Harbourview Grill (北角匯二期)

营业中

休息中

去完北角海濱新路段，嚟到北角匯嘅 Harbourview Grill。 我地坐窗口位，出面有outdoor 位仲可以帶狗狗黎用餐，氛圍感輕鬆！ 點了Seafood platter ，望住窗外夜景食海鮮，真係chill！ 一大盤海鮮燒烤拼盤，分量足，賣相好吸引！ 🔸烤比目魚魚肉嫩滑，外皮烤到微微焦脆，灑咗少少香草黑椒，清新又帶淡淡煙燻香，完全唔腥～ 🔸挪威三文魚扒外層焦香，切開魚油滲出，肉質粉嫩。🔹紐西蘭綠青口、香蒜蜆、香蒜蝦、藍青口，用香蒜、洋蔥、蕃茄粒、辣椒烤煮，成盤都充滿海鮮鮮甜。大蝦爽彈，特別鍾意綠青口，肉厚鮮味！ 最吸引仲可以任食薯條！脆脆幼薯條，外脆內軟。海鮮拼盤可以揀兩杯飲品，點了白酒、啤酒配襯真係perfect match! 另外可加點side dish，Creamy Spinach（+$38）菠菜煮到軟嫩配濃郁奶香白汁，仲有微微蒜香、芝士香味，邪惡又帶點清新～

下班後於家附近的海景餐廳一邊享受晚餐，一邊欣賞維港夜景露台座位寵物友善，狗狗乖巧地坐在主人身旁，場面溫馨室內設計時尚，深色調搭配工業風燈飾和綠色植牆玻璃窗外的璀璨夜景迷人，氣氛浪漫又不失格調是日餐湯是雜菜忌廉湯，色澤濃郁，入口滑嫩，溫暖又開胃雜錦燒烤拼盤適合二至三人分享，包含西冷牛扒、豬扒、印度香料烤雞、燒排骨及印度羊肉串無限薯條金黃酥脆，搭配肉類非常滿足，還可選兩款飲品紅酒酒體醇厚，帶有黑莓和橡木香，與燒烤搭配得宜

簡直係狗主福音🐶，戶外座位直望維港海景🌊，樓下仲有個大草坪俾毛孩狂奔，餐廳仲歡迎狗狗入內，今次試完個Sizzling Menu仲要鐵板「咋咋聲」勁驚喜🔥 Sizzling Menu熱辣辣 🦐鐵板烤大蝦上枱仲"咋咋"聲🫢！一上枱就聞到蒜蓉牛油香🧈，大蝦烤到微微焦脆好吸引🤩蝦肉爽甜到彈牙🥬鐵板烤蔬菜勁多款式🥦🍅🌶️！薯仔外脆內軟、彩色椒超甜，仲有西蘭花索晒黑醋汁，健康又好味！ 仲有搭配薄餅一齊品嚐😌🍽️ 超抵Dinner Set逐樣睇✨ 南瓜湯濃到可以企匙羹🎃，飲完成個人暖笠笠～ ✨烤紅菜頭沙律甜過蜜糖🍯，配埋火箭菜同山羊芝士，開胃到停唔到口！ 🍝 扇貝蝦扁麵條兩粒帶子煎到金黃色👑，蝦仁大隻又爽口，扁麵掛滿白酒汁，微辣加鮮味直衝腦門💥！ 🍗烤炸雞胸肉芝士蕃茄醬雞扒外皮脆到有回音，切開芝士多到拉絲拉到隔離枱👀，茄醬酸甜平衡超開胃～ 🍨 甜品「草莓奶凍」做結尾🍓，奶凍滑過BB仔面珠墩，草莓醬仲食到果肉，誠意滿分！ 🍷 飲品驚喜「Sangria」水果多到似食緊甜品🍊🍎，肉桂香+紅酒底好易入口～ 而HOUSE WINE開胃～🐕 寵物友善加分位✅ 戶外座位望住維港海景🌊 +草坪，狗狗玩到

北角呢兩年多左好多pet friendly既地方, 餐廳亦開始陸陸續續開放可以帶狗狗, 今日我地就帶埋狗狗黎happy hour chill下🙂1/ 意大利肉球🍗 $128肉味濃郁, 配上特製番茄醬超強烈既口感, 啖啖肉好正!2/ 頭盤小食🍖 $188(有洋蔥圈, 雞翼, 甜薯條等)上菜時已經聞到好香口, 而且好多款野食同份量好大, 我就最中意佢既雞翼, 外脆內嫩😋3/ 墨西哥脆片🫔 $158超大盆脆片, 永遠食墨西哥脆人其中一樣最緊要就係佢的醬汁, 辣辣地帶點刺激😍4/ Water of Youth🍹 $58橙汁, 檸檬汁, 再加上蜜糖同薑原來可以咁夾！咁多杯入邊最中意就係呢個👍🏾5/ Coco Candy🍹 $58飲落有少少咸好得意! 飲得出有熱情果同菠蘿汁, 都推薦大家試下!6/ Margarita🍸 $68叫左一杯酒精飲品既經典, 酒精濃度適中, 加左海鹽係邊, 中和兩者👍🏾7/ Raspberry Smash🍹 $58好fresh既一杯飲品, 有雜莓蜜糖同檸檬, 超醒神！🤩

北角匯自落成後多咗吾少餐廳進駐，餐廳戶外位置更能欣賞海景🌊一路食西餐一路望住靚海景好浪漫☺️食物質素亦不錯。✿ Mix Grill Platter食肉都食得咁多款式🤤有西冷牛扒🥩豬背肉 天多利烤雞🐔BBQ豬肋骨🐷牛肉卷 重點仲有任refill薯條🍟🥩西冷牛扒叫咗5成熟，肉味香濃，能夠鎖住肉汁。🐔天多利烤雞充滿印度風味🇮🇳雞肉夠嫩滑惹味😋🐷BBQ豬肋骨醬汁好入味❤️每一口肉亦吸引香濃醬汁，令人回味無窮。🐮牛肉卷同樣系印度菜式，肉質結實，沾上薄荷醬頗能搭配🌱🍟任食薯條系薯條控恩物🤣本身有一份，refill咗一輪，一路食肉一路食薯條好滿足👅

入到黎北角匯呢個商場搵食，當然要搵下有無餐廳睇到靚景架啦，於是揀咗呢間喺1樓既西餐廳。餐廳既景觀唔錯，幾開揚，想既話仲可以坐戶外添！我地一行兩人，最終選擇坐室內。午餐既選擇都好大路，可以話無咩驚喜，又可以話實會揀到自己既心水。Appetizer buffet 無影到相，因為實在太唔吸引有大路既餐湯、沙律菜各一款，仲有幾款熱食，例如：butter chicken, eggplant and pork, pepperoni pizza 🍕，但個賣相就有少少似兩餸飯既 feel，我地睇完就算，唯有專心食主菜見到份主菜，個心終於定番少少呢個豬背扒有燒香既味道，厚切得黎又剛剛好熟哂，熟得黎又保持到肉汁，調味亦剛剛好，想濃味d就可以點旁邊的黑椒汁。幼薯條香脆，整體算係好味道！三文魚扒亦都煮得出色，魚皮香脆，魚肉嫰滑，配菜份量唔少，屬健康飲食之選。餐飲揀咗凍檸檬茶少冰，正常水準。整體來說，如果想喺北角搵個地方舒舒服服食餐lunch，又可以坐耐d慢慢傾計，呢間都尚算唔錯既。但如果目標係好似食半自助餐咁享用個Appetizer buffet，咁呢間就完全唔係嗰回事啦！

選用厚切的12安士肉眼扒，經過高溫煎製，外層焦香，內裡保持多汁和嫩滑。簡單的鹽和胡椒汁調味，突出牛肉的天然風味，可以搭配蒜香黃油或紅酒醬汁，增添風味。配菜包括烤蔬菜、馬鈴薯泥或沙拉，這些都能很好的平衡肉類的豐富味道。蘋果金寶脆脆選用新鮮的蘋果，切成薄片或小塊，蘋果的清甜和多汁口感是這道甜品的基底。金寶脆脆由麥維他餅壓碎而成麥片，加上沒有經烤焗，因此脆度不足。

餐廳感覺放鬆悠閑，特別坐在落地玻璃旁邊。除了室內座位，更有露天位置，天氣好的時候，坐在外面，感覺會好不錯。‖ 招牌沙律 ($148) ‖十分大碟！賣相吸引，感覺好豐富🤩。雞肉雖是雞胸，但一點也不嚡，軟淋多肉汁，雞味甘鮮濃厚😋。除了沙律菜，還有牛油果及雞蛋，正👍🏽。‖ 小烤羊手卷 ($168) ‖卷餅大大個，餡料塞得滿滿。羊肉味道香濃，不會太乾，夾雜沙律菜和醬汁一起吃，好味😊。配菜有薯條和沙律。‖ 香炸魷魚圈 ($138) ‖不太喜歡這種炸法的魷魚圈，炸得太乾。裡面的魷魚肉質乾硬，不太吃到魷魚味，吃了兩三塊，沒吃了。‖ 紐西蘭牛扒配蛋 ($148) ‖雞蛋好搶鏡，煎得好美😆。牛扒望落不錯，吃落有好香濃的炭烤味，牛味都濃，有筋的地方都不少，最好趁熱食。‖ Latte (+$28) ‖‖ Mocha ($48) ‖Latte稍淡，Mocha則幾好飲。

在北角發現了能欣賞到海港美景的西餐廳。餐廳的價格相當合理還有露台座位可以帶寵物一起用餐ฅ^•ﻌ•^ฅ餐廳每天都有套餐和Happy Hour優惠在OpenRice上指定時間訂位還能享受85折的折扣，真是超值！⟡‧₊吞拿魚金塊配芒果辣醬($148)⟡‧₊肉眼扒12安士($298)⟡‧₊龍蝦及大蝦意大利飯($208)⟡‧₊ Detox grapefruit ($78)⟡‧₊ Passion pavilion ($68)小食吞拿魚金塊配芒果辣醬搭配得宜。半熟的吞拿魚外層滿佈芝麻，配以清新的青紅椒和芒果辣醬，味道不錯。穀飼肉眼扒點了五成熟，火候掌握得恰到好處，牛扒相當厚實！龍蝦及大蝦意大利飯有驚喜！大蝦和龍蝦肉的份量相當慷慨，整碟有五隻大蝦，並且能明顯地品嚐到龍蝦肉。配上蕃茄意大利飯，飯粒微硬有咬口，值得一試！Detox grapefruit和Passion pavilion都十分清新，前者充滿西柚和檸檬汁，酸甜可口；後者則融合了熱帶水果的風味，作為餐後小品非常合適♡

今天與朋友經過附近，便走進這家餐廳用餐。透過窗外望去，眼前是一大片草地，遠處還能看到海景。這是一家友善寵物的餐廳，並且在星期一至星期五還提供不同的特價優惠。英式吞拿魚沙律 $148沙律色彩繽紛，搭配新鮮的生菜，並加入大量吞拿魚，口感清爽脆炸焗薯皮 $118焗薯皮一共六塊，配有三種不同的醬汁，包括牛油果醬、莎莎醬和酸忌廉醬。口感酥脆，，個人認為莎莎醬與焗薯皮的搭配不錯墨西哥雞肉夾餅 $128墨西哥夾餅有四塊，餡料包含雞肉和芝士，味道適中，可以搭配牛油果醬、莎莎醬或酸忌廉醬享用烤雞牛油果手卷 $168烤雞牛油果手卷內含香滑的雞肉和牛油果，並加入大量的蔬菜、洋蔥等配料，醬汁微辣泰式咖哩雞肉燴意大利飯 $158雞肉燴意大利飯使用泰式青咖哩汁，飯粒均勻包裹著醬汁，內含雞肉和洋蔥等配料，入口時有明顯的辣度

餐廳環境開揚 通過落地玻璃窗可以欣賞到海濱長廊的景色 露台為Pet Friendly Area 非常適合攜帶寵物一同享受美好時光 當黃昏來臨時可欣賞迷人的日落美景 為用餐增添了一份浪漫的色彩 .🥩菜單上牛扒無疑是一大亮點 肉眼扒點了五成熟 火候的控制相當到位 表面烤至焦香 單看牛扒上那格仔紋路已令人垂涎 上菜時牛扒依然熱騰騰的 切開後中間呈現出誘人的粉色 肉質軟嫩多汁 散發著濃郁的炭燒香味 配上海鹽口感絕佳 .🦞如果是Risotto的愛好者 可以試試龍蝦及大蝦意大利飯 飯粒水潤帶點嚼勁 濃稠的質地中透出蕃茄的一絲酸甜 大蝦爽口 龍蝦肉質鮮美 .小食會推薦酥炸魷魚圈 炸得外脆內嫩 蘸上自家調製的醬汁 配搭一口冰涼的啤酒更添風味.餐廳坐落於北角海濱長廊旁的北角匯 是北角較少環境開揚且Pet Friendly的餐廳 型格的裝修配上輕快的音樂 在假日頗有渡假的感覺 是三五知己把酒言歡的好地方💆🏻‍♀️

朋友來香港玩，住北角酒店，問我北角有什麼好推介的，才發現原來還蠻多人來香港旅遊住北角的。第一次來人生路不太熟的話，一律建議北角匯，餐廳選擇頗多，而且底下有一田超市可以買點零食回酒店吃。這家可以看海景的西餐，是北角匯內個人蠻喜歡的餐廳，價格可以，份量大，人多一起來喝上幾杯，氣氛挺不錯。NZ MUSSELS 新西蘭青口：青口以香蒜白酒醬炒制而成，很鮮美，青口肉質鮮嫩，雖然醬汁濃郁，卻仍然能明顯吃到鮮味。FISH FILLET BURGER 魚柳漢堡：個人最愛，魚柳漢堡的麵包層用了牛油輕煎，酥脆香口，魚柳炸得脆卜卜，內裡鮮嫩多汁，而且是Double魚柳，兩大塊魚好多汁，搭配新鮮酸酸地嘅他他醬，及新鮮蕃茄，還有伴碟的香脆薯角，很邪惡但很美好。US BABY BACK RIBS 炭燒豬肋骨：炭燒豬肋骨外焦內嫩，醬汁濃郁而不膩，而且份量夠大，加上爽口coleslaw和綿密的熱辣辣香脆炸薯條，性價比高。LINGUINE VONGOLE 香辣蒜茸白酒蜆肉意粉：一眼望去，大量的蜆幾乎將意粉淹沒，醬汁帶香蒜和微辣味，頗開胃的，意粉亦是軟硬適中，店內蠻有名的菜式，不過我最愛還是魚柳漢堡。

27/9晚上6:30PM，我和朋友在沒有訂座下，進入這餐廳晚餐，被安排坐WINDOW SEAT，食物ok，但進食完畢後餐廳經理便因為我們並不是訂座以請我們埋單。其實如果入座時有所聲明是可以接受，僱客可以有所選擇。但餐廳的安排十分不禮貌，相同價錢相同食物質素的餐廳比比皆是。唔想受氣我以後唔會幫親，用金錢投下不信任一票。

這間Harbourview Grill 環境開揚舒服，眺望北角碼頭的海景，設有室內/外座位，二人枱都是十分寬敞闊落。餐牌選擇多，份量十足，好適合一班人黎開心Share.招牌沙律，份量十足，有新鮮沙律菜，烤雞肉，雞蛋，煙肉，麵包粒，及半個牛油果，醬汁不會過多，是有營健康的前菜。大大碟的墨西哥Nachos, 墨西哥玉米脆片鋪上蕃茄，洋蔥，芝士入爐烤至溶化，再加入黑橄欖和醃製墨西哥綠辣椒，就更加墨西哥風，配上忌廉，蕃茄醬及牛油果醬，味道豐富。龍蝦及大蝦燴意大利飯，味道酸酸甜甜，愈食愈開胃，飯粒煮得剛好，還有點咬口，有兩大件龍蝦肉，跟大蝦一樣爽口。配上一杯西瓜smoothie 及西柚的健康特飲，十分滿足。

遇到壓力時，偶爾想找個寫意的地方，好好吃一餐，藉此慰藉心靈。位於北角滙的Harbourview Grill是一家意大利餐廳，座位寬敞舒適，坐擁海景，而餐廳更設有室內及室外區兩部份，方便食客帶同寵物一起用餐。香炸魷魚圈送上來時是剛炸起的，熱辣辣，外酥脆內煙韌，讚。雞肉牛油果沙律沙律份量十足，蔬菜新鮮，雞肉有燒烤香味，口感嫩滑，搭配綿潤的牛油果，perfect!香濃芝士大蝦意粉意粉芝士忌廉味及菌香味巨濃郁，口感creamy，大蝦爽彈，加上意粉內於了2大是雜菌，口感豐富。香辣蒜茸白酒蜆肉意粉蜆肉數量非常大份，肥美鮮嫩，而意粉煙韌彈牙，蒜香味極濃，微辣的味道巨惹味。士多啤梨沙冰及榛子咖啡奶昔沙冰幼滑香甜，有滿滿士多啤梨香；奶昔榛子味較咖啡味重，奶香味突出。