HABITŪ table (奧海城二期)

营业中

休息中

今日放假約左朋友去the Sky VIVO 睇戲，因為朋友未收工我又無所事事，就自己一個人落左奧海城諗住食個tea 再行下街Shopping 下。日日都要飲咖啡中左咖啡毒嘅我見到HABITŪ Cafe 就二話不說行左入去啦〜因為HABITŪ 有幾間分店，中環灣仔又一城我都去過，質素應該算是有保證吧🤔🤔入到店面，有一位帶眼鏡嘅男店員招呼我坐底同埋比Menu 我，態度幾親切，之後order 都係同一位店員幫我，我order 左一杯Caffe Brulee 同一份 Classic Carbonara.同一位男店員遞上咖啡後亦好細心地同我講左 小心熱，因為面頭嘅焦糖剛burn 過，然後個Carbonara 黎埋就係我惡夢嘅開始啦… 點解係一個好似湯意粉嘅野黎嘅… 我將隻碗打斜小小，係啲白汁稀到可以就咁倒出黎，以我認知嘅Carbonara 啲汁係無可能咁樣 (而且我去果幾次其他分店都係食同一樣嘅野😫) 我嘗試食落口。。嘩，個意粉凍嘅，啲湯汁都係凍嘅，啲汁稀到湯咁亦不出所料係無味嫁啦，我到底食野啲咩呀…我真係未食過咁難食嘅意粉，仲要講緊您哩間野係收得唔平嫁喎，可唔可以比番小小專業態度？俾多啲培訓你

與朋友食下午茶☕️來到 Habitu , 裝修環境感覺不錯， 但途中出現小插曲，就是等位期間，店員沒有按照到來的先後次序去帶位，只是見到人就帶，這一點，是我去過的餐廳以來都從未發生過的。再講下食物，叫左個玫瑰千層蛋糕，口感唔錯，值得一試。之後到卡邦尼意粉， 真心覺得份量好少， 雖然是 tea set, 但份量少到一個點⋯⋯⋯⋯一個女仕的份量相信只是剛剛好。之後再叫左凍飲， 好似叫藍蝶花xxx, 詳細名字都忘記了😂 ，呢杯凍飲價錢就尚算合理， 跟餐$38最後，再加單叫既～ 記得好似係$78， 但完全唔值😑， 因為只係一塊 豬柳蛋漢堡的 包皮， 再加煙肉， 再加隻蛋 ， 就賣$78結論， 呢間餐廳服務一般，食物份量太少， 唔值得再去， 但裝修都唔錯

小牛牛跟小小馬來吃連鎖cafe HABITU菜單封面很漂亮 食物種類選擇很多 也有下午茶蛋糕等等 卡邦尼意粉先來個奶油口味的意粉 奶油搭配上軟硬適中的麵條味道很不錯 慢烤豬勒骨豬排煎得偏乾 很厚實但是口味並沒有特別出色===================值得一提的是我們來店裡時只剩2桌有客人但這份豬排是在第一道意粉來之後過了半個多小時還沒出現詢問服務人員後看起來就是落單了 再讓我們等十幾分鐘才上桌這樣的服務真的是讓人心情不好 再好吃的東西也沒辦法補救 更何況也沒很好吃總結而言 服務太差 食物普通 無下次

同亞囡黎食個early dinner. 6:30 入座，冇咩人，環境寧靜舒適。亞囡要左個All day breakfast, 都係一般全日早餐嘅嘢，小朋友啱食。最特別的是那一小瓶玫瑰果醬，香甜美味，搽上麵包可以連吃兩塊。餐廳另外有瓶裝出售。我就叫左個豬扒，但是水準卻麻麻。豬扒肉質乾兼硬，反而伴菜件南瓜好食過佢。呢個真有點失望。最後，應亞囡要求order 多件玫瑰蛋糕。水準同樣普通，不夠軟滑。總體而言，食物水準配不上價錢。

今日同朋友喺奧海城行完街💁🏻💁🏻💁🏻💁🏻💁🏻💁🏻💁🏻我哋想靜靜哋搵個地方坐低食下野傾下偈🙆🏻🙆🏻🙆🏻🙆🏻🙆🏻🙆🏻見到Habitu好似唔係好多人所以就入咗去食嘢啦😆😆😆😆😆😆我哋兩個人嗌咗pizza同埋一個豬扒但係食物質素有啲失望😣😣😣😣😣😣😣整嘢食整得好普通😞😞😞😞豬扒整得好乾一啲都唔Juicy🧐🧐🧐🧐🧐🧐Pixza都普普通通唔特別仲叫咗個cake 係玫瑰花味玫瑰味有少少假🤷🏻‍♀🤷🏻‍♀🤷🏻‍♀🤷🏻‍♀🤷🏻‍♀🤷🏻‍♀🤷🏻‍♀所以我覺得呢餐都幾貴但係食物質素普通😣😣😣😣😣😣😣

星期五突然之間想食all day breakfast,就嚟咗呢度食啦。之前冇book位，但嚟度都好多位。叫咗一個全日早餐，Benedict ,同埋黑松露薯條。啲食物好快就黎到。食物質素正常，個人特別喜愛全日早餐入邊嘅果醬，味道鮮甜。Benedict 嘅蛋係流心蛋，切嘅時候就要小心啲啦。黑松露薯條入邊除咗有炸薯條仲有炸番薯條，都幾特別，但認為松露薯條嘅松露味道可以在濃郁啲。

奧海城這間Habitu, 雖然唔可以話唔好食.但係是我去過比較差嘅。不知道是不是人手問題。 店員入座時，已經話畀我哋聽每樣食物要等30至45分鐘。我哋覺得唔趕時間所以都冇乜問題。但食物明顯地係煮完之後冇即時送餐， 熱食送來時只是微暖。蕃茄肉腸闊面， 少少辣焗雞翼， 菠菜雞肉墨西哥薄餅。 呢三樣嘢食嚟到都只係微暖。巴黎玫瑰千層蛋糕， 不太新鮮，蛋糕很乾，班戟皮很易散開 ， 和其他分店不太相同 。金寶焗蘋果配雪糕， 焗蘋果本身味道不錯 ，只是太多朱古力醬， 如果朱古力醬可以另上會比較理想。

平日晚上嘅奧海城人流唔多，HABITU喺商場G樓正中心位置，座位好坐，環境舒適，好啱想搵個地方食野同靜靜地傾下計嘅人。今晚晚餐就點左全日早餐，呢度嘅All Day Breakfast同坊間一般嘅都差唔多，值得一提嘅係佢自家製嘅玫瑰果醬，甜度適中，好香好好味！另外叫左炸魚薯條，有2件厚厚嘅炸魚，魚肉好滑，個皮好薄好脆，仲一啲都唔油。最後叫左個雜莓班戟，呢個係我嘅重點推介！雜莓配上奇亞籽，蜜糖，乳酪，鋪喺新鮮整嘅班戟上面，好。好。食。而且個配搭感覺上比一般嘅忌廉班戟健康，成為下次嚟食必點嘅甜品

奧海城的Habitu向來食物質素也不錯，沙律、意粉、pizza樣樣都達到水準之上。今次因有空檔時間，便試試他們的tea set，選擇多，價錢又合理，由於客人不是太多，坐得舒適又寧靜，坐上一個鐘以上也不怕有負擔，真是正合我心意。我點了一件特濃朱古力蛋糕加咖啡，一上檯便聞到兩者的香味。蛋糕質感厚實，朱古力味濃郁而不帶苦澀，薄薄的餅底鬆脆香口，配上一杯香醇而不苦澀的咖啡真的是上佳選擇。可以忙裡偷閒而又享受到不錯的食物，讚👍🏼

上次經過奧海城，肚餓，見到呢度又有意粉又蛋糕又有d玫瑰襯托下就諗住試下，點知甘岩坐到個冷氣位，凍死了叫左薯條啊 天使面啊 仲有呢杯玫瑰特飲，野食方面都ok嘅 不過不失，但呢杯玫瑰特飲就無揀錯，真係幾好飲，一飲就喜歡上了

This place is usually quite empty compared to its nearby competitors. I can tell you the reason: The price point is wrong.Today I got a full breakfast and latte. It cost HKD 210.The breakfast was not bad, but it's not huge and it's not spectacular. Small portion of beans, two small sausages, two small rashers, some scrambled eggs, two little tomatoes, and a half slice of toast. The latte is normal size - it's not a large.This is not worth HKD 210.  Especially when you consider this is basically

第一次幫襯這間集團式的咖啡店，心想同S品牌和P品牌的鋪頭一樣。但想不到他的品質的確是高了其他品牌一級。Caffè Muscovado Ginger，這杯咖啡給我的感覺有三個層次，純白滑滑的忌廉和綿密的奶泡，中間是香濃的咖啡層，底層是溫和的薑味。我首先品嚐了每一層的味道，的確是做得非常之出色。忌廉的奶泡打得非常之細滑和綿密，入口的感覺非常舒服。咖啡的味道非常香濃，薑味亦不會太搶和辣。這杯咖啡做得非常出色。Caffè Brulee，這杯咖啡第一眼望上去有黃金咖啡的感覺。因為這杯面層鋪上了焦脆的黃糖，再加上兩粒咖啡豆的點綴，看上來更加有美感。飲起杯咖啡有香濃綿滑的感覺。在品嚐咖啡的同時你要將糖面整碎才能融入咖啡內，確實有其特色。熱情果芒果蛋糕，給我的味蕾有衝擊的感覺。因為配上熱情果的關係，蛋糕並不衹是甜的味道。熱情果的酸味和芒果及忌廉的甜味形成強烈的對比。如果不喜歡酸味的感覺就不要嘗試這款蛋糕。但我非常享受這款蛋糕的味道，誠意推薦。雜莓配蛋白糖霜的甜品也不錯，如果可以改善的話，將酸甜的味覺提昇，中和蛋白糖霜餅的甜味。這樣可以形成味蕾的強烈對比感覺。

是日係跳舞同學幫我攪既生日gathering由於場面太混亂啦 (又share 野食，又玩，又影相)，影既相只有3張咁大把味度同份量OK既，如果大食既朋友我覺得唔飽咯，計落有點貴，咖啡黎講不過不失，連所店黎講即係幾唔錯下All breakfast 個玫瑰花果醬我本人好喜歡，香得黎帶少少酸似加落洛神花牛油果多士加少少青檸汁，真係好fresh同健康呀！隻春雞都唔錯有肉汁，D肉幾滑下

星期六行完山，黎到奧海城諗住同朋友休息下，見到環境幾好就坐低左自己好鍾意食scone 見tea meun有就叫左，諗住無死，點知一食就火都黎 — scone set 有一半既靈魂在於 clotted cream, 而呢間餐廳夠膽用whipped cream serve 仲要通知都無 😡 問侍應佢仲好理所當然話 “係呀有時餐廳clotted cream 無貨我地會用whipped cream “呢間餐廳既經理同廚師係咪無自己試過？點解咁都可以拎比客？呢碟野仲要收78 加一，whipped cream 邊值呢個價呀大佬😑

第一次試banana soymilk yougurt smoothie ! 好好味！燕麥片好好咬口，令成杯野加分。最近改了新menu, 第一次試煙肉三菌pizza,有驚喜，芝士味好濃，菇味好香👍🏻👍🏻最推薦係佢地既cake, 玫瑰士多啤梨芝士蛋糕，芝士味夠，花香味令蛋糕冇咁甜。