HeySoNuts

营业中

休息中

本想來食特色甜品品窩夫。點知三點先供應。不打緊，星期日，心情應要輕鬆愉快的。先試鹹食吧！反正肚餓。 意粉軟硬適中，蕃茄汁濃,i like。可惜所謂慢煮雞只是普通煎雞扒，並無軟滑多汁嘅效果。

來了4次：第1次試了all day breakfast, beef burger & 棉花糖綠茶pana cotta比其他all day breakfast不同的是這兒的有烤菠蘿很開胃但稍微不够甜蛋够滑但蛋味不够Beef burger也OK包面是脆的~壓尾的棉花糖才是期待的D脆脆配綠茶panna cotta很好呀~~第2次試了黑蒜大蝦炒意粉很乾身黑蒜味也很出大蝦很爽整軆不錯啊但份量可以多點第3次想試waffle但等了半小時就座後被告知已没有waffle所以走了這次下午來再戰waffle終於食到喇我們選了焦糖香蕉waffle配vanilla ice cream大概15分鐘就來了哇~~好厚身的waffle呀但一點也不實呢一刀切下去就知道waffle很脆很脆仲好香好香蛋味！焦了的蕉也很好味每次都把waffle, 焦蕉, 雪糕， cream和custard一起放入口這樣是最好食的！

Strawberry Cotton Candy Panna Cotta一望就好似中環Sevva的Marie Antoinette's Crave小學雞版下面底層全部係啲草莓味既奶凍、雪糕、果醬。始終離不開藥水味的糖醬太多，奶凍太甜有微酸。我淨係覺得手捧住個又軟又輕既棉花糖波波幾好玩。Smoked Chocolate Glass有oreo餅碎，脆米，合桃粒，棉花糖，似是加重料的石板街。Menu影到會有煙霧彌漫的效果，真係諗太多，一開蓋，2秒都唔夠，無哂煙，影相都影唔切。食到尾都仲有煙燻味，既然唯一賣點的煙燻視覺效果都無左，我都唔知嗆啲煙燻落肚為咩，有啲攞苦黎辛。不過呢啲新派甜品點都要試下，好多女仔都好鐘意。如果你先過個女仔發掘帶佢黎，點都會加到幾分啩！

與友人K再次造訪，因聞說咖啡好得。我掙扎响fish & chips 定burger二揀一之際，K要了蛋沙律焗薯。最後因擔心fish & chips太大份(同埋隔離枱成籃薯條唔知咩原因冇食過咁滯)，我要咗burger，各自要了一杯latte。latte表面啲泡好粗，入口咖啡味出略酸，奶味唔強烈，飲落唔棉密。果然，擺咗一陣泡已散，睇到啲泡氣孔大粗糙。burger影完相洗埋手出嚟食都仲熱，屬加分位，但除此冇長處。包外皮脆啲芝麻幾香，磨菇可以再濕潤啲，西冷幾鬆化調味有啲鹹唔夠肉味，可能芝士有啲搶咗又令佢鹹咗，蕃茄、生菜都幾多汁爽口。K嘅蛋沙律冇問味道，但我嫌切得太大嚿。如果唔係諗住試咖啡，食burger有其他更好選擇。但咖啡試咗又唔得，位置又隔涉，好難有第三次。

在荔枝角逛完週末衣櫥欣賞美美的手作品和自家設計的衣裳後，肚子有點餓就打算上天台的小擺攤吃點東西。怎料它已沒有有名的啤酒配棉花糖出售了，可惜... 於是我就出動了我一直在openrice想吃的list。看到Heysonut裏有著吸引棉花糖就馬上拉著友人往土瓜灣出發。 店舖只在我下車位置的前一條街道，走到街尾就看到，不難找。我們七點半多來到，只等待到五分鐘就有吧檯位置能入坐。 店內環境休閒，椅子均用木造的圓櫈，舒適度還好。我們坐的吧檯位置能看到製作食物的過程，順便偷師留意到員工全都是男生，會不會細心一點呢嘻嘻！ 我先點了一杯熱的鲜奶朱古力 $32，而友人就點了一杯熱的榛子鲜奶咖啡 $34真想不到朱古力還有拉花呢奶味香濃，十分幼滑，只是甜了點。而友人的拿鐵，她就說比她調製的還要好，我只是嗅了嗅，挺香的。後來點了一份Heysonut Breakfast$108，份量都足夠和友人分享。用材頗健康，德國腸多汁美味，菠蘿經煎後變暖引發出清香的甜味，滑嫩的炒蛋再加上一些胡椒和盬，放上乾脆的全麥麵包，口感一流。旁邊的沙拉菜澆了意大利黑

好的咖啡店即使在人流不多的地區，也可以吸引到很多人慕名而來！有好的食物，就會一個傳一個，而Hey So Nut就是偶然間見到facebook有人介紹，看到那舊棉花糖在上，又有喜歡的粉紅色草莓奶涷，當時就即時打比忙碌中的他……即晚去食。可是當時既HeySoNut剛剛開業不久，很多甜品供不應求，等完坐低都五點幾，我想點既草莓奶涷已經停止左……好彩那天叫左綠茶和菠蘿椰子味既兩款靚到嘩一聲，又好味既奶涷先可以平伏番個種失落感！今天打法問定草莓棉花糖法式奶涷仲有冇先去土瓜灣，費時又冇！好在服務員回答現在已經有充足甜品供應，可以放心！太好了，去到還是要等叫入坐，今次被安排坐面向街道既位置！不錯！叫左草莓奶涷，有個罩笠住既煙燻朱古力杯，草莓先到……靚到唔捨得食，但是味道不及綠茶和菠蘿椰子味，佢好像比較甜……有舊雲呢那雪糕，果肉，脆脆，果醬，很有層次！酸味可以冇咁漏…而煙燻的朱古力杯，氣味很難聞，搞花臣♡♡他很喜歡，說很濃的朱古力，walnuts. oreos, 脆米，朱古力雪糕，試左啖，真的係好豐富！like♡♡食甜品配茶最好不過……今次飲左薄荷茶……解膩！

今日特登約埋朋友黎土瓜灣食晚飯，星期六夜晚大概6點鐘到達，可能時間尚早，等左大約15分鐘就有位。首先叫左杯hazelnut latte & 友人叫左jasmine tea飲。杯latte好好飲，香濃幼滑，唔太甜，絕對唔係出面連鎖咖啡店既貨色，兩三啖就已經飲完。之後叫左個三文魚忌廉蘑菇核桃貓耳朵，好香濃既忌廉汁，d貓耳朵粉好煙韌，配埋核桃碎，好有咬口，成個粉好creamy。甜品方面叫左caramel banana waffle & strawberry cotton candy panna cotta。個waffle 一上枱已經聞到好香，香蕉表面係微微燒過，有焦糖係上面。有cream有雪糕同custard醬伴碟。個waffle一食落囗就有好香濃既蛋香味👍👍好好味，佢係我暫時食過最好味個waffle，喜出望外。至於個士多啤梨奶凍造型突出，好有創意，奶凍好滑，配埋士多啤梨醬食落酸酸甜甜，口感豐富。呢間舖頭由飲品、主菜到甜品都好令人滿意，誠意推介，下次必定會再黎試過其他菜式。

是日，與小姐結伴趴趴走馬頭圍道，打算先去近期人氣爆燈的HeySoNuts潮聖，再去牛棚No.1工作室探榮哥。誰知，HeySoNuts四時起才供應甜品！！ 都怪小妹事前沒有搜集情報。只好，無奈地坐下，享用沒有甜點的午餐.....餐廳前的大玻璃窗，不禁讓小妹想起電影“等一個人的咖啡“中，老闆娘呆坐窗邊發呆的樣子。若能與小姐安坐其中，呆望街景用餐，就好了！玻璃窗一側，乃小店入口，牆身飾以七彩的長木板，頗為特別。小店呈長方形的，裝潢樸實大方、粗獷復古且不拘一格。門口直入位置整齊地排滿兩人或四人枱，此外，玻璃窗旁也有一排座位，入口處左手邊的水吧枱旁也設有數個座位，可欣賞沖調師即席沖調各式飲品。我們被安排在轉長走廊中間位置坐下，背後的牆身有少許簡潔精美的吊飾作點綴。再往前進，有一開放式廚房。看過食友食評，週一至週五有$78set lunch 提供，包括沙律或餐湯，主菜及飲品一杯。然而，週六日只提供散點菜式, 如沙律、意粉、三文治、漢堡包等，平均單點也索價$78-$88左右。食物的定價與銅鑼灣灣仔區同類餐廳不相伯仲，在舊區來說，定價明顯有點兒進取了。牛奶朱古力$32既然沒有甜品，決定來杯甜絲

由港島區撘咗好耐車入去食 不過值得 雖然入面冇乜嘢行 入番正題餐廳近門口位有一張長長地嘅bar枱 可以望出景外嘅風暴(不過都係望下啲車 吸下廢氣) 店內嘅環境暗暗地但又唔會黑 仲好有格調 最近門口嘅有一張長枱 以木為主 感覺好舒服 牆身以一啲麻布袋做牆身 襯番門口附近嘅感覺 食物方面本身入嚟想食呢度啲甜品 點知原來要四點之後先有期待下次嚟食番我就叫咗個set lunch$78個餐牌好靚 見到個餐牌 成個人都心情好啲 首先上咗個沙律同茉莉花花茶 沙律汁唔夠多 同埋加上個人感覺嚟講覺得唔係好夠味茉莉花花茶唔夠香 個杯嘅設計原意好好 可以令拎住杯茶嘅人唔會咁熱 但係咀位設計得唔好 好容易會飲到瀉哂(自動sir啲水落下巴)卡邦尼意粉好香好滑 好濃味 份量亦合理 撈埋隻蛋一齊食增加滑度同香味 呢個就要加30蚊嘅 平時單叫好似$48 見佢個雪糕係豆腐味就想試下喇 佢有綠茶味或者豆腐味嫁 而個鬆餅就有朱古力同藍莓個甜品一上枱真係嚇一嚇 咁靚嘅！平時我係唔多鍾意食鬆餅嘅 點知呢度個鬆餅係熱嘅！仲要好鬆軟啲朱古力味仲要幾濃郁下 加$30抵喇總括而言 ：呢間嘢抵食

雖然家住附近，直到最近才有時間試試這家成名了一段日子的cafe。我們在晚餐時間幫趁，剛巧不用等位。可能餐廳主打甜點，主菜選擇不多，只有兩三款意粉、三文治及全日早餐。我們點了茄汁意粉伴煙三文魚、漢堡及綿花糖草莓文治奶凍。意粉普通，但漢堡有驚喜，漢堡做得甚為鬆軟。說回主角甜品。奶凍上蓋上一團綿花糖，一團雲似的，造型好夢幻：回憶起小時候，很愛看綿花糖越轉越大蓬的情景。但這甜膩的味道，現在只吃到幾口。而奶凍，無論味道及造型都很有層次。草莓味奶凍，口感細滑；果醬的甜度剛好，士多啤梨的味道很突出，伴上脆脆的餅碎，再添一口雪榚，口感和味覺都非常豐富的一道甜品。Menu還有其他甜品都很吸引，這店子有機會會再去的。

看到許許多多關於這店的食評大多是正面的, 但因為地處偏遠的土瓜灣區而且重要是宋皇臺公園附近, 以前宋皇臺公園還有個石牌之類的東西, 原來現在已沒有了! 公園亦被翻新成藍球場, 這店的門面是一度鐵門, 內裡空間其實已經比好多café shop大很多, 無論廚房員工, Counter都有足夠人手, 但可能客人都集中在下午茶時間來到所以即使我在下午17:30左右到場情況依然混亂不堪, 有新客入來都唔得閒招呼, 到差不多15分鐘後,等之前的客人就座後才有時間執枱, 似乎在繁忙時間的對應這店還未有方法梳導, 我大概等咗20分鐘都可算係”快”嗰隻了, 因為見其他食評有人等過一粒鐘!這裏的甜品是比較進取的將蛋糕/甜品同一些雪糕/糖之類的組合,企圖取一個較高的價錢同時一次過賣兩件甜品, 但這方法有利亦有幣! 一個人來時會有點猶豫到底食得晒兩樣甜品? 由於我個甜品製作須時, 我慢慢欣賞店內嘅客人反應, 我留意到我隔離位的淑女要了個:法式香草燉蛋+火焰雪山 $50, 她只吃完火焰雪山後只能吃1 Tsp法式燉蛋就停手了, 可能是頂不住吃太多糖製品, 又或者吃了一啖燉蛋後覺得不夠滑, 這樣只付錢不吃的話客人再

点左2個甜品，每樣甜品大概40多至50多元藍莓杏仁雪糕煱夫，幾大份，2個人share就差不多，煱夫即叫即做，幾鬆軟，杏仁雪糕不太甜，整體感覺okCoffee 焦糖 燉蛋，友人不太喜歡說不夠滑，我都是一般喜歡。反而看見鄰座的客人点的意粉，賣相用心，而且很香，增加了我下次試的信心~

近排見到好多人食呢間dessert café都話好食,所以今日專登同肥豬坐車去土瓜灣試下, 滿心歡喜ge我下午一點去到,點知原來4點後先有甜品!!真係超級傷心T_T 好彩肥豬肯夜晚同我再黎過 >V< 我地6點中去到,岩岩好仲淨番2個位bar檯, 睇下個menu真係花多眼亂,好多都想食! 最後叫左草莓Waffle同抹茶棉花糖奶凍.首先黎ge係抹茶棉花糖奶凍. Wa, 好令呀, 忍唔住影左好多相,好彩天氣凍,雪糕無咁快溶xdxd 本身都擔心呢d野得個樣,點知食落好好味, 棉花糖就無謂講la,都係為左令xdxd 但個抹茶奶凍好滑,好多層次, 有豆腐雪糕,脆脆,chocolate chips 同藍莓醬. 用藍莓醬令人驚喜,初初以為係紅豆醬,估唔到藍莓醬配抹茶奶凍都好食!! 連肥豬都話好食,仲食左好多@@食完奶凍草莓Waffle先到,時間岩岩好, 又係一個好令ge甜品,waffle 好大份,而且即做,好香好鬆脆, 無某某台灣café ge waffle 咁厚實, 所以食多d都唔滯, 配埋custard 同strawberry ice cream, 一個字,正!! 下次去一

早一個星期係電視節目介紹HEYSONUTS..發現同自己住既地方十分十分近..於是前日Day off就落黎試一下...睇過食評4點後先會有甜點..大概4點左右去到,只剩下向街既高座,冇問題喇..都坐得舒服!2人點左綠茶棉花糖法式奶凍,曲奇忌廉窩夫配曲奇忌廉雪糕,杏仁鮮奶咖啡及榛子鮮奶咖啡外形十分十分有趣既棉花糖~有如磨菇雲一樣~下面係藍莓醬及奶凍,綠茶味濃~~不過味道不算太突出~最欣賞此waffle,外脆內軟,則邊有雪糕,吉士忌廉及鮮忌廉...依個窩夫既味道係我早前旅行時食過既果種味道!十分懷念~~超喜歡!!!!

 星期日諗住帶BB (手抱6個月) 同婆婆, 姨姨 (共4個大人唔計BB) 一齊去食TEA, 等位一個鐘, 不出奇, 但奇就奇在, 我等左一個鐘後, 我進入店內問一下幾時有位時, 見到有張大枱(8 人枱)埋單時, 以為等到喇! 因為門外只有我4人枱在等位, 後來有8位剛到的, 在門外剛見到拎飛仔, 職員竟然叫佢佢入座, 我立即詢問職員,為何我等了一個鐘都不給位我, 這張枱可以座4人, 為何不給我, 職員這個解釋真的令我憤怒(職員說: 這張是8人枱, (注意8人枱只走了一半人數) 還有4人在坐) 職員叫我等入面我看不到的4人枱, 說4人枱的人已經沒有點菜, 但不知何時離座) 我立即同職員說你都話唔知佢幾時走, 咁我仲要等到幾時?????  職員沒理會我就行開了.... 我已無興趣對呢間食店, 點解可以這樣分配座位???? 如果4人1個鐘後先走, 我要等下去嗎?????? 在此希望有關人士, 可以再培訓一下職員帶位情況!!! 甜品店不是令人快樂的地方嗎???為何要令客人憤怒！！！！！！