醇的咖啡味與奶香完美結合，是一個讓人感到放鬆和愉悅的飲品。總括而言，這裡的原味糖霜甜甜圈、提拉米蘇甜甜圈和卡布奇諾都展現了高品質的美味，絕對是甜品和咖啡愛好者的理想選擇。無論是甜品還是飲品，都能在這裡找到滿足。

⭐️評分：3.5/5-中環鬧市中藏著小清新Cafe，好多冬甩貝果🤤🤤甜點愛好者必到-✳️Sesame Bagel with Cream Cheese & Honey 👍經過烘焗的Bagel 更軟熟柔軟芝麻味強烈，香氣綿密的忌廉芝士濃稠奶香味出眾蜜糖融入，甜絲絲的誘人🌸記得Bagel 要加熱更好吃！！🌸切記不要放涼！！-✳️ Hazelnut Latte 榛子味濃烈，淡淡果仁烤過的香氣因為轉用了燕麥奶，較為輕柔薄身香氣包裹口腔咖啡味淡薄-裝飾上使用特大鏡面，增加室內空間感好舒服休閒--⭐味道 4/5⭐️特色 3.5/5⭐️環境 3/5⭐️性價比 3.5/5 ⭐️服務 4/5

人在中環，想食個下午茶甜點就選了Hole Food。綠色招牌十分醒目，門口有位置可以買完坐低吃。花多眼亂每樣甜品都好想食。今口好想食朱古力就選了朱古力甜點配飲品，坐在門口位置慢慢品嘗！Banana Choc Chip Bread $35香蕉配朱古力，配搭好香但不會很甜。好濕潤軟棉棉咁好好食！Oreo Brownie $32Brownie係表面酥脆，加埋Oreo更脆，入面少少濕潤，鬆軟，比蛋糕更紮實的口感，唔會過甜。Walnut Bread $35都係鬆軟濕潤，有核桃，多咗重口感。賣嘢飲呢個配搭真係好好。Tiramisu Latte $502月限定！加咗一大舊Tiramisu 落去，仲有支手指餅當搞棍，同凍奶啡mi x埋真係乘客超好飲，甜品愛好者一定大愛！Blue Lemonade $38朋友想要清新點就叫咗呢一杯，配甜品剛剛好，中和咗甜味。總括嚟講，係食下午茶，短暫歇腳休息，打卡嘅好地方。

今日食完lunch行過 同事話想買donut食有好多唔同款式麵包選擇都好多我哋揀咗一個冬甩一個麵包shareOriginal Glaze Donut $28 (Traditional Vanilla Glaze)外層少少脆 內裏就好蓬鬆 咬落去空氣感滿滿 口感唔錯耶味道上係淡淡嘅甜 唔會爆甜 輕鬆啪一個都唔膩Banana Walnut Bread $35 (Moist Banana Bread Filled with Toasted Walnuts)都係第一次食好軟好濕潤 都唔錯耶~

之前係外國生活過，所以都幾鍾意食doughnut。今次就去左中環間【Hole Foods】試下佢既doughnut。位置都算幾方便，石板街行一層就到。鋪頭綠色招牌，一眼就見到。Tiramisu：呢個doughnut形狀同其他唔同，有啲似批嘅樣。佢嘅外皮香脆可口，入面裝滿咖啡味嘅cream，上面仲加埋cream同埋手指餅乾。唔會太甜，咖啡味道好濃郁，特別適合咖啡愛好者。Vanilla Custard：呢款係一個比較傳統有filling嘅doughnut。外皮撒滿糖，非常飽滿。入面裝滿Vanilla Custard，仲見到少少雲尼拿籽。食落口感濃郁，甜而不膩，絕對係一個經典選擇。