Happy Belly (已結業)

早幾日到太子買東西，順便去了Happy Belly，支持一下。平日下午三點左右，人不多。我選了麻辣慢煮雞刈包和白桃烏龍，刈包上蓋了店家的標誌，一定要趁熱吃，凍了就不好吃。這種中式漢堡包，外皮雪白軟滑，可是很容易就會黏到紙上。麻辣慢煮雞肉有驚喜，稍微有少許辣，醬汁調得惹味，配軟嫩雞肉，爽脆青瓜，很開胃。配上我最喜愛的白桃烏龍，就是一個很好的午餐。香港人辛苦了，有時間，來加加油，為小店，為自己打打氣💪💪😍。

2個月前喺另一間新開張嘅食肆試過刈包， 當時係現場食嘅味道感覺好差， 個包濕淋淋好難食，今次特登去Happy Belly食，印證一下到底個包濕淋淋係咪通病呢?今次嗌咗寒天荔枝綠茶($33)及特製馬德裡魷魚刈包($48)試下， 由於係即叫即整， 都等咗大約8至10分鐘， 請大家耐心等候Happy Belly主打做外賣，當時大約中午12:30, 現場大約有三張高枱及十張高櫈已經滿晒， 我唯有買返屋企食。車程大約半個鐘， 返去依然聞到個包嘅香味， 包上有少少濕係可以理解， 所以我用焗爐焗咗一陣至食。整體嘅味道幾好， 魷魚其實係菇類， 素食嘅朋友可以考慮一下，醬汁都好配合， 值得各位一試。

自「Happy Belly」開業以來，飲食業失落的熱鬧繽紛場面再現，令人鼓舞！兩個擁有 Belly 的人，趁著特別的日子來到 「Happy Belly」！當時大概中午一時抵達，現場約有六、七名食客在用餐、三名在輪候購票。我們馬上兵分兩路，一人排隊購票、一人尋找用餐位置。等餐時間大概十五分鐘，絕對可接受。於等餐期間，人潮開始湧現，幸運地策略成功，Give Me Five！「Happy Belly」以售賣刈包為主，暫時有四款口味供選擇，其次有薯條和雞翼等小食，飲品有冷泡茶和特飲，基本上在 「Happy Belly」飽餐一頓，除了品嚐到不錯的味道 (特別是邪惡的驚喜小食)，加上價錢合理，而同聲同氣的溫暖和香港人的凝聚力，更是無價寶，值得多支持！蒜蜜牛油雞翼 HK$38第一必吃是蒜蜜牛油雞翼，選用單骨雞翼，容易進食且香脆和入味效果更佳，讚讚讚！賣點是澎湃蒜香和牛油，入口啖啖的超吸滋味混合罪惡感，要比越南的蒜茸牛油雞翼再高幾班，不得不吃啊！最後每人嚐到五隻雞翼 (共十隻)，份量要比預期多，抵抵抵！另有黑松露醬雞翼和鹹蛋黃金雞翼，我想下回挑戰鹹蛋黃口味！鹹蛋黃金薯條 HK$38話口未完，鹹蛋黃出場

吉烈蠔刈包即叫即做，熱辣辣好好味。配埋塊芝士同d醬好夾。今次喺朋友約埋一齊去食；大家二口同聲都話下次要帶埋屋企人去試。仲有黑松露醬雞翼食到停唔到口。再配埋杯蘋果鮮橙綠茶，簡直 Perfect match！杯飲品第一啖入口會覺得好香，香味真係好突出，令到整體唔會覺得太膩。不過美中不足就係坐位少。

Stay Hungry Not Hangry Happy Belly 無論係店名、Logo到收據上呢句說話都充滿住可愛同幽默粉仔就最愛台灣食物加上有男神所以一定要嚟試下估唔到食物好有驚喜台式魯肉片刈包$44片有軟骨嘅豬肉 真係正中粉仔喜好😍😍😍 調味適中 夠味得嚟 唔會太鹹 仲有酸瓜點綴 蒜蜜牛油雞翼$38一見到盒雞賢份量有咁多 已經好驚喜 而且單骨雞翼非常適合懶到出汁嘅粉仔😜 炸完嘅雞翼仲咁juicy 以為咁多食唔晒 點知食到停唔到口 一眨眼就清咗飲品不論係茶定係手拍青瓜espresso tonic都好飲茶仲可以攞返屋企加水再泡多次有時名人開店會驚名過其實但男神呢間舖食物質素唔錯真心值得支持👍

今日去始創地庫一試由男神王宗堯同女朋友開嘅刈包。我揀咗台式魯肉片刈包，鹹蛋黃金薯條及蘋果鮮橙綠茶。由於趕住返屋企，唯有叫外賣攞返屋企食。由太子返屋企大概需要30分鐘，刈包依然好好食，薯條直頭係極緻，杯蘋果鮮橙綠茶都好好飲。果然全部都係經過男神加持，有愛用心嘅製造零舍好味🫶🏻絕對推薦👍🏻

當日大約下午茶時分 ， 點了一個四川麻辣雞刈包，刈包質感鬆軟，麻辣雞包確實偏辣，口感豐富。另外我點了一個白桃烏龍，個人覺得烏龍茶浸泡得太久 ，味道算濃郁，但我個人認為茶浸得太濃，喝了一半已經感到胃部不舒服。整體而言，我會再試這間。

今期至hit嘅刈包、小食店！試業期間店主王宗堯孖住女朋友親身上陣，平日放工特登去幫襯一賭店主們勤勞嘅身影小店係友利坊隔離，大大個粉紅色霓虹燈非常吸睛，只有兩張枱幾個座位供應💁🏻有四款刈包，其中素刈包更與Yau Veggie 聯乘；飲品方面，手拍青瓜咖啡湯力則與Pedestrian Coffee 聯乘✨༝༚ 麻辣慢煮雞刈包 ( ᴴᴷᴰ 40 ) 當晚嚟到，部分刈包已經售罄，同夜晚唔飲咖啡所以只叫了一個刈包～ 刈包包身好軟淋淋，少少易爛口感差啲，但是餡料的慢煮雞煮得嫩滑，麻辣醬汁易入口，有機會要再嚟試 .ᐟ.ᐟ.ᐟ

12點半去到已排緊隊應該係岩岩開門大概係排緊第5，6個！候餐時間唔算耐，試左一個麻辣雞刈包一個係魷魚刈包同咸蛋黃金薯條,飲品就係碟豆花草莓梳打同蘋果鮮橙綠茶！兩款刈包我都覺得好食，而兩杯飲品黎講我個人鍾意杯梳打多啲，但唔想飲太甜既人飲蘋果鮮橙綠茶會好啲！因為枱唔多，當時又多銀髮族所以留番啲枱位俾佢地，外賣去左對面金都商場隔離食雖然係户外但有啲公園長櫈响度都ok！

新開張就八卦就去排排隊湊下熱鬧，雖然排得有啲耐，過程中職員都不停出黎幫忙同商場職員協調，但係感受到大家都係充滿愛地等待，前後有唔同人傾下計，講下覓食同無聊八卦，當我自己都排到差不多可以點餐既時間，有聽到老闆出黎講返麻辣慢煮雞刈包同咸蛋黃金薯條既等餐時間較短，所以我就好聽話咁跟住點啦。因為個人口味問題鍾意食熱野，個刈包冇乜溫度就會喺我心裡面扣咗少少分，其實個味道係好味既。至於黃金薯條又超級開心，唯一需要擔心又係唔小心啪太多啲指數會爆起黎姐。所以已經決定咗要返去試埋有溫度既口味，再黎一個均真啲既食評。

由香港本土男神王宗堯與女友Julia情侶檔開設嘅小食店「Happy Belly」，以台式小食刈包為主角，款式中其實只有4種可以選擇，另有小食、咖啡、特飲。小店位於人氣店「友利坊x友利冰室x勿當奴」旁邊，以外賣為主，門口有少量檯櫈。近年，台式刈包成功打入香港美食界，今次新開業小店亦主打刈包，包括芝士吉列蠔刈包$44、台式魯肉片刈包$44、麻辣慢煮雞刈包$40、特製馬德里魷魚刈包（素）$46。其中，芝士吉列蠔刈包內有兩隻炸蠔， 金黃色炸蠔大小適中，帶有脆感，內裏配有芝士片、沙律菜，減低炸蠔油膩感，但感覺似平時「友利坊x友利冰室x勿當奴」嘅炸物。而特製馬德里魷魚刈包為素食之選，原來係同素食小店「游° Yau Veggie Bistro」聯乘之作，雖然名為魷魚刈包，但其實係雞髀菇，炸成平常魷魚圈形狀，單睇外表未必知佢係素食，加上醬汁酸甜中帶有微辣，幾開胃，比招牌炸蠔刈包較有驚喜。呢杯手拍青瓜espresso tonic同時包含3種材料，手拍青瓜、espresso咖啡、tonic水，攪勻後一啖入口，最初好重手拍青瓜味，非常清新，配搭炸物刈包就更消滯解膩。而中間滲出咖啡味，然後係tonic嘅澀味，