Happy Lemon (已結業)

放學到超羣 買muffin 和蛋白蛋糕後、步行到新之城乘車回家...覺得很渴很熱、看到這店的飲品我未嘗過....便來試試吧....點了黑珍珠奶茶....店員服務有禮貌...等了3 - 4 分鐘、奶茶便送到我手上、立即喝一口、好像蠻不錯....奶茶甜甜的、珍珠口感煙韌....不過當我多喝幾口便開始喝到茶的澀味.....最後是喝了半杯便放棄了。OK 是給店員的服務和珍珠的口感。

雖然呢度好多款飲品，但次次都抵擋唔住布丁的引誘，今次又飲紅荳布丁烤奶茶喇。香濃既烤奶茶夾雜住香甜軟滑，充滿蛋香既布丁，加上軟硬適中既紅荳，口感十足，滑嘟嘟的一口啜落去，齒夾留香，實在係人生一大享受哩！

每次行經新之城必飲..又平又好飲..最近試左地瓜果隻..幾特別..好有口感!最愛都係烤珍珠奶茶..好香喔~佢d凍飲好似好味d~

這間台式飲品店開業這麼久，一直想試，只是以為價錢會好貴，size 又細杯，會唔抵飲。誰知星期六跟妹妹出旺角買鞋，她看到有掛牌寫著烤珍珠奶茶，嚷著要試。於是買了一杯黑珍珠香烤奶茶和蔓越莓晶凍果，妹妹說奶茶有茶味冇奶味，而且啲瑖好細粒，喝不慣；我那杯由莓和檸檬打成的雜飲反而不錯，酸酸地，夏天飲最啱，兩杯飲品只是$20，原來唔係好貴。

7/1同朋友行過,見有D口渴,自己就買咗杯布丁奶茶.一飲係FEEL到個D布丁超滑,味道仲好特別,大家不防試下!!而我個FD就買咗翡翠檸檬菠蘿凍,佢話味道幾好,飲完仲話唔夠喉!我諗我下次會再試下其他款!!

還是口渴，又來了至愛的happy lemon買飲品。這次試了新的翡翠檸檬菠蘿，不過這次失策了，沒有要求小甜。不過味道還蠻清新的，只是我覺得菠蘿味蓋過了檸檬味，杯內也有一些jelly之類的東西，增加口感，整體來說都是不錯的。小小的店子都換上了聖誕裝飾，聖誕節不遠了。

在新之城交收拍賣品後，臨回家前感到口乾，要買點飲的但附近竟沒有便利店，幸好記得新之城有happy lemon，見人不多就買杯烤珍珠奶茶加大裝$12。奶茶味較甜；珍珠細細粒﹑不彈牙，味道有點燶(烤)味。不太特別但勝在夠平。

食完lunch, 轉個彎去左happy lemon度買野飲...老闆叫左杯烤黑珍珠奶茶; 我就叫左檸檬彈珠..杯奶茶我早前已經試過不過比一般既珍珠細粒d無咩烤味唔算特別, 反而杯彈珠都幾得意好似大粒牌既西米咁...酸酸地味道唔錯

初頭我諗住有養樂多會好杰, 仲預算飲完要買支水沖沖個口.點知佢又好希架喎, 但又有益力多味.蘆薈切到好碎, 用筒已經可以啜哂入口.杯野都算幾清新之選, 唔會甜耶耶

響【Yahoo!去邊度】睇左袁彩雲關於HappyLemon ge 食blog，覺得好似幾特別，去開mk，梗係順口啜啖啦～點左「翡翠檸檬菠蘿凍」，＄10 標準杯，都ok 夠飲，價錢遠比Ｄ咩林咩岩咩山果Ｄ抵飲。本身諗住呢Ｄ飲品店ge 飲品就算有生果名響度，都係好淡好少，加埋冰ge 話Ｄ果味多數會偏淡，甚至乎淡到有Ｄ腥。點知杯野ge 檸檬味好夠，但又唔會顯得好酸，口味好清新，直情好似牙膏廣告咁有個檸檬響你面前爆發～味道調得夠味得黎又唔會太濃，飲完唔會喉涸涸～底下果Ｄ唔知咩凍（／．＼|||），唔會話係完全冇味一pat pat ge 果凍，而係有少少咬口、甜甜地，都幾好食。惟一略嫌美中不足ge 係，果Ｄ不規則形狀ge 凍凍比較難啜。整體而言，飲完可以再飲，如果多Ｄ分店就好喇～

見OR咁多人讚happylemon平靚正，就走去排隊試下先。要左個大紅豆布丁烤奶茶($14)，一飲，「嘩!!好削呀!!」茶葉唔得；再飲，有少少紅豆味，因為見到佢加左一小匙既紅豆；飲到最後，「咦，點解無咩布丁既，明明見佢落左唔少架」，哦~原來無咩味既，所以吸左都唔知。另外，朋友要左個大烤珍珠奶茶($12)，見佢d珍珠好細位，係平時既一半size。問問朋友，佢話珍珠唔夠Q，稔得滯無咩口感。雖然今次既印象唔多好，但會比多次機會。希望下次好飲啦

分別試了翡翠檸檬菠蘿凍($12)同熱情果蘆薈優多($10)。翡翠檸檬菠蘿凍很清爽，菠蘿味蒟蒻很有咬口，帶點煙韌，檸檬味飲料令整杯野變得好fresh~標準杯也十分夠飲。熱情果蘆薈優多味道好清甜，但熱情果味同優多味都不夠，偏淡，蘆薈唔錯，很清甜。以咁ge price 黎計，係超級無敵的抵飲，足味又足料，為最佳解渴飲品。

八月二十日我和女友睇完"不能說的秘...殊!唔講得呀??"後，再經過新之城門外..其實不是經過，係我專登誘導我女友去，因為我好想飲他們的特飲.由於小弟財多身子較弱，且久咳未癒.故不能服用凍飲，只好飲熱。我和女友都選了熱烤薑奶茶，薑屬燥物，能驅寒。望能治好我寒咳之苦。約莫五分鐘便制成，喝下第一口已覺得奶味濃郁，到達喉管已感受到薑所帶來辛辣，兩者配合得出其。有下次，有下次。

我好少去旺角，今日剛好經過happy lemon，已經覺得個大頭女仔icon好可愛=)佢係仙踪林其下既，感覺好乾淨，選擇比一般既仙踪林多好多而且好特別，$13就有大杯裝好抵=)味道都好好呢~

因為所有烤茶同奶茶都sold out同fd一人一杯.lemon 野,發現之前食評係無人飲過.真係選擇失敗.好似鬥甜咁................