Gyutan Toku牛舌專門店

营业中

休息中

上次品嚐完呢間牛舌專門店念念不忘再次去試一試晚市6點左右已幾乎滿座性價比高主打一系列牛舌👍✅所有定食set包含茶碗蒸、小鉢、漬物和麵豉湯米飯❣️極上牛舌定食(1倍)招牌厚切牛舌設有不同份量選擇，分為3個份量(1倍、1.5倍和2倍)，牛舌芯切成長條，烤至外層焦香滴上少許檸檬汁，再沾上芥辣，肉質嫩滑可口每一啖都倍增牛舌口感～加$10可轉日式烏冬❣️紅酒汁牛舌定食牛舌大大舊，一碗已經有五六塊，好足料😍以紅酒汁炆至軟腍入味，醬汁非常濃郁，送飯一流❣️唐揚炸雞一直都唔知唐揚係咩意思🤷‍♀️原來係將雞肉醃製調味後沾上麵粉混合而成的粉糊，再去油炸，熱辣辣好惹味，外脆內嫩～沾上沙律醬可以減低油膩感❣️土佐豆腐呢款小食係和食的傳統菜餚，以豆腐作為食材，油炸後舖上柴魚絲，看似簡單但味道相當吸引～滑嫩的炸豆腐，外皮酥脆，香濃美味，十分推薦

人氣牛舌專門店 🫶🏻 餐廳為居酒屋 係區內人氣小店 主打牛舌定食 平日晚市6:30已經滿座😶‍🌫️ 所有定食set都包括茶碗蒸、小鉢、漬物、面豉湯 好豐富！====᪥ 極上牛舌定食 $178燒牛舌定食都可以選擇1倍/1.5倍/2倍牛舌嘅份量 豐儉由人～ 1倍就有5切左右 牛舌芯烤至外焦內嫩 配上少少海鹽同檸檬汁食已經好正🤤 ᪥ 紅酒汁牛舌定食 $98呢個係感謝祭優惠🧏🏻‍♀️ 可以全日使用 牛舌尖以紅酒汁炖製 肉質軟腍 個汁好好送飯🤣᪥ 吉烈蠔 $58炸蠔一共四隻 脆衣非常酥脆可口😋᪥ 雞肉棒軟骨串 $38/1pc一定要加粒日本生蛋$10蘸黎食！雞肉棒本身醬汁甜甜地 口感豐富入面都係軟骨粒粒～᪥ 生啤 $48᪥ 日本綠茶 $18

居酒屋の幸福時光 @ Gyutan Toku牛舌專門店 �🍱 今次帶大家嚟到土瓜灣嘅隱世居酒屋——Gyutan Toku牛舌專門店！呢度嘅食物質素高，環境舒服，絕對係同朋友聚餐或者一個人享受美食嘅好地方！每一道菜都充滿心思，即刻同大家分享今次嘅美食體驗！✨ 🐂 極上牛舌定食 一倍牛舌控必試！👑 呢度嘅牛舌厚切得嚟又夠嫩，燒得外脆內軟，咬落去仲有滿滿嘅肉汁爆出嚟，真係令人驚艷！定食仲配咗白飯、味噌湯同埋小菜，份量十足，食完超滿足！牛舌嘅炭火香氣同埋調味恰到好處，絕對係招牌之作！🔥 🍖 吉列豬扒定食吉列豬扒炸得金黃酥脆，外皮超級脆口，但入面嘅豬肉依然保持住嫩滑多汁！🐖 每一啖都充滿住肉香，配埋特製嘅醬汁同埋椰菜絲，完全唔會覺得膩！定食嘅配搭好豐富，絕對係CP值超高嘅選擇！💛 🥢 士佐豆腐呢道士佐豆腐真係清新之選！🍮 豆腐口感滑溜溜，豆香濃郁，配上簡單嘅醬油同蔥花，已經足夠帶出食材本身嘅鮮味！食完油膩嘅主菜之後，嚟一啖豆腐，瞬間覺得清爽晒！🌿 —🐟 燒鱈魚乾 燒鱈魚乾係居酒屋嘅經典小食！🔥 魚乾燒得香脆可口，帶有淡淡嘅甜味同埋魚嘅鮮味，咬落去仲有少少煙韌嘅口感，真係好適合配酒或者當小食慢慢嘆

作為一名熱愛探索美食的肥仔，這次再來到這家隱藏在街角的日式餐廳，完全被它的料理驚艷到了！首先encore的是「極上牛舌定食」，牛舌厚切得恰到好處，烤製得外層微焦，油吱吱嘅焦香，內裡卻保持著粉紅柔嫩多汁的口感，除咗搭配特製的醬汁，仲可以點wasabi豉油，每一口都是濃郁的肉香與油香的完美結合，簡直是牛舌愛好者的天堂！接著是「滑蛋牛舌飯」，滑嫩的蛋液包裹著彈牙的牛舌，米飯吸收了蛋香與牛油的精華，口感層次豐富，讓人忍不住一口接一口。乾濕牛舌嘅衝擊，證明我再來是對的！定食有湯同茶碗蒸，好滑好足料。仲有個小食「吉列蝦」，更是驚喜，外皮酥脆，不太厚，不油膩，蝦肉鮮甜彈牙，蘸上撒滿七味粉嘅沙律醬，簡直是味蕾的極致享受。差啲忘記「清酒煮蜆」，蜆肉飽滿鮮美，粒粒都肥嘟嘟，清酒的香氣與蜆的鮮甜完美融合，湯汁清爽卻不失深度，喝下去整個人都暖了起來。這家餐廳不僅食材新鮮，料理手法更是細膩，絕對是值得一訪再訪的小餐廳！

好同事約我晚飯，佢帶我《Gyutan Toku牛舌專門》，食店日式風格，坐滿食客。我們點左極上牛舌套餐：配有茶碗蒸、沙律菜、漬物、麵豉湯，厚切牛舌芯有五塊，色澤鮮紅，口感軟腍有油香味，配鮮檸檬可搾汁以減油膩感。茶碗蒸：蛋很嫩滑，有冬菇、蟹柳、鳴門卷，很美味😋米飯：有飯素。滑蛋牛舌丼套餐：牛舌口感嫩滑彈牙，「蘭王」生蛋放飯中央賣相超靚，配洋蔥絲撈飯口感又香又滑。配茶碗蒸、麵豉湯、沙律菜、漬物，很豐富。唐揚炸雞：雞肉嫩滑，鬆脆美味😋炸雞軟骨：鬆脆香口。飲品：生啤 &汽水

自費呢間位於土瓜灣專食牛肉嘅好嘅牛肉真係好出名雜誌都已經有推介過我哋嗌咗兩個零食都係黃牛嘅同埋仲食咗佢嘅炸雞我覺得價錢尚算合理唔會話好貴唔會話好平絕對值得舒服價錢去食同埋呢一間地鐵站嘅，所以都好方便就已經行得到服務質素都幾高好食都叫多，所以我都唔會有任何嘅批評不過可以嘅話就想去啲選擇多啲可以揀多啲，下次再食嘅話就會悶啦不過我都冇滿意呢間如果有得再去食嘅話我都好鍾意食佢嘅和牛都係好鮮艷好鹹亦都唔會好

隱藏係學校附近的#居酒屋 位置都超方便 🤤 黎呢到食😍就絕對吾好錯過佢既牛舌定食 👍 大推🔹極上牛舌定食（1倍） ➡️仲有其他倍數選擇（姐係份量）👍 熟度剛剛好 ， 超級 爽口 🎊紅酒汁牛舌定食🫶 紅酒汁 超入味+ 好好餸飯食 👍好開胃 ， 牛舌 軟熟🔍以上 定食會附上麵豉湯、茶碗蒸、沙律和漬物🔹土佐豆腐 👍👍外脆內軟🔹和風番茄沙律👍👍超級鮮甜🔹雞肉棒軟胃串🔹日本生雞蛋🍻生啤😍 點少得叫生啤去啤一啤

店鋪細小比較狹窄，只有二十個位左右，閒日夜晚到訪，幸運地坐到最後一張吉檯，不過其實流動率都高既🤭▪️極上牛舌定食 （8/10）💲238（1.5倍 7-8切）厚切既牛舌芯片，面頭帶點焦香，色澤唔算好粉，但係咬落爽彈，完全唔會話韌，本身已經加左鹽好夠味，可以根據個人喜好加檸檬汁、豉油或者Wasabi😳定食亦幾豐富，白飯灑上少少飯素，滑身茶碗蒸加左鳴門卷、蟹柳、冬菇，仲有泡菜、沙律菜、麵豉湯，飽到上心口🥣▪️紅酒汁煮牛舌定食 （7.5/10）💲98呢款做緊優惠，牛舌份量都唔少，煮得比較軟嫩，有啲似炆牛腩咁，紅酒汁濃稠，唯獨單食略鹹，要撈多啲飯送🤏🏻🔎 整體評分（8/10）

嚟呢到食飯🍚🥢一個字要夠早🥡妳1830到都開始要排隊😆😆而加同朱豬🐷食飯 佢已經自己可以處理到成個套餐真系大個囡了🩷喜歡吃牛舌🐮👅的妳一定要試😋😋極上牛舌採用牛舌芯💕牛舌特別肥厚鮮美💡牛舌呈現焦糖色澤有油脂感✅最具厚度的中心部位 ✅調味及火候🔥均相當講究🍱一個定食有齊前菜🍥沙律🥗漬物🫕味噌湯 雞肉軟骨棒🍢雞肉軟骨棒外脆內嫩口感獨特咀嚼有彈性搭配燒汁絕配😍🐽吉列豬扒🤲🏻朱豬必點 佢自己一個可以食晒成份套餐外酥內嫩金黃色脆皮咬落非常滿足😌🥰都系嗰句要食一完要18:30前到🤣🤣🤣如果唔係就開始要排隊😗😛

呢間位於土瓜灣嘅日式牛舌餐廳，雖然唔算好大間，但勝在環境乾淨舒服，裝修帶啲和風味道，坐低之後感覺幾放鬆。餐廳主打牛舌料理，所以吸引咗唔少牛舌愛好者專程過嚟試吓。🥳**極尚牛舌定食**牛舌切得厚薄適中，燒得剛剛好，外皮微焦，內裡嫩滑多汁，咬落去有種彈牙嘅感覺，真係好正！配埋個白飯同埋味噌湯，簡直係完美組合。🐮**牛舌京蔥燒定食**牛舌同京蔥一齊燒，蔥香四溢，牛舌嘅鮮味更加突出，食落去好有層次感，真係令人回味無窮。☺️**土佐豆腐**豆腐外皮炸得金黃酥脆，內裡依然保持嫩滑，配上特製嘅醬汁，味道清新又唔會太膩，係一個好好嘅開胃小食。😋**和風蕃茄沙律**呢個沙律就更加清爽，蕃茄新鮮多汁，配上和風醬汁，酸酸甜甜，食落去好開胃，同牛舌嘅濃郁味道形成鮮明對比，平衡得好好。🍅最後當然唔少得日式生啤啦！冰凍嘅生啤入口清爽，泡沫豐富，飲落去好順喉，同牛舌嘅濃郁味道好夾，真係食到好滿足！🍻Gyutan Toku牛舌專門店 (土瓜灣)土瓜灣天光道44號天光大樓地舖

聽同事講位於土瓜灣天光道44號天光大樓地下有間專食牛舌嘅日式牛舌專門店 Gyutan Tuko 成日有人排長龍，今晚終於有時間帶埋妹妹一齊來試下😋入到店內好有氣氛，感覺好似去了日本的居酒屋一樣！我同妹妹都係牛魔王🐮話明係牛舌專家，一定要食佢出名招牌：極上牛舌定食🐮👅佢定食好豐富，有主食牛舌之外，仲有沙律，麵豉湯同埋一個燉蛋！我同妹妹食第一啖牛舌，我哋同時都雙眼發光望絕對方 "hmm" 一聲，真係好好味！好多人都好怕牛騷味，同好怕食脷，但係佢嘅牛舌真係一啲都唔騷，仲要好好味，咬落去好鬆軟一啲都唔硬，但係又爽口好趙口，仲要大大啖肉😋真心推介，怕食牛的朋友真係要試下，包你唔會後悔👍👍然後叫左一個泡菜牛舌定食怕辣嘅朋友都食得，因為佢嘅泡菜一啲都唔辣，而呢個係薄切牛舌，口感好軟熟，好有特色😋兩個定食邊夠食呀！所以我哋再叫咗兩個小食： 佢嘅炸雞軟骨一啲都唔貴唔單止有骨，仲有肉㗎，而且炸得好鬆脆！好大兜，食極都食唔完😂而明太子雞翼就好正👍雞翼裏面包住雞肉同明太子，少少辣辣地，好惹味😋冇諗到喺土瓜灣搵到呢間咁好味嘅牛舌專家，佢哋用心製作，性價比高，難怪見到好多人喺出面排長龍👍👍

以牛舌為主打，最近仲做緊感謝祭，七點已經要開始排隊極上牛舌套餐基本上每枱必叫，口感偏爽口，入口油花豐富，好彩有wasabi中和返，所以一倍份量(5切) 一個人已經好夠食不過自己反而鐘意限定滑蛋牛舌丼多啲，以親子丼為基底，再額外配多隻「蘭王」生蛋撈飯，牛舌芯口感嫩滑彈牙，食落仲冇咁膩另外試左兩款小食，特別推薦清酒煮硯，大大隻粒粒飽滿，目測有十隻以上*極上牛舌套餐 $178*滑蛋牛舌丼 $168*炸蝦(加配) $20*清酒煮硯 $78*梅酒 $58*生啤 $48

今日我哋一行8人入去問4大4小有冇位，有位員工就話無要出去等，但係我見到有兩張4人枱於是就問分開坐得唔得？但係有個肥肥地嘅員工同另外一個傾咗一陣間先好似極度唔願意咁俾我哋坐低，如果唔係小朋友話肚餓，我會即刻走，嗰個肥員工皺晒眉燶口燶面喺bar枱望過嚟，如果無小朋友，我直情會鬧嗰個肥女人，食餐飯要睇佢面色，好似恩賜先俾我哋坐低咁，我唔需要咩服務，但未至於貼錢買難受，黑口黑面咁嘅態度，仲不停話另一個員工，好似係怪責佢俾我哋人去 ，又或者驚小朋友唔會叫餐，我哋叫咗7個餐+一個小食，埋單+1後$876😡😡😡😡😡😡永遠都唔會有下次

男朋友知我鍾意食牛舌，話一定要帶我黎土瓜灣呢間牛舌專門店😋鋪頭細細，午市時段好快已經滿座！叫咗兩款牛舌，個人認為極上牛舌拍得住我喺日本仙台食嘅質素，而我地就好鍾意炆到好淋嘅紅酒汁煮牛舌🤩🍽️極上牛舌定食 ($178)🍽️紅酒汁煮牛舌定食 ($108)🍲所有定食set包茶碗蒸、小鉢、漬物、面豉湯，飯可免費轉沙律🐻comment:極上牛舌有5大塊牛舌，每塊都好厚切，彈牙容易入口，完全唔韌！仲可以搭配wasabi/豉油，非常滿足🥰紅酒汁煮牛舌炆到好淋，裡面都有6-7舊牛舌，而且醬汁非常濃郁，撈飯一流👍🏻極度牛舌相對會乾身少少，呢款就完全唔會，超好味😋套餐仲有茶碗蒸，裡面有蟹柳同魚板，蛋蒸到好滑，而且值得一讚嘅係唔鹹，空口食都得😛再食埋一碗沙律菜、麵豉湯，真係大滿足！推薦！

呢間牛舌餐廳想食咗好耐，每次經過都人頭湧湧，大排長龍。今日扚起心肝要食到！6:00一開門就去到。今次嗌咗兩款定食，兩款食物及可樂。每套定食有小鉢、漬物、麵豉湯、主菜及菜碗蒸，好豐富。🩵日式鰻魚定食 $138鰻魚100分，超級好食！鰻魚外層焦香，魚肉厚身嫩滑多汁，口感滑膩，搭配上鰻魚醬汁，增添了甜咸風味。配搭飽滿嘅米飯，撈埋一齊食，一口接一口，充滿幸福感🥰🩵滑蛋牛舌丼(季節限定) $168使用極上牛舌芯部位切粒，燒到焦香。牛舌爽滑，有咬口，富有香濃牛油味。滑蛋嫩滑流心，蛋香濃郁，洋蔥新鮮香甜，灑上紫菜碎。正中間放上蛋黃 ，一齊撈飯，一流！🩵吉列蠔 四件 $58外層用麵包屑包裹住炸蠔，經過油炸後，外皮酥脆，而裏面嘅蠔肉則保持了鮮嫩多汁，帶有鮮味。香脆可口，搭配沙律醬，好滋味。🩵牛舌關東煮 $88牛舌關東煮好有日本風味，食材有牛舌，竹輪，大根，福袋年糕，黑薯糕，魚餅及雞蛋，湯底清甜，帶有牛舌肉汁甜味。牛舌以慢煮，煮到鬆化柔嫩，帶有濃郁嘅肉香。大根清甜，吸收晒湯汁味道。福袋年糕大大個，拉絲煙靭。食落暖笠笠，令人滿足🥰