凱施餅店 (已結業)

而家o既面包有好多花款,好多新口味...但系晨早楼楼只系想食一个热辣辣,软林林o既包~公司附近o既凯施饼店o既猪仔包就成为我呢几个月o既至爱~!!最紧要o既系! $3.8!!!!!!!!!!!!!!!呢一个猪仔包真系好好食~ 佢好柔软! 用手meet黎食就最好味~~推介推介!…查看更多

今晚真系一肚气，晚上回家，谂住经搭巴士回家时，买个包上车食，初经过东海堂想买个包，但想起上次都系呢条线回家时已经食过，一心试下前几间嘅凯施，放弃东海堂取凯施，点知....濑嘢喇！:(走进店里，包款不多啦，可能已晚，当我想挟饱时，有位客人通知店员有面包比蚊滋仔嬲住，店员甲即刻将蚊滋包挟走，并谢谢该位客人提醒！:)之后我觉得不如买三文治较好，包装稳阵啲，但所拣的只剩腿芝治，但一般嘅腿芝治系放于冻柜，因为芝士可能会溶，但该店冇做到，唔通店舖冇谂过天气已热？ 但冇所谓嘅我，都拎起三文治比钱，收钱嘅店员乙，当我比完钱找返零钱后，佢完全冇意识用胶袋袋我个三文治，虽然用胶袋唔环保，但唔通下面落大雨佢要我拎住件三文治去淋雨？最后我自己拎个袋袋份三文治，走左出去店舖，望回，哗，店员乙o卑住我？吓？我有错吗？定系个胶袋要额外比钱呀？ 我谂下次我都系帮趁东海堂喇，起码店员仲会帮我翻热个包添呀！凯施饼店！冇下次喇！…查看更多

前日(星期五), 肥妹话出嚟做功课, 不过叫我唔洗等佢食饭, 因唔知几点钟收工㖞.咁我就返屋企同老豆, 阿妈食饭. 食完饭返屋企途中, 经过楼下间饼店, 比我见到有豆腐芝士蛋糕卖.平时呢间分店冇得卖呢只味o架, 今日竟然有得卖㖞, D卖饼阿姐话系第一日有得卖o架咋, 仲好好卖添, 剩返最后一个啦! 太好了, 仲有得卖, 仲唔拿拿淋去比$咩.我之前同肥妹行街时见到有得卖, 佢已经话想食o架啦, 不过时间唔o岩, 冇理由买咗拎住行街嘛!10:30pm, 够钟落街接肥妹, 佢仲未食晚饭, 就买咗碗粥返屋企食. 食过粥后, 就食粥后甜品喇- 豆腐芝士蛋糕.我攞个蛋糕出嚟, 肥妹问我呢个系乜嘢味道嘅蛋糕, 我话妳试过咪知攞.佢切开咗, 每一人旧, 佢先食一口, 话好香豆腐味, 好好食, 想试咗好耐o架啦! 见佢食完一旧再切第二旧嚟食, 个样好满足咁, 佢仲话要买番个比未来外母试吓添.OK, 收到晒, 下次探未来外母时我一定会买个拎入去o架啦. 见到肥妹个样食得好开心, 好满足咁, 见到肥妹快乐o既样子, 我便高兴了!…查看更多