Hashtag B

营业中

休息中

銅鑼灣嘅hashtagB同尖沙咀店嘅格局是有分別的~銅鑼灣店一行入去就聞到香噴噴既麵包香味因為麵包🥯工廠都係這裏，所以每時每刻都有新鮮熱辣辣麵包出爐～🔸愛爾蘭忌廉撻 $24最底層都是有糖糖的焦糖醬，另外食得出加了愛爾蘭甜酒的酒味🥃，面頭灑了朱古力粉🍫依然喜歡千層撻皮的層次和口感！🔸 法式栗子撻 $36栗子🌰控要留意👀  外相已經好吸晴栗子味好濃，而且底層係朱古力蛋糕🔸開心果酥 $28再次食左呢個開心果酥😍因為真係好yummy yummy 🤤 開心果嘅味道係好濃郁～質感好鬆軟🤤🔸榛子朱古力卷 $28面層厚厚的朱古力🍫，亦用左榛子醬畫了點綴完成感受收到係充滿濃濃甜甜的朱古味

🥧愛爾蘭忌廉千層撻 ($24)見到新出既撻用咗愛爾蘭甜酒、甜酒焦糖醬，然後上面灑滿咗可可粉😇食落酒味唔算超濃郁，所以絕對老少咸宜😌口感好順滑，就好似凍焦糖燉蛋配咗一個脆皮撻皮🥰十分推薦😌🌰法式栗子撻 ($36)好有聖誕氣氛既栗子甜品😇除左有栗子係面，全個撻面都唧左栗子蓉，食落好清甜，配左咖啡杏仁忌廉同埋曲奇撻皮，口感超級有層次☺️🍫榛子朱古力卷($28)面頭淋上滿滿朱古力榛子醬，咬落每一啖都好邪惡👿入面飽既質感幾鬆化，仲加咗唔少榛子碎粒，好crunchy😍🍵玄米茶鬆餅 ($19)茶控一見到玄米茶同scone呢個配搭真係好興奮😍淡淡既茶香食落好清新，返到屋企烘返熱食好鬆軟👍🏻

愛爾蘭忌廉撻 個皮好香脆 有少少酒味 蛋醬好濃 覺得好出色法式栗子撻比佢既賣相吸引 粟子味好出 配埋佢入面既朱古力唔會話好溜 覺得好夾好味🤤牛角包🥐好香牛油味 好鬆脆 Scone 係我鐘意既口感 好鬆化好香牛油味 仲有勁多款麵包🥯樣樣都好吸引 下次再買埋其他試下

🥖我好鍾意食佢啲蛋撻，今次經過銅鑼灣又買咗個新出口味 蛋撻，同其他產品！仲加多個聖誕樹曲奇添！😌今次經過銅鑼灣呢條街，估唔到有好多人去排隊買佢呢間啲麵包！😍叫咗個蒜蓉包非常之好食，好似之前啲分店唔覺眼！咁啱做facial行過見到！下次都會買嚟做早餐！▫️▫️▫️▫️▫️▫️▫️▫️▫️▫️▫️🥧 愛爾蘭忌廉撻之前都係食開拿破崙千層撻，今次叫咗個我未食過嘅愛爾蘭忌廉湯，感覺最Creamy啲！食都有少少似Tiramisu口感，忌廉好香！外層一樣咁脆口！🥯韓式芝士蒜蓉包呢個買來做早餐一流，非常好食，因為麵包面頭戒開十字，所以蒜蓉融入咗喺麵包，而麵包亦軟熟，好高評價！🥐朱古力扁牛角將個牛角包整到好扁好扁，依然保持脆卜卜！而朱古力令到牛角包唔會咁單調，好香口，正

📍今日行過銅鑼灣，見到d麵包好靚👍二話不說🛒即刻去買番個嘆下先❤️酥脆又香口😋真係忍唔到口呀💯一場嚟到梗係買多兩個麵包做早餐啦🥳 hubby喜歡健康穀物麵包類🥖佢就揀咗穀籽德式扭紋棒👍我就最鍾意bagel🥯梗係揀藍莓忌廉芝士貝果啦✅貝真係勁有咬口呀，聖誕節仲有薑餅人餅乾呀🎉做型又靚又應節呀❤️ 脆卜卜🔥味道好香肉桂味，細路仔一定會好喜歡，我見到都開心呀，節日氣氛滿滿呀🥳正呀喂💯

眾所周知鎮店之寶是拿破崙焦糖千層撻每次來都必買的 撻皮酥脆 厚度適中蛋撻的蛋漿量多且幼滑 蛋味香濃 甜度適中現在出了不同味道 還有開心果及愛爾蘭千層撻麵包店經常出新產品 都是一而再再而三光顧的理由除了千層撻今次買了新產品了提拉米蘇酥皮同樣十分出色 撻上面的cream幼滑 除了tiramisu 味道 入口還充滿奶香味 另外今次要了一件斑斕扁牛角我隔一天吃用焗爐焗一下 同樣很酥脆店面設計挺吸晴以麵包店來說 地方尚算寬敞 方便選購

近年大熱新派麵包店—Hashtag B，主打烘焙美食菜單，並推崇少糖少鹽製作，強調無人造色素及防腐劑，以天然食材手工製作🥐 當中拿破崙焦糖蛋撻相當受歡迎，吸引左大量食客排隊搶購，酥皮 外層鬆脆，配上內層好似布甸軟滑質感，非常好味！而其他麵包款式亦相當特別，例如腸仔竹炭包，用左法蘭克福腸、馬孽里芝士、車打芝士等，令口感更豐富，更有層次～ 下次想試埋佢哋既多色菠蘿包、雲朵吐司等熱門麵包！而店舖有唔少分店，絕對推介大家去試下😋

我竟然都食到網紅店了，這家網絡熱度數一數二的，經過鋪頭都是大排長龍。有好奇過味道，不過卻被排隊的人龍打消了念頭。這天午飯過後，兩點多又經過這裏，竟然不用排隊，那就滿足一下好奇心吧，買幾款包點試試，看看魅力是否真的這麽大。🥧愛爾蘭忌廉撻 $24材料有愛爾蘭甜酒／甜酒焦糖醬／可可粉。撻皮薄薄一層，而且非常酥脆，微微酒香，可可粉微澀，忌廉饀填滿了撻底，味道香甜軟滑，各種味道融合得挺好，很好吃。🌰法式栗子撻 $36牛油撻皮，酥脆得令我驚訝，拿回去已經碎了一部分，拿起來也有部分碎掉了，所以影得很醜😅。頂部半粒栗子，下面滿滿的栗子蓉，撻底也有一層咖啡味的餡料，口感順滑，層次分明，卻不太甜。🥐斑蘭扁角包 $26不知道壓扁牛角包幾時開始盛行，這家也新推出了兩款扁角包，這款斑蘭朱古力醬+椰絲口味的，首先外觀好看，撕開還有牛角包的層次感，不過我比較喜歡沒沾醬的部分。🥖蒜蓉法包 $23法包脆脆的，蒜蓉牛油給得大方，所以那個香味，真的令人難以抗拒。挺大一個，吃不完第二天放光波爐／焗爐，烤個兩三分鐘，又是脆脆的，而且濃濃蒜蓉牛油味，香得口水都流了。總結，是挺好吃的，signature items 各款撻都挺有水

呢間麵包舖我相信大家都唔陌生，我由開業試過到依家咁多次都仲係保持到水準愛爾蘭忌廉千層撻推薦指數💥：🌝🌝🌝🌝🌝愛爾蘭忌廉味同原味比較，又是另一隻感覺，千層撻保持到鬆脆，但愛爾蘭酒味恰到好處，食落唔會太甜冬陰公包推薦指數💥：🌝🌝🌝🌝🌝咁係講笑，食嘅時候真係以為自己食緊冬陰公，酸酸辣辣，開胃得來又惹味，而且入面啲豬肉餡都唔少✨整體來講，水準保持到，而且又定時又會出新口味，保持有新鮮感

終於試到人氣千層撻😍😍😍 每次路過尖沙咀嗰個間都大排長龍，見銅鑼灣都開左分店，放工就黎買下😆見到愛爾蘭忌廉撻好似幾特別，所以買黎試下，忌廉都幾香濃，個撻皮超級脆！！😍 重點我系放工6點幾拎完，夜晚食完飯當甜品咁食，過左3個鐘都好脆👍🏻提拉米酥系新產品，真系未試過tiramisu 配酥皮，原來都幾夾😍 Bagel亦都有好多cream cheese，攞黎做早餐perfect😆🌟1️⃣𝙀𝙖𝙧𝙡 𝙂𝙧𝙚𝙮 𝘾𝙧𝙚𝙖𝙢 𝘾𝙝𝙚𝙚𝙨𝙚 𝘽𝙖𝙜𝙚𝙡 🥯 伯爵忌廉芝土貝果🌟2️⃣𝘽𝙡𝙪𝙚𝙗𝙚𝙧𝙧𝙮 𝘾𝙧𝙚𝙖𝙢 𝘾𝙝𝙚𝙚𝙨𝙚 𝘽𝙖𝙜𝙚𝙡 🫐🥯 藍莓忌廉芝土貝果 🌟3️⃣𝙏𝙞𝙧𝙖𝙢𝙞𝙨𝙪 提拉米酥🌟4️⃣𝙄𝙧𝙞𝙨𝙝 𝘾𝙧𝙚𝙖𝙢 𝙏𝙖𝙧𝙩 愛爾蘭忌廉撻

呢間人氣麵包店，成日經過尖沙咀店都見到排晒長龍。今日發現銅鑼灣原來都有分店！即刻入去去兜個圈，款式好似比尖沙咀多咁！定係因為我太早去所以款式多呢😆。呢度出名千層撻，見佢出咗新味道「愛爾蘭忌廉撻」，係用咗愛爾蘭嘅🍶甜酒、甜酒焦糖醬同可可粉製作而成，外層個酥皮依然好正。熱愛bagel嘅我，每次必點藍莓🫐 忌廉芝士貝果🥯，口感煙煙韌韌入面有好多藍莓果蓉。今次再點多個伯爵忌廉芝士貝果🥯，好香嘅伯爵茶味。另外，仲有我最鍾意嘅芋泥包，呢個紫薯芋泥麻糬包賣相幾吸引，入面滿滿嘅紫薯芋泥，再加埋麻糬，食落真係好邪惡😚，口感煙煙韌韌好喜歡😋😋。

去得多銅鑼灣，先知嗰到原來有咁多好食嘅嘢。不過當然要有個熟路又識食嘅人帶你先得，因為呢啲舖頭都唔喺喺大商場，大街，唔係熟路真係比較難搵。今次就去左#Hashtag B。其實好耐之前已經睇過啲KOL介紹呢間麵包舖，佢嘅賣點係好多層嘅酥皮同埋好脆。當時應該係啱啱開店，又係人氣人龍店。而家熱潮過左好耐，唔使排隊又試吓係咪咁好食先！因為食飽飯嘅關係，我哋乜放左幾個鐘先食，都驚啲皮會淋。不過，一咬落去，不得了！個皮仲係非常脆，而且係香脆，完全唔油！我好鍾意呢個脆皮，因為其實我唔太鍾意食酥皮蛋撻，一般嘅酥皮蛋撻我都覺得比較油。而呢個蛋撻嘅酥皮係脆而不油，太過啱我啦！！雖然嘅個蛋撻比較貴，原味都要$18，個佢個蛋撻比一般都大，而且放左咁耐都係脆而不油嘅酥皮真係好難得，所以貴少少我覺得都好值得。朋友話佢個開心果味都好好食（會再貴少少），下次有機會我都要一定要試下先。

Hashtag B 依個名成日都聽到，今日可以試到最多人識嗰個拿破崙焦糖千層撻😋😋拿破崙焦糖千層撻拎到返屋企都仲keep 到完整無缺，千層撻嘅酥皮就好似拿破崙咁樣一層層，食落口脆得嚟又鬆化，焦糖味又唔算太甜，蛋漿又夠滑身，好滿足😆😆😆抹茶紅莓鬆餅，用左小山園抹茶帶有小小抹茶嘅苦澀味，加埋啲紅莓粒粒酸酸甜甜都幾特別☺️☺️☺️牛角包整返熱嘅食好正，牛油味好正，層次亦都好分明，簡簡單單已經好好食👍🏻👍🏻開心果酥表面灑上砂糖，內裏係開心果醬同開心果粒，食到最後都有啲爆漿嘅效果😜😜

#H͎a͎s͎h͎t͎a͎g͎ ͎b͎之前試過原味焦糖 一直好鍾意佢嘅酥皮千層撻 今次假日下午經過見仲有開心果味 買嚟試吓先😋開心果千層撻 $30雖然唔係撞正新鮮出爐即時食用焗爐翻熱返都好酥脆內餡係實實在在濃郁嘅開心果味再配上酥脆千層多重口感自己食哂唔洗同人share都唔會有負擔 大推！🤤📍Hashtag B (銅鑼灣)銅鑼灣利園山道73號寶榮大廈地下F號舖

約左朋友喺銅鑼灣食晚飯又未夠鐘見肚仔餓 就去咗附近一間人氣面包店買啲包頂肚店內包包嘅選擇好多 令人一時間選擇困難最後買咗件愛爾蘭忌廉撻 順便買幾款做埋早餐仲有芋泥麻糬包、黑芝麻雞尾包同蘋果金寶酥同屋企人分甘同味愛爾蘭忌廉撻用左甜酒焦糖醬 甜甜哋好似布丁咁嘅質感幾得意而另外3款包包亦好多餡 整體甜度唔高 最鐘意係黑芝麻雞尾包 芝麻香味濃 又夾著雞尾包嘅甜椰絲 好得意芋泥就正常咁 而蘋果金寶包好脆好香屋企人都話好好味呢～