Hashtag B

营业中

休息中

之前我已經買過Hashtag B蛋撻🥧，覺得味道很不錯，所以早幾日去左銅鑼灣我又忍唔住買左幾款麵包😎- 拿破崙焦糖千層撻🥧 $18再次推薦，花形設計蛋撻🤩，外層酥皮分明😝，酥脆而不油膩，牛油香味濃郁🧈，蛋漿細膩幼滑😋，配搭底層焦糖糖漿，口感更豐富- 黑糖麻薯包🍞 $21包體香脆有嚼勁😍，拉絲黑糖麻薯甜度剛好❤️- 芋泥麻薯包☺️ $18包體鬆軟😍，綿密芋泥蓉配上拉絲麻著，兩者配搭很夾🤣- 歐陸煙肉丹麥酥🥐 $28翻焗後丹麥酥外層酥脆可口😍，內餡包著鹹香煙肉碎😗📍 Hashtag B - 銅鑼灣銅鑼灣利園山道73號寶榮大廈地下F號舖@hashtagbhk

呢間一直有聽聞好出名位嘅人氣麵包排隊店今日有緣經過銅鑼灣分店 點都要入去參觀下最出名嘅當然係佢地每日都好快賣哂嘅「拿破崙焦糖千層撻」個千層穌皮真係幾鬆化 中間嘅部份充滿焦糖香 口感亦都好滑唔怪之得咁有名👍🏻除咗千層撻 Hashtag B都推出好多唔同嘅麵包個人都鍾意開心果酥、朱古力扁牛角和芋泥麻糬包麵包種類真係好多 無論係鹹包定甜包見到亦都keep住出爐亦都有啲特別款嘅麵包 例如沙嗲牛肉包、奶醬菠蘿包等 好有港式風味

🔹️拿破崙焦糖千層撻鎮店之寶 賣晒就無所以一定要早啲嚟好酥脆嫩滑 好香蛋味 唔太甜🔹️韓式芝士蒜蓉包超香蒜蓉味 焗番熱食 芝士拉絲無難度🔹️奶醬菠蘿包一切開個包就見到滿滿嘅奶醬面頭仲有啲花生碎粒脆皮到每咬一啖都整到成地都係菠蘿包碎🔹️ 牛角包朝早做早餐嘆埋杯回魂啡焗番熱嚟食都好脆口 樂事也

呢間麵包舖。有一個麵包😁叫”伯爵茶芝士忌廉貝果🥯”我第一次食😝食落口嘅感覺，有超級濃郁伯爵茶嘅味道👅勁香👍🏻然後入邊包住忌廉同埋芝士，每一口咬入去🤪就好似飲咗一啖超濃郁嘅厚奶蓋芝士奶茶咁😍好amazing 💯💯💯而且呢個貝果嘅質地超級軟熟，真係好好味😏另外必食:拿破崙焦糖千層撻 🥧✰✰✰✰✰我小朋友就揀咗呢兩個包✌🏻火腿芝士酥🥓🧀🥐🖤竹炭芝士熱狗 🌭味道都好出色，最重要係啲包做得真係好軟熟！

🎀銅鑼灣。必食新品柚子千層撻🌱網紅打卡麵包店🍞🎀🪄店名* #Hashtagb #Hashtagbhk🔮地址* 銅鑼灣利園山道73號寶榮大廈地下F號舖🔮🗾分店地區🗾 銅鑼灣,尖沙咀, 鰂魚涌💰價錢$97➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_銅鑼灣剩系食呢一類👉食物類型搜尋🔍🍜#pickyme_甜品➖➖➖➖➖➖➖➖➖➖➖➖➖🎵餐廳環境🎵今次試下呢間超多人推薦既Hashtagb蛋撻😎餐廳位置好近希慎 所以好容易就搵到 店門系已墨綠色做主調 都幾搶眼！入到去光線充足 食物分類清晰 而且都幾多人☺️🍽️食物質素🍽️舖頭除左有佢地最出名既拿破崙酥皮蛋撻之外 仲有各式各樣新穎麵包 賣相好靚 而且份量足 價格中等 可以接受 另外都有港式牛油菠蘿包 同埋新品柚子千層撻🤗👀評分💖💖💖💖💖🪄柚子千層撻$25本身個人都幾中意柚子 所以就試左佢地新出既柚子千層撻 估唔到都幾唔錯 柚子味幾清香 酸酸甜甜中和蛋漿既膩味 叮熱之後蛋漿會流心☺️酥皮都好脆身 味道十分不錯！👀評分💖💖💖💖💖🪄開心果酥$28最近開心果副產品好熱門 於是就買左個黎試下 呢個都幾邪惡😆酥皮一層層 食落好有口感而開心

我都湊熱鬧，去食下近期好hit嘅Hashtag B！星期六早上去尖沙咀店，點知多人得好緊要，所以走咗。下午去完銅鑼灣行街，發現銅鑼灣店唔洗排隊，仲可以一次過買哂兩款千層撻！🔸拿破崙焦糖千層撻(💰16)(7.5/10) 千層酥皮好酥好香牛油味！個底有一層焦糖，但呢層焦糖令個酥皮底淋咗少少。蛋漿方面，如果可以更厚更脹卜卜就好啦。🔸柚子千層撻(💰24)(7.5/10)呢個千層撻嘅酥皮好味過焦糖千層撻個酥皮喎，忌廉芝士好rich，芝士味好濃，柚子中和咗少少芝士嘅膩，不過食完都係有啲滯。

衝着拿破崙焦糖千層撻去，可能熱潮過咗，已經冇乜人排。雖然麵包款式都算多，因為食咗嘢嘅關係唔算肚餓，所以只係想食少少甜品。可能就係冇乜人買，拎到上手個撻已經係凍冰冰，造型好似一朵花，比普通撻大，一啖咬落，可能凍咗關係酥皮唔算脆，仲有少少淋咗㖭，但濃郁嘅焦糖、滑溜嘅蛋漿即刻加分，好好味🤤一定會再回購回購，打緊字都仲心心念念🫣🫣#唔知係咪我只係買一個撻睇唔上眼，店員直頭係將個掟落枱面，我即刻呆咗幾秒😩

Hashtag B 可以包含著很多意思, B for Bakery, Better, Bread, Believe…我們相信B有著無盡可能性，和我們品牌的概念有著同一意思，重新詮釋港式烘焙，一直創作不同口味麵包去給大家選擇，推陳出新，令大家每天都能品嚐新鮮麵包。我們以健康為首要條件，少糖少鹽，每天手工新鮮製造，嚴選天然食材，每款產品推出前都經過我們反覆調味，務求創造出最令您意想不到的味道。扁牛角包$25鬆脆牛角包沾上朱古力變成脆皮口感更豐富蘋果金寶$25清甜爽脆的蘋果加入係酥皮上令美味更增一層樓紅莓bagle$19酸酸地的紅莓係彈牙的bagle食時加埋果醬同牛油更滋味拿破崙蛋撻$18蛋撻大大個好似花花蛋撻皮脆蛋漿帶甜好香滑

呢間麵包店嘅千層拿破崙蛋撻人氣高企 去到成日sold out🥲要買都唔係咁咁易趁放假特登早啲去朝聖！終於比我買到🥹花花撻皮好靚🥧原來口感咁挺身 但咬落去又變得酥酥脆脆 清脆利落蛋撻表面焦焦地 有啲似葡撻 裡面蛋漿滑溜 唔會太實淨/太淋 充滿蛋香 個底仲有焦糖漿 有啲半流心效果！幾香甜😀果然係人氣產品仲有好多款麵包🥖Bagel、菠蘿油菠蘿包、酥皮撻、Pretzel都有！全部賣相都好靚 價錢唔算貴 試左幾款味道都唔錯 最緊要唔係空心包☺️夠足料

一陣陣麵包香味～～🥯🍞👀望一望…原來系人氣麵包店——Hashtag B🫶🫶,綠油油嘅門面,時尚嘅裝修,好吸睛呀⋯🤭Logo仲好可愛tim🤗🤗店內有多款新式嘅麵包,各有特色,真系會選擇困難,好想食曬佢哋💓,呢度嘅招牌一定系拿破侖焦糖千層撻,必吃的！💯大家見到一定要食呀〰️〰️ 每日新鮮自家制,Taste Better,真系好多人系度等出爐架🥰𝘼𝙣 𝙊𝙧𝙞𝙜𝙞𝙣𝙖𝙡 𝙃𝙤𝙣𝙜 𝙆𝙤𝙣𝙜 𝘽𝙧𝙖𝙣𝙙 ~~ 𝙃𝙖𝙨𝙝𝙩𝙖𝙜 𝘽

之前被同事餵食拿破崙焦糖千層撻今日咁啱行過就買咗幾款同同事做下午茶依到嘅名物除咗佢哋最出名嘅千層撻之外 麵包嘅選擇都幾多而家仲有一個期間限定嘅柚子千層撻柚子千層撻 $24期間限定🙌🏻焗返熱之後 個撻皮好酥脆柚子嘅味道都幾出 食落有啲似柚子芝士蛋糕咁明太子熱狗 $28 好香嘅明太子味~~又唔會太重手 搞得過鹹 而腸仔係脆皮 唔錯唔錯伯爵菠蘿油 $19earl grey味超級重 一咬落去就係濃郁嘅earl grey味而且勁脆皮 再夾住2塊牛油🧈🦦

早兩日放假，終於可以嚟到銅鑼灣試呢間人氣餅店！一入到去啲麵包聞落真係好香呀！猶豫不決一輪之後，都係決定試咗佢招牌千層撻先！🤣本身諗住只係試佢嘅招牌拿破崙焦糖千層撻，但係見到佢新出嘅柚子千層撻又好似幾特別！所以結果兩個都買晒，哈哈哈！.雖然睇千層撻都大個，但拎上手先發現有成個手掌心咁大！✋🏻仲要佢比一般嘅葡撻厚！就咁睇覺得$18其實都唔算貴😯忍唔住食咗個柚子千層撻($24)先，底下有成吋厚嘅忌廉芝士，面層都有微微燒過嘅柚子醬。最驚柚子類嘅甜品，純粹喺面鋪一層好厚嘅柚子醬🙈呢個撻柚子味幾濃，但唔會食落好多醬既感覺👍🏻忌廉芝士微甜，甜度適中！不過自己一個食哂就有啲膩🤣結果拿破崙焦糖千層撻，唯有等到下午茶先食😂食嘅時候都好好味，咬開上面係成吋厚嘅蛋漿，下面都見到有一層厚嘅焦糖醬～甜度都係啱啱好，食落有啲似焦糖燉蛋嘅感覺😆美中不足嘅係佢嘅千層酥皮冇我想像中咁鬆脆🫢.總結：Hashtag B既撻如果以甜品撻嚟講係抵食嘅，但如果以千層撻既標準，可能凍食時撻皮相對偏硬身🤔我買既時候因為唔係出爐時間，店員已經將撻入好哂紙袋，所以直接食都係偏硬。

趁放假又早左起身 為左美食出左去港島果然早左無乜人排隊 即刻買返幾個千層撻新品柚子千層撻🍊以花形千層撻皮出名😍 非常酥脆自家調配柚子醬，加上忌廉芝士柚子醬好濃 但唔會同芝士味搶fo配合得岩岩好 唔怕太甜太漏芋泥麻糬包🍞用左台灣醇芋頭餡，配上麻糬😋麻糬煙煙韌韌又軟糯 一咬仲可以拉絲芋頭泥粉甜綿密芋頭麻糬控必試😍明太子熱狗🌭芝士麵包好鬆軟 鹹鹹甜甜夾住脆皮法蘭克福腸 配埋醃酸瓜主角明太子醬好惹味Balance得好好👍🏻韓式芝士蒜蓉包🧀🥯係韓國風靡一時 熱潮亦帶到香港用左車打芝士意大利水牛芝士 味道濃郁

今日返工時途經銅鑼灣，見到人氣餅店Hashtag B，佢哋的招牌拿破崙千層焦糖撻，如果收工時間先去，次次都已經買晒🤷🏻‍♀️我今日早左，所以竟然仲有貨，真係好開心😍另外佢哋嘅麵包都好吸引，所以我又買返公司做早餐先🥰我今次買左新出嘅柚子千層撻+其他王牌麵包，再配返杯咖啡，完氣滿滿的早餐🥣今日返工時途經銅鑼灣，見到人氣餅店Hashtag B，佢哋的招牌拿破崙千層焦糖撻，如果收工時間先去，次次都已經買晒🤷🏻‍♀️我今日早左，所以竟然仲有貨，真係好開心😍另外佢哋嘅麵包都好吸引，所以我又買返公司做早餐先🥰我今次買左新出嘅柚子千層撻+其他王牌麵包，再配返杯咖啡，完氣滿滿的早餐🥣

平日返工買唔到hashtag b 最出名嘅千層撻， 今日放假終於試到🤩 真係名副其實咁好食！ 唔怪得要排長龍， 平日lunch time 去到都賣曬～♡拿破崙焦糖千層撻 $18食過就知呢個價錢真係超值， 比起周邊細細個芝士撻都要廿幾蚊， #b 超足料， 建議諗住一路行一路食嘅朋友要小心👀 燉蛋幾cm厚， 仲有焦糖醬流心， 皮薄餡靚～♡伯爵菠蘿油 $19#b 第二出名係5色菠蘿包，亦都係我見過最多款嘅菠蘿油🤤 佢地嘅牛油仲係2塊， 夠曬厚， 夠曬邪惡😈