Greyhound Café (又一城)

营业中

休息中

週六晚上來又一城過週年紀念，夏天想食得清淡啲，就揀左呢間小灰狗。餐廳在Festival Walk頂樓，少左很多行街的人。環境比較安靜，裝修是中意的灰黑色。原本想坐裡面有蠟燭的座位，但Waiter話全部被book左。都係開Open rice看看有咩裡推薦菜色：第一個就係這個雞翼了，小小只，入口香香脆脆。不過味道沒什麼特別。喝的係檸檬茶同一個好似枇杷口味既果汁🍹，都OK。第二個係Pizza，都係脆脆既，裡面有加Cheese。最後一個真係有菠蘿既菠蘿炒飯，不過除左菠蘿同3只蝦就冇其他咯，第一次食糯米既炒飯。飯後甜點當然有椰子千層蛋糕，哈哈 但太好食，唔記得影相。呢個真心推薦！講一個小插曲，最後埋單時候，男朋友看收據，小灰狗收多了一道菜既價格。問waiter話佢哋自己計錯數，所以大家以後埋完單都記得睇下先行出餐廳呀

在九龍塘又一城下午茶，我常常推介Greyhound Cafe!因為佢嘅下午茶set係幾好！今次選了泰式🐷肉丸湯河+咖啡和Chocolate Banana Crepe Cake+iced lemon tea! 湯河的河並不是一條條，而是一塊塊，比較有口感！個chocolate banana crepe cake都幾好味配以用lemon tea整的冰塊的iced lemon tea,飲到最後都冇變淡,唔會變哂水！Yummy!

平日去左同朋友食下午茶，行街行得攰，所以就想食下tea，見到e度個tea menu幾多選擇，而且唔貴，就入左去。環境幾舒適，樓底高，感覺好開揚，而且枱同枱之間有足夠空間，唔會覺得會同隔離痴好埋。叫左個朱古力蛋糕set，$68有埋野飲，叫左凍奶茶。件cake比想像中大件，食下午茶絕對夠曬，蛋糕上有一層超濃既朱古力醬，舖到好滑，好似鏡面咁好靚，裡面既蛋糕都好有朱古力味，不過覺得可以再鬆軟d。奶茶幾大杯，好多奶，我比較鍾意重茶味d既奶茶，好唔好飲就見仁見智啦。服務態度良好，上菜速度快，而且坐係到傾左好耐都唔會趕人走，性價比高。

朋友突然約食飯 想方便朋友近近地 就試下係又一城分店既泰國野🤓出奇地竟然不用排隊 係唔好食定係因為名氣已過 冇左熱潮呢 唔理3721啦 見唔洗排隊就入左去先講🙆🏻‍♀️入到去坐底 感覺空間感幾大 坐得幾舒服😌朋友好喜歡薯條 所以一定要叫的 不過不失咁啦 可以不叫 迷你漢堡包加薯條 牛肉肉質是不錯的 4人分都夠食👏🏻朋友中有一個是十分喜歡雞翼的 點了一個單骨雞翼 味道不錯 很入味 很適合咀細的人啊 少少的 咬感好 炸蟹餅 這個是重點 超級超級好味啊 很香口 整體來說好吃的 但價錢有點貴啊

今日公司下晝有堂要上我哋幾個同事一齊係上堂附近食個午餐先諗黎諗去都唔知食咩好有個食神同事話揀呢間呢間我聽過亦都係泰國食過真係超級好味所以我和議但黎到見到個餐牌冇諗過食個晏要$138起錶😱我就叫咗蝦嘅炒金邊粉不過佢呢個餐就包左可以揀沙律或湯另外仲包左一杯野飲我覺得泰式奶茶都幾好味佢個湯呢就將啲粟米蓉打爛晒，飲落去成口都有粒粒👍🏻👍🏻不過個炒金邊粉就普通啦呢個價錢唔可能難食囉另外仲可以半價價錢買小食個炸蝦同魚丸都幾好味😋不過老實講都係泰國好食好多

圖片與食物可以好唔同....食物質素極一般...份量又少... 蝦餅魚餅$98 份... 估唔到原來係將1 件蝦餅魚餅砌粒上...Carbonara$128... 極快送到... 但以為自己點左湯意粉...

兩大一小黎午餐， 叫了兩碗牛丸麵及海南雞飯， 吹了兩次， 麵來了， 飯仍未來。 前後等了半小時，吹了第三次後， 有位打呔的服務員走過來就要多等5分鐘。 我們已問， 海南雞不是已經早已弄好好菜式， 只需要加飯便可？對方說： 「雞斬要斬架」我們呆了， 已用了30分鐘了， 還要等斬？ 不如直接說你們漏了單吧⋯對方說：「 是呀， 我們其實漏了單」這就走開。 1秒後便火速送了上來。 我們覺得對話及服務實在要改善， 那我們要求要「顧客意見書」， 那個服務員點頭表示明白，隨後給我一張卡片， 我們問這是什麼意思？ 對方說：「 不是說要卡片嗎？ 」「 我們無咩意見書， 要就打俾經理吧⋯」我不會再來！

一直都想試呢間泰式fusion野，終於一試，但好失望，先來沙律大大條牛油菜，好明顯hea搣兩下整切都廢事切，食到成隻牛咁賣相好差，然後到主菜蟹肉炒飯，叫做比較好，炒得乾身，多蟹肉，有魚露同青檸好醒胃，另外朋友點既牛扒加左幾十蚊，但個樣成塊膠咁見都唔想食，可惜無影相，加錢點左單骨雞翼，炸到乾哂做一陣雪味甜品點了士多啤梨蛋糕，雪左好耐咁款成件都乾爭爭咁，但佢個signture cake椰子蛋糕的確好食，好多椰子肉，但總體黎講性價比低，同令我失望

👉🏻Minced Pork with Sweet Basil and Hot Chillies💲128Served with fried egg, rice and clear soup香草辣椒炒豬肉碎配飯賣相零分🤡望落好乾食落都好乾 如果唔係隻蛋有啲蛋漿個飯真係乾到爆 仲要個湯唔知發生咩事係鹹到飲唔到 唔係講笑真係鹹到以為自己食咗羹鹽🌚〰️〰️〰️〰️〰️〰️〰️〰️〰️〰️👉🏻Spaghetti Vongole💲138Topped with basil leaves and Italian anchovy香草蜆肉意大利麵🍝好普通仲要意粉又係好乾又有啲硬🌚〰️〰️〰️〰️〰️〰️〰️〰️〰️〰️👉🏻Phad Thai with Fresh Prawns💲128Fried Thai rice noodles with tamarind sauce and fresh prawns served crushed peanut and chili powder鮮蝦炒金邊粉呢個叫係好食少少 但我諗去九龍城求其一間都好食過佢〰️〰️〰️〰️〰️〰️〰️〰️〰️〰️👉🏻Fried chicken🐔好普通 雞都滑嘅 個汁幾特別〰️〰️〰️〰️〰️〰️〰️〰️〰️〰️想食好耐

每年都會去幾次Greyhound Cafe度同朋友一齊飲飲食食，傾下計，聚下舊。今次我地又去咗九龍塘嗰間食dinner。嗰menu好似唔同咗，因為有D以前食過，覺得好食嘅dish竟然揾唔返。今次我地叫咗炸蟹餅、帶子闊條麵、炸雞、蟹肉春卷、菠蘿炒飯、同埋凍咖啡。凍咖啡好香，一如以往嘅好味，所以每次都會飲。 菠蘿炒飯: 喺menu度幅圖好吸引，但係嚟到之後，覺得好削，有少量海鮮、腰果、然後有4片菠蘿喺上面，味道普通，完。炸雞: 真係炸得好勁，雞肉唔juicy，味道唔出眾，除咗覺得好熱氣之外，再無其他形容詞，又完。炸蟹餅: 次次都會叫，因為一向都覺得幾好食，但今次覺得偷工減料咗，塊嘢薄咗，粟米少咗，口感差咗，講完。蟹肉春卷: 食唔到蟹肉/蟹味，普普通通，又講完。帶子闊條麵: 係全晚最好食嘅，保持到水準，醬汁夠多夠濃，好味。總結: 水準大不如前，而且有D本來好好味嘅小食例如炸三文魚、牛柳粒……亦無咗，應該有排都唔會再幫襯。

Greyhound我去過兩個location，今次去又一城分店，我鍾意哩到有陽光可以照射到餐廳內，但如果天氣熱，就感覺置身室外！喺聖誕節期間下午無set lunch, 我叫咗個ham & cheese sandwiches配薯條，感覺很開心😃！另外加杯lime soda 下午立即充滿力量

Everything looks good on the menu, lots of options, but actual food when served is nothing special.I ordered the squid ink pasta that other open rice users recommended - texture of the pasta was too hard (al dente). Taste was ok. Also ordered the chicken satay skewers - just ok. Not much flavor, chicken was kind of tough.Also ordered the beef ball with pork meat noodle soup. Broth and meat no flavour.Maybe the dessert is better here but haven’t tried.

在沙田新城市廣場的負二層。從地鐵進入，大堂直過，來到扶梯“集中地”，選擇下一層。然後轉左，來到city super附近的扶梯，再下。左邊就是了。據說在泰國有總店。一向難以分清泰國，越南，東南亞口味的實際區別。基本都混在一起。炸的，咖哩的，燒烤的，沙拉，忌廉湯，春捲小吃也不少，飯類，湯粉類。不過，價錢不菲。沙拉基本八十以上，肉類不同，價錢去到一百多！看見一款salacca的飲料，蛇皮果，平時自己不敢弄，這裡喝一喝，酸酸的，甜甜，的確類似蘋果，長了見識！

There are many choices in Greyhound, which there are quite a lot are my favorite.This time I have ordered a spaghetti with olives and bacon, this seems to be a very simple dish, yet I think it's always the simple dish that you can really test the skills of the chef. The crispy bacon and a mild saltiness from the olives balance the overall flavour of the spaghetti, which is cooked Al dente. There is one more reason that I have to fall in love with greyhound again.

飯後甜品🍮好耐冇食過greyhound甜品 佢既千層蛋糕一向係我心目中頭幾位 佢既cream香滑之餘，果肉亦都多 比起一般嘅千層蛋糕 食起上嚟口感濕滑 香濃 係一種享受椰子係我每次必點嘅口味！過一陣淡淡的椰子香氣 冇artificial的假甜 清甜怡人 仲有一啖啖椰子肉😋另外仲甜左一個芒果味同朋友分享 芒果口味冇刻意用糖水調較甜度 味道真實 個酸酸甜甜的味道好滋味 由於佢表面亦都會臨上一層芒果醬 呢個蛋糕冇椰子口味咁實淨 更像一個mousse cake 相比之下我認為椰子口味還是更勝一籌😆