HABO室內釣蝦場

营业中

休息中

Habo釣蝦場(新蒲崗)📍新蒲崗六合街9號Artisan Hub地舖年尾有好多朋友gathering搵咗個好正嘅釣蝦場地點又就腳，新開好乾淨而家仲做緊特價，都係$100/鐘，都幾抵玩我哋一坐低就已經有職員提供釣具俾我哋仲即場示範同教我哋點樣容易啲釣到蝦自己玩咗一陣 都開始上手同朋友夾埋跳咗10幾隻蝦仲可以即場煮嚟食白灼蝦免費 其他口味可以另外比加工費都幾值得加 因為幾好食自己最鍾意嘅川味麻辣蝦🌶️整得好入味 而且啲蝦好新鮮 爽口彈牙🦐仲有蒜香醬油蝦/咕嚕蝦/黃金蝦最好同多幾個朋友一齊嚟釣多啲就可以試多幾款🍟另外再點左個椒鹽燒賣同啤酒薯條薯條用咗啤酒落粉漿到炸 十分之香脆仲有黑松露蛋黃醬點埋 好快就清盤🍢椒鹽炸燒賣十分之邪惡但係好好味外脆內軟

今日星期六，預早book左黎釣蝦，慶祝男朋友生日😍我哋兩個都係第一次釣，感覺好新鮮🤭星期六我哋下晝兩點幾嚟到都比我想像中多人。總共有兩個大池，因為呢間係新開嘅，所以裝修同埋設施都好新淨👍🏻我book咗兩個鐘頭，每人$250。兩個人加埋先釣得嗰四隻😂最後每人都會有五隻送俾我哋，俾我哋揀用咩方式去煮😆我哋揀咗用蒜香去炒，加$50👌🏻呢一個蒜香蝦，係我食過最好食嘅蝦😋😋真係唔係誇張，佢係勁新鮮同埋d蒜係勁香，有啲燶燶哋嘅感覺，勁加分！

今日小朋友考帶，搵地圖泊邊好時，見到呢個釣蝦場喺隔離，完成任務後，就當獎勵小朋友去玩，媽媽我未玩過，其實係自己想玩😝預約左5:30，門口有張長梳化，可以舒適甘等，大概10分鐘到，店員安排去櫃台先付款，只收現金及轉數快，取竿再入座。最少每兩人一竿。我哋5大2小，最少要4支竿。最少玩1小時，如果無收穫，一支竿係會包左5隻蝦。白灼唔駛加錢，其他煮法就按重量加加工費。其他小食全部都係炸物😎場內有兩個大池。我哋座最入面。環境暗啲，方便睇到螢光魚標👍墻上有極大魚樂無窮睇😂每支竿配一兜蝦皮，夾同毛巾，唔識玩店員會講解，時間到會過嚟問你煮法同有無其他小食想叫，即比錢，再安排你座中間左手邊進食區，等食！諗住唔係吖，一隻都釣唔到，甘樣衰之際，最終都有收穫！一個家庭各吊到一隻！係媽媽們吊到既，爸爸們食白果😆叫左黑松露薯條🍟，係跟黑松露醬！好好食，勁脆，有薯仔味，無雪味架！小朋友搶住食！主角黎啦！黃金流沙蝦，好好味！拍得住出面啲海鮮酒家，啲蝦掛得住啲鹹蛋黃，仲有啲蝦肓。但食3隻都已經漏漏地。總共有23隻吖！店員送多一隻比小朋友👍總括嚟講，店員好nice, 有咩動靜都會走過嚟，對小朋友友善。場內乾淨。應該會再過

[ HABO室內釣蝦場 ]最近發現到新蒲崗新開咗間室內釣蝦場🎣🦐，佔地約6000平方呎，有兩個釣蝦池，容納到近100人。 營業時間：12pm-12am釣蝦收費：1小時$1402小時$2503小時$3404小時$410費用已包括租借釣具🎣、釣鉺及基本烹調（白灼)。去到釣蝦池時店員好詳細咁介紹釣蝦方法。店員會不定時加入新鮮蝦隻🦐，確保活躍度，又唔怕俾人釣走晒啲蝦。由於之前有釣蝦經驗，今次都成功釣到唔少蝦。🤣🤣 如果一隻蝦都釣唔到，店員會每個客人保底俾返5隻蝦。釣完之後店員會問你想直接拎走/交由職員現場烹調，玩到餓餓地緊喺即場食埋d戰利品先走！😝基本煮法🦐薑蔥白灼不另收費，可以最食到蝦嘅原汁原味。又或者可以加$轉其他煮法。✿ 秘制蒜香醬油蝦 $50/斤✿ 流沙黃金蝦 $60/斤蝦肉新鮮彈牙，每隻蝦都幾多肉。😋 蒜香醬油蝦香氣四溢，味道恰到好處，有啲似韓式蒜香醬油雞，唔會太鹹或太甜；流沙黃金蝦煮至金黃色，外層酥脆，同樣咁好味。蝦堡小食✿ 吉列炸蠔 (5隻) 🦪 $50✿ 風味雞軟骨🐔 $50✿ 蝦堡秘製韓式炸雞（限量供應)🐔 $90食完蝦覺得唔夠喉，釣蝦場仲有十多款小食，全部都即點即製夠哂熱辣

第一次玩釣蝦員工服務態度好好，會詳細教你點樣可以易啲釣到蝦不過釣唔到都唔驚！點都會最少比五隻蝦你拎走都可以揀釣完即食㗎另外呢度環境舒適，仲有BGM，好chill～黃金炸蝦外層金黃酥脆，蝦肉肉質鮮嫩，唯獨鹹蛋味太重，不太吃得出鮮蝦味。我地最後試左個唔會犯法，但可能會比人批評嘅食法，就係剝去蝦嘅金黃外皮，直接用蝦肉點鹹蛋黃汁，結果反而更啱我地口味！值得一提係走嘅時候員工都會同我地say goodbye，呢個細微位唔係間間餐廳都做到！我自己就幾欣賞呢個舉動啦

第一次玩釣蝦，個場員工好好，好細心教你點釣。釣唔釣到都要睇運氣。釣完仲可以即場加工整埋俾你食。今次試左醬油蚊同金沙蝦。好玩又好食，下次要再去。試埋其他味道既蝦😋真係釣到架，仲好生猛同都幾大隻。炸燒賣同鵪春蛋黑松露薯條炸雞軟骨韓式炸雞金沙蝦醬油蝦